|
وانا اعارض مع اخوي ولهان-1
هذي اخوي عكاشه اعتبرها هديه على علاتها
اخواني * اخواتي هذه القصيده معارضه لقصيدة الامير بدر بن عبدالمحسن اللي منها بيت يقول فيه يا ليل تو الليل ما راح نصفه ويا ليل بعض اللي مضى منك يكفي ومن شدة اعجابي بهذه القصيده عارضتها بما يمكن ان يطلق عليها مسمى قصيده -------------------------------------------- يطول ليلي ويقترب وقت حتفه ويطول ليلي ويصبح الجرح نزفي شفت المواجع هزت القلب رجفه وشفت المواجع ادمت ورود قطفي ابي ارتوي حلم(ن)تذوقت رشفه وابي لشوف النور والنور يطفي ملهوف انا فرح(ن) والفرح لهفه باشرب قراح الفرح من طيب غرفي مليت انا وقت(ن) تطاولت عجفه ومليت انا حلم(ن)ممشاه زحفي ابعد وانا اترجى لحظات قطفه يا حلمي اللي متعب(ن)شيل كتفي واشهق بموتي من عذابات ترفه ولو بان ضعف القلب قطعت ضعفي سلهم بقلبي يوم سلهم بطرفه ومن يومها والقلب ماهوب يغفي ماهيب عين اظنها طعن شلفه هزت مشاعر واحد(ن) كان صلفي اثر المواجع تورد القلب حتفه! واثر المواجع اصبحت كل نزفي * * اخوكم هاوي قصيد * وللجميع الحب وكل الحب |
سلهم بقلبي يوم سلهم بطرفه
ومن يومها والقلب ماهوب يغفي ماهيب عين اظنها طعن شلفه هزت مشاعر واحد(ن) كان صلفي الله الله صح لساااانك والله لو احد قالي ان بدر كتبها صدقته حلوووه مره مره صح لسانك :cool: |
ماهيب عين اظنها طعن شلفه
هزت مشاعر واحد(ن) كان صلفي اثر المواجع تورد القلب حتفه! واثر المواجع اصبحت كل نزفي +*+*+*+*+*+*+*+*+*+*+*+*+*+*+*+*+ اخوي سلطان القحطاني صح لسانك وسلمت يمينك اعجتني ابياتك ومجاراتك للشاعر الامير/ بدر بن عبدالمحسن واهنيك على هالشجاعه ولولا ثقتك بنفسك اخوي كان ما كتبت لنا هالابيات الجميله 00 يعطيك العافيه اتمنى لك التوفيق :) :) :) :) |
اخوي الغالي / سلطان القحطاني
صح لسانك وسلامتك والله من طعنة الشلفا وسلامة راس يبدع مثل هالابيات 0000 واسمع وانا اخوك تراني ملزم على عشاء القابلة وبما انك اعتذرت عن القابلة ابيك منك الموعد اللي تقدره ( يعني ماش فكة مني ) على العموم قصيدة رائعة ولاهي غريبة منك00 وتقبل اعجابي وتحياتي 00000 |
اختي مظلومه
اختي صدقيني ان كلماتك التي شرفتني بها هي الاجمل وتسلمين اختي وصح بدنك |
اخوي عكاشه
صح بدنك والله يعافيك يا غالي واتمنى لك النجاح بمهمتك الجديده من كل قلبي تمنياتي بالتوفيق |
اخوي مبدع القاف
صح بدنك والله يسلمك من كل شر وانت الاروع بكلماتك وبالنسبه للعشاء فاذا كان توست مع شرايح جبن خاليه من الكوليسترول فانا موافق اما اني اجيك وتحط لي من ها الذبايح اللي تقطر دهن على صحون الرز وتذبحني بالدهون والزيوت والكوليسترول فمعصي يا خوك ابي دعواتك بالتوفيق والله انها عن ذبايح والله يا غالي انا بامريكا وتقبل تحياتي |
| الوقت المعتمد في المنتدى بتوقيت جرينتش +4.
الوقت الان » 15:35. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع