" انا " .. على حطت يدين الاماني!
 

" انا " .. على حطت يدين الاماني
الحلم شاحب .. والمواني بعيده!

والمجتمع .. ما بين جاحد واناني
واقصى طموحي بس لحظه سعيده!

لذا انا ايضاً .. " أعاني .. أعاني "
والأُنس مُجحف صعب ماعدت اجيده!

[إنسان واعي] .. بس ربي بلاني
بالواقع البائس ولا احتلت ابيده

لي قلب ابيض بين عوج المحاني
علاقته بالحزن .. جداً وطيده ..!

رغم ان صدري كان له صدر حاني
حنِيته كانت بقايا .. رصيده

حاول يجامل .. بس ماهو يداني
طبع المجامل / والوهن / والمكيده

كلفتني يا قلب .. شعر واغاني
وارهقتني وانا صفاتي .. حميده

محبط وهذا الحزن وجهه غشاني
كتبت لي في هامشه كم قصيده

اعوم كم لي .. ما لقيت المواني
غريق وافكاري توفت .. شهيده!

مر العمر .. كنه مثل هالثواني
صوت العقارب سم .. داخل وريده

واشحذ فتات الصبر ولا التفاني
متى على الله يكسر الحظ .. قيده؟

واقول دايم يا عساني .. عساني
اعيش باقي العمر عيشه رغيده

هذا وانا تايه .. مابين الاماني
والحلم شاحب .. والمواني بعيده!!



#عبدالرحمن_آل_مغني
528EFC84
@almogni07