(( ســـيــد الـــود ))
مسااكم نور ... عوده لنقائكم ...
الشعر أخوي وباللوازم..عضيدي= يشفي غليلي بفزعته لا طلبته .. الخلق تنشدني عن آحلى قصيدي = وآحلى قصيدي ..توني ماكتبته ,,
غلاك يسعى داخـل القلـب ويطـوف=ومايطب في عيني مـن النـوم لقمـه !! أعتق رقبة العيـن لا تقتـل الشـوف=مقدر أعول الدمع مـن عقـب يتمـه في سجن طيفك صدق الأحساس مكتوف=امواعـده يطلـع ... ومعطيـه كلمـه أطمر حواجز غيبتك وأكسـر الخـوف=وصلك بخيـر وعافيـه وألـف نعمـه صارت ضلوعي كنها.. لقلبـي رفـوف=كلن يبي ياخـذ مـن الحـب قسمـه!! ليتك تجـي( ياسيـد الـود) .. وتـروف=أن كان لي تقديـر عنـد ك وحشمـه مافيه أحد ما يحب ..ماعنـده ظـروف=يمشي عليه الحب من فـوق خشمـه أحساسنا .. طفلـن يعانـد و ملقـوف=شيّب .. وحنا .. ماعرفنا ..وش أسمه؟ الى زعلنا .. ناام جايـع و مكسـوف=نزعل بعض عنده ونرضـى بحكمـه!! عسى تعبنا .. اللـي تعبنـاه مخلـوف=وكلـن يحقـق رب الأقـدار حلـمـه قلنا .. كلام كثيـر وأعـذار وحلـوف=والله يحاسبنا .. على كـل كلمـه ... تقبلوها مع صاادق المحبه ,,, .. |
رد : (( ســـيــد الـــود ))
الخلق تنشدني عن آحلى قصيدي
وآحلى قصيدي ..توني ماكتبته ,, جميل يامحمد اسعدني تواجدك وجديدك الاجمل لك احترامي |
رد : (( ســـيــد الـــود ))
أحساسنا .. طفلـن يعانـد و ملقـوف
شيّب .. وحنا .. ماعرفنا ..وش أسمه؟ الى زعلنا .. ناام جايـع و مكسـوف نزعل بعض عنده ونرضـى بحكمـه!! ياسلام يامحمد.. إحساسك رائع .. و نفسك الشعري أروع .. ويازين هالمعاني .. صح لسااانك .. ودام نبضك.. يامبدع.. تحياتي |
رد : (( ســـيــد الـــود ))
أحساسنا .. طفلـن يعانـد و ملقـوف شيّب .. وحنا .. ماعرفنا ..وش أسمه؟ الى زعلنا .. ناام جايـع و مكسـوف نزعل بعض عنده ونرضـى بحكمـه!! الله عليك يامحمد بسيطه في تركيبها وكبيره في معناها لا عدمنا هالتواصل والشعر المختلف المغلف بالصورة كل الود tsh6 |
رد : (( ســـيــد الـــود ))
الطااهر .. tsh6ناصر المطيري ... يشهد الله غلاك بقلبي كبير .. واني مقصر دائما ..بحقك .. اتمنى انك بصحه وعافيه .. وشاكر ومقدر مرورك المشع ,,,, |
رد : (( ســـيــد الـــود ))
جميل يالغرير شاعر جميل من مبطي ... صح لسانك على النص الجميل أحساسنا .. طفلـن يعانـد و ملقـوف شيّب .. وحنا .. ماعرفنا ..وش أسمه؟ يمكن الحب يا محمد ;) الى زعلنا .. ناام جايـع و مكسـوف نزعل بعض عنده ونرضـى بحكمـه!! جميل جدا :) تحياتي |
رد : (( ســـيــد الـــود ))
الغالي السمي // محمد بن حليلان مرورك يضيف للقصيده .. قصيده أخرى .. شكرااا و اكثر .. ولاعدمتك يابعدي |
الوقت المعتمد في المنتدى بتوقيت جرينتش +4.
الوقت الان » 12:04. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع