شعبيات - عناق اللقاء ..

شعبيات (http://www.sh3byat.com/vb//index.php)

- قوافي البوح (http://www.sh3byat.com/vb//forumdisplay.php?f=13)

- - عناق اللقاء .. (http://www.sh3byat.com/vb//showthread.php?t=20549)

عناق اللقاء ..

بسم الله الرحمن الرحيم

مساءكم شعر

صلوا على النبي وإليكم :

على طاري اللقا وعناق مـن كانـت تسلينـي
تزفّر خافقـي وانهـز مـن زفرتْـه معلاقـي

تذكرت الطموح اللي نبـت داخـل شرايينـي
ولا باقي من آثاره سوى غصـن ٍ بـلا اوراق ِ

وتذكرت الحنين اللي بناه الحـب فـي عينـي
وصار اكبر حنيني دمعة ٍ من محبـس احداقـي

تبيّح مـا تراكـم مـن فـراق ٍ كبـل يدينـي
وتطفي جمرة ٍ بيـن الحنايـا شبّـت اعماقـي

وتذكرت السنين اللي مضت واللي بقـى فينـي
ودريت انّي يتيم من السعد في عمـري الباقـي

وتذكرت المكان اللـي جمعنـي مـع محبينـي
على رجم ٍ دعاني له شعوري واعذب اشواقـي

بعد ذاك الشروق اللي كسى لي عتمـة سنينـي
وبعد ذيك العزوم اللي شربْها وارتـوى ساقـي

مشيت ولا لقيت امـن العـزوم اللـي تقدينـي
على درب ٍ مسير ٍ به يعتّـم صحـوة اشراقـي

يبَس زرع الصبر واصبحت ما املك في بساتيني
سوى ياس ٍ يظللنـي .. تعـدّى طولـه افاقـي

غدا طعم الوصل مثل المفـارق فـي موازينـي
مدام انّ الوصل يحلف علي ّ ابساعـة فراقـي

وغدا طعن الجفا مثل الضمـاد اللـي يداوينـي
مـدام انّـه تشابـه مـن يجافينـي وعشاقـي

تناوشني الأسى من كـل جـال وبينـه وبينـي
يوطّن كل ظالـم فالفـواد ان زانـت اخلاقـي

ولكـن المصيبـة دمـع عينـي مايواسيـنـي
تشح ّ ابها العيون اليـن ذبْـل ومـال خفاقـي

على الله تمطر عيوني فرج واسقـي ظمـى طينـي
واشق ّ ستار ذكرى من سببها طـوّل ارهاقـي

وسلامة قلوبكم .

رد : عناق اللقاء ..

اللهم صلِّ وسلم على سيد الأولين والآخرين

شعر وشعور ولا أجمل

تذكرت الطموح اللي نبـت داخـل شرايينـي
ولا باقي من آثاره سوى غصـن ٍ بـلا اوراق ِ

وتذكرت الحنين اللي بناه الحـب فـي عينـي
وصار اكبر حنيني دمعة ٍ من محبـس احداقـي

صح لسااااااااااااانك

وتذكرت السنين اللي مضت واللي بقـى فينـي
ودريت انّي يتيم من السعد في عمـري الباقـي

رد : عناق اللقاء ..

صح لسانك يامحمد قصيدة في غاية الروعه
دام توهجك

رد : عناق اللقاء ..

صح لسانك
كثيرة هي اماكن الجمال في هذه القصيدة
راقت لي كثيرا لاهنت وبيض الله وجهك

رد : عناق اللقاء ..

صح لسانك
كثيرة هي اماكن الجمال في هذه القصيدة
راقت لي كثيرا لاهنت وبيض الله وجهك

رد : عناق اللقاء ..

على الله تمطر عيوني فرج واسقـي ظمـى طينـي
واشق ّ ستار ذكرى من سببها طـوّل ارهاقـي
من يقرا بيت الختام يرجع ويقرا القصيده اكثر من مره
صح قلبك يامحمد

رد : عناق اللقاء ..

كنت اعلم اني امام شاعر رائع يامحمد
اجمل مايميز نصوصك هو خلوّها من السرد
مترابطة بموسيقى وفكره تطرب كل متذوقي الشعر
صح فكرك ياشعر

رد : عناق اللقاء ..

أخوي خلف ضحوي :

صح بدنك وممتن لك عالمرور

لك شكري .

رد : عناق اللقاء ..

صح بدنك أخوي عبيد

والأروع تشريفك لمتصفحي .

تقبل شكري وامتناني .....

رد : عناق اللقاء ..

صح بدنك أخوي خالد القبيسي

وزدتني شرفا ً بإطرائك والأجمل حضورك .

رد : عناق اللقاء ..

إقتباس:

الرسالة الأصلية كتبت بواسطة سعيد بن مقبل الأكلبي (مشاركة 328247)

صح بدنك يالغالي

أكرمتني بحضورك وإطرائك

تقبل ردي المتواضع أمام سمو ردك .

رد : عناق اللقاء ..

إقتباس:

الرسالة الأصلية كتبت بواسطة محمد الدحيمي (مشاركة 328261)

أنت الأروع يابو خالد

شهادتك وسام على صدري ماحييت

وإطرائك داعما ً لي خصوصا ً أنها

من شاعر قاااااااامة ويسمو به الشعر .

ممتن لك على المرور .

رد : عناق اللقاء ..

وتذكرت الحنين اللي بناه الحـب فـي عينـي
وصار اكبر حنيني دمعة ٍ من محبـس احداقـي
ــــــــــــــــــــــــــــــــــــــــــــــــ
والله هذا الشعر وإلا فليرتاح قلمي
ياعيني عليك يابن مداوي .... شعرك علاج ...

وفعلاً كنت محق عند بدءك قبل القصيدة بـــ صلو على النبي .. ..
عليك اسم ربي والجمال
تقبل تحيات محبك ( أحمد الويمني)

رد : عناق اللقاء ..

للأمانة كل بيت يتفوق على الذي قبله
لي فترة لم اقرأ شعر بهذه العذوبة الشديدة
محمد
نرجوا ان لاتقاطع منتدى المبدعين
الذي يستحقونك وتستحقهم

ابدعت
tsh5
tsh5
tsh5

رد : عناق اللقاء ..

صح الله لسانك يامحمد وبيض الله وجهك على هالجزله
عز الله أني قريت لي قصيده يابو مداوي

تقبل مرور أخوك
نايف