السلام عليكم . .

هاي قصيدة غزل شامية عم بتحكي بصمت .

بحبك حب الشباك للبرداية ـ
بحبك حب الأرنبيط للكوساية .! ـ
بحبك متل ماالشلمونة بتحب الكولاية .. ـ
متل ما كل طشت بيحب الكبجاية ـ
تمنيتك تكوني شخبرة .. ـ وكون أنا المحاية...ـ
أو حتى تكوني بريات .. وأنا كون البراية...
وبتذكرك كل ما قمت دولة قهوة من عالغلاية
بس يا ريت ما تحطيلي زء .. ـ لما كون أنا جاية..ـ !
بروّق على صوتك يلي متل صوت المعزاية ـ
وبتمناكي عوجا وكون أنا العرباية..
يا ريت تكوني طربيزة ـ وكون أنا كنباية ـ
يا مدلوئة حياتي وشعيبيات عمري ووربات بئشطة روحي ـ
يا أحلى زبدية محلاية ـ
بحبك أكتر مالريموت بيحب التلفزيون ـ
أكتر ما درفة الباب بتحب المندلون ـ
ولك أكتر من حب بنت اختي الفصعونة لسبيس تون ـ
وإذا حبيتيني نص هاد الحب ـ بكون أنا ممنون
بحبك حب أبو السوم للطابة.. ـ
وأكتر من حب أبو حميد للألابة
بحبك اذا كنتي متنحة أو حبابة.. ـ
بحبك حتى لو كان صوتك متل موتور الدبابة ـ
سمعيني شوي لحتى احكيلك الأصة...
يا ريت تكوني حنفية مي عم تشرشر ... وأنا بعصّا..
نشالله ما يبلا هلطول ... متل عرئ الفصة...
لك يا ريت تكون معي ـ هيكة شي كمشة بزر وأعطيكي نصا
بحبك حب منير الجبان لكلمة صباح الخير.. ـ
بحبك حب جهاد سعد لبرنامج خبرني يا طير.. ـ
لك بتسدئي ؟؟ ـ
بحبك حب جورج بوش لتوني بلير ـ
بحبك حب الزلائط للمعؤوود ـ
بحبك حب بيشو لأبو الفوود...ـ
بحبك حب السعادين للقرود...ـ
بحبك اذا كنتي ساكتة أو عم تحاكينا.. ـ
بحبك حب ابن عمتي الفصعون لبوظة كارينا
بحبك حب اللي طاشش قلبو .. للكرمنتينا
بحبك بس مشااان الله .. ـ حاجة بأه جننتينا!!!!! ـ


تحياتي للجميع . .