|
تسعين من الإنس,وتسعين من الجنّ,وتسعين من الشياطين
[c]
بسم الاله الذي لا يحمد على مكروه سواه في رحلة ابعد من الخير أقرب إلى الشر أشبه بالقبور من قبب القصور أتيت كاهن الشرق فقال:ماذا تريد؟ قلت:إني من بدأ التكوينِ..أبحث عن وطن لجبيني عن حب أمرأة يأخذني لحدود الشمس ويرميني. قال:ما اسم أمها؟ قلت:إذن ..لماذا أنت كاهن..أجبني انت. قال:ما اسمها ؟ قلت:انظر لضوء الشمس ونور القمر.وهل تظن سوى هذان الاسمان اسم لها؟ قال:صفها لي: قلت :إنها عنقاء يتيمة,لا راحلة ولا مقيمة تقصر في رابع,وتطول في سابع وُلِدَت في ثلاث ليالٍ لوامع ما بين أرباب الجوامع وما بين رهبان الصوامع قال:فهمت...إذن,تعال أليّ غداً قلت:إن موعدهم الصبح أليس الصبح بقريب واتيته الصبح قلت:ما الامر؟ قال والحشر والنشر,والخمس والعشر والمقطع والقاطع,والقمر الساطع لقد سألت لك من أهل تحت الأرض..تسعين أمة ومن أهل فوق الأرض تسعين أمة.. ومن أهل ما بينهما تسعين أمة فما سمعوا لها خبرا قلت:هذا ما توقعته قال كيف؟ قلت:لأني اعرفها طاهرة لا يمكن لنجسٍ مثلك أن يحدث لي منها سببا قال:ألا تؤمن بالأولياء..ألا تخاف عقاب الرب قلت:أخرس ..لعنة الله عليك ..فما أنت إلا كهلٌ محتال,ورسول أعور دجال ما أنت إلا أشيمطٌ فاجر,ورب وثنٍ كافر,لا آخذٌ بذنبٍ ولا غافر فخرجت من عنده ..ولسان حالي يقول ياكاهن الشرق كلٍّ عارفٍ حجمه ..............يا كاهن الشرق لا حجمك ولا حجمي كفرت بالكوكب المزعوم والنجمة ..............وآمنت باللي عليكم رافع نجمي ************* نعم كفرت بالكوكب المزعوم والنجمة ..............وآمنت باللي عليكم رافع نجمي كفرت بالكوكب المزعوم والنجمة ..............وآمنت باللي عليكم رافع نجمي كفرت بالكوكب المزعوم والنجمة ..............وآمنت باللي عليكم رافع نجمي فسطرت هذه القصيدة يا شعبيات: وللمعلومية القصيدة على بحر جديد اسميته (الغضيّاني)لسببٍ ما [/c] [poet font="Arial,4,white,bold,normal" bkcolor="black" bkimage="" border="outset,6,gray" type=2 line=200% align=center use=ex length=0 char="" num="0,black" filter=""] بسم الله نبدا .. .. .. .. يقول ناصر علامك يناصر صار ناصر واحد ثاني"="اهيف بناصر دقيّق خناصر مدرِ كيف اهله يشوفونه قلت انت لا هنت ويش انت لو هو جاك يالعذال ما جاني"="ما لمت من كان عشره ثمان وبان للعدوان مكنونه انا طواني هوى من لقاني قبل عام وروع اخواني"="بو مبسم احمر تلالا بروق الصيف ساعة شيف بسنونه وثمان كالطشّ والرشّ بشّ هشّ من لولو ومرجاني"="ترياقها كاس اصهب على سفرة ملوك الليل يثنونه وعين كما بيض هند وقدحة زند سند عند غلماني"="وسيف مسجّر ورمح مشجّر هجّر وفجّر ومسنونه والخد جمرة كريم لهبها سامر بأسناف ديواني"="او لون ياقوت احمر على اسمر من بلاد الشرق يجنونه والكف تابوت موت ولو انه من حرير ازرق وكتاني"="ما سر فرخ الحمامة منامه حدر فية غصن زيتونه وجديل ذيل الاصيل الطويل اعقب شليل الخيل فسقاني"="اشقر محجّّل ثلاث مبجّل عند حكام يلزونه ما دام عيني عليها رواق عن حسن غيره وصيواني"="حتّيش لو وقفوا في طريقي تسعة وتسعين مزيونه يا سهيل ماانته سهيل سهيل اسم الغضي مياس الارداني"="ما انته بحوله لواسمك على اسمه هلك صاروا يسمونه سهيل اسم من لبيّن تعيّن للنفل شعب وودياني"="في كل ربع وغب وخبت وجب وكل قاع اشهب وتلقونه ليه العجب يوم ادور بروض ارض وطاها نبت ريحاني"="لا بيّن سهيل ما يامنون السيل اهل برّ يخيلونه غرو ليا بان نجمه تغيب نجوم كل البيض من داني"="له قونس الراس للكاس يوم الطاس لأهل الطاس يدنونه غرو شكمني وحبه حكمني حكم بن مقرن وابن ثاني"="عليه اكبّر واحبّر واعبّر يوم اشبّر مضرب طعونه ياحول حال لحال استحال ومات ما لفّوه بأكفاني"="وعزي لمن شاف الاجواد في موته وهو حيّ يعزّونه ويلاه ما كن ربي خلق في الارض همّ الا على شاني"="اشوف ما همّ الا واذوقه قبل خلق الله يذوقونه ولو باهقى من ورا جرتي للصوت مصلوح قد امداني"="شقيت ثوبي وجريت لي صوت قطين الشام يوحونه يا طول بالي اجامل على جرحي وانا الموت الحمر جاني"="حولي خوالي وكني لحالي واثرها الاشواق ملعونه يا شيب شيبي ويا طرّ جيبي ليت لي ريش وجنحاني"="لأزور خلي جهار نهار وتالي الاعمار مدفونه يا ويل ويلي ويا قطع حيلي ويا خسارة كل ما كاني"="ما باقي الا انا والهوى عميا تمشط شعر مجنونه يا راس راسي على قوّ باسي ازرت تشيل ثيابي امتاني"="وخوفي على الراس لا يجيه يوم تعتذر عن شيله متونه ويا خوف خوفي ويا صرم جوفي يوم شوفي ما تعداني"="احط في وجه الايام الايام والايام بالايام مقرونه ويا جرح قلبي على ما فعل بي حبي السلبي وش اعطاني"="ووش في يدي يا يدي والهوى يومي على قلبي بحجّونه ويا ثلم سيفي هو الحب من كيفي عقب خفه توطاني"="وانا ضنا لابة سيفهم من دم عبد وعم يسقونه ويا جرح جرحي هـ(جمعي وطرحي)ايجازي وشرحي وتبياني"="عن ما نشا في حشا ثم مشا بيردّ مظنون لمظنونه؟ ويا شر شري انا وين اسرّي عظم ساقي صوب جيراني"="الدار من دار عنها سمي النار غار تلعب جنونه ويا لوم لومي من الزين لومي ويش قومي تقل سكراني"="للحب سكرة وللبعد سكرة والهوى ما هو على هونه ويا كبر همي ويا فجعة امي بين ابوي وبين عماني"="في ساحة البيت لا حيّ فيرجونه ولا ميت فينسونه ويا روح روحي ما احد يسمع ولا احد بيوحي صوتي الفاني"="مثل المدوّه بنجد وذوده من ورا نجران يطرونه ويا ويح ويحي يبوج الوضيحي دون خلي تسع الاوطاني"="من دونه العاوي الطاوي الضاوي وحوض الموت يردونه ويا وجد وجدي وش اللي بيجدي من عقب مدعوج الاعياني"="يا كود ضربه بكف كف وصف دمعه صف بعيونه ويا عوب عوبي ويا شق ثوبي وين غض العود خلاني"="غرّ غرير ضرير قرير ليّن بيّن كونه ويا جور جوري على شوف نوري طاح من راسي حميداني"="ويا خف خفي ويا بعد شفي كن وسط الصدر بالونه ويا شق شقي عقب سرق حقي وجلّي ودقّي تناساني"="نسى نهار امس يوم(...)اسفل شفته وامزّ غليونه في ذمتي لوّ من بيني وبينه زعل عبس وذبياني"="امداه يرضى انا لا ذبحت اهله ولا خالفت قانونه ويا غبن غبني على صاحبي يجذبني ادنى خيط سبهاني"="ويا غلّ غلّي وانا اشوف خلي دونه الملّي يعدونه فيا وين اشوفه واحوفه والوفه والنوى دونه تقصّاني"="تغيب دونه ديار وتبين ديار تلو ديار من دونه تسعين انسي وتسعين جني زدتهم تسعين شيطاني"="وتسعين عفرا وتسعين صفرا زدتهن تسعين مدهونه راجن وماجن وساجن وداجن كل فج خالي قاني"="وعن الغضي يوم جن ما خبر جابن ولا يدرن وش لونه الصاحب اللي على غير عيني ما ظهر زوله ولا باني"="اسمه كتمته عن اقرب هلي خل عاد ناس مالها مونه ومن غيرتي حالف ما يشوف الزين غيري واحد ثاني"="ولو هي على الكيف حتى ملايكة المقابر ما يشوفونه [/poet] |
اربط حصانك وانا ابو ثواب
محجوووووووووووووووووووووووووووووووووووووووووز |
لي عودة يابعدي
|
[shdw]سلااااااااااااااااااااااااامز[/shdw]
أخوي ناصر بالي مشغول ماني قادر أركز برجع لها لأنها من اول بيتين بيكون شي عظيم أخوك [gl]قايد القلوووووووووب[/gl] |
شوي شوي علينا يا ابو فارس
ما يمدينا نصحى من مفعول قصيدة الا وانت طاقنا بقصيدة ادهى منها ما شاء الله العلي العظيم ولي عودة مثل الربع |
مساااااااااااااااااء الابداااااااااااااااع
يا حي و الله شاعر الملحمة العامرية ............
يا خي انت و الله انك مجرم ................ انت كيف تجيب الكلمات هذي و منين ...... و الله اني معجب فيك اشد الاعجااااااااااااااااااااااااااااااااااااااااااب ............ الله يستر عليك .............. و الله اتوقع لك تسيطر على ساحة الشعر بعد حين .......... لك تحيا111111111111111تي ........................ الغريب .... |
[c]يقول الاخ غريب:
الله يستر عليك .............. و الله اتوقع لك تسيطر على ساحة الشعر بعد حين .......... وأنا اقول يا اخونا غريب الله يسامحك هو ذي بعد فيها كلام؟ لافي الانترنت ولافي الساحة الشعبية كل من عرف ابو فارس يتابعه غصب حتى اللي يبغضونه تراهم حافظين قصايده فكيف عاد حنا ياللي مانسمع فيه!!! ويقول معشي الشجر: شوي شوي علينا يا ابو فارس ما يمدينا نصحى من مفعول قصيدة الا وانت طاقنا بقصيدة ادهى منها ما شاء الله العلي العظيم وانا اقول: شوي شوي علينا يا ابو فارس ما يمدينا نصحى من مفعول قصيدة الا وانت طاقنا بقصيدة ادهى منها ما شاء الله العلي العظيم صح لسانك ملايين يبوفارس والله ينصرك ويعينك ولايهينك[/c] |
ونعم ومليون نعم يا ابو ثواب
ويكفين مرورك يا بعدي ولو لم تكتب شيئا |
اخي العزيز والقريب الى قلبي ويشهد الله على هذا
حسن المسفر مشكور يالغالي على مرورك الذين هو شرف لي واهلا بك وبعودتك |
اذكروا الله يا ناس
[c]
لا إله الا الله ما شاء الله تبارك الله ولا حول ولا قوة الا بالله والله ثم والله ثم والله انه ما عمر قصيدة اثرت علي فوق وجه الارض مثل ما أثرت علي هالقصيدة والله ثم والله ما يقول هالقصيدة الا رجل شاف في زمانه شي ما شافه غيره الله اكبر عليك يا مجنون اليتيمة وش اقول وش اعد وش اخلي شي يشيب الراس , صحيح ان من البيان لسحرا وان من الشعر لحكمة الآن واظن انني لست بمبالغ اشعر اهل الزمان يا ما شاء الله تبارك الله لو انا يا ابو فارس قايل الابيات الي بأطلعك عليها الآن اعتزلت الشعر يـاحـول حــال لـحـال استـحـال ومــات مــا لـفّــوه بأكـفـانـي" .,............."وعـزي لمـن شـاف الاجـواد فـي موتـه وهـو حــيّ يعـزّونـه ويـلاه مـا كـن ربـي خلـق فـي الارض هـمّ الا عـلـى iiشـانـي" ................"اشــوف مـــا هـــمّ الا واذوقـــه قـبــل خـلــق الله يـذوقـونـه ولـو باهقـى مـن ورا جرتـي للصـوت مصلـوح قــد امـدانـي" ..............."شقيـت ثوبـي وجريـت لـي صــوت قطـيـن الـشـام يوحـونـه يا طول بالي اجامل علـى جرحـي وانـا المـوت الحمـر جانـي" ............."حـولـي خـوالـي وكـنـي لحـالـي واثـرهـا الاشــواق ملعـونـه يـا شيـب شيبـي ويـا طـرّ جيبـي ليـت لـي ريـش وجنحـانـي" .............."لأزور خـلــي جـهــار نـهــار وتــالــي الاعــمــار مـدفـونــه يـا ويـل ويلـي ويـا قطـع حيلـي ويـا خسـارة كــل مــا كـانـي" ............"مــا بـاقـي الا انــا والـهـوى عمـيـا تمـشـط شـعـر مجنـونـه الله اكبر عليك واليبت اللي في الول يجنن كفرت بالكوكب المزعوم والنجمة ................وآمنت باللي عليكم رافعٍ نجمي :( :( [/c] |
بسم الله الرحمن الرحيم
اختي العزيزة والخلوقة الجازي :) مشكورة يا بعدي والله لا يهينك ومرورك كثريا ما يشعرني بالفخر واعتبره شرف لي ولقصيدتي هذه المتواضعة مليون شكر سيدتي الله يوفقك دنيا وآخرة |
أخي العزيز ومثال حسن النية قايد القلوب
وأنت ايضا قائد الشعر مشكور يا بعدي على مرورك واهلا برجوعك تحياتي لك ايها النقي |
ناصر الفراعنه
قصيده روعه بل قمه في الروعه لاهنت وصح لسانك مشاء الله عليك 0 |
اخي الحبيب والعزيز والغالي جداً جداً الشاعر المحيط ناصر الفراعنة
ويعلم الله ياناصر اني ابادلك نفس الشعور السلام عليكم ورحمة الله وبركاته المعذرة يابعدي على التأخير في العودة الى جمالك ولكن الاجاويد شرواك عذارة .... انت عارف رأي اخوك فيك يابعدي والحقيقة انك من القلايل اللي استمتع عندما اقرأ قصايدهم ....... والـخـد جـمــرة كـريــم لهـبـهـا سـامــر بـأسـنـاف ديـوانــي" ******************** "او لون ياقوت احمر علـى اسمـر مـن بـلاد الشـرق iiيجنونـه والكـف تابـوت مـوت ولـو انـه مــن حـريـر ازرق iiوكتـانـي" ******************** "مـا سـر فـرخ الحمامـة منـامـه حــدر فـيـة غـصـن iiزيتـونـه ************************************** مـا دام عينـي عليهـا رواق عــن حـسـن غـيـره وصيـوانـي" ********************* "حتّيـش لـو وقـفـوا فــي طريـقـي تسـعـة وتسعـيـن مزيـونـه ************************************ حي هالقصيد ياناصر وحي راعيه والله ....... بسم الله عليك والله لايكتب لك المضرة ياغناتي وعيني عليك باردة .......... صح لسانك مليااااااااااااااااار ولا يكفيك يابعدي ....... لك مني كل الحب وخالص المودة والتقدير ....... اخوك ومحبك حسن آل مسفر |
اخي ناصر الفراعنه
مسيك بالخير ... ماشاء الله تبارك الله .... صح الله لسانك ولاهنت .. والله اني اعجز عن وصف ماجادت به قريحتك ... لقد كتبت فابدعت ...شهادتي فيك مجروحه يااخي الكريم .. يشرفني اني قرات رائعتك ...كما يشرفني التعرف على شخصك الكريم سجل اعجابي |
| الوقت المعتمد في المنتدى بتوقيت جرينتش +4.
الوقت الان » 15:14. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع