(((((ضـــحـــكـــات ســـــن)))))
ألقصيده كيمرة عقل,,والفكْره فْلاش=والجزاله صورة البيت..والتصوير فن. ياخيالي سج لاقصاك..والسجه بلاش=لايهمك صيت شاعر..ولا يلحقك ظن. مربعك فوق الثريا..عن القاع الهشاش=بين سقف من زبرجد..وعرْش ملوك جن. وشاعرك متفرد زي جو..((أبا الرْشاش))=لاهمى من فوقه النو..والرعاد حن. هات مالا يخطر ب بال..ويمليه جاش=وانفرد بك فى سما الشعر..وخيولي تعن. لين ترواك الشرايين..وحيام عطاش=والهقاوي من ورا الشمس..ياقلبي وغن. بيت بيت..وصبْها صب..عطر فى غراش=سرْها مثل المجاهيم..يافكري لمن. تستحق ان المعاني..لحضْرتها تناش=نوش كف الوقت لعزوم..رجال يحنْ. تلتوي مثل النسانيس من شرقي خباش=تحت ضلعان(ن)ورى القلب..حاديها مصن. ذات طرف(ن)..يشغل الذهن ويثير النقاش=فى العروق وتخطف اعجاب شرياني..وكن. مابه الا هي على القاع((عاش الطرف عاش))=يوم روض عاصى القلب..لين القلب كن. باوردته اللى جعلها تغربلني..وحاش=طرفها منى مدى الشوف..فى ضحكات سن. تستحق انها تكون..القصيده والفلاش=لين تظهر داخل البيت..والتصوير فن أبا الرشاش:متنزه طبيعي فى منطقة نجران. خباش:صحرا شمال شرق منطقة نجران للربع الخالي. |
رد : (((((ضـــحـــكـــات ســـــن)))))
محمد
في ذمتي انك جزل صح لسااااااااااااانك يا مبدع ولاهنت اهلكتني وربي بها القصيده يا الجزل صح لساااااااااااانك ولاهان راسك يا الغالي دمت بكل ود اخوك |
رد : (((((ضـــحـــكـــات ســـــن)))))
القصيـده كيمـرة عقل,,والفكْـره فْــلاش والجزاله صـورة البيت..والتصويـر فـن مساء الشعر فكرة القصيدة فن من كيمرة عقل محمد مدران اليامي وتفرد بها صح لسانك وفكرك تقبل اعجابي لك الورد http://www.shathaaya.com/vb/images/smilies/i.gif |
رد : (((((ضـــحـــكـــات ســـــن)))))
صح لسانك يااليامي
دمت بالف خير تحيااااتي |
رد : (((((ضـــحـــكـــات ســـــن)))))
لله درك من شاعر
وصح لسانك ملايين تحياتي |
رد : (((((ضـــحـــكـــات ســـــن)))))
شاعرنا القدير / محمد مدران اليامي .. فكرة رائعة ومطلع فريد من نوعه من شاعرٍ هو الآخر فريدٌ من نوعه والتسكين في العجز كان سهلاً في النطق خفيفاً على القلب مع الحفاظ على جزالة المفردة القصيـده كيمـرة عقل,,والفكْـره فْــلاش ......................... والجزاله صـورة البيت..والتصويـر فـن ياسلام عليك ! شكراً على هذا الوقت الجميل الذي منحتنا إيّاه يا صديقي لك من القلب تحيةٌ وسلام |
رد : (((((ضـــحـــكـــات ســـــن)))))
هلا والله بناصر:
شرفتني بمرورك العذب واطرائك ايضا شرفني ...ومتابعتك وحضورك هنا لها لون خــــاص .... ناصر لاهنت ياطويل العمر ,,,,,تقبل من اخيك كل الود والثناء. |
رد : (((((ضـــحـــكـــات ســـــن)))))
هلا اختي نوره:
مساء الطيبه يالغاليه ,,,,,حضورك شرفنى يانوره ومتابعتك ايضا ,,,,لاهنتي تقبلي الشكر من اخيك |
رد : (((((ضـــحـــكـــات ســـــن)))))
محمد مدران مرحبا والله ومسهلا بالشعر واهله مالك علي يمين اني من المعجبين بشاعريتك عسى الله يسلمك قصيده مافيها كلام ولاهي مستغربه منك يامحمد تحياتي لك |
رد : (((((ضـــحـــكـــات ســـــن)))))
على الاسمرى
صح بدنك ياغالى ولاهنت على حضورك.... |
رد : (((((ضـــحـــكـــات ســـــن)))))
هلا ذيبــــــان:
صح بدنك طال عمرك مرورك بلاشك شرفني يالغالى ...تحياتى لك اخيك |
رد : (((((ضـــحـــكـــات ســـــن)))))
ثامر الشعيفان:
مرحبا مليون ياخوي ثامر .....الجمال فى مرورك وتعليقك طال عمرك صح الله بدنك ولاهنت ياثامر والشكر لك لمنحي من وقتك ماأسعدني فى متصفحي ,,, تحياتى لك اخيك |
رد : (((((ضـــحـــكـــات ســـــن)))))
خربوش ,,,شاعرنا المتألق:
يامرحبا والله مسهلا فيك طال عمرك هلا بك يالغالى وشرفنى مرورك وشهادتك اتشرف بها والله وحضورك سرنى كثير صح بدنك والله لايهينك على مرورك العذب |
رد : (((((ضـــحـــكـــات ســـــن)))))
مبدع
بمعنى الكلمه لله درك تفبل اعجابي وصح لسانك مليوووووون ودمت بود:):) |
رد : (((((ضـــحـــكـــات ســـــن)))))
هلا والله بدر:
صح بدنك طال عمرك ولاهنت على مرورك وشهاده تشرفنى منك دمت لنا |
الوقت المعتمد في المنتدى بتوقيت جرينتش +4.
الوقت الان » 16:40. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع