شعبيات - تعبت اشتاق

تعبت اشتاق و اسهر لك و انادي ... و حتى الحل ماله فيك حل
بديت الظلم و كان الظلم بادي ... و ظلمك لو نخيته ما عدل
كتبتك لين غنٌى الطير شادي ... ابيه يدل، و عيٌا لا يدل
ابي بك عمر لا ضجيت هادي ... ابيك تبدد شموسي بظل
عطيتك من فؤادي ، يا فؤادي ... عطيتك بعض، لين اصبحت كلٌ
قناعاتك تشكٌل بي المبادي ... و دمع العين من حسٌك نزل
حبيبي لك انا ذقت السهادي ... و روحي فيك من روحي تسلٌ
سيوف العشق، لو تقتلك عادي ... مدام الشوق ما خانه وصل
ابي ألقاك حتى في بعادي ... أبي عزٌي بعزٌك ما يذلٌ
عشقتك حلم، و كان الحلم زادي ... و حتى الحلم بوصالك بخل
عنادك ما عشق الٌا عنادي ... يزل الوقت و رجلي ما تزلٌ
و لكنٌي اسيرك يا و دادي ... قيودي فيك صارت لي امل
و دامك جاهل بقصدي و مرادي ... تساوى رضاك عني و الزعل
معادي؟ كيف اصبح لك معادي ... و قلبي فيك ما صدٌق عقل

رنية السبيعي