أنا لحالي ..
 

أنا لحالي ..



و راح ابريل .. و لا جابك .. مثل كذبه .. تجي بابريل

و راح العِذْر ْ.. ما دَوَّرْ .. ظروفٍ تدمح الزلّه


و راح اللّي بقابي من فضول يصدّق التأويل

و راح البَرّدْ .. ولي بعضٍ .. يلوذ وما لقى كلّه


تركني .. لدهشة الدمعه إلى ما خانها المنديل

تركني .. و الأمل قد مات بسيفٍ ما بعد سلّه


نعم جيتك على الموعد .. لعنت القال قبل القيل

نعم جيتك على الموعد .. وأصلي ماحترى ظله


نخيت اللّي بقى من نور .. يجيبك قبل ذلّ الليل

نخيت الوقت يرجع بي .. قبل لا يذلّني ذلّه


اعافر لحظة المغرب .. و نهاري ما بقي به حيل

يا ليت الشمس ما تغرب .. يا ليت الشمس منشلّه


و ضجّْ الصمت .. و موالي .. نسى بشفاهي التمويل

وقف صوتي على حيله .. يعزّي القلب و موَّل له


أنا لحالي .. وكل الصدق .. يملا مسرحي تمثيل

أنا لحالي .. أنا الحالي .. كثيري صار يا قلّه !!!!!!




عبداللطيف بن عبدالله بن عبداللطيف بن ابراهيم آل الشيخ
نيويورك

7 ابريل 2010 م

http://www.sh3byat.com/vb/dewan.php?pid=49

رد : أنا لحالي ..
 

عبد اللطيف وهطوووول عذب وعزف ممتع يسلم راااااااااااااااااااسك ولله درك
شااعر رااااااااااااااااااائع والله رااااااااااااااااااااائع ونص راااائق وحضوووور مشرق
صح لسااااااانك مليااااااارت

رد : أنا لحالي ..
 

نمر ..
الف شكر .. شعورك هو الرائع و الله

رد : أنا لحالي ..
 

صور جميلة

و أبيات إحساسها رائع
نخيت الوقت يرجع بي .. قبل لا يذلّني ذلّه


اعافر لحظة المغرب .. و نهاري ما بقي به حيل

يا ليت الشمس ما تغرب .. يا ليت الشمس منشلّه

رد : أنا لحالي ..
 

نص رائع اخى عبدالطيف صح لسانك




احترامي

رد : أنا لحالي ..
 

أنا لحالي .. وكل الصدق .. يملا مسرحي تمثيل

أنا لحالي .. أنا الحالي .. كثيري صار يا قلّه !!!!!


صح لسانك يا عبداللطيف

ممتعه هذه الرحله بين حروفك

شكراً

رد : أنا لحالي ..
 

بثينه ..

اشكر حضورك الذي أسعدني .. و دام انشالله التتواصل

رد : أنا لحالي ..
 

عبدالعزيز الشهري ..

اشكر قرائتك لي و يشرفني حضورك

رد : أنا لحالي ..
 

عادل آل زارع

صح ذوقك .. و الف شكر لتصفحي .