(إني اخاف الله رب العالمين)
 

(اني اخاف الله رب العالمين)
كانت بدايات السلام بهالبشر

الذنب الاول كلنا له .. اسفين
والاسف اقبح عذر للي ما عذر

ياجدنا ليتك سواة الصابرين
ماكان قلب آدم تفطر وانكسر!

ماكان عاش بهالبشر منهو حزين
ولا انجرح قلبه ولا عاش القهر

ياجدنا قابيل ذنب الحاسدين
لولاك ماكنا نعاني هالضجر!

شفنا كذا كل عيد وحنا سالمين
لكن قليل اللي مع الضجه غفر

انا هنا وهذا هنا ومقسمين
اقلوب اغلبنا تماثيل وحجر

ياجدنا قابيل قدوتنا سنين
سفك الدما ماوقفه حفنة صبر!

عدوان غاشم والغلابا نايمين
واعلامهم موجود ماصدق خبر

ليتك تشوف اش حال ايدي العابثين
ليتك تشوف اللي مكر واللي كفر

شفنا تشتتنا وصرنا طايشين
والملتحي هذاك ياجدي فجر!

الدين خلانا نحب الدينين
بس التطرف يكسر اللي قد جبر

معقول صرنا يا أوادم ضايعين؟
هذا هو التاريخ والدنيا عبر!

ياليتنا نرجع نكون المسلمين
ونرمم اللي فات من وقتن غبر

ويعيش فينا ناس دايم شايمين
متذكرين ان النهايات القبر

ونردد انّا يا اولاء السامعين
نملك طهر يلي تقولون اندثر

امسالمين امسالمين امسالمين
حتى لو الدنيا بها نار وكدر

حنا .. بنعمه يا إله العالمين
لكنّ ينقصنا بشر في هالبشر!



#عبدالرحمن_آل_مغني
@almogni07
Snp: almogni

رد : (إني اخاف الله رب العالمين)