|
رد : فيصل الخالد .. / وقناديل من صدق ٍ لاينضب ..!!
فيصل الخالد ...
مساء الخير .. كيف الحال .. بصراحه انا مااحب اسأل بس بغيت اقولك سلم لي على نفسك وعلى مدغم ابوشيبه وقله اني احبه كثيرن جدن .. اخوك // مرزوق بن فيحان .. شكرا ً نواف الشمري |
رد : فيصل الخالد .. / وقناديل من صدق ٍ لاينضب ..!!
.
فيصل .. أنت أجمل من الثناء .. وكفى .. لنبدأ.. السؤال الأول: كانت بداية الشاعر فيصل عن طريق القصائد الحرّة وشعر التفعيلة .. ولكن سرعان ماتغيّر الإنشاء والطرح حين وجد فيصل غايته في الشعر العمودي المقفّى.. [list] ماهي تلك الغاية .. التي دفعت فيصل للعزوف عن شعر التفعيلة.. بالرغم من امتلاكه للكثير من أدوات التميّز في هذا النمط؟ اين ترجح كفّة الذائقة الأدبية .. بين الشعر التفعيلي والشعر العمودي .. عند جمهور فيصل؟[/list] السؤال الثاني: فيصل الدبل.. إبتسامةٌ من حزن ! يخفي فيصل الكثير من حزنه .. بين طرفة حديثه .. وبساطة تعامله .. ومما لاشك فيه .. هو عدم الشروع في شخص فيصل .. ولكن يبقى السؤال عن ماهيّة الشعر .. لماذا يتجنّب فيصل .. البوح الحزين في قصائده .. بالرغم من محاولاته السابقة والناجحة على حسب رأي الكثير ؟ السؤال الثالث: القريب من فيصل .. يلاحظ تأثيره الإيجابي على من حوله .. سواء كان بالعاطفة أو ردة الفعل .. ولكن أيضاً يُلاحظ سرعة تأثر فيصل في من حوله .. حتى وإن كان هذا التأثر سلبي .. ففي قصيدة روبي .. كان هناك شيء أشبه بالمغامرة الأدبية .. بالرغم من عدم إقتناع فيصل في الفكرة ( سابقا) [list] ترى هل كان هناك شخص وراء تبنّي فكرة الكتابة عند فيصل ؟ إذا كانت الإجابة بـ نعم .. فهل قام ذلك الشخص بخوض هذه المغامرة قبلك أم لا ؟ واذا كانت الإجابة بـ لا .. لماذا إذاً أشار عليك بالقيام بها ؟[/list] إجابات صريحة .. الله يخليك ! :) السؤال الرابع: ماالذي يدفع الشاعر لكتابة قصيدة .. يخجل من قولها أمام العامّة .. وهل صحيح أن هناك قصائد غير صالحة للنشر .. ( ولماذا)؟ وشكراً أولاً وآخراً يابو خالد .. ولي عودة .. إن شاء الله |
رد : فيصل الخالد .. / وقناديل من صدق ٍ لاينضب ..!!
اخوي فيصل الخالد انا سعيد بالتعرف عليك من خلال هذا الحوار الجميل ورغم حداثتي في الموقع الى انني اكتشفت ان فيه اقلام جميلة وصادقة وانت واحد منهم اسمح لي ببعض الاسئلة التي اتمنى ان تكون خفيفة عليك س1/ في ظل هذا الزخم من القنوات التي تهتم بالشعر من مجلات وصحف وقنوات وانترنت كيف ترى مستقبل الشعر في السنوات القادمة س2/ ماهي الاشكال المحببة الى قلبك من الشعر التفعيلة ام الموزون والمقفي س3/ هل ترى ان الشعر قادر على معالجة قضايانا العربية واين انت من ذلك س4/ تقول الاخبار ان فيه قناة تعمل على ان يكون من ضمن برامجها الشعرية سوبر ستار اسوة بالبرنامج المذكور كيف ترى ذلك وهل يخدم الشعر س5/ الامسيات الخاصة او امسيات الاعراس هل دعيت الى امسية وقبلت الدعوة وهل تراها ظاهره صحية شكراً اخوي فيصل |
رد : فيصل الخالد .. / وقناديل من صدق ٍ لاينضب ..!!
الله يمسيكم بالخير
والف شكر يا نواف على تقديم ضيفك المهضوم فيصل اخوي فيصل الله يحييك عندي كم سؤال ودي تجاوبني بصراحتك المعهوده س1_يقال ان فيصل الخالد فيصل الدبل مهدي ناصر السبيعي سياره ماي باخ ما صحت هذا الهدية وشلون قدرة تشحنه للكويت مع البسامي ولا ناصر ماخذها من الدمام؟ س2_يقال ان روبي رافع قضية عليك بسبب القصيدة وانك كاتبه بالعاني علشان تحتك فيك وش ردك ؟ س3_وانت طالع للبر وغرزت سيارتك او تعلقت وش اول شي تفكر فيه تسفيطة الشماغ ولا كيف تفاتح اللي معك ينزلون يدفون ؟ وسلامتك ولك كل الحب والتقدير |
رد : فيصل الخالد .. / وقناديل من صدق ٍ لاينضب ..!!
اخوي الغالي – فوزي المطرفي
الف الف شكرعلى اطرائك الرقيق لا عدمتك وانا الي مدين بالكثير لمنتدى شعبيات الي عرفنا وجمعنا فيك وبامثالك لا عدمتك ردا على اسئلتك كيف هو حال الشعر ؟ وهل خذلك يوما ً ؟ الشعر يسلم عليك ويقول لك هو بخير وبالف صحه وعافيه بس من جد الشعر ولله الحمد في عصرنا الحالي ومع تعدد وسائل الاعلام ونجاح اغلبها في ايصال شعر حقيقي للمتذوقين والمتابعين في احسن حال فانا ضد المتشائمين بخصوص هذا الموضوع لاننا نعيش عصر ذهبي للشعر الشعبي بانواعه بما يتضمن الغنائي والنثر والتفعيله وعندك على سبيل المثال لا الحصر شوف شعبيات وكم قلم رائع وجميل تضم وغير شعبيات من المنتديات الناجحه وعندك المجلات الشعريه وماتقوم اغلبها به من درو فاعل وفعال في ايصال اصوات ومشاعر الشعراء للعامه اما من ناحية هل خذلني الشعر يوما فنعم في كل مره احاول ان اكتب شي في امي اجدني ومشاعري وموهبتي الشعريه اقزاما امامها الله يطول بعمرها ويشفيها ويعافيها يارب والي خذلني اكثر من الشعر هم الشعراء فبعض المتسلقين يا فوزي فعلا يسببون لك احباط وخصوصا المنافقين والوصوليين من الشعرا والذين لا يهمهم سوى الشهره الفاضيه ولا يهمهم كيف الوصول اليها ويقومون بالتضيحه بانفسهم اولا ومن ثم مبادئهم وبمن حولهم للوصول الى اهدافهم هل العلاقات تصنع شاعراً نجماً .؟ قد تصنع العلاقات من مستشعر شاعرا لفتره قصيره جدا ولكن هل ستستمر نجوميته ؟ لا اعتقد على الاطلاق لان البقاء للافضل او للاشعر والاعلام يستطيع تقديم و فرض انسان معين لفتره معينه ولكن في نهاية المطاف القرار بيد المتذوق والقاري والمجلات تريد ان تبيع ولو استمرت في فرض المستشعرين فهي بهذا تقوم بفقدان القراء وبالتالي المغامره في انجاح وابقاء المجله ككل لذلك وجب على كل مطبوعه تقديم شعراء حقيقون وبعضهم يقوم بزج بعض المستشعرين مع الشعراء الحقيقون على سبيل المجامه او التجاره او النفع وسرعان ما ينكشف ستار هؤلاء المستشعرين وتتخلى المجلات عنهم لماذا تسكن في السفر ؟ هذا السؤال وجهه للرئيسي وعلشان اجاوبك بوضوح اكثر ضروف عملي تحتم علي كثرة السفريات ولو الود ودي لقدمت جواز سفري الى ادارة الجوزات وقلت لهم عطوني فلوس بداله ما عاد ابي اسافر بس الشكوى لله والعمل واحكامه اقوى مني هلا بك يا فوزي وشرفت ونورت واسعدتني اسئلتك لا عدمتك |
رد : فيصل الخالد .. / وقناديل من صدق ٍ لاينضب ..!!
اخوي الغالي - عبدالرحمن الربيع
مساء الورد حبيبي وهلا والله بك يابو رياض قبل ما ارد على اسئلتك احب اوضح لك ان الرقم الي يجي بعد 2 هو 3 حبيبي :) وش بك ترقم اسئلتك بالمقلوب انت مرقمهم 1 بعدين2 بعدين 1 مره ثانيه :) لا واضح انك طالع الاول بصف رابع ابتدائي وخصوصا بمادة الرياضيات :) "فرصه لقى عليك شي قبل لا تشرشحه باسئلتك " س1 : هل اثرت شخصيتك المرحه على آراءك الجدية ؟ والله يابو رياض انا انسان احاول قد ما اقدر اني اكون حقيقي يعني على طبيعتي واحيانا ما انكر اني اكون في موقف جدي وتشوفني لا شعوريا ازلق بضحكه او بمزحه وحتى في اجتماعاتي الرسميه احيانا اجيب العيد ولكن رغم الفكاهه تبقى ارائي هي ارائي ومبادئي هي مبادئي فالصح صح من وجهة نظري سواء الانسان قال رايه بجفاف او مع مزاح وقد اقول ارائي الجديه بطريقه فكاهيه ولكن تبقى اراء تعبر عن قناعاتي س2 : عندما اسمعك وانت تلقي قصائدك اشعر بأن الحرف يخرج من داخلك ويظهر عليك الانفعال الواضح وخاصه في مرثية يوسف ماهو السبب في ذلك ؟ لاني لا اكتب الا ما اشعر به يا بورياض يعني انا لا اكتب من وحي الخيال على الاطلاق الا في حالة الفكاهه والقصائد الفكاهيه اما بالنسبه لباقي قصائدي فجميعها من واقع حقيقيه ولذلك تجدني لا شعوريا انفعل واتفاعل معها اما بالنسبه لمرثية يوسف فيوسف الله يرحمه كان مثل ولدي ومتربي في بيتنا ووفاته جائت كفاجعه كبيره جدا غير متوقعه والى يومك هذا احيانا اغلط وانادي احد اخوانه باسمه رغم رضائي بقضاء الله وقدره ولكن احيانا شوقي له وحبي له ومشاعري تحكم الموقف ويعلم الله يابو رياض القصيده هذه بالذات كل ما اقولها اشوف صورة يوسف قدامي واكنه حدى الجالسين بالمجلس معاي واحيانا اشوفه بالحلم يجيني ويسالني عنها واكنه يلومني ليه ما اقولها في كل جلسه اجلسها مع شعراء ولما اكون ماسك خط لوحدي احيانا اكررها على نفسي خمس و ست مرات رغم انها تألمني الا انها تريحني كثير شعور صعب اني اشرحه يابو رياض واللهم لا اعتراض والحمدلله على قضائه وقدره اللهم اسكن يوسف جنات النعيم ونوره له قبره وارحمه برحمتك وموتى المسملين جميعا يارب س1 : انت رجل اعمال ولك مشاغل كثير ما هو تاثير مشاغلك واسفارك عل مسيرتك لشعرية ؟ اولا انا موظف ماني رجل اعمال لا يكون انت مماشيني بس على طمع هههههههههههههههههه طلع نااابك على شونه على قوله المصريين والله يابو رياض اكون صادق معاك اذا اقولك ان الشعر اخر اولوياتي لاني انسان واقعي ومسئول واحاول قد ما اقدر اكون جدي تجاه مسئولياتي العمليه لذلك تجدني مقل جدا ومقصر تجاه الشعر والشعراء فكم امسيه تمنيت حضورها ولكن المشاغل حالت دون ذلك وكم قصيده تمنيت الرد عليها وكم موقف تمنيت ترجمته لقصيده ولكن المشاغل دائما هي العائق وهلا بك يابو رياض باي وقت شرفت ونورت والتواصل معك له طعم خاص |
رد : فيصل الخالد .. / وقناديل من صدق ٍ لاينضب ..!!
اخوي الغالي – ثامر الشعيفان
الله يطول بعمرك يابو سعد ويبيض وجهك حقيقه انك كريم واجودي وعطيتني اكثر من حقي من طيبك وكرمك الله لا يعدمني اياك ولا يحرمني من محبتك واخوتك ردا على اسئلتك يابو سعد فيصل بن خالد ... قلم جاد ومحاور من الدرجة الأولى ... فما السبب وراء عدم مشاركتك في مواسم ؟ والله يابو سعد سؤالك هذا حساس جدا واخاف اجاوبك عليه يزعلون مني ناس كثير لكن شوف الجواب الدبلوماسي لسؤالك اني لا اجد الوقت الكافي ياثامر لاقوم بواجباتي كمشرف على الاستراحه فما بالك باستطاعتي بالتواصل مع باقي اقسام شعبيات الرائعه وبما اني عارف انك بترجع وتسأل نفس السؤل بصيغه اخرى لانك ما راح ترضى بالجواب الدبلوماسي فخلني اختصر عليك عنا السؤال واوفر على ضاري بالعطا اربعه كيلو حبر ومساحه سيرفر واجاوبك واتمنى ان جوابي ما يزعل احد انا من مدمني قرائة ما يكتب بقسم مواسم ولكني من اقل الناس تواصلا مع القسم ومواضيعه وذلك يعود لسبب شعوري بوجود اقلام هناك تتخفى حول قناعات هي لا تؤمن بها اساسا مما جعل التواصل معهم عمليه غير مريحه بالنسبه لي رغم المجهود الجبار الذي تبذله الاخت الجازي والاخت نوره في انجاح القسم ورغم نجاح القسم كقسم ونجاح اغلب اقلامه الا ان لي احتجاج على بعض النماذج هناك فقررت ان اخذ الطريقه السهله وهي التجنب وهذا طبعا ليس هو الحل الامثل ولكن في ظل الوقت القليل المتاح لي افضل التواصل مع اقسام اجد فيها راحتي والله يعطي مشرفتي قسم مواسم الرائع الف عافيه ويكون في عونهم لان المجهود الذي يبذل في ذلك القسم بالذات ماهو بسيط على الاطلاق قرأت في أحد المجلات مقابلة مع س من الشعراء وقد سُئل عن الشعر الهزلي أو الساخر او الكوميدي فقال بأنهم وصمه عار في تاريخ الشعر ... ماهو رأيك أنت ؟ والله يا ثامر اول مره اسمع عن شاعر اسمه "س" ===== ) يا حبه للتميلح بالزحمه بس بالتاكيد ان الي قاله اخونا "س" يمثل رأيه الشخصي ولا يمثل راي الساحه الشعبيه الشعر الفكاهي او الساخر موجود من ايام الجاهليه وهو نمط من انماط الشعر ولون من الوانه لا نستطيع انكاره ولا نسطيع انكار قاعدته الجماهيريه فقد لا يجوز لاخونا "س" ولا يجوز لاخونا خالدالتميمي " تابع اسئلته وانت تعرف مدى حقده على هذا النوع من الشعر " ولكن هذا لا يعني الغاءه من خريطه الشعر والغاء محبيه و من رأي الشخصي انه لون رائع واحيانا نحتاج له للتخفيف عن انفسنا اضف الى ذلك ان الفكاهه هي اسرع طريقه من وجهة نظري للوصول الى القلوب فانت تستطيع ان تتطرق لمواضيع اجتماعيه جاده هادفه عن طريق الفكاهه وانا اؤكد لك ان الرساله الاجتماعيه ستكون مؤثره اكثر وستصل بطريقه اسرع وهلا بك يابو سعد باي وقت والتواصل معك شرف يا غالي الف شكر |
رد : فيصل الخالد .. / وقناديل من صدق ٍ لاينضب ..!!
الاخت الفاضله - راعبيه
الله يطول بعمرك والف شكر على اطرائك الرقيق لا عدمتك ردا على اسئلتك -1- اقرب قصيده الى قلبك وما هو جديدك ؟ اقرب قصيده الى قلبي بالطبع هي مرثية يوسف لقرب موضوع القصيده لنفسي واما بالنسبه للجديد فبعد قصيده "روبي" والتي نشرت في مجله اصايل العدد الحالي فهناك قصيده فكاهيه تتحدث عن الساحه الشعبيه بعنوان الاعلام سترينها قريبا باذن الله وهناك قصائد اخرى منها الوجداني ومنها الغزلي ولكني كسول جدا فالكتابه فقد تمر سنه كامله وانا ما كتبت حرف واحد وان كتبت ما تواصلت وخليها على ربك -2- ماذا اضفت لقسمك وكيف طورته ؟ والله اتمنى ان اكون على الاقل قمت بابسط واجباتي كمشرف والخير والبركه في نواف والربيع لانهم اصحاب المجهود الحقيقي في انجاح القسم والمشرفين الي سبقوهم وكانوا معي بالاشراف بعد ما قصروا وادوا واجبهم على اتم وجه اما بالنسبه لي فانا مقصر جدا لذلك لن اتكلم عن ما اضفته لاني مهما عملت فانا مقصر لكن المشرفين الحاليين والسابقين هم من قام بتطوير القسم من حسن لاحسن بالمواضيع الهادفه والمشاركه المرحه الجاده والمتابعه الحاسمه لبعض التجاوزات والله يوفق الجميع ويصبر قلوبهم وقلوب الاداره علي وعلى تقصيري -3- ماذا اعطتك شعبيات وماذا اخذت منك ؟ بكل امانه شعبيات اعطتني الكثير والكثير ومن ضمن الاشياء التي اعطتني اياها هي معرفتي باغالب الموجودين وهذا الشي اعده مكسب حقيقي لا يقدر بثمن ومحبة من حولي والاحتكاك بشعراء رائعين واقلام قويه جدا ولم تاخذ مني شي بل على العكس لو اعطيت ما اعطيت ابقى مقصر في حق شعبيات وتواصلك شرف يا راعبيه وهلا بك باي وقت |
رد : فيصل الخالد .. / وقناديل من صدق ٍ لاينضب ..!!
اخوي الغالي عكاشه
قصر صوتك الله يرجك لا احد يسمعك ما احد يدري اني فيصل الدبل قل فيصل الخالد لو سمحت :) :) هلا بك يا بو عبيد باي وقت وتشرف وتنور وان شاء الله يخرب جهازك وتسكر كل مقاهي الدوادمي وتروح لابونوت عشان تدخل من عنده وتحط اسئلتك يقول لك الساعه ب 5000 ريال وتتهاوش معه وتصفقه بالجهاز على راسه وما تلاقي وسيله تدخل وتحط اسئلتك عشان اخلص وارتاح لاني عارفك شررررررري والله يكفينا شرك وردا على سؤالك وهذا اول سؤال انت وقعت وإلا الهوى رماك؟؟ لا والله لا وقعت واي هوى الي يقدر يحركني بالله عليك بس هذا نوافوه وعبيص هم الي ورطوني هالورطه والله يكون في العون عموما هلا بك يابو عبدالله باي وقت وتشرف وتنور وارحموووووووا من في الارض يرحمكم من في السماء يا شرس :) |
رد : فيصل الخالد .. / وقناديل من صدق ٍ لاينضب ..!!
اخوي الغالي محمد العمري
يا هلا والله وغلا يابو خالد والف الف شكر على اطرائك الجميل يا فيلسوف شعبيات الانيق ابو نظارات مضروبه من امهات التخفيض ب 275 ريال حبيبي والله الف شكر على كلامك الجميل وردا على اسئلتك يابو خالد : 1. تتحدث دائماً عن ( طنبق طنبق ) سواءاً في المنتدى أو في الجلسات الخاصة .. هل هناك شعراء في الساحة الشعبية من نوع ( طنبق طنبق ) ؟!! وإن وجدوا فعلاً كيف تستقبل نصوصهم وانت بينهم وكيف تستقبلها وأنت خلف شاشة الكمبيوتر ؟!! يا كثر اهل طنبق طنبق يابو خالد اساسا الساحه الشعبيه والعنكبوتيه مكونه من 9000 شاعر من فئه طنبق طنبق و 50 شاعر حقيقي وفي شعبيات يوجد 30 شاعر من هال 50 :) عاد يبقى 20 وزعهم انت براحتك اخاف يزعل علي السحيمي ويقول تقصد النداوي ما فيه والا المرقاب ما فيه وهذول جماعه عندهم رشاشات وانا ماني ناقص اصابات اما بالنسبه كيف استقبل نصوصهم فيعتمد على مدى تقبلهم للنقد او اذا صح التعبير مدى تقبلهم للراي الاخر اذا كان الرجال الي قدامك يتقبل اراء الاخرين مهما كانت متوافقه او مخالفه لاراءه فتجدني انقاشهم وابدي رايي ولكن اذا شفت الي قدامي يحسب انه بيل كلينتون الشعر الحديث يعني اقوى شاعر بالوجود وما فيه اي مجال للاقناع او النقاش فالنقاش هنا يكون مضيعه وقت ومجهد لي ومقرف لمن حولي لذلك اكتفي بقول صح لسانك ويعطيك العافيه ويتهيء لي بيت عبدالله مران يشهد وانت خابر بعض الامور يا معلم فيلسوف بيه باشا افندم 2. تكتب التفعيلة وتكتب القصيدة العمودية ... بإجادة مع ذلك تذهب المواقف الحقيقية للتفعيلة ( غالباً ) وتذهب قصائد الفكرة والقصائد الساخرة للعمودية .. فما السبب .. ؟!! والله يابو خالد ان جيت للحق فانا مو من النوع الي يحدد كيف باكتب القصيده هذه قبل الكتابه الفعليه لها يعني اذا طلعت القصيده تطلع ومادري كيف تطلع تفعيله عامودي اهم شي انها تطلع هذا طبعا من ناحيه من ناحيه اخرى قد يكون كلامك صحيح ويكون توجهي في المواقف الوجدانيه للتفعيله اكثر بطريقه غير مباشره وغير مقصوده وقد يكون السبب في ذلك ان التفعيله تعطيك مساحات اكبر للتعبير ولكن لدي بعض القصائد الوجدانيه عاموديه كقصيده "مأساتي" وقصيده "اخاف الله" وغيرها من القصائد الوجدانيه او التي تعبر عن مواقف حقيقه عاموديه 3. حدثنا عن سبب توقف مشروع تعاونك مع الفنان راشد الماجد .. ؟! ههههههههههههههههههههههههههه بسم الله الرحمن الرحيم انت وش دراك يابو خالد بديت اشك انك مباحث لان الموضوع هذا ما يعرفه الا ناس تنعد على الاصابع وما اذكر اني حكيت لك عنه بس اكيد سبب مصايب فيصل الخالد الاستاذ نكبه "محمد الشهري" هو الي قال لك عموما الموضوع توقف بسبب كسلي وعدم متابعتي وخوفي من العواقب طبعا من ناحية الفنان راشد الماجد المساله بالتاكيد مساله اولويات فلا استطيع القول اني السبب الوحيد في توقف هذا التعاون والموضوع بكل بساطه اني كنت مستضاف في احدى اذاعات الخليج وسمعني مدير اعمال الفنان راشد الماجد وطلب رقمي من الاذاعه فاعطوه واتصل بي وطلب مني بعض القصائد وطلب القائها وتسجيلها وطلب طلبات اخرى ونفذت بعض المتطلبات وتكاسلت عن البعض الاخر ولم اتابع ولن اتابع مع احترامي الشديد للفنان راشد الماجد ولكني عندما فكرت فيها وجدت اني ماني ناقص احمل ذنوب او اشارك في ذنوب ولو اعيدت الكره لرفضت من البدايه والله يبعدنا عن هالطريق يعني لاول مره كسلي ان شاء الله حماني لاني بكل صراحه ضد فكره الاغنيه او المشاركه في ذنب والله الي يهدي الجميع والله يحمينا من ضعف انفسنا والحمدلله على كل حال 4. ماسر شعبيتك الكبيرة في مملكة البحرين ..؟! والله يابو خالد المساله مساله تواصل انا كنت متواصل بصفه مستمره مع الاخوه في البحرين وفي الساحه الشعبيه البحرينيه وكنت عضو في جمعية الشعر الشعبي البحريني وكنت احضر امسيات بعض الاخوه واحضر جمعات الجمعيه على قد ما اقدر والاخوه كرماء جدا دائما يطلبون مني قصائد للنشر ويحتفون فيها احتفاء رائع وللمعلوميه انا اول ما نشرت نشرت بالاعلام البحريني وهو اعلام كريم جدا ولا انكر فضل الله ثم فضل الاخوان في جريده اخبار الخليج وجريده الايام وجمعية الشعر الشعبي والشيخ خالد ال خليفه والاستاذه - مبارك العماري وعبدالله الدوسري لانهم ناس فعلا يحتفون ويقدرون وانا متأكد لو انك تواصلت معهم نفس التواصل يابو خالد لوجدت نفس الشعبيه ونفس الاحتفاء على اقل تقدير لانك شاعر افضل مني بمراحل -- ابسط يا عم -- واي انسان يتواصل مع اي اعلام تاكد انه سيجد احتفاء ثمرة هذا التواصل اذا كان يستحق شعريا طبعا وهلا بك يابو خالد يا فضيحه خليتنا نفضفض بالي كنا ناسسسسسسسينه :) |
رد : فيصل الخالد .. / وقناديل من صدق ٍ لاينضب ..!!
الشاعر والرايع فيصل الخالد
الله يسعد مساك وعساك ماتعبت من اسألت الربع الي والله ماشالله ماقصرو اخوي فيصل حبيت امسي عليك بالخير او اصبحك بالخير والاساله والله كل ماجيت أسأل سوال لقيت احد سبقني ولاكن الله يعطيك العافيه وتحيتاتي للشاعر الدب الرايع بكل المعاني اخوك وعساكم على القوه اخوك نمر العتيبي |
رد : فيصل الخالد .. / وقناديل من صدق ٍ لاينضب ..!!
فيصل
يسعد صباحك بكل خير يالغالي سؤال حقيقي؟؟؟ س/ في أحد اللقاءات كنا نتحدث عن الفرق بين الكسر والثقل . ولكن دخل بينا محمد العمري وشطحنا في موضوع آخر . ( والحين أقدر آخذ فرصتي ) السؤال هو / ما هو الفرق بين الكسر والثقل ؟ وبشرح مفصل لو سمحت مع الأمثلة .! سؤال ماهو حقيقي . لكن الاجابة اجبارية :55: ماهي المضاعفات التي يسببها لك كل من : ( سواءاً سلبية أو اجابية - وبالعربي انس الايجابية لأني جبتها كذا ولا ني قاصدها ) :55: محمد العمري :mad: أبو نوت عبدالرحمن الربيع عبدالله التميمي خالد العنقري خالد التميمي محمد الشهري احمد الديهان حسن المسفر محمد الحراب خالد الشايع ابراهيم الرشود :mad: نايف عوض ( ولو انك ما تعرفه ) :mad: عكاشه فيصل بن خالد :white: صالح عبدالكريم نواف حمود الشمري تحياتي .. ويمكن أرجع اذا عدت بخير .. لاني حاس اني بنفرش أنا وياك آخرتها .. تسلم |
رد : فيصل الخالد .. / وقناديل من صدق ٍ لاينضب ..!!
^ ^ ^ ^ ^ ياحبي له ياناس ابو خالد عدلت الرد ترى ردي الصدقي تحت ... اي واحد من المشرفين يمر من هنا يحذف هذا الرد والرد اللي فوقه:white: ... |
رد : فيصل الخالد .. / وقناديل من صدق ٍ لاينضب ..!!
السلام عليكم ورحمة الله وبركاته الله بالخير ابو خالد كيفك يابعدي عساك بخير الحقيقه اني كنت اتمنى ان اكون من الاوائل في الحضور بس انت خابرني انا وابو مران من طلاب اخر الفصل الصف اللي انت خابر كلهم راعين نوم .... على العموم انا ودي اسئل سؤال وبس سؤالي / وش تتذكر اذا شفت اسم ابو مران ؟؟ طبعا اي شئ غير الخندريس :white: (( هالسؤال صعب دام ابو مران موجود فيه )) ..... بغيت اسئلك سؤال بس قلت اخليك تحل هذا وبعدين اعطيك اللي بعده باذن الله .... تدري وش اهم شئ يابعدي ... اهم شئ انك يابو خالد في القلب قبل كل شئ .... ياحبي لك يابعدي ... تقبل كل الود وخالص الحب ........ |
رد : فيصل الخالد .. / وقناديل من صدق ٍ لاينضب ..!!
ابو خــالد .. قلم لا يـُمـلّ .. وقــلب يأسر كل من حاول الاقتراب مـِنه .! رفيع عن كل ما يـُنغص البال .. أسألتي بعيداً عن الشعــر و الادب .. ذات إهتمام وأتمنى أن يتسع صدرك لهذه الاسئله والوضوح مطلوب .. والبناء يحتاج المكاشفه الحقيقه " حرصاً على شعبيات "!! سؤالي : هل ترى أن إستراحة شعبيات بهذا المستوى من الطرح ؟ .. مـُريح !! أم أن لغة الغياب التي تمارسها في إجاباتك كافيه للإقناع .؟ ألا ترى أن هروب بعض الاقلام مـِنها وتحفظ البقيّه الباقيه بمشاركات قليله جداً جداً : راجع إلى عدم وجود المشرف الحريص على كل كلمه / موضوع ..كتب هناك .. أما لو كان الحرص موجود و المتابعه موجوده كما كان قبل لما ذهبت هذه الاقلام حياءً من هذا المناخ الملىء "ببعض وليس كل" المواضيع المنقوله الغير مفيده أو المواضيع التي تكتب بدقيقتين أو المواضيع التي تـُفتح بطريقه تفتقد لروح الموضوع وإخراجه.... الخ ! وقس على ذلك قلة بل ندرة المتصفحين للإستراحه ..؟ الا يوجد معايير وأسس يبني عليها القسم مسيرته كما هي الاقسام الاخرى خصوصاً أنهُ كان في فتره من الفترات أكثر إجتذاباً للأعضاء و الزوار من الاقسام الاخرى وأُشيع أسمه حتى في المجالس للروح والألفه و الادب المتبادل الغير خالي من " التنتيف " مع عدم إغفال الهاجس العام وهو ألأحترام و التقدير ؟؟ سؤالي الاخر : هل تـعد الجميع بعودة الاستراحه إلى مكانها الطبيعي كـ رِفعه وبسمـه جميله خصوصاً و أن ابو رياض جاء ليكمل العقد المهذب معكم .. حضور متأخر لا يـُلغي محبتي الشديدددددده جداً لك |
رد : فيصل الخالد .. / وقناديل من صدق ٍ لاينضب ..!!
[c]
هلا يا فيصل الخالد شاعر مثلك يستحق التقدير والشكر لك على اعطاء اعضاء وزوار شعبيات هذه الفرصه لاستضافتك وكذلك الشكر موصول لمن قدم لك الدعوه ... لتكون على هذا الكرسي المتعب ما عندي اسائله الاخوان كفو ووفوا بس حبيت احييك اخيك ومغليك ... سالم بن جلعان [/c] |
رد : فيصل الخالد .. / وقناديل من صدق ٍ لاينضب ..!!
. السلام عليكم ورحمة الله وبركاته ... فيصل بن خالد الدبل ... صبحك / مساك الله بالخير ... في البدايه اشكرك على قبول دعوة الأخوان مشرفي بوح القوافي لهذا اللقاء الممتع .. ثانياً انا هنا ليس لأمتدحك فـ انت شاعر غني عن التعريف وشهادتي فيك مجروحه .. بل اتيت لأسألك بعض الاسئله واتمنى انها تكون خفيفه على المعده (: .. 1 ) هناك من يسمي القصائد بمسميات شتى منها على سبيل المثال " قصيده شفافه " .. ياليت لو توضح لنا ماهي القصيده الشفافه و يا حبذا لو تذكر نموذج لهاا ;) ... 2) ما ذا بعد ان عٌرف فيصل بن خالد بأنه فيصل الدبل شقيق الشاعر نواف الدبل .. ؟ 3) هناك مشاحنات بين من يكتبون القصائد الكلاسيكيه ومن يكتبون قصائد الحداثه , تٌرى ما هو السبب وراء تلك المشاحنات ؟ ,.. و هل تحبذ الشعر الكلاسيكي ام شعر الحداثه ؟ 4) هناك من يقول بأن شعبيات توجد بها شلليه .. , هل تلمس هذهِ الشلليه من خلال تصفحك للمنتدى؟ شاكر لك سعة صدرك يا بو خالد ... شكراً لكم يا مشرفين بوح القوافي على الجهود المبذوله ... . |
رد : فيصل الخالد .. / وقناديل من صدق ٍ لاينضب ..!!
ياعمري على اللقاء واللي مسوين معه لقااااااااااااء
أقول يابو الشباب اخوك نواف دفع نص حسابه وانت للحين ما دفعت لي ولا ريال على القصايد اللي اكتبها لكم .. وش السالفه؟؟ بتماطلني اكثر من كذا؟؟ يا أخي انا إنسان ما أحب اخلط بين شغلي وبين علاقاتي الشخصية Business is Business .. رجاءً خلك مثل اخوك وادفع مع ان اخوك بالمووووووووت دفع لي نص حسابي .. ولاّ إنسى العشر قصايد اللي سمعتك اياها آخر مره واتفقنا على إنك تشتريها بخمسين ألف كل قصيده 5000 ريال بس عشانك خويي ولاّ انا قصايدي اغلى من كذا بكثييييييير :) :) .. دبدوبي لا تنسى حسابك كثر والدفتر تعبّى وانا أسجل اسمك ما يصير يافيصل .. ما تعوّدنا الشيوخ يماطلون كذا عاد؟؟ ولا بتسوي فيني مثل ما يسوى عماد في العربي :)؟؟؟؟ هذي أسئلتي الشخصية فيصل .. علاقتك في الشاعر نواف الدبيخي قويه جداً منذ أكثر من عشر سنوات وكانت هناك فرصه متاحه لك للنشر في "فواصل" عندما كانت الساحه تقتصر على ثلاث مجلات .المختلف. فواصل. قطوف --> قطوف فهد عافت طبعاً .. أي كنت ستسبق أخيك نواف الدبل في الظهور الإعلامي .. لماذا إمتنعت عن النشر في "فواصل" مع انك وجدت موافقة مبدئية من هادي الجنفاوي مدير التحرير آنذاك وعلى مساحات مرضية من المجله؟؟؟ ومع ان نواف الدبيخي حاول إقناعك كثيراً ولكن لم تجدي محاولاته. (القهر لا شفت اخوك يمدّ كفه للغريب ** وانت واقف تحتضر لا حس فيك ولا درا) بيت تردده دائماً وتضعه (نك) خاص فيك على المسنجر؟؟ مالسبب؟؟ وبدون تهرّب رجاءً إجابه صريحه وبدون دبلوماسية.. قصيدة (ولد الفقر) احدثت خلاف بين رئيس تحرير مجلة حياة الناس ومدير التحرير وقيل بأنها كادت أن تُمزق بسبب الرقابه؟؟ لماذا؟؟ وما هي مبررات رئيس التحرير؟؟ ووجهة نظر الرقابه؟؟ هذي أسئلتي الرسميه ولي عوده أخرى بس خلني اتفضى لك صح.. |
رد : فيصل الخالد .. / وقناديل من صدق ٍ لاينضب ..!!
شاعرنا القدير فيصل بن خالد شاعر متمكن يتميز بعذوبة قصائده وبروحه المرحه وأخلاقه العاليه مع الجميع سؤالي هو .. ماهو المقياس الحقيقي للنجاح بالنسبه للشاعر فيصل بن خالد .. هل هو في تحقيق الشهره أم في تحقيق الفكره ؟ كيف يمكن لشاعرنا الموازنه بين هذه وتلك .. في ظل اختباء الصدق وتلونه بالمجامله ؟ شكرا لمشرفي بوح القوافي وشكرا لشاعرنا فيصل امنياتي لكم بالتوفيق |
رد : فيصل الخالد .. / وقناديل من صدق ٍ لاينضب ..!!
الاخت الفاضله جنون
في البدايه اود ان اشكرك جزيل الشكر على ذوقك وكلامك الطيب ومتابعتك واعجابك شرف كبير واتمنى من الله ان اكون دائما عند حسن ظنك وظن الجميع واشكرك على مبدأ اتاحة الفرصه وهذا ان دل يدل على كبر عقلك ووعيك انا ياختي الفاضله ما اقدر ابرر لك سبب اعتقادك باني مغرور ولا اقدر اصف نفسي بغير ذلك لكن رجائي الخاص ان تسألي من يعرفني شخصيا فهم مرأتي الحقيقه وهم من يحكمون علي وعلى نسبة غروري لاني اعتقد ان كل انسان لديه نسبة غرور ولكن اذا زادت هذه النسبه عن المعدل الطبيعي تصبح مرض الله يبعدنا عنه بالنسبه للقاء انا اخشى انك تقصدين تغطية اعلاميه لاني ما سويت الا لقائيين واحد بجريدة الايام البحرينه والثاني بمجلة حياه الناس واللقائيين هذول موجودين في شعبيات تقدرين ترجعين وتتاكدين من اجاباتي بل على العكس اقسم بالله العلي العظيم ان اغلب الي حولي لاموني لان اجاباتي في اللقائيين اتسمت بالعفويه والبساطه واغلب الي حولي قالوا انني اخطت وكان المفروض ان اظهر بمظهر رسمي لارسم لنفسي صوره وانا من اشد المعارضيين لمبدأ رسم الصوره ولو لاحظتي تجدين اجابتي في المنتدى كلها تتسم بالعفويه لاني لا احب ان ارسم لنفسي برواز لا يعكس طبعيتي الحقيقيه عموما كلامك على عيني وراسي وان شاء الله احاول اخفف غرور المرات القادمه ولا تزعلين يا ستي :) :) اخوك فيصل |
رد : فيصل الخالد .. / وقناديل من صدق ٍ لاينضب ..!!
اخوي الغالي وحبيب القلب الشاعر القدير - نواف الدبل
وجودك شرف وانت واسئلتك يابو ريوف على عيني وراسي والحمدلله انك مسافر هاليومين عشان نخلص من شر اسئلتك والوعد لا شفتك بعد ما ترجع لنا بالسلامه ردا على اسئلتك &&&&& السؤال الاول قصيدتك تحمل اما قمة السخريه او قمة الحزن و تكتب الثنتين بتميز ايهما يجد فيصل الخالد نفسه فيها و لو طلب منه يختار عين من هالعينين يشوفه فيها جمهوره فاي وحده بيختار؟ &&&& والله يابو ريوف يعتمد انا اهرب من الحزن للفكاهه للتعبير عن وجهة نظر والجأ للحزن للتعبير عن ما بداخلي فتجدني اكتب نفسي بالحزن واكتب ما اعتقده او انتقده بالسخريه او الفكاهه وكلاهما مهمين بالنسبه لي لو خيروني فمن المؤكد انني ساقدم الفكاهه للجمهور واحتفظ بالحزن لنفسي لان جميع قصائدي الحزينه تحمل قصه حقيقه 100% خلفها لذلك اود ان احتفظ بخصوصياتي قدر المستطاع ----- وش رايك يابو ريوف بهالاجابه الدبلوماسيه ؟ لا خذت مني لا حق ولا باطل :) &&& السؤال الثاني اين يقع الشعر في اولويات فيصل الخالد &&& الشعر هو اخر اخر اخر اولوياتي فانا والعياذ بالله من كلمة احاول دائما ان انظر للامور بنظره عمليه بحته والشعر والتواصل مع الشعراء وحضور المحافل الشعريه والاهتمام بكل ذلك يتطلب وقت كبيروشبه تفرغ كامل بعدين يا استاذ لو تفرغنا انا وياك للشعر من الي بيدفع اقساط الدباب حقك والسكيل ابو 3 كفرات حقي ؟ :) لازم واحد منا يشتغل واناما ودي اتهور واعتمد على الله ثم عليك لاني عارف بنموت جوع انا وياك :) :) &&& السؤال الثالث تلقيت عرض لكتابة زاويه مستمره في مجلة اصايل هل سنرى فيصل ككاتب في المستقبل القريب &&& لا لن تراني ككاتب اطلاقا انا لا اؤمن بمسالة حجز مقاعد ولو قبلت بالعرض لاصبح الموضوع بالنسبه لي حجز مقعد يستحقه غيري وغيري اولى به مني لان الكتابه تتطلب جهد ووقت وتركيز لكي يكون الناتج ناجح لذلك رفضت ولو عرضت علي الفكره مرة اخرى سوف ارفض وخل ياخذها الي يستاهلها يابو ريوف والي يقدر يخليها تنجح اما انا فاشراف الديوانيه ما قدرت انجح في مهماته بسبب قلة تواصلي فما بالك زاويه في مجله شهريه وبعدين كيف اتجرأ واحاول الكتابه وانا ما زلت استمتع متعه كامله بزاوية واحد من الشباب اعرفه الله يستر علينا وعليه اسمها دبل دبل :) &&& السؤال الرابع تربطك علاقه قويه مع النجمين محمد الشهري و مدغم بو شيبه فمن منهم يسمع قصيدتك قبل الاخر و من منهم تسمع رايه بالاذن الصمخه &&& يالله على سؤالك هذا يابو ريوف هذا سؤال كله مشاكل في مشاكل حسبي الله على ابليسك لكني باجاوبك بكل صراحه ويمكن هذه اول مره اثنينهم يسمعون مني الكلام هذا محمد الشهري وابو شيبه من اقرب الناس لقلبي كأخوان اعزاء وكأصدقاء ومن الواضح جدا من اسمائهم يابو ريوف ان مدغم بو شيبه تتركز نقاط قوته في الجزاله وتركيبة الفكره فاي قصيده اسمعها اياه ويتفلسف في اي شي خارج نطاق هاتين النقطتين اعرف اني قاط سماعة التلفون واتعبث بالمسجل بالنسبه لمحمد الشهري تتركز نقاط قوته في العذوبه والسرد فله اسلوب يكاد ان لا يجاريه احد عليه وان جيت للحق انا من النوع الي احب النقاش اذا كان مبني على اسس قويه والاثنين ما عندهم سالفه لذلك الاثنين اعطيهم الاذن الصمخه ==== يعني بالعربي ماني مزعل احد منهم وحاو مرة اخرى وهارد لك يا نمس &&& السؤال الخامس ماذا يعني لك الناقد بدر بن هايف الفغم و هل كان له دور في وصول قصيدتك الى هالمرحله من الابداع &&&& والله يابو ريوف ابو هايف اخ عزيز وناقد رائع وانا متأكد انني استفدت منه ومن ارائه بطريقه غير مباشره اما بطريقه مباشره فلا اعتقد وذلك لاننا سكنا فتره الجامعه سويا ولم نكن نتطرق للشعر كثيرا والان هو في الرياض وانا بالشرقيه ولما نشوف بعض ما عندنا وقت نحكي بالشعر وكل كلامنا وشلونك وش اخبارك واشتقت لك وكل هوىىىىىىى تعرف عاد انت ادبي وطولة لسانه &&&& الاسئله كثير و هاذي فرست راوند و لي عوده &&&&&& هاااوا او او سلم لي على لوس انجيلوس وبوس لي ريوف ولا تنسى تجيب لي هديه بلا عوده بلا فرست راوند ما يميدك لانه على ما تكون رجعت يكون تقفل اللقاء انتبه على نفسك وكن بخير والله يردك لنا سالم يارب :) |
رد : فيصل الخالد .. / وقناديل من صدق ٍ لاينضب ..!!
اخوي الغالي خالد العنقري
انا تبليت عليك ؟ متى ؟ وين ؟ كيف وليه جاوب بسرعه ولا تتهمني تراني يتيم الاب ودعوتي ان شاء الله توصل يعني ارقعك دعوه اخليك تتحول الى سنفور سعيد وهذا مو من صالحك اما بالنسبه لسؤالك &&& وسؤال يسدح نفسه بعد وش تعني لك كلمة .. مندي &&& تعني لي اقل من ما تعني لك بالتأكيد :) لو انك سالني عن هارديز او فيلادلفيا شيز ستيك كان اقول لك ايه بس مندي ما اعتقد ولكن من الواضح انها تعني لك الكثير والدليل انها اهم موضوع ان فكرت فيه يوم جيت تسألني ليت كل الاسئله زي اسئلتك كان خلصت كل اللقاء بدقيقه وربع سلم على نفسك :) اخوك فيصل |
رد : فيصل الخالد .. / وقناديل من صدق ٍ لاينضب ..!!
اخوي الغالي نويحي البديري
الله يعز مقدارك وتشرف باي وقت يا غالي وهلا بك اخوك فيصل |
رد : فيصل الخالد .. / وقناديل من صدق ٍ لاينضب ..!!
اخوي الغالي الخلوق مرزوق بن فيحان
هلا واله ومرحب ويكفيني شرف وجود اسمك بالمتصفح يا غالي اما بالنسبه لسلامك لمدغم واني اقوله انك تحبه فودي انصحك نصيحه اخ مدغم انسان رايح فيها وما يجي من وراه الا عوار الراس هو والشهري وانا لو منك اتجنبه وعموما اذا مانت مصدقني اطلب منه يقول لك اسمه الحقيقي وانت بتكتشفه على حقيقته قله يقول لك فيصل اسمك يحتاج لخريطه نطق وتغير لوز علشان ننطقه بالطريقه الصحيحه وابشر بعزك يا خال سلامك يوصل ان شاء الله |
رد : فيصل الخالد .. / وقناديل من صدق ٍ لاينضب ..!!
الاخ العزيز والشاعر الرائع فيصل بن خالد اسعد المولى لياليك وايامك بكل خير ومسرة حضرت هنا للسلام عليك وعلى بقية الاخوة والاخوات بالمنتدى اتمنى ان يكون الجميع بصحة وعافية واعتذر عن الغياب الطويل وعن التقصير بحقكم وحق شعبيات بسبب الضروف التي امر بها الان وسوف اجدد التواصل معكم بأذن الله مجددا وقريباً لكم وافر محبتي وتقديري اخوك فيصل الطخيس |
رد : فيصل الخالد .. / وقناديل من صدق ٍ لاينضب ..!!
اخوي الغالي وشاعرنا الرائع / خالد التميمي
هلا بك وتواصلك واشادتك شرف لي يا بو صالح ردا على اسئلتك &&& السؤال الأول: كانت بداية الشاعر فيصل عن طريق القصائد الحرّة وشعر التفعيلة .. ولكن سرعان ماتغيّر الإنشاء والطرح حين وجد فيصل غايته في الشعر العمودي المقفّى.. ماهي تلك الغاية .. التي دفعت فيصل للعزوف عن شعر التفعيلة.. بالرغم من امتلاكه للكثير من أدوات التميّز في هذا النمط؟ اين ترجح كفّة الذائقة الأدبية .. بين الشعر التفعيلي والشعر العمودي .. عند جمهور فيصل؟ &&& ابد يا بو صالح انا لم اعزف عن التفعيله مطلقا وما زلت استمتع في كتابتها وصدقني يابو صالح وكما اجبت احد الاخوه في هذا اللقاء في سؤال سابق عندما اشعر بالكتابه لا احدد البحر ولا اللون انما تطلع مثل ما تطلع على الاقل البدايه ومن ثم ياتي تحديد الاستمراريه في القصيده ام لا وان جيت للحق انا كسول جدا في الكتابه ولابد ان اكون قمه في الروقان والتفرغ لاكتب فاذا كنت مشغول او مدوش او ماني رايق انسى اني اكتب حرف واحد وممكن اقعد تسع شهور وممكن سنه ما كتبت شي هذا طبعي اما بالنسبه للذائقه الادبيه فلا ارجح كفه على كفه مطلقا سواء لدى المتابعين فالجيد يفرض نفسه ويفرض قبوله والرديء عكس ذلك فسواء كانت القصيده تفعيليه ام عاموديه موضوع النجاح يتعلق بجودتها والدليل على ذلك انك في بعض الاوقات تجد شعراء يكتبون اللون العامودي الجزل والكلاسيكي البحت ولكنهم يحبون ان يستمعون للتفعيله حتى اون لم يعرفوا انها تفعيله === ما يقصد العنقري ابد :) :) سنفور غاضب لا تعصب لاني امزح :) &&& السؤال الثاني: فيصل الدبل.. إبتسامةٌ من حزن ! يخفي فيصل الكثير من حزنه .. بين طرفة حديثه .. وبساطة تعامله .. ومما لاشك فيه .. هو عدم الشروع في شخص فيصل .. ولكن يبقى السؤال عن ماهيّة الشعر .. لماذا يتجنّب فيصل .. البوح الحزين في قصائده .. بالرغم من محاولاته السابقة والناجحة على حسب رأي الكثير ؟ &&& والله يابو صالح تعبت من الحزن وتعبت من البوح انا اؤمن باننا ان تركنا الحزن يتغلب علينا فسوف يقتلنا وان تغلبنا عليه بالضحك فسوف نقتله او نقلص حدة الالامه الان انا في مرحله من حياتي لا استطيع ان احزن الان انا في مرحله التفائل ولذلك تجدني لا افكر مجرد تفكير في الحزن لذلك اتجهت مؤخرا للفكاهه ولاحقين عليك يا هم &&& السؤال الثالث: القريب من فيصل .. يلاحظ تأثيره الإيجابي على من حوله .. سواء كان بالعاطفة أو ردة الفعل .. ولكن أيضاً يُلاحظ سرعة تأثر فيصل في من حوله .. حتى وإن كان هذا التأثر سلبي .. ففي قصيدة روبي .. كان هناك شيء أشبه بالمغامرة الأدبية .. بالرغم من عدم إقتناع فيصل في الفكرة ( سابقا) ترى هل كان هناك شخص وراء تبنّي فكرة الكتابة عند فيصل ؟ إذا كانت الإجابة بـ نعم .. فهل قام ذلك الشخص بخوض هذه المغامرة قبلك أم لا ؟ واذا كانت الإجابة بـ لا .. لماذا إذاً أشار عليك بالقيام بها ؟ إجابات صريحة .. الله يخليك ! &&& يابو صالح يا حبيبي خليني اوضح لك الامور اكثر من ناحية المبدأ روبي قصيده فكاهيه ما فيها اي شي مخل بالادب والاخلاق والعادات والتقاليد بل على العكس روبي لو نظرت لها على انها قصيده غزليه ستجدها غزل عفيف واخف بكثير من ما يكتب في الغزل الفاضح فاجدك يا خالد واجد اغلب الشعراء يتقبلون قصائد الغزل التي يصف الشاعر فيها حبيبته ... وطولها .... وعنقها .... وجسمها .... وجيدها .... وشعرها .... ونعومة ملمسلها .... ولون مخدة سريرها ولا تتقبلون مزحة في روبي ؟؟؟ والفرق بين هذه القصائد وروبي انني تغزلت بانسانه معروفه بطريقه فكاهيه ولم اقل انني فعلت هذا وفعلت ذاك معها انما قلت انني رايتها واعجبت في شكلها فقط فكيف لك يا خالد ولغيرك هذا التناقض الغريب ؟؟؟؟؟ كيف لكم ان لا تنتقدون الغزل الفاضح شبه الماجن والذي ينص عن وصف دقيق لمواقع حساسه في جسم المعشوقه وتتضايقون من قصيده في روبي صديقي اجد هذا قمة التناقض اما بالنسبه لتأثري انا قد اتأثر في كل شي الا الكتابه لان الكتابه بالنسبه لي هي انعكاس لشخصيتي وما احس به ولا بد من ان اكون مقتنع 100% بما اكتبه وانا كما سبق وان قلت يا خالد اكتب نفسي في الحزن واكتب انتقادي او ملاحظتي او مزحي في الفكاهه وكل شاعر حر في تجاربه يعني لو كنا من حولي يريد هذه التجربه ولكنه يخشى ان يقدم عليها فهذا راجع له وقد لا يناسبه هذا اللون من القصائد ولكن لو طلب راي ومشورتي فساشور عليه بما يمليه ضميري فلا تقلق يا صديقي انا بخير ولا اسمح لاحد ان يؤثر على قلمي او يملي علي لون كتاباتي يابو صالح اعتقدت انك جازم باني اكبر من كذا بشوي مو بكثير :) :) &&& السؤال الرابع: ماالذي يدفع الشاعر لكتابة قصيدة .. يخجل من قولها أمام العامّة .. وهل صحيح أن هناك قصائد غير صالحة للنشر .. ( ولماذا)؟ &&& والله يابو صالح انا اعتقد ان الشاعر لو خجل من ما كتبه فالاولى له ان لا يكتبه في المقام الاول اما بالنسبه لي واذا كنا ما زلنا نتحدث عن روبي وولد الفقر ورجل اعمال وهذا اللون من قصائدي لاني اعتقد ان هذا ما تعنيه فانا افتخر بهذه القصائد وارددها بالمجالس الشعريه وكما ذكرت لك في اخر مره اجتمعت في بعض الشعراء منهم فيصل اليامي ومحمد ابن الذيب ومحمد عويضه طلبوا بل الح بعضهم ان يستمعوا الى هذه القصائد فكل مجلس له جلاسه وكل لون له محبينه يابو صالح اما لما اجتمع وياك ما اقول الا الي يرضيك وتحبه ولما اجلس مع غيرك احاول ان اقول ما يرضيهم اذا كنت اعرف ذوقهم والشاعر لابد ان يقيس الامور ففي الامسيه مثلا لابد ان يقدم خليط من الفكاهه والشجن والجد وغيره ليبتعد عن حالة الروتينه والملل والتي قد تتولد لدى المتلقي هذا راي بكل صراحه اما بالنسبه للقصائد الغير صالحه للنشر صحيح اوافق في ذلك لانها قد تكون خاصه جدا او تتعلق بسر خاص او قيلت على باب الدعابه بين شاعرين مقربين من بعض والحالات الممثاله كثيره يابو صالح يعلم الله انني حاولت قدر المستطاع ان اجيبك بكل صراحه بناء على طلبك ياغالي وهلا بك يا بوصالح وهلا باسئلتك المرهقه يا متعب :) |
رد : فيصل الخالد .. / وقناديل من صدق ٍ لاينضب ..!!
اخوي الغالي نويحي البديري
وانا اتشرف بمعرفتك والساعه المباركه يا طويل العمر واشكرك على تواصلك ردا على اسئلتك لا عدمتك: &&& س1/ في ظل هذا الزخم من القنوات التي تهتم بالشعر من مجلات وصحف وقنوات وانترنت كيف ترى مستقبل الشعر في السنوات القادمة &&& كما سبق وان اجبت انا فعلا مقتنع ان الشعر حاليا في افضل حالاته لانه في السابق كان هناك شعراء قمه في الروعه ولكن كان عدد القنوات التي عن طريقها يصل الشاعر للمتلقي قليله جدا ومصوره على بعض الاسماء انما اليوم ولله الحمد القنوات قد تضاهي عدد الشعراء وهذا جيد فرغم انه سلبي نوعا ما لانه يخول الاقلام المشبوهه والاقلام التي لا تستحق الوصول للوصول الا ان ايجابيته اكثر من كذا بكثير لان المتلقي يعرف لمن يقرا وما يقرا &&& س2/ ماهي الاشكال المحببة الى قلبك من الشعر التفعيلة ام الموزون والمقفي &&& والله جميعها محببه الي انا احب الشعر بجميع انماطه ولكن متعتي في الشعر الكلاسيكي اقل بكثير من غيره ولكني احب التفعيله كثيرا واستمتع بسمعها كثيرا واحب العامودي ايضا &&& س3/ هل ترى ان الشعر قادر على معالجة قضايانا العربية واين انت من ذلك &&& قضايانا العربيه يا غالي لن يحلها الشعر اذا الشعب العربي ما تكاتف وحلها بنفسه الحكي ما راح يحلها القضايا تحتاج الى شي اكبر من الكلام والمشاعر بكثير والمشاعر قد تولد حماس ولكن ما هي فائدة الحماس اذا لم يكن مدروس واين سياخذنا وما هي النتائج التي سنتطلع اليها من فتيله حماس اما بالنسبه لسؤالك اين انا من ذلك لم اكتب القصيده الوطنيه قط ولا يستهويني هذا النوع من القصائد على الاطلاق &&& س4/ تقول الاخبار ان فيه قناة تعمل على ان يكون من ضمن برامجها الشعرية سوبر ستار اسوة بالبرنامج المذكور كيف ترى ذلك وهل يخدم الشعر &&& لا بالتاكيد لن يخدم ذلك الشعر نفسه ولكنه سيخدم الشعراء في الظهور وسوف يخدم اسماء معينه فقط &&& س5/ الامسيات الخاصة او امسيات الاعراس هل دعيت الى امسية وقبلت الدعوة وهل تراها ظاهره صحية &&& هههههههههههههههههههههههههههههههههههههههههههههههههه ههههههههه تعرف ليه اضحك اتصل فيني مره صديقي الشاعر محمد الشهري وهو معصب جدا وقلت له وش فيك قال جتني اضافه على الماسينجر من واحده تقول لي انت وفيصل الخالد معروف عنكم انك شعراء امسيات خاصه واعراس وشعراء استراحات ويقول ان هذه مو اول مره يقولون عنا كذا قمت انا ضحكت وقلت له لازم ابطل امشي معك رلانك جبت لي الشبهه انا لا احب هذا النوع من الامسيات على الاطلاق لان اغلبها يكون فوضى وناس تبي تحضر عرس وتبارك ما اشعر انهم فاضيين للشعر يعني لا الشاعر ياخذ حقه من الاستماع ولا الشعر ياخذ حقه من الانصاف لذلك ما احبذها على الاطلاق ودعيت مرتين على امسيات اعراس ورفضت في المرتين هلا بك يا نويحي والف شكر على تواصلك لا عدمتك |
رد : فيصل الخالد .. / وقناديل من صدق ٍ لاينضب ..!!
هلا والله وغلا بالمشاكس طير شلوى
هلا بك يا عم وتواصلك شرف واسئلتك كلها ضرب من تحت الحزام لكن ان شاء الله مقدور عليها &&& س1_يقال ان فيصل الخالد فيصل الدبل مهدي ناصر السبيعي سياره ماي باخ ما صحت هذا الهدية وشلون قدرة تشحنه للكويت مع البسامي ولا ناصر ماخذها من الدمام؟ &&& هههههههههههههههههههههههههههههههههههههههه الله يرجك يا طير شلوى انواع تلفيق التهم يا شيخ يمكن نواف اخوي هو الي مهديه لانه هو الي دايم ينشر في المختلف اما انا ما نزل لي في المختلف الا بيتين وصوره ومره خبر صغير يعني هذه لو بنقدم لها هديه ساعه سيكو 5 ويخب بعد هههههههههههههههه طير شلوى الكلام هذا ما له اي صحه لا بالنسبه لي ولا بالنسبه لنواف الله يهدي من يطلع هالاشاعات بس ويكفينا شرها &&& س2_يقال ان روبي رافع قضية عليك بسبب القصيدة وانك كاتبه بالعاني علشان تحتك فيك وش ردك ؟ &&& ههههههههههههه اذا بترفع قضيه خلها ترفع قضيه على مجله اصايل انا وش لي فيهم ===== تبرى منهم انا لا ابي احتك فيها ولا ابيها تحتك فيني روبي فكره مجنونه واقدمت عليها وهذا كل الموضوع ولعلمك مازحني احد الاخوه الاعلاميين وقال لي وش رايك نوصل نسخه لروبي قلت لا يرحم والديك اخاف ان اهلها صعايده ومتحجرين ويبحون دمي :) :) :) &&& س3_وانت طالع للبر وغرزت سيارتك او تعلقت وش اول شي تفكر فيه تسفيطة الشماغ ولا كيف تفاتح اللي معك ينزلون يدفون ؟ &&& الله يهديك بس هذا سؤال يدل على انك ما عندك اي خبره في طلعات البر على الاطلاق طبعا اول شي اسويه اشيك على الستبنه يمكن الهوا فيها زايد وبعدين اشيك على موية المساحات واذا كلها سليمه اقنع الي معي ينزلون يدفون لاني انا مافي ادف واذا ما دفوا يعني بنبات في مكانا اما بالنسبه لتسفيطة الشماغ فانسى لاني اصلا اطلع البر مره كل عشر سنوات والبس جينز ما البس ثوب وشماغ :) هلا بك يا طير شلوى واسعدني تواصلك لا عدمتك |
رد : فيصل الخالد .. / وقناديل من صدق ٍ لاينضب ..!!
اخوي الغالي وشاعرنا العذب / نمر العتيبي
هلا والله وغلا وحياك الله يكفيني شرف وجود اسمك بالمتصفح وابشر سلامك للدب يوصل هو الحين طالع رحلة قنص مع بوش في ادغال القطب الشمالي واول ما يرجع بابلغه سلامك والف شكر على تواصلك لا عدمتك اخوك فيصل |
رد : فيصل الخالد .. / وقناديل من صدق ٍ لاينضب ..!!
اخوي الغالي وشاعرنا الرائع / عبدالله مران
يسعد كل ما بك حبيبي ويا هلا ويا مرحبا يا رايق اسئلتك مرهقه بحق حسبي الله على ابليسك وسم هذه الردود &&& سؤال حقيقي؟؟؟ س/ في أحد اللقاءات كنا نتحدث عن الفرق بين الكسر والثقل . ولكن دخل بينا محمد العمري وشطحنا في موضوع آخر . ( والحين أقدر آخذ فرصتي ) السؤال هو / ما هو الفرق بين الكسر والثقل ؟ وبشرح مفصل لو سمحت مع الأمثلة .! &&& لا يكون تفكرني انا ابراهيم الخالدي والا تفكرني فاتحها مدرسه لك طال عمرك وتبي الاجابه ومن غير دفع فلوس بعد رح دور ربعك بس ماني فاضي لك :) :) ابو ساره على حد علمي يا طويل العمر وقد اكون مخطي الكسر هو نقص والثقل هو زياده يعني مثل انت تكتب على المسحوب وجا عندك عجز او شطر ناقص حرف عن المسحوب هذا يعتبر كسر واذا جا حرف زياده عن المسحوب يعتبر ثقل والله العالم فهمت والا نجيب لك سبوره وطباشير من الصقري ؟ مع العلم ان السبعه طن غبار الي يطلع من طباشير الصقري يسبب ربو وانت ما من صح يالشايب يعني منت ناقص على الاطق :) &&& سؤال ماهو حقيقي . لكن الاجابة اجبارية ماهي المضاعفات التي يسببها لك كل من : ( سواءاً سلبية أو اجابية - وبالعربي انس الايجابية لأني جبتها كذا ولا ني قاصدها ) &&& بما ان السؤال ماهو حقيقي خلني اعفج ابوها واجيب العيد ونقلبها هياصه وضحك وخلهم يزعلون وانت راضهم عني الله لا يهينك 1- محمد العمري: فيلسوف مزيف اتى من عصر الخمسينات وتجمدت افكاره وفجاءه فكوه وقالوا له شعبيات هي ما فاتك من الحياه رح وغثهم لكنه دبوس ناجح ويعرف كيف يستقعد للواحد نقاشه ممتع ونظاراته تقليد وسعرها 275 ريال واتحداه ينكر والمضاعفات التي يسببها هي حكه في طبلة الاذن الوسطى 2- أبو نوت : اقصر من الحدود المسموح بها وينافسني على حب خالد التميمي احس انه يصلح لمكتب عقار مو مدير مدرسه يحب التقهوى ضحكته حلوه وسيع صدر بس لو يترك عنه النسيان المتعمد لكيع وفيه نوعا ما خبث والمضاعفات زكمه صيف 3- عبدالرحمن الربيع: شكله يوحي لك انه حامل شهادة دكتوراه في علم الذره ولكن بعد اول خمس دقايق سوالف معه تكتشف انه حامل فايروس الاقلاع الله لا يشفيه منه رايق ويذبلحني من الضحك دمه عسل وقلبه ابيض والمضاعفات مغص في الرمش الايمين 4- عبدالله التميمي: مشكلته في طول سيقانه سابق عصره واوانه شاعر متطور متجدد مرح وجلسته ما تنمل بس يغير صوره كل يوم وكل صوره يصورها ما تشبهه والمضاعفات سعال الديل 5-خالد العنقري: سنفورررررررررر غاضب ما عمري شفت البني ادم هذا مبسوط من شغله اعتقد لو ما لقى احد يتهاوش معه تهاوش مع نفسه لكن قلبه ابيض ويرضى بسرعه ما فيه خبث ولا فيه لف ودوران والي بقلبه على لسانه اما بالنسبه للمضاعفات لين عظام وكساح 6- خالد التميمي: قمة الاخلاق قمة الروقان فمة الذوق عقله اكبر من عمره بكثير يحبني كثير والمضاعفات التهاب قولون 7- محمد الشهري: قمة التناحه قمة التفهيه قمة البررررررررررررررررود يذكرني بكمبيوترات اول اذا علقت لانه دايما مخه معلق بس اني احبه موت ولا اقدر استغنى عنه وطبعا المضاعفات رفعة ظغط وسكر وقلب وازمة ربو 8-احمد الديهان: صقار من الدرجه الاولى مع اني ما اعرف وشهي مواصفات الصقاريين بس يقول عبيص عنه كذا وانا اثق براي عبيص انسان متزن ومرح بس مرحهه هادي جدا ضحكته روعه واذا ضحك يكب الشاهي المضاعفات حروق من الدرجه الاولى اذا الشاهي حاااااااااار 9- حسن المسفر: عسل ورهيب ورايق بس لو يغير توقعيه ويغير شخصيته يطلع ثاني احسن لاعب منتخب متقاعد اعرفه المضاعفات ارتفاع نسبة النشا في الدم 10- محمد الحراب: يا حبنييييييييييي له عسل وقلب كبير جدا وروقان ويستحمل المزح وكريم وحبيب بس لو يسكر فمه لانه يخليه دايما مفتوح مما يدل على انه مفهي ولكنه ماهو مفهي مضاعفات شلل افطال لانه احسن مدلكاتي بالحته 11- خالد الشايع: رررررررررررررررهيب سوالفه رايقه يخليك تضحك بس هو ما يضحك كريم اجودي ويسال عنك لو انك قاطع ومقصر مضاعفات نوبه احراج حاده لانه دائما ما يقصر واحنا مقصرين معه 12 - ابراهيم الرشود ياحبي له بو خلوا عسل وما فيه مثله وقلبه ابيض ومن الناس الي احبهم كثير والله المضاعفات الم مفصل حاد لاني احس انه بيشوتني لاني قلت عنه فلبيني 13 - نايف عوض ( ولو انك ما تعرفه ) احس انك تغار منه لان العمري يحبه اكثر منك و لذلك حتى انا احبه مع العمري اكثر منك عشان تغار صح المضاعفات فقدان ذاكراه حاده لاني من جد ما اذكره وما اعرفه 14- عكاشه: مشاكس مشكلجي احس انه كان مقضيها بالثانوي طول اليوم عند المشرف الطلابي لانه كافخ واحد سوري بوكس راعي هوشات من النوع الي يعتمد على المنفش في كل هوشه ويعض المضاعفات الم في القذذله لاني من جد احس انه يشد الشعر 15- فيصل بن خالد : رافع ٍ ظغطي لانه يحبك ويمشي معاك انت والشهري والعمري المضاعفات قلة عقل 16- صالح عبدالكريم: احس ان باله طويل لانه ياخذ وقته في الردود والمواضيع ومن النوع الي اذا جلس على الجهاز حط كوب شاهي حجم عائلي وتكى ماهوب زينا رد على الطاير وانت ماشي المضاعفات ارهاق شديد 17 - نواف حمود الشمري : يا حبي له عسل ورجل والنعم والله فيه بس انه ينافس محمد الشهري على البروده ويققضي نص اتصاله فيك وهو يقول اااااااااااه تقول كنه سوداني المضاعفات ذبحه صدريه &&&& تحياتي .. ويمكن أرجع اذا عدت بخير .. لاني حاس اني بنفرش أنا وياك آخرتها .. تسلم ترجع مين يابو ترجع اصلا ما يمديك انا ان شاء الله باخلص كل الردود اليوم عشان اخلص منك ومن كل الي ناوين شر :) |
رد : فيصل الخالد .. / وقناديل من صدق ٍ لاينضب ..!!
اخوي الغالي وشاعرنا الرائع / حسن ال مسفر
هلا بك باي وقت وعدل يا بخت الردود الي تعدلها هلا بك يا غالي |
رد : فيصل الخالد .. / وقناديل من صدق ٍ لاينضب ..!!
-خالد العنقري: سنفورررررررررر غاضب
ما عمري شفت البني ادم هذا مبسوط من شغله اعتقد لو ما لقى احد يتهاوش معه تهاوش مع نفسه لكن قلبه ابيض ويرضى بسرعه ما فيه خبث ولا فيه لف ودوران والي بقلبه على لسانه اما بالنسبه للمضاعفات لين عظام وكساح دباااان وعدك الى جيت يالشيفه :white: |
رد : فيصل الخالد .. / وقناديل من صدق ٍ لاينضب ..!!
هلا والله وغلا باخوي الغالي حسن المسفر
انا بخيرطالما انت بخير يا بعدي يكفي وجود اسمك في المتصفح وانت دائما بتكون الاول بقلبي ولا يهمك ورادا على سؤالك &&& على العموم انا ودي اسئل سؤال وبس سؤالي / وش تتذكر اذا شفت اسم ابو مران ؟؟ طبعا اي شئ غير الخندريس &&& ابو مران يذكرني بمجاعة افريقيا وكل ما اشوفه واشوف نفسي بالمرايا احمد ربي على النعمه لان المسكين وزنه الظاهر 23 كيلو يعني لو اعطس طار والف شكر يا بو عبدالله على كلامك الطيب لا عدمتك اخوك فيصل |
رد : فيصل الخالد .. / وقناديل من صدق ٍ لاينضب ..!!
اخوي الغالي صالح العبدالكريم
الف الف شكر على مقدمتك الرائعه وابشر بالصراحه واسئلتك ان دلت على شي فتدل على اهتمامك لا عدمناك ردي على اسئلتك &&& سؤالي : هل ترى أن إستراحة شعبيات بهذا المستوى من الطرح ؟ .. مـُريح !! أم أن لغة الغياب التي تمارسها في إجاباتك كافيه للإقناع .؟ ألا ترى أن هروب بعض الاقلام مـِنها وتحفظ البقيّه الباقيه بمشاركات قليله جداً جداً : راجع إلى عدم وجود المشرف الحريص على كل كلمه / موضوع ..كتب هناك .. أما لو كان الحرص موجود و المتابعه موجوده كما كان قبل لما ذهبت هذه الاقلام حياءً من هذا المناخ الملىء "ببعض وليس كل" المواضيع المنقوله الغير مفيده أو المواضيع التي تكتب بدقيقتين أو المواضيع التي تـُفتح بطريقه تفتقد لروح الموضوع وإخراجه.... الخ ! وقس على ذلك قلة بل ندرة المتصفحين للإستراحه ..؟ الا يوجد معايير وأسس يبني عليها القسم مسيرته كما هي الاقسام الاخرى خصوصاً أنهُ كان في فتره من الفترات أكثر إجتذاباً للأعضاء و الزوار من الاقسام الاخرى وأُشيع أسمه حتى في المجالس للروح والألفه و الادب المتبادل الغير خالي من " التنتيف " مع عدم إغفال الهاجس العام وهو ألأحترام و التقدير ؟؟ &&& كل ما ذكرته يابو عبدالكريم يحمل الى حد كبير نوع من الصحه ولكن السبب واضح جدا انجاح الاستراحه واجب على عاتق الجميع ولا يمكن ين اتحمل انجاحها مشرف او مشرفين او عشرين الاستراحه تحمل طابع مختلف عن باقي الاقسام فهي المتنفس ولذلك وجب في من يرتادها سعة الصدر وان يتحرر من الرسميه المصطنعه نعم اوافقك الراي انه للمشرف دور كبير في انجاح ايجاد جو من الالفه والاخوه ولكن لا يستطيع ان يسيطر على جودة المواضيع لان هذه المسئوليه تقع على عاتق كل عضو فاذا كتبت انت وارتقيت فيما كتبته اصبح لدينا موضوع رائع وخمس فاضين واذا كتبت انت وعضو اخر وارتقيتم يما كتبتم اصبح لدينا موضعيين رائعيين واربعه فاضين وهكذا دواليك اذا التالف والاخوه علينا والمواضيع القيمه عليكم وهذكذا تنج الديوانيه ولا تتوقع يابو عبدالكريم اننا نسوي كل شي ولا تتوقع ان المشرف هو المسئول عن المواضيع هو مسئول عن نقاء المواضيع من اي شوائب نعم هذه اوفقك الراي فيها بس غير كذا يقع انجاح الاستراحه على عاتق الكل بلا استثناء &&& سؤالي الاخر : هل تـعد الجميع بعودة الاستراحه إلى مكانها الطبيعي كـ رِفعه وبسمـه جميله خصوصاً و أن ابو رياض جاء ليكمل العقد المهذب معكم .. &&& اعدكم بانني ساحاول قدر المستطاع ولكن اتمنى ان لا تخذلني المشاغل وكثرة السفر واذا كنت متواجد فابشر بعزك وما لكم الا الي يسركم باذن الله والخير والبركه في الربيع وفي نواف وان شاء الله انهم ما يقصرون الف شكر على وعيك وانا واقف في تفهمك وانتظرك بالاستراحه يعني الوعد على الهده بس بطريقه محترمه :) :) :) |
رد : فيصل الخالد .. / وقناديل من صدق ٍ لاينضب ..!!
هلا اخوي سالم بن جلعان
الف الف شكر على كلامك الطيب وذوقك ولطفك لا عدمتك تواصلك شرف وافضالك كثيره لا عدمتك الف شكر اخوك فيصل |
رد : فيصل الخالد .. / وقناديل من صدق ٍ لاينضب ..!!
اخوي الغالي احمد الديهان او كما يطلق عليه في بلاد ماورى الهند عربجي رحيمه :)
وعليكم السلام ورحمة الله وبركاته ... الف الف شكر على مقدمتك ارائعه يا ابو ساري وكلك ذوق حبيبي ردا على اسئلتك لا عدمتك &&& 1 ) هناك من يسمي القصائد بمسميات شتى منها على سبيل المثال " قصيده شفافه " .. ياليت لو توضح لنا ماهي القصيده الشفافه و يا حبذا لو تذكر نموذج لهاا ... &&& القصيده الشفافه هي الي تخلي مجلس فيه اربعين شاعر يضحكون عليك وانت قاعد تحاول تفحط وتثبت للكل قبل نفسك انك شاعر مميز طبعا االمعنى في سيقان عبيص التميمي النماذج كثيره يابو ساري بس ودي اجيب الرجال الي انت قاعد تلمح عليه واقول له شوف العيال يحشون فيك وما فيه الا انا الي يحبك عشان يكتب فيك قصيده هجاء شفافه برضوا :) &&& 2) ما ذا بعد ان عٌرف فيصل بن خالد بأنه فيصل الدبل شقيق الشاعر نواف الدبل .. ؟ &&& ابد سلامتك لا جديد اللهم انه صار فيه ناس تحبني اكثر من حبهم لنواف وناس تكرهني اكثر بسبب كرههم لنواف وبالثنتين انا ما يهمني لان الي يحبني او يكرهني بسبب غيري ما يهمني على الاطلاق ولا احس له حساب وش رايك بعرابجه العدامه ؟ شي صح هذا وجهي ان فهمت شي يابو ساري طيب تعرف تقول خشبة الحبس خمس خشبات وخشبه ؟ طيب تتوقع ايهما اطول سيقان عبيص ام مرابيع ملعب الاتفاق القديم ؟ طيب تعرف عزوز المطوع ؟ سلم لي عليه :) &&& 3) هناك مشاحنات بين من يكتبون القصائد الكلاسيكيه ومن يكتبون قصائد الحداثه , تٌرى ما هو السبب وراء تلك المشاحنات ؟ ,.. و هل تحبذ الشعر الكلاسيكي ام شعر الحداثه ؟ &&& شاحنات ؟؟؟؟! المجدوعي والا البسامي ؟ طيب لا تدف اجاوبك ولا تزعل انا حقيقه ما احب الكلاسيكي على الاطلاق ولا استمتع بقرائته ولكن هذا لا يعني انقاص حقه وجمالياته واعتقد والله العالم ان المشاحنات هذه سببها الرئيسي هو الجهل لان الانسان يجب ان يحترم الغير ويحترم اذواقهمواختيارهم للون الذي يحبذونه فمثلا تجد اخونا خالد التميمي فوق معصب على روبي طيب ياخي انت ما تحب الحداثه بس مو ذنبي عرفت يا خالد يعني تقول لي روبي مره ثانيه اوريك الشغل :) &&& 4) هناك من يقول بأن شعبيات توجد بها شلليه .. , هل تلمس هذهِ الشلليه من خلال تصفحك للمنتدى؟ &&& نعم يوجد هناك شلليه في السابق ولكن حاليا لا استطيع ان اجزم لانني مبتعد من فته بس اتمنى انها زالت وان لم تزل فانه واجب على الجميع ان يسعى دؤبا للقضاء عليها وانا الي شاكر لك تواصلك لا عدمتك اخوك فيصل |
رد : فيصل الخالد .. / وقناديل من صدق ٍ لاينضب ..!!
العله الي ما احبه ولا اطيق ذكره محمد الشهري
انت تقول : ياعمري على اللقاء واللي مسوين معه لقااااااااااااء أقول يابو الشباب اخوك نواف دفع نص حسابه وانت للحين ما دفعت لي ولا ريال على القصايد اللي اكتبها لكم .. وش السالفه؟؟ بتماطلني اكثر من كذا؟؟ يا أخي انا إنسان ما أحب اخلط بين شغلي وبين علاقاتي الشخصية Business is Business .. رجاءً خلك مثل اخوك وادفع مع ان اخوك بالمووووووووت دفع لي نص حسابي .. ولاّ إنسى العشر قصايد اللي سمعتك اياها آخر مره واتفقنا على إنك تشتريها بخمسين ألف كل قصيده 5000 ريال بس.... &&& اولا يا استاذ متنح خمسين الاف تنكتب كذا 50000 مو كذا 5000 صحيح ان الفرق صفر واحد بس هالصفر يعني 45000 الف لكن ماش وجه فقر مانت متعود على اي شي اكبر من 15 ريال من المؤكد يابو عمر انك تكتب وتبيع بس لمين هذه الي انا ودي اتكلم عنها وش رايك تحب اتكلم عنها ؟ ودي يرجع نواف بسرعه ويقرا لانه فهد القصبي متهمه نفس الاتهام وانا متهميني ان نواف يكتب لي وانت قلت يالله موضه اتهامات خلني ارز خشتي معهم ! :) طيب نرجع لاسئلتك &&& فيصل .. علاقتك في الشاعر نواف الدبيخي قويه جداً منذ أكثر من عشر سنوات وكانت هناك فرصه متاحه لك للنشر في "فواصل" عندما كانت الساحه تقتصر على ثلاث مجلات .المختلف. فواصل. قطوف --> قطوف فهد عافت طبعاً .. أي كنت ستسبق أخيك نواف الدبل في الظهور الإعلامي .. لماذا إمتنعت عن النشر في "فواصل" مع انك وجدت موافقة مبدئية من هادي الجنفاوي مدير التحرير آنذاك وعلى مساحات مرضية من المجله؟؟؟ ومع ان نواف الدبيخي حاول إقناعك كثيراً ولكن لم تجدي محاولاته. &&& ابو عمر تسوي نفسك راعي خبطات صحفيه ؟ تحسب انه من السهل تقلد الصحفي الشهيروسبب فشل الصحافه السعوديه فهد الوايلي ؟ قم بس قم وعلى قوله المصريين اااام بس امممم كل الي كتبته هذا غير صحيح ما عدى علاقتي بنواف الدبيخي فهي صحيحه وافتخر فيها لكن عدا ذلك كلام فاضي ليس له اي نوع من الصحه ولا اعلم من وين يابو الشباب جايبه ومن الي قاص عليك فيه &&& (القهر لا شفت اخوك يمدّ كفه للغريب ** وانت واقف تحتضر لا حس فيك ولا درا) بيت تردده دائماً وتضعه (نك) خاص فيك على المسنجر؟؟ مالسبب؟؟ وبدون تهرّب رجاءً إجابه صريحه وبدون دبلوماسية.. &&& يعني يابو عمر صار لك سنه تسألني كل ما تواجهنا عن مناسبة هذا البيت وما اجاوبك واقولك مناسبه خاص وسالفه ما ابي اذكرها فتتوقع يا عم عبقري اني ما جاوبتك بيني وبينك باجاوبك في المنتدى وعلى مرى الجميع طيب وش رايك لو حاولت مره تستخدم نعمة العقل الي الله وهبك اياها كتغير يعني وش رايك ؟ رغم اني عارف اني جالس اطلب منك المستحيل بس ما عليه حاول :) &&& قصيدة (ولد الفقر) احدثت خلاف بين رئيس تحرير مجلة حياة الناس ومدير التحرير وقيل بأنها كادت أن تُمزق بسبب الرقابه؟؟ لماذا؟؟ وما هي مبررات رئيس التحرير؟؟ ووجهة نظر الرقابه؟؟ &&& هههههههههههههههههههههههههههههههههههههههههه يا نمس تبيني اجاوب عشان ينبسط خالد التميمي ؟ والله يابو عمر السالفه الي وصلتني ووصلتك على ما اعتقد في نفس الوقت ان القصيده اتهمت بانها دعوه للفسق والفجور وانني علماني وانها استهزاء بالشعر والشعراء وما بقى شي ما قالوه زين بس ما اهدروا دمي رغم انني اعتقد ان الي نقل لنا السالفه نقلها مضخمه قليلا وانا اتوقع انه بعد شوي بيجي يسبني على الماسينجر ويقول لي وش تقصد بس حتى واذا كانت هذه هي تفاصيل القصه فالقصيده موجوده هنا في شعبيات ولا اعتقد انها دعوه لاي شي سواء انها دعابه شعريه وجسدت مشكله اجتماعيه حقيقه ولكن في ناس تستقبل الامور كما هي تحب وتفسرها كما هي تحب وهذا شي راجع لها وليس لي وهلا بك يابو عمر واستعد بعد شوي بامرك عشان اعطيك فلوسك :) اخوك فيصل |
رد : فيصل الخالد .. / وقناديل من صدق ٍ لاينضب ..!!
الاخت الغاليه والشاعره الرائعه منار التميمي
في البدايه اود ان اشكرك على مقدمتك الرقيقه الله لا يحرمنا منك ولا من لطفك وذوقك وتواصلك ردا على سؤالك &&& سؤالي هو .. ماهو المقياس الحقيقي للنجاح بالنسبه للشاعر فيصل بن خالد .. هل هو في تحقيق الشهره أم في تحقيق الفكره ؟ كيف يمكن لشاعرنا الموازنه بين هذه وتلك .. في ظل اختباء الصدق وتلونه بالمجامله ؟ &&& النجاح الحقيقي يا ام مشعل في تقبل المتلقي الفكره واستيعابه لجماليات النص والتأثر به عمر الشهره ما تكون مقياس حقيقي للنجاح فنحن نعلم جيدا ان الاعلام تحكمه طوابط كثيره وليس كل مشهور مبدع وهذا باتفاق الجميع وعلى المستوى الشخصي يعلم الله اني غير مهتم بالشهره الاعلاميه على الاطلاق بل وعلى العكس انا اتسم بالكسل فتحصل لي فرص كثيره قد يتمناها غيري ولكني كسول شعريا وكسول في تواصلي مع الاعلام والاعلاميين اما بالنسبه للموزانه بين الشهره والفكره فهي غير ضروريه على الاطلاق لان الفكره هي التي ستجلب الشهره اما الشهره فلن تسطيع في يوم من الايام ان تجلب الفكره على سبيل المثال الشاعر المبدع تجدين الاعلام يبحث عنه اما الشاعر الضعيف تجيدنه يبحث هو عن الاعلام فالاول ان نشر تجدين الشهره تلهث خلفه والثاني ان نشر تجدينه يلهث خلف الشهره هذه وجهة نظري الشخصيه والف شكرعلى تواصلك لا عدمتك اخوك فيصل |
رد : فيصل الخالد .. / وقناديل من صدق ٍ لاينضب ..!!
اخوي الغالي فيصل الطخيس
يا هلا والله ومرحبا يا فيصل وحياك الله شرفت ونورت وان شاء الله تزول ظروفك على خير وتشرفنا مره ثانيه الف شكر على ذوقك وكلامك الطيب لا عدمتك لك خالص التقدير اخوك فيصل |
رد : فيصل الخالد .. / وقناديل من صدق ٍ لاينضب ..!!
إقتباس:
هههههههههههههههههههههههههههههههههههههههههههههههههه ههههههههه فديت خشمك ياسنفور غاضب ههههههههههههههههههههههههههههههههههه سجل عندك واحد يحبك الي هو انا ولا يهمك خل الحساب عينا المره هذه :) |
| الوقت المعتمد في المنتدى بتوقيت جرينتش +4.
الوقت الان » 02:40. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع