عدلوها ماجازت لي
 

<font color="Green">شكى رفيقي كيف يحكي أحساسه*** يقول ياليتي اسوق الطواريق.
قلت اسمع الطاروق منى هجاسه*** وعطه الحقيقه واضحه دون تلفيق.
علم غرامك من غرامك وناسه*** قله ترا ياصاحبي زاد بي الضيق.
ياصاحبي عطني من الحب طاسه *** كودي أمزمزها على فكت الريق .
وياكود راسي ينجلي من عماسه*** واشوف زينك بين كل المخاليق.
انا عشقتك قبل اشوفك حماسه*** جذبني الصوت اللي يجر المعاليق .
ياصاحبي زينك تعدا قياسه *** وقلبي على ودك كثير المشافيق.
فيك اتفكر في جمالك دراسه***ياعل هقواتي تصيب التوافيق.
هذه ابيات كتبتها نصيحة لرفيق مضه العشق ولعلي عطيته العلاج.
واعرضها بين دكاترة الشعر لعلهم يصدقون عليها ولا يردونها </font>

هلا والله بحبيبنا نديم :)

شف حبيبي انا بصراحة منيب افهم في الشعر واجد لكن هذي اتوقع انه علاج جيد :)

لكن مثل ما قلت لك تراني ما افهم بالشعر لذيك الدرجة :)


تحياتي لك يا احلى نديم :)

صح لسانك يانديم .. اخيراً لقيت مكان تنثر فيه احدى مواهبك :D

&lt;==== اول رد في المنتديات

تحياتي :p

صح لسانك يانديم

وماقصرة وياهلا ومرحبابك

الاخ نديم مساك الله بالخير قصيده رائعه لاكن ابدي ملاحظه من عندي تقبلها بصدر رحب اخوي ;)
تقول جاذبني الصوت اللي يجر المعاليق ،فيه شي لو قلت يعني:
جاذبني بصوت(ن)يجر المعاليق===احسن كذا وللك التحيه :D :D :D :D

يأخ نديم ..
الوضع صعب جدا ...

القصيدة فيها معاني و معاناة .. خاصة ومن الصعب تعديل كلماتها .. إلا من الشاعر نفسه ..

مع العلم أنه من الصعب وزنها كما هي .. ولا بد من تغيير كبير فيها لتصبح سليمة ...

وعلى سبيل المثال يمكن أن تبدأها ب

شكوى رفيقي ما تبدي طواريه
وده بدرب فيه تسري الطواريق


:D

أخوي نديم .... صح لسانك ونورت الصفحة وألف هلا وغلا

أخوي .... القصيدة رائعة وجميلة وقرأتها عدة مرات وهي على بحر ( المسحوب ) الشهير ... وهي موزونة ومستقيمة ولم أجد فيها سوى شطر واحد يحتاج لتعديل بسيط وهو :

( جذبني الصوت اللي يجر المعاليق )

ويستقيم هكذا :

( تجذبني بصوت ٍ يجر المعاليق ) لأن الخطاب موجه له بقولك ( انا عشقتك قبل اشوفك حماسه *** تجذبني بصوت ٍ يجر المعاليق )

وألف شكر على المتابعة :)

ياصاحبي عطني من الحب طاسه *** كودي أمزمزها على فكت الريق
رائعه رائعه رائعه يا اخ نديم
وودي اقووووول شي وتراى يمكن اكووون مخطى بس
كلنا اخوان والنصيحه تنسمع
وانا عندي ملاحضه بسيطه على وزن البيت الاول الشطر الثاني
والبيت السادس الشطر الثاني
ولو تجدد اعاده النضر فيهن قصيدك راح يكون ماعليها اشكال
ان شاءالله والله اعلم وتقبل تحياتي
والسكر على القصيده اللي بدوووون مجامله اقووول انها
رائعه من روائع المنتدى
والسلااااام :)

الاخ / نديم


صح لسانك على الابيات الجميلة واللي تدل على انك شاعر ولك تجربه جيدة
واسمح لي ببعض الملاحظات على الوزن في شطرين فقط لاغير

البيت الاول يتضح الاختلال فية في الشطر الاول

((شكى رفيقي كيف يحكي أحساسه*** يقول ياليتي اسوق الطواريق))

حيث ان الشطر الاول زائد بينما الشطر الثاني ممتاز من ناحية الوزن
وعليك الرجوع لهذا الشطر واعادة صياغته على لحن الابيات التالية بحر(المسحوب) حتى يستقيم


**


الشطر الثاني من البيت السادس

انا عشقتك قبل اشوفك حماسه*** جذبني الصوت اللي يجر المعاليق


الشطرالاول تمام الشطرالثاني كما ذكر اخي حمود الفلته في رده عليك لوقلت (( جاذبني بصوت(ن)يجر المعاليق))

على العموم اهلا بك وبقصيدك الرائع وننتظر منك
المشاركات والقصائد الجميلة

ولك تحياتي


اخوك / عبدالهادي