بسم الله الرحمن الرحيم
.
.
الشعــراء والجن ..
.
.
إنتظرت طويلاً حتى أصبح مشرفة في منتدى يعج بالشعراء كي أسألهم هذا السؤال !
.
.
مارأيكم نتكلم بالفصحى أم نخربها :D
.
.
يحكي الأعشى حكاية له وهو مسافر الى أرض (حضرموت )..
المعروف عن الأعشى أنه لا يسافر إلا بالليل لإنه أعشى ..!
.
.
يقول كنت أمشي أنا وراحلتي في ظلام دامس تعرفون وش يعني دامس !قام ضاع الرجال لإنه مايدل طريق اليمن بل كانت أول مره يسافر فيها لليمن ..! تعتقدون الطريق كان رايح جاي بتقولون وش ذا الذكا بقول لكم طيب تعتقدون الطريق كان مسفلت :D
.
.
يقول الأعشى وكانت الدنيا تمطر ومن بعيد نصيت خيمة وحيده في وسط الصحراء قمت قلت خل أرتاح شوي وبعدين أكمل ـ ياعيني عليهم من أول بلى حجز فنادق بلى هم !
.
.
راح الأعشى الخيمة ودق الباب ـ أي باب هي خيمة مفتوحه ..!
يقول وإذا برجل عجوز شايب متكي على مركا أحمر قال لي لبق ناقتك في المواقف الي فيذا وأنت أقلط ..!
قلط شاعرنا الأعشى قام الشايب قعد يحقق عاد تعرفون الشيبان عاداتهم ومايخلونها ياحليلهم ..قال الرجل ذو اللحية البيضاء يسأل : أنت مين ؟ ووين تبي ؟
.
.
قلت : أنا الأعشى وأقصد معد يكرب ..
.
.
قام الشايب يلمس لحيته البيضاء وقال آآه أظن إنك قلت فيه أبيات مدح هاه ولا ؟مدري بس هنا حسيت إن هالشايب ناوي على نية :S_45:
.
.
لو أنا كان قلت وأنت وش يدريك ؟ بس هذاك الأعشى يالبى قلبه و قلبه قوي ماشاء الله عليه ولا وش مسفره بالحاله .. قال له أيه قلت فيه أبيات طال عمرك ..
قال الشايب : جبها ..عطنى إياها ..
قال الأعشى يوم قلت مطلعها:
رَحَلَت سُمَيَّةُ غُدوَةً أَجــمالَها
غَضبى عَلَيكَ فَما تَقولُ بَدا لَها
.
.
قال الشايب :يــــؤ متأكد إن هالقصيدة لك ؟
.
.
عصب الأعشى وقال : إيه والله إنها لي نكذب عليك حنا...!
.
.
قال الشايب : طيب يالفطين من هـــي سمية ؟
.
.
توهق الأعشى وقال : ما أعرفها ولا لي علاقة فيها خير شر بس كذا أسم جا على بالي وتخيلت وحده وسميتها مثل مايتخيل أي شاعر أي إمرأة ;)
.
.
قام الشايب ينادي بأعلى صوته ياسميه ...ياسميه تعالي ..أخرجي دورك ؟؟؟
.
.
وقالت البنت أقصد سميه : وش تبي يبه ؟
.
.
قال : أنشدي عمك قصديتي الي مدحت فيها قيس بن معد يكرب وحطيت إسمك ياسميه يابنيتي بأولها ..
قامت البنت وقالت القصيده كامله نفس قصيدة الأعشى مانقصت حرف ..
.
.
والأعشى عادي كول محافظ على أعصابه الى الآن :frown:
.
.
قام الشايب يناظر في الأعشى وكأنه يقول والله لوريك شي(ن) مابعد شفته ..والأعشى ساكت مايدري وش يقول ..
.
.
قال الشايب : روحي ياسميه الحين إنصرفي خل أتفاهم مع الرجال ...

وعم الصمت المكان حتى تكلم الشايب قائلاً :طيب ماقلت شي غير هذي القصيده الي متشارك معي فيها ..
.
.
قال الأعشى : إلا قلت قصايد كثير خذ هذي مثلاً كان بيني وبين ولد عمي هواش وخصام يعني مثل مايصير بين عيال العم شي (ن) مايندرى وش هو قام ولد عمي من زين لطبايع هجاني ..وأنا الأعشى ! قمت هجوته وعلمته شغله وأكيد أفحمته ..
قال : ولا هجوته.....هاه طيب وش قلتَ فيه؟
قال خوينا الأعشى قلتُ:
وَدِّع هُرَيرَةَ إِنَّ الرَكبَ مُرتَحِلُ
وَهَل تُطيقُ وَداعًا أَيُّها الرَجُلُ!
.
.
يقول الأعشى قاطعني الرجال قال بس بس من هي هريرة ؟
قال الأعشى : والله ماأدري ..مثلها مثل أختها سميه ..؟
قال الشايب : هاه ولا تدري إنها أختها ..وقام ينادي ياهريرة ..تعالي أقلطي يابنت !
قولي لعمك قصيدتي هذيك الي أدبت فيها يزيد بن مسهروسكتته!
.
.
قامت البنت وقالت قصيدة الأعشى كاملة لين آخرها ..!
والأعشى يناظر مفهي وهالمره خلاص جاته أم الركب وقعد ينتفض ويقول في نفسه معد يكرب ومعروف وقصيدتي فيه معروفه كلن يعرفها بس أنت يولد العم مسهر من وين يعرفك هالشايب ! ولد عمي ولا ولد عمه ..! ..
أنا أشهد إنه قوي أجل متماسك كل هالفتره أنا لو إني أسوي لهالشايب حضر وحذف أصلاً أموت وما أطب الخيمه أبد :frown:

بس الشايب طلع طيب وقام وقرب من الأعشى وقال له :
لا تخاف يابن الحلال هدي نفسك يابو بصيرتدري من أنا ؟؟
.
.
أنا هاجسك الي معشش براسك ..مسحل بن أثاثه ..وكل الشعر الي تقوله أنت يالأعشى أنا الشيخ مسحل الي أحطه بلسانك :frown:
.
.
وخرج الأعشى وسوى شيك أوت من الخيمه وبكل بساطه كمل طريقه لليمن وهو يقول:
وَما كُنتُ ذا قولٍ وَلَكِن حَسِبتُني
إِذا مِسْحَل سَدّى لِيَ القَولَ أَنطِقُ
شَريكانِ فيما بَينَنا مِن هَوادَةٍ
صَفِيّانِ جِنِّيٌّ وَإِنسٌ مُوَفَّقُ
يَقولُ فَلا أَعيا لِشَيءٍ أَقولُهُ
كَفانِيَ لا عَيٌّ وَلا هُوَ أَخرَقُ
ويسميه الأعشى أخًا له،ويفديه بنفسه فيقول:
حَباني أَخي الجِنِّيُّ نَفسي فِداؤهُ
بِأَفيَحَ جَيّاشِ العَشِيّاتِ خِضرِمِ
ويقول:
دَعَوتُ خَليلي مِسْحَلًا وَدَعوا لَهُ
جَهَنّامَ جَدعًا لِلهَجينِ المُذَمَّمِ
وجهنام: شيطان شاعرٍ آخر:frown:
.
.
.
أنتهت:frown:

-----------------------
.
.
سبحان الله أحياناً نقرأ أشعار لبعض الشعراء كأن فيها سحر ! يعني بشر إنسان ضعيف مسيكين مستحيل يقدر لوحده يقوله أكيد مسحل له علاقة !
.
.
قديماً كان الشعراء يتفاخرون بعلاقاتهم بالجن لإنها تجعلهم في منزلة أعلى من الشعراء !
يقول عبيد بن الأبرص :لولا هبيد ما قال عبيد» طبعاً هبيد من ربع مسحل
وإمرى القيس جنيه إسمه لافظ بن لاحظ
النابغة الذبياني جنيه إسمه ( هاذر )
أما الفرزدق فيقول شيطاني وشيطان جرير واحد !
وأخيراً سمعت فهد عافت يقول : (أنا لي قبيلة من الجن وليس جني واحد !
.
.
.
هل تصدقون أن لكل شاعر جني أو شيطان ؟ أم هي قوة ملكة وإلهام فقط ؟أنتم شعراء شعبيات هل لكم أصدقاء من الجن ؟ أعترفوا شوفوا شعرائنا من قبل يتفاخرون وأنتم مكتمين على الموضوع !
.
.
خايفة ألقى العضو ( مسحل ) متواجد الآن ..
.
.

على قبر اليتيمه نـوت ثوبـي بالخـلا شقّيـت=ذكرت الله وشبّت في ضلوعـي حـربٍ أهليّـة



عقب وِتْر السبع والخمس والتسبيـح والتسميـت=طيور الما على سلمـى تغنّـي (طـاق طاقيّـة)



على باقي عرَق ساقي زجاجـة كاهـنٍ شمّيـت=على قِرْنـة حجاجـه نجمـة السِبْـط اليهوديّـة


على الجنب التهامي لبّسوني خرقـةٍ فـي زيـت=لالى مثل واري جمـرةٍ فـي حـوض صفريّـة


على ساقة ملوكٍ من بـلاد الرافديـن أضحيـت=أركّب سـنّ واقلـع سـنّ لـو مالـه ولا ليّـه


وفي ريشة جناحٍ من حمـام الأخشبيـن ادويـت=امّذْرِع شـان واقـرع شـنّ وآبرقـع نصيريّـة


وعلى ظهر النعامة سافروا بي سبعةٍ مـن هيـت=إلى أعتى شعـوب الأرض الادنيّـه والاقصيّـة


ذبحت العبد الادريسي ونِجْـل الطاغية:حِبْرِيـت=بأرض المغرب الأقصى طبخت من اللحـم نيّـة


على تابوت نوت احيا واموت افنيت مـا ابقيـت=ضربت الطار واجتاحـت عبيـد الـزار كونيّـة


على قبر اليتيمة نوت أجـدّد حسرتـي لا جيـت=وأقبّـل ضاحكـات المـوت تحتيّـة وفوقـيّـة


على شانك ينوت اعميت خطلان البشوت اعميت=أقـارع كـل ذو سِـدْنٍ وذو خِـدْنٍ وكوفـيّـة


على شانك ينوت ادميت روس الخاينيـن ادميـت=أسرّج مِـرْج أمـرّج سِـرْج علويّـة وسفليّـة


على شانك ينوت اضرب بحدّ مْصقّـلٍ إصليـت=وكدنـا ننتهـي لـولا خيانـة عـيـد الألفـيّـة


خبيثٍ من بني قومي سقاني حامـض الكبريـت=قرَت وسطه عجوزٍ من ذوي حضـرم ظفاريّـة


وبسم اللي لهول اسمه تزلـزل منبـر السوفيـت=نحَرهـا اعلـى ظهرهـا جُبّـةٍ بالسـمّ مطليّـة


ثلاث دهور اصارع نافثات الـزرو مـا ذلّيـت=أغيّب شمس وادفن رمْـس والأصنـام مرميّـة


ثلاث ازمان أداقش مسرجات الجانّ في تكريـت=ثلاث ازمان تمْرخ لـي ملـوك الجـانّ رجليّـة


ثلاث سنيـن اعافـر نافخـات الطيـن ماولّيـت=ثـلاث سنيـن أكفّـن قاريـات التيـن بيـديّـه


وثلاث شهور ألاعي نازلات الطور مـا ملّيـت=اجاوب جنب خيمـة ضاربـات الطنـب طبليّـة


وثلاث ايّام تنعاني سرايـا يـام ليـن اصغيـت=أقدّم كـوع اوخّـر كـوع يـا بيّـي ويـا بيّـه


لذي الفيروز سادن معبـد النيـروز مـا لبّيـت=لغيـر الواحـد المعبـود مـا أبديـت مـا فيّـه


بوادي برْك طارت بي حراير تُرْك يوم امسيـت=أعاشر ليـل عاشـر كـل ذي حمـراً نميريّـة


طباين سبْك تدبْك دبّك ساع اقبلت سـاع اقفيـت=لسرْدٍ شـرْد جـرْد مـرْد اصيّـح كـل قيسيّـة


ببطن القِرْش اعشّي حايمات العـرش ماغدّيـت=وحرْش الطرْش اورّدها قليب الهرش عصريّـة


بوجه الحوت جلّ اللي خلقني ضيغـمٌ صنتيـت=هِزَبْرٍ مـا تحـرّك منـه ساكـن ألـف سكنيّـة


ورب البيت ما خلّيت منهـم بيـت مـا هدّيـت=أهـدّم دور وابـنـي دور والآيــات متلـيّـة


هل المزمـار عبّـادة لسـان النـار والباكيـت=بني الإفْرَنْج قـومٌ مـن فـروج الزنْـج مبليّـة


بكى سابور ذو الأكتاف في قصر الملك بلْهيـت=علـى نَيْكـل سقيفـة عابـد الهيكـل ضحاويّـة


تغطرس بِطرس النقرس وجينا له على التوقيـت=من ارض الفرس وارض الروم جبنا القوم منهيّة


بعمّا والنبا والخمس مـن سـورة سبـأ شدّيـت=بقوّة مـا تواتـر فـي الليـال العشْـر مكيّـة


أقمنا دولـة الأيتـام مـن حِلّـي إلـى حِلّيـت=وآخـر عهدنـا مـا أورَدَتْ ليلـى الأخيلـيّـة


وانا ما هاضني فيما على بيض الـورَق خطّيـت=شجـاعٍ لقّبـوه :أحمد.ولـه شلفـا وشبـريّـة


أعرف أحمد إلى جاء جاء وانا لا شلت ما حطّيت=تحامينا علـى وضـح النقـا والأرض محميّـة

ويقال إن جميع شياطين الشعراء إناث، ما عدا شيطان أبي النجم العجلي لأنه صرح بذلك في شعره، حين قال:
إِنّي وَكُلُّ شاعِرٍ مِنَ البَشَرْ
شَيطانُهُ أُنثَى وَشَيطاني ذَكَرْ
فَما رَآني شاعِرٌ إِلا اِستَتَرْ
فِعلَ نُجومِ اللَيلِ عايَنَّ القَمَرْ

.
.
أنا شخصياً أقول إن الشاعر إبي النجم العجلي ما أصاب ولا شيخنا (سحيل) وش يطلع أنثى ولا ذكر ..:eek:

سما خير ..
أزيك ياقمر .. :)
الموضوع هذا مهم جداً ورأيي الآن أي إنسان يعترف فيه يلغي إبداعه ..
فما أعتقد تقدرين تنتزعين اعتراف منهم حتى لو صحيح موجود فيهم فعلا وأكيد البعض مو كلهم ..

اتذكر ان فكرة الموضوع انطرحت من قبل ..
وحتى أشبع و أرضي فضولك باعطيك رابط تشوفين وجهات نظر مختلفه
من بعض شعرائنا في شعبيات بعضهم مازال موجود وبعضهم نشوف اسمائهم حضور بدون مشاركات ..
على كل حال فرصه تشوفين رأيهم مجتمعين هنا ..
http://www.sh3byat.com/vb/showthread.php?t=9212
وتشكرين على أسلوبك العسل ::heart::

.
.
الحمد لله أنا بخيرجعلك بخير :55:
.
.
ألف شكــر على الرابط ..الموضوع رائع فعلاً أستفدت منه كثيراً لكننا هنـا مبسطين الفكره أكثر هناك في فكر ورأي أعتقد الموضوع كان كامل الدسم :thumb:
.
.
.
الجازي فعلاً المفروض الإنسان مايلغي الأبداع ;)
.
.
اشكرك على ردك ورأيك وعلى الرابط الذي أفادني كثيراً منـــــوره الموضوع ياعسل tsh3

الرسالة الأصلية كتبت بواسطة فيصل الخالد (مشاركة 275572) سماء يعطيك الف عافيه وكل عام وانتم بخير ومبارك عليكم الشهر الفضيل من وجهة نظري المتواضعه جدا انه الهام اكثر من جن ولكن اندفاع الالهام يسبب لبس والجن ماهو فاضي للشعر :) وراهم بيوت يخربونها وعالم يسكوننها ومصايب :) الا بعض الشعراء امثال الربيع والشهري وخالد التميمي فهذول انا ااكد لك انهم جن واضح من اشكالهم :)

انا اشهد مع فيصل بما اني مشرفه على البوح
كان عندي شك من وقتها لكن كنت منتظره الوقت المناسب
حتى ابين شكوكي
ظهر الحق وزهق الباطل
http://www.sh3byat.com/vb/images/icons/0111.gif

الرسالة الأصلية كتبت بواسطة جواهر (مشاركة 275315) يمه بسم الله علي اعوذ بكلمات الله التامة .............. والله وناسة بصراحة ودي اعرف جني يلهمني الشعر خخخخخخخخخخخخخtsh9 بس انا الصراحة اشووووف ان الشعر ابدااااااااااااااااع وووووووووولمسات جنيه ;) بس بصراحة موووووووضووووع رائع واحلى شي في الموضوع يوم الاعشى سفط ناقته في المواقف خخخخخخخ:D تسلمييييييييين سماااااااا وننتظر جديدك...........