|
نية الكذاب يالله تخيب فالها.
اسعد الله يابن جلعان من يقرا القلوب=في العيون وينقري قلب..مشني ومحبوب. كان مانتعب بعرف الصدوق من الكذوب=نية الكذاب يالله..تخيب فالها.
العيون تشوف لكن القلوب رقود=والتجارب علمتنا ان الحياه دروس. غير مافاد المجرب خدمة الموجود=خدمة يدفع عليها م الرصيد فلوس. |
رد : نية الكذاب يالله تخيب فالها.
ارحب ارحب ارحب يا محمد هلا بك والله يحييك واستلم لا هنت ... ما ني بسايق لك اعذار لو علمك وكاد والوكاد ان الجمر يحتبس تحت الرماد ما خذت ثمود عبرة من اللي صاب عاد نية الكذاب يالله ... تخيب فالها يا محمد قالوا ان الجود مالماجود والحصيد يكون ناتج نبتك المغروس ثارت البندق وثار العج والبارود واحتمت روس وتطاير من فشقها روس |
رد : نية الكذاب يالله تخيب فالها.
يا سلام تابعوا يا شعار و حنا معكم متابعين و انا بين الصفوف |
رد : نية الكذاب يالله تخيب فالها.
تثببببببببببببببببببببببببيت
على طووووووووووووووول شعراء كبار ابو علي نفداك لا تذخر عن ابن جلعان قد له يومين وهو فاحرني ههههههههههههههههههههههه واصلوااااااااااااااااااااااااااااااااااا وانا في صفك يابو علي العيون تشوف لكن القلـوب رقـود والتجارب علمتنا ان الحياه دروس. غير مافاد المجرب خدمة الموجود خدمة يدفع عليها م الرصيد فلوس. العيون تشوف لكن القلـوب رقـود والتجارب علمتنا ان الحياه دروس. غير مافاد المجرب خدمة الموجود خدمة يدفع عليها م الرصيد فلوس. رووووووووووووووووووووح يابو علي |
رد : نية الكذاب يالله تخيب فالها.
اهب يالقبليه عشانهم بني عمك تثبت لهم والا حنا يالضعوف نلوف الميدان لوف ولا لنا شي :d |
رد : نية الكذاب يالله تخيب فالها.
هلا والله يايزيد تشرفنا اكيد متابعتك ..
|
رد : نية الكذاب يالله تخيب فالها.
هلا ابو عبدالله:)
خلك في صفي وبنتقاوي على سالم:D أسأل سالمtsh1 |
رد : نية الكذاب يالله تخيب فالها.
كلما يممت وجهي..ولقيته سما=بان لي منك عذاريب ياحامي حما. غير لاتجعلني اروح..لي حامي حما=نية الكذاب يالله..تخيب فالها.
لاتثير العلم وانت ماعندك شهود=تنقلب حجتك فوقك وافضح المدسوس. وانت ماتقدر تقاوي ولا لك حدود=والنفوس نفوس لكن ان.النفوس نفوس. |
رد : نية الكذاب يالله تخيب فالها.
|
رد : نية الكذاب يالله تخيب فالها.
هلا وغلا يا يزيد .. حضورك شرف ولو اني منك .. مسكت فهد ونتفت ريشه في محاوره عشان العنصريه :D ******** هلا بك يا فهد .... وصفي وصف محمد تتشرف بك خابرك شوي مع محمد ولا حمي الوطيس بتعود معي :D ******** هلا بك مليون يا نايف وجودك يشرفنا وصفي وصف محمد واحد الله يحييك |
رد : نية الكذاب يالله تخيب فالها.
هلا يا محمد استلم لا هنت يا محمد والليالي تدرس من جهل من بغى يشرب من العد يحذر مالوحل كم سكن قبلك قصور ٍ ومنها كم رحل نية الكذاب يالله ... تخيب فالها ***** ينحمس يا صاحبي بنك بجمرة عود وانت مثل البن لا تصبح بعد محموس جاز لك يشهد ملك ولا يجي النمرود وتكبر الحجه وتلهب في القلوب حسوس |
رد : نية الكذاب يالله تخيب فالها.
نايف سعود...حضورك يشرفنا والله
ماشاء الله كلكم معي ,, قل على سالم السلامtsh5 |
رد : نية الكذاب يالله تخيب فالها.
حركاتك ذي قديمه ولا تمشي على=غير لا تقطع حبال المحاله بالدلي. والله الوالي ولا غيره الوالي ولى=نية الكذاب يالله..تخيْب فالها.
انقطع حيلي وانا لك ابذل المجهود=وانت تجحد ماعطيته والنجوس..نجوس. ياكبدي الصبْر الصبر..والصبر محمود=يوم يلقى القوس باري عارف بالقوس. |
رد : نية الكذاب يالله تخيب فالها.
كيف كلهم في صفك وانا اشوف يزيد اقرب لي منك :o خلك معي يا يزيد ابرك لك ;) لو يقول السارق انه سروق ٍ ماسرق والسباحه مطلب اللي يخاف من الغرق والظلام الحالك انهاه براق ٍ برق نية الكذاب .. يالله تخيب فالها * * * ما وصلني منك لا هرش ٍ ولا مفرود لا تمدح وانت تقطع كنك حد الموس تدعي بالكذب وادري ان القرود قرود وانت داري ان عظمك القاسي نخره السوس |
رد : نية الكذاب يالله تخيب فالها.
قالوا اول في المثل من سبق الاول لبق=وانت طايح يابن جلعان في شرْك وربق. قولك انها لعب بيلوت وشاهي بالحبق=نية الكذاب يالله..تخيب فالها.
نيتك شينه وقلبك م القلوب السود=والدليل ان خبثك العن من خبث البسوس. خايف لاجرح شعورك واحتمل منقود=عارف زينك وشينك..والوضع مدروس. |
| الوقت المعتمد في المنتدى بتوقيت جرينتش +4.
الوقت الان » 02:44. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع