رد : حبيبتي [ ريــم ]....... مع التحيّـة
 

أسهر وأسولف انا وعطرك ومنديلك
الي بقوا لي .. عقب ما الكل خلاّني

معقوله يعني ..أبد ما اقدر اشكيلك؟
معقوله يعني خلاص أصبحت وحداني؟

رد : حبيبتي [ ريــم ]....... مع التحيّـة
 

سقى الله يا زمانٍ كان ..ما ظنيت مثله كان
ولا ظنيت في يومٍ ..نبي نغلق له ستاره

على قولة (يبي يرجع) أطبطب خاطرٍ ولهان
على قولة(صعب ينسى) أطمّن روح محتاره

رد : حبيبتي [ ريــم ]....... مع التحيّـة
 

طبْ شسوي؟ والله ان حبك جنون
ساري بدمّي ...الى يوم الكفــن

آآآه لو تدرين يالحضن الحنووون
كل ليلـة ..أتشهّـد ..وأندفـن

...

رد : حبيبتي [ ريــم ]....... مع التحيّـة
 

آخر لقى رحتي ..وانا اقول يارب
قلبي يقول اليوم لحظة وداعي

يوم إلتفتّي لي وانا حيل مُتْعب
حسّيت منك بشيْ هدّا إرتياعي

عندي أمل ..من بعد غيبتك تقرب
وأعلّمك عن دمعتي .. وإلتياعي

عمره زواجي ما ينسيني الحـب
لانه من الآخر ..غطاء اجتماعي

...

رد : حبيبتي [ ريــم ]....... مع التحيّـة
 

وش حيلة المشتاق يا منصور
وعينن غدا نومه ، وش علاجه؟

كل ليلة ٍ لا دلهم الديجور
أقبل علي الهم باسراجه

وانا الي لا ضاقت عليه الدور
يلقى الشعر بابه ومزلاجه

توي فهمت ان الصدور قبور
تفنى البشر ولا لقت حاجه

والي تركني بغيبته مأسور
مسموح لو عذبني سياجه

هو يحسب اني داله مسرور
مايدري وش بالقلب وأوشاجه

روحي تطوف فبيته المعمور
ولبّت له الأشواق ، حجاجه

وان ما إلتقينا في ضحاح النور
ياعلنا في الحلم .. نتواجه

رد : حبيبتي [ ريــم ]....... مع التحيّـة
 

تدري ؟ ..حبك بقلبي رغم بعدك يزيد
اتصبّر ..وانا ادري مالي عنك غناة
ااه ..لو كنت تدري يالقريب البعيد
اني الي فقدت من الحياة الحياة

رد : حبيبتي [ ريــم ]....... مع التحيّـة
 

طال السهر والليل توّه ياعيني
ليل المحب مابين دمعه وشيمه

يضيق من كثر الحنين أكسجيني
واتنفسك يالذكريات القديمه

رد : حبيبتي [ ريــم ]....... مع التحيّـة
 

هو انت مثلي يصارعك الألم والسهر؟
وتقول ليتي اشوفه ..من بعيد لبعيد
ابحترق من قهر لو عشت بعدي قهر
وابحترق بالقهر لو كان شفتك سعيد

رد : حبيبتي [ ريــم ]....... مع التحيّـة
 

يا أول من سكن عمر الغياب ولا عرف قدري
ومن يدري؟ لعل الله كتب لي بغيرك الخيره

اذا تغرك مواويل الحنين وحشرجة صدري
فيا كثري عليك ويا صغر عقلك وتفكيره

وش اعدد؟ كثر ما خنتني في ضيقي وكدري
وانا لا جيتني في ضيقتك تاخذني الغيره

يبي ينصفني الليل الطويل ليا اختفى بدري
وذنبٍ حاك في صدرك يبي ينصفني تبريره

و يبي ينصفني الي جا مكاني دون ما يدري
وتبي تدري بإني شخص صعب يعوّض بغيره

كذا الأشياء لا راحت نحس بقدرها.. وادري
كسبت بكل حالاتي... : بياض الوجه والسيره

ولولا حشمة أيامي معاك .. أنهيتها بدري
ويوم أنهيتها .. لا ضقت ولا ضاقت بي الديره : )