خليني أسهر..واحرق الشمع ويذوب=شوقي على صدر الورق واتعنّى.
للطرق..واطرق ماعصى واجمع ذنوب=عمر مضى من شبْتي يوم غنّى.
قلبي بموال الهوا..قبل لاتوب=من كل شى الا الخضيب المحنّى.
وجدي على شوف الغضي..والعمر دوب=وجد المفارق للخوي..المجنّى.
الغاني اللى يملك القلب باسلوب=عذب وعلى عرش الغرام يتثنّى.
هذاك لاجيته وانا ضيْق ينوب=عن كل فج(ن)..والملاقى وطنّى.
أحباب تبعدنا مسافات ودروب=ماتنطوي لالي..ولا له..لآنّى.
أغراب تجمعنا المقادير وقلوب=أقراب مافيها من السوء..ظنّى.
الحب يسقينا عسل وادي النوب=والشوق يطعنّا..بسيف المثنّى.
روحين صبْت فى الهوى..والهوى كوب=لو نظمنه ماينكسر..ماظمنّى.
مكتوبنا مانلتقي بس..مكتوب=نعشق..ونسهر..ونحلم..ونتمنّى.
نبقى حبايب.والمراسيل مندوب=والورق عصريه لما اقفى وغنّى.
شبيت ضوي فى المعاليق.ويذوب=شوقي على صدر الورق..للمحنّى.

شاعرنا الرائع

محمد اليامي

وإن كنت لا أحب أن أبدأ معاتباً ولكن وين كل هالغيبة !!


الغالي اللـى يملـك القلـب باسلـوب
.................عذب وعلـى عـرش الغـرام يتثنّـى.

هـذاك لاجيتـه وانـا ضيْـق ينـوب
.................عن كـل فج(ن)..والملاقـى وطنّـى.

أحبـاب تبعـدنـا مسـافـات ودروب
.................ماتنطـوي لالــي..ولا لـه..لآنّـى.

أغـراب تجمعنـا المقاديـر وقـلـوب
..................أقـراب مافيهـا مـن السوء..ظنّـى


عذوووووبة وجمال
تكتب بإسلوبٍ محبب .. وقريب من القلب

دمت بخير