عندما تضحكين
يتعطر المساء
أتضاءل فيك وأضيع نفسي

حين تهمسين
تفيضين بوحا رهيف الملامح
تتماهين أنثى مختلفة التفاصيل
تسكب أنفاسها في دمي
فـ يعلو صوت الأغنيات
وأبصرني
في ابتسامة القمر
وثغرك المستحيل

توصي شي ؟

هذا قلبي
خله عندك
ماني محتاجه بدونك !

بس تكفى لا تذله
حقي منَك
إنك تحطه بـ عيونك !

للعمر محطات
للشعر محطات
هذا المسافر
بين دروب العشق الأبدي
يكتب إيماناً ويقيناً
يغرد للحب وللأنثى
يغني للشوق " الآهات "

آآه أولى
آآه أُخرى
بل قل أنَا
حين يغني
ندرك أن " الدنيا امرأة "
نؤمن أن الشعر جنون

وأن " التعب " إذا أحببنا
يكتب " للذكرى "
الكلمات

بعيد هناك
بعيد بعيد
على حدود الأمل والخوف
مشينا والخطى أحلام
ومسافات الطريق آلام

غريبين ومدينة ليل
أسامينا نسيناها
وكفَنا أغانينا ودفناها
بـ دمعة عين
ولحظات انتظار صعبه
ثوانيها طويله حيل
ونظرة شوق مكسوره
نخبيها
نداريها
تهد الحيل

بعيد هناك
أسمع صوتك ينادي :
من حنا !؟
ومتى كنا !؟
وليه العمر ياخذنا
ولا في يوم رجعنا !؟

بعيد هناك
أنا وانتي
بقايا حُب
بقايا ايام

الحب :
أن أحبك
لا أعرف تعريفاً آخر !

بقدر ماتستطيعين
اكرهيني !
كذبي الإحساس فيكِ
كذبيني !

واهربي مني إلى أقصى الظنون :
قد يكون
قد يكون ؟
قد يكون !
وافركي الحيرة في كفيكِ:
ماهذا الجنون !
ثم لومي الحب إن شئتِ
وإن شئتِ العنيني !

ثم في صمتٍ تعالي واحضنيني
واتركي الأنفاس تخبرني يقيني !

مافقدتك
بس احس الكون كله
ميَت ومابه احد !
والاغاني اللي تحب
كلها تسألني عنك ؟
كلها صارت حزينه
مثل قلبي
مثل ليلي !
في غيابك
إشتكينا كلنا
زود الوله !

صرت اشوفه
في عيون الناس , في حزني وخوفه
في الشوارع !
في فرح هــ العيد !
في ابتسامة طفل , كل الدنيا عنده
أمه .. وثوبه الجديد
في الحنين اللي خذاني لـ ضحكته
في الظنون اللي صرخت :
ليه كل الناس تفرح ؟
وانا بس اللي اوادع ؟!

بـ طفوله ونرجسية بنت , حلوه وآخر العنقود
..... أهـلها من ولادتـها , طلبها مـايردونه

يذوب " الراء " في سكَر , شفايف حكيها المعقود
..... ويذوب النوم في رمشه , خدر ويطعَم عيونه

ربما أن القدر
أخذ العهد علينا أن نموت
بين لحظات الكلام
خلف أسوار السكوت
ربما نسي القدر
أننا مهما حدث
نُنشد الأيام والأحلام
حُباً لا يموت

في يوم ميلاد الضياع
الله رزقنى بنت
وسميَته " وداع "
كانت رقيقه وهاديه
وكانت لها عيونٍ وساع

ماشفتها
الا وانا بيوم العزا
مع إن عمره كان لحظتها
سنين !



في يوم ميلادك
_ وداع _

دمعة فراق !
آهات من ضمن السياق !
ألم يشتد !
بصر يرتد !
وكان الحنين
كان الانين
والذكرى تجرح هالسنين
بخطوط كف !
استباحت حرمته
سطوة يراع !



في يوم ميلادك
_ وداع _

كانت عقيقتنا جرووح
وكانت الحفله كبيره
ذا يجي
وهذا يروح !

وكان العذاب
شخص ٍ سراب
كان يشبهني
وانا كنت اشبهه !
وكنت احس انه يسولف واسمعه !
لملم اوراقه بهدوء
وباخر الحفله قعد
يكتب عهد !
يكتب وعد !
في يوم ميلادٍ حزين
كان إسمه :
تصدقين !

وين القاك ؟
وانا ماأملك الا حلم
وطريقٍ مابه الا الليل
ولهفة خاطري لـ شوفك
وخوفي .. ودفتر آلامي
وقصيده إسمها :
ذكراك !


تدري اني فـ الصباح اشتاق لك !
وفـ المسا أوله عليك
وبين شوقي والوله :
صارت اهدابك عمر
وكل شيٍ في غيابك
طيفك اللي بـ كل لحظه
يسرق النظره .. ويمر
وآموت فيك !


ومثل بسمه على شفاهك
يلخبطها الغزل .. وتَوه
أجي يمَك !

ومثل صوتك
إذا ذابت به الأشواق
أذوب من الحنين اوهام
وآضمَك !


أدور في الفضا رسمك
انادي كل حي بـ اسمك
سما زرقا .. و .. بحر أزرق
ألم يرقـا .. و .. أمل يغرق
وقلبي اللي ملَ صبري :
عاف صدري !
طـار.. والجنحان غيمه
والمدى.. روحي وسماك
وين القاك ؟

مايهم إنك بعيد
ومايهم
لو كانت الحيرة تزيد
لو كنت ماتدري بظروفي
ولا عرفت من ايش خوفي !
مجرد احساسي بوجودك
يخلي الدنيا أمان

أكتبي بـ اول سطر كلمة :
" أحبك "

واكتبي بــ آخر سطر :
" كنّا حبايب "

واتركي الباقي :
" فرااااغ "

ياأعظم ذنوبي
جيتك عمل صالح
أستغفرك يالصدق .. كان الهوب كذاب !
واتوب عن عقلي .. دام الجنون اهداب !
أفطر نهارك شوق
واصلي في ليلك
واخاف من ويلك !

ياحبك الإيمان .. مشتاق للجنه
يا " آخرة إنسان "
والنار بـ يدينك !
يغريني العصيان .. واستغفرك عنّه
علمني الغفران , وشلون في دينك ؟

ماأجمل أن تحيا حبا
لـ حبيب يسكن في عينيك
وجميل أيضاً لو عاشت
كلمات الحب على شفتيك
وجميل أن تكتب شعرا
أن تعزف بجروحك لحنا
والأجمل :
ان تبكي شوقا
لـ حبيب يغفو بين يديك

أصبر وقد مافيك , ياقلبي اتحمل
لاتشتكي أرجوك
لا تبكي أو تزعل
مكتوب لك ياقلب , تعطي ولا تاخذ
تشيل هم الكل
ومـاحد درى بـ همّـك
تسعد جميع الناس , ومافيه احد يمّـك
ويومك سألت الحب
ولا شي , بس الحب !
استكثروها عليك , ونشفو دمّـك !

كانك تبيني ارضى
قم يله خلنا نروح
لـ ابعد مدى مسموح
نرجع مثل أول
يومي أنا واياك , اصحاب روح بروح
نضحك إذا جعنا , نسبق مواجعنا
نتعلم انّا نطير , بس ما أحد معنا
وان شفت مره احباب
لبسو ثياب اغراب
قل هالزمن قاسي , وهُم أشبعوه غياب
ولا تامن الا بي
محدٍ ورب البيت , يستاهل يضمك

حبيبتي
ماجئتك أستلهم شعرا
ماجئت لـ أكتبك نثرا
ماجئت لـ أرسم وصفا عن شفتيك !
بل جئت لـ أحياكِ موتا
وركضت لـ أهديكِ قلبا
أقرأ كتبا في عينيك
وأنسى كل أنواع الكتابه

إفترقنا
وكان لون الدمعه أسود !
مـ ادري كحله ؟
أو لأن الدمعه تدري
إنها خانت عهودي
صار وجه الدمعه أسود !

مذ شربتكِ نَخب عُمري لم أُفِق
أي خمرٍ لم يكن إلا هواك
ياغراماً كان منّي وسُرِق
من يجدني بعد ان غابت خطاك

ماله " عزا "
الحب في قلب الوفي
لو مات من برد الجفا
من يسمعه .. لو اشتكى !
لو طاحت دموعه وبكى !
لو قال انا طفلٍ يتيم
تاهت فـ عينه كل أحلام العمر,
وتوسّد " الخوف " وغفا

من البارح
وانا والله على هـ الحال
بـ حرفين اكتبك والقاك
وحروفك , أنكتب فيهم !
واخبيهم
عن عيوني
عن عيون اللي مروني
على هـ الحال
ماودي يشوفونك
ولا أبغى يشوفوني !

عندما تغني " فيروز "
تصرخ في وجهي الدروب
تحرضني الحياة
أن أغادر المدن بـ اتجاهك
وحدكِ الصدق
حبك إيمان حقيقي كـ الموت
خرافي كـ زمن البياض
وحدكِ فقط :
أحب الإنتصارعلى ذاتي بالهزيمة أمام عينيك !




* عبدالله
كل الحب لـ قلبك tsh6

مازلتُ أسهرُ كل ليله
أكتبُ الأشعارَ في الفجرِ
وأهديها لـ قلبك !

هل تقرأين ؟
هل تسمعين الان " فيروز " التي نعشقها
وتغمضين عينيكِ وتحلمين ؟
هل تذكرين ؟
هل نسيتي !؟
هل يغفر الله لي خطيئتي إن لم أحبك ؟

فكّرت , أسرق لك من الليل نجمه !
أنظمها بـ قلاده , واحلي بها صدرك
لقيتها ,
أقل من شوقي
ومن زينك وقدرك !
خليتها !
واخذت كل الليل
وجبته تحت أمرك !

عندك خبر ؟
يابعد كل العمر
إنك انتِ الحلم , وايامي تمر
لا الحلم يصبح حقيقه
ولا العمر يوقف دقيقه
والأماني ؟
الأماني صعبه , والأصعب طريقه !

أبتعد
ويردني شوقي إليك
واترك اللي يلومني بحبك واجيك
ونلتقي بنظره حزينه
نلعن الحب وسنينه
وانا مو هاين علي , وانت مو هاين عليك !

" نفترق " ؟
كلمه صعبه
حتى أصعب من لقانا
لو تعب منّا غلانا
ولو نزف فينا الصبر !
وهذا انا جيتك حبيبي
قلت احط عندك خبر !

صباح الورد
صباح اجمل من الضحكه .. على شفة طفل فرحان
صباح اعذب من الرشفه .. تعانق لهفة الـ عطشان
رقيق بـ رقة احساسك
عبيره من شذى انفاسك
وسرق لونه من احلى خد
صباح الورد
صباح الخير
صباحٍ كل شي به غير
بدا من نص ليل الأمس
بدا من يوم جيتيني , وقلتيلي بـ سكوت وهمس :
أنا القمرا
وانا النجمه
وانا الليل وشروق الشمس
وانا الأشواق ماله حد !
يـ أجمل وجه انا شفته
وأطيب قلب عاشرته
صباحك خير
صباحك حُب
صباحك يابعد عمري , صباح الورد

ما ألومك لو سكتي ..
لو خذيتي بـ خاطرك مني , وزعلتي
ولو تردين ابّرود
أو تجافيني وتبدين الصدود
إنتِ حسيتي اني ظالم
واني قاسي ,
مايهمه لو جرح كل المشاعر ..
واني أحكم بـ المظاهر
وان لي قلبٍ حجر .. ولسان شاعر !
واني رجعي ,
واني جاهل !
والحقيقه :
إني عاقل ..
وان بي غيره .. ولي تفكير عارف
وان عقلي ماتسيره العواطف
وماتأثر فيه يابنت السوالف ..
وبعد ذا كله تراني ماألومك
لو سكتي ..
ولو قريتي اللي كتبته ومافهمتي
وحتى لو انت زعلتي ,
أو رحلتي ..
آنا في كل اللي قلته ,, ماني آسف !

نحن نُعقّد تعريف الحب كثيرا
وإلا فـ إنه ببساطه كل الأشياء الـ غير عادية ,
وكل التصرفات الـ لا منطقية ..
ولذلك فـ أهله أقرب للمجانين منهم للعقلاء .

" ووه فديتك "
كيف اببعد , وانا ماصدقت إني
يابعد عمري لقيتك !
إنت لو تدري بـ غلاك
ماتشك لو لحظه وحده ,
وماتساورك الظنون ..
انت لو غمضت عينك
كان شافت فيني روحك
قلب لايمكن يخون ..
وانت تعرف
- واللي زيّن صورتك -
إني قبل تجيني مرتاب وخجول
شلت روحي , فوق كفّيني وجيتك !