|
صباح الخير
صباح الخير ياجماعة الخير .. بصراحه أنا ماعندي موضوع معين .. بس منذو بطي ماكتبت شي بالاستراحه وجاي اتمرن وازيد لياقتي بس..:) كل مافي الموضوع اني جاي استشيركم واتنشدكم ..وان شاالله انكم بتفيدوني كلكم بما فيكم عبدالرحمن الربيع :p انا ان شاالله بعد اسبوع بالضبط عندي موعد عملية ليزر .. وماخليت دكتور ولاخليت مستشفى عيون ماجيته .. وبصراحه متردد من هالعمليه .. قال لي الدكتور ان عندي انحراف بالقرنيه <<-- تحسون انه يبي يشحذ صح ؟ :) وان نظري حتى بعد العمليه ماراح يرجع 6 على 6 ويقول الدكتور انه راح يكون 9 على 6 انا ابي معلومات اكثر عن العمليه او قد سوى العمليه من قبل او لو حتى روابط عن عمليات الليزك وامراض القرنيه بالتحديد\ شكرا للجميع ز |
رد : صباح الخير
هلا نواف يالله حيه مبطين ما شفناك ياخي :white: شف دام عندك انحراف في القرنيه انا اانصحك تودي عينك لمطوع يقرأ عليها وان شاء الله تصير عينك اعقل من قبل :white: <<<<<<<<<< ياشين بعض السوالف على هالصبحيه :white: تشاوووووووووووووووووووووووووو |
رد : صباح الخير
سلامة عيونك يا نواف
عندك شوية هالروابط ان شاء الله تفيدك http://www.islamonline.net/Health/Ar...uestionID=9874 http://iplog4.suhuf.net.sa/2001jaz/aug/19/as26.htm http://213.230.15.195/sosnew/section...id=473&catid=7 وعندك هالموضوع بالذات زين للربيع بعد http://www.geocities.com/HotSprings/...79/superva.htm اتمنى اني افدتك في ما تبحث عنه والله يشفي والدك الغالي ويتم على الجميع نعمته |
رد : صباح الخير
نواف
اقول خلك على مجنونك لا يجيك اجن منه يا زين النظاره وانا اخوك لا تتهور اخاف يصير فيك شي هذه وجهة نظري والله يشافيك ويعافيك الا اذا شعغبيات بترسلنا على حسباها رحلة علاج انت تتعالج وانا مرافق في هالحاله اقول لك Go for it انت تروح الهند تعالج قرنيتك وانا اروح اسبانيا ارافقك من هناك :) والف سلامه |
رد : صباح الخير
اهليييييييييييين نواف ..
بالنسبة لعملية الليزك انا كد سويتها قبل خمسة سنين العملية سهله وسريعه وما فيها مخاطر .. مدتها تقريبا ً لكل عين خمسه دقائق .. وبعد العمليه تشووف في عيونك فيه احمرار لمده اسبوعين .. ويكون الجو عندك ضباب لمده كم يوم ... طبعا ً على حسب شطاره الدكتور اللي يسوي العمليه وعلى حسب حساسيه العين للعلاج . بس انت تقول فيك انحراف في القرنيه يعني وش الفايده من العمليه يا نواف دام انك بتسوي العمليه وفي الاخير يلزمك نظاره ؟؟ المهم اتمنى تنجح العمليه وتطلع لنا بعيون تشوف اللي ورى الجدار .. تحياتي \ الدكتور : مرزوق .. |
رد : صباح الخير
.
هلا حبيب ألبي ! إزيك يا واد يا نواف .. أنا عندي ولد خالي مسوي عملية " الليزر " القديمة قبل 11 سنة ماشاء الله تبارك الله .. والى يومك وهو يمدح فيها ماشاء الله تبارك الله .. وعندي واحد من الشيبان بالدوام كان نظرة جدا ً رايح فيها .. يعني زيك وأردى بعد ! ويوم جاء يسوي العملية إستشار لمن قال بس .. وما بقى دكتور ما راح له .. وآخر شي سوا العملية بالبحرين عند الكتور اللي أقول لك عنه بالمانع أول .. ولا رجعت طبعا ً طبيعيه مره .. كون إن عينه كانت جدا ً شعيف النظر فيها .. لكن بدال ما يلبس نظارة قزازها كنه قاع بيالة .. صاير يلبس وحده خفيفه مره ويقدر يفصخها .. هذا والله أعلم .. مسؤول الدعاية والتسويق لمستشفى المانع عبدالله فرغلي . |
رد : صباح الخير
.
هلا والله يابو حمود .. الطب تطور هالايام وان شاء الله ان العمليه بتنجح وبترتاح من النظاره وراح تكون نشيط بعد :white: إقتباس:
عبدالله البكر .. حسبي الله على ابليسك من جد حسستني اني كبير بعد هالكلام يووووووووووووووووه والله كن هالحدث امس القريب ، كنت اخبره يلبس نظاره سودا عن الانوار عشان ما تأثر في العين .. سلم لي عليه يا بو سعود .. << قلب موضوعك سوالف خخخخخخخخخخخخخخخخخ بس من جد اذا سويت العمليه بترتاح لكن بعد ما تعالج الانحراف يعني يبيلك تروح للميزان :white: إقتباس:
شعيف اجل هاه :55: نواف انت نظرك شعيف مره والا خفيف ؟ ترى كل ما صار النظر اشعف كل ما صعب النظر فيها << بالله ؟!! :white: والاملاء بعد اذا صار شعيف مشكله خخخخخخخخخخخخخخخخخخخ تمنياتي لك بالشفاء العاجل وان يصبح نظرك قوي بدل ماهو شعييييييييف استشاري موقع شعف النظر :55: :55: :55: ص.ب 45 ترسل على عنوان البريد وتكتب على اليمين لـ شعاف النظر .. . |
رد : صباح الخير
نواف اذا انت في الرياض في مركز في حي التخصصي للدكتور ( طباره ) ..
يمدحوونه كثييير والله .. وألف سلامه عليك , |
رد : صباح الخير
:) انا سويتها في مركز (( المغربي )) اللي في مستشفى (( المواساة )) بالدمام .. :) |
مراحب نواف .. أجر وعافية والله يكتب لك السلامة قبل وبعد العملية .. طبعاً ماعندي معلومات دقيقة عن العملية بس أخبر سألت واحد من الشباب وقال بعد ما رفع يده عند فمه وطلع لسانه كدليل سهولة : كلام فاضي :) بالسلامة يالغالي . |
رد : صباح الخير
إقتباس:
سوري نواف .. خل عيونك على جنب الله يحفظك .. عندي موضوع ودي اتناقش فيه بجدية .. وهل متوقع يا أحمد إنك صغير .. لاسمح الله ! :white: كانك متوقع انك صغير لا سمح الله وإنك ما انت شايب ولا صديق أخواني الكبار ولا << والله يمسك خط ما يرده الا صورة بو مطر يبطحها هنا :white: إقتباس:
اما يهذه .. فعز الله مالي وجه اتكلم :rolleyes: ودام إنت يارفيقي ما عرفت وشطول أصابعي أجل من اللي يعرف نواف :white: يا حبيلكم .. خلاص نواف .. انا عندي حل : روح موت . |
رد : صباح الخير
هلا اخــــوي نواف ماتشوف شــــر :) نصيحه من عندي اخذ عبدالرحمن الربيع.. خله يتبرع بالقرنيه حقته يقولون عنده طبقتين وتصير ميه ميه :white: اخوي اذا تبي مواقع زود خبرنا واحنا تحت امرك... استخيــــر.. والله يكتب الي فيه الخير ;) وطمنا عليك :cool: |
رد : صباح الخير
:cool: :cool: يعني نواف انت تلبس نظارت :white: بصراحه وبما اني خبيرة عدسات انصحك بلبس العدسات :white: |
رد : صباح الخير
إقتباس:
يالله صباح خير ..!! صدز ياشين بعض السوالف على الصبحيه tsh8 انزح ابشوف اللي وراك . |
رد : صباح الخير
نواف
صباح الخير يابعدي .. هلا بك وبالشوف الشجر هههههههههههه انا لي خوي معرفوش شوفه طشاش وسوى العملية وطلع ميه ميه واذا تبي رقمه عطيتك وكلمه وخذ العلم من راسه .. يارجال توكل على الله الطب تقدم وتقدم وتقدم وجاب قوووووووووووول خخخخخخخخخخخخ لا من جد كل اللي اعرفهم ومسوين العملية يمدحونها والليزك احسن من الدخان ههههههههه تدري عاد اني افكر في العملية لاني برضه اعاني من الانحراف وعيوني وحده يسار وحده يمين بس اشوف بها ولا عندي مشكلة <<<< ايه هيّن فيه مستشفى في حي ام الحمام يمدحونه قريب من اليورمارشيه وعندهم بعد وزن اذرعة وتغيير فحمات الفرامل كانك تبي هههههه نواف توكل على الله وما عليك وانشاء الله تشوف احسن من اول ولا عاد تسرق جوالات الناس هههههههههههههه |
| الوقت المعتمد في المنتدى بتوقيت جرينتش +4.
الوقت الان » 15:28. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع