|
سَعْد الشِعرٌ [ سَعد الحريّص ] !
|
رد : سَعْد الشِعرٌ [ سَعد الحريّص ] !
. لَمّ آجْد الآبجديّه المُنّصِفه لَ سَعد الحريّص ! فَقط كُونوا هُنا . |
رد : سَعْد الشِعرٌ [ سَعد الحريّص ] !
وحيد أنا في الطريق اللي يغربني .. .. .. .. .. .. .. .. وحيد حتي من النسيان وظلالي يابنت وش لي بقرب ٍ مايقربني .. .. .. .. .. .. .. .. القرب قرب القلوب وبعدي اشوالي الصمت موحش وأنا شاعر ويرعبني .. .. .. .. .. .. .. ..والصمت مثل الوطا ماهو بمنزالي أنا ابتدعت الكلام اللي يعذبني .. .. .. .. .. .. .. .. ولونت ضحك القلوب بلون غربالي وأنا لبست السكوت اللي يناسبني .. .. .. .. .. .. .. .. وجها الكلام وسكت في عيون عذالي دام الغياب أفغيابي مايغربني .. .. .. .. .. .. .. .. عنك وأنا أزريت لاغيبك عن بالي تركت خلفي قلوب الناس ترقبني .. .. .. .. .. .. .. .. تركت أنا كل شي وجيتك لحالي |
رد : سَعْد الشِعرٌ [ سَعد الحريّص ] !
يا حلو صوتك يجي دايم حزين وصدوق
.. .. .. .. .. .. .. .. .. يسكن به البرد ويبلل ثيابه بكاك مليان بالود واحساس الحبيب الشفوق .. .. .. .. .. .. .. .. .. حنون من أول عيونك لآخر مداك مليت ظلما الفراق وكان صوتك شروق .. .. .. .. .. .. .. .. .. يا شين بعدك ويا كثر الجفا في جفاك بيني وبينك تعب بيني وبينك فروق .. .. .. .. .. .. .. .. .. دونك مشاويري البيضا وحزني وراك إن طوّلت في عيوني ممحلات البروق .. .. .. .. .. .. .. .. ..والله لأضحك رضا لو ما اضحكت لي سماك ظماي يترك على صدر الليالي حروق .. .. .. .. .. .. .. .. .. وإلا انت تظما ويا برد الظما في ظماك شحيح انا فيك لو جفت في دمي عروق .. .. .. .. .. .. .. .. .. اشح في ماك وزروعك واشح بحصاك اقول ابشرب وشحي فيك عيا يذوق .. .. .. .. .. .. .. .. ..مرارة النفس فيني ما غواها غلاك هذا قصيدي بكف الريح ما له حقوق .. .. .. .. .. .. .. .. .. يا ما ويا ما اخذ مني ويا ما عطاك والله لو هو بكره النفس لألحق لحوق .. .. .. .. .. .. .. .. .. لكنه أنهى حياة الحزن حين ابتداك |
رد : سَعْد الشِعرٌ [ سَعد الحريّص ] !
وينك نحل صوتي من الحزن والصم .. .. .. .. .. .. يا ضحكة الدنيا وضحك الليالي .. باسمك بكى صوتي وباسمك تبسّمت .. .. .. .. .. .. للي بقى .. للحب منك وبقى لي .. شفني على كثر الجفا ما تعلّمت .. .. .. .. .. .. لو ما ورا فرقــاك هذا وصالي .. شفني ذكرتك .. همت بك كثر ما همت .. .. .. .. .. .. ما ضاق بك قلبي .. ولا ضاق بالي .. عن كل عين ما لها دمعتك صمت .. ! .. .. .. .. .. يا عيد قلبي حـاجبك هو هلالي .. انا حرمني منك وقتي وحرّمت .. .. .. .. .. .. عقبك اعشق عيونهن يا حلالي .. |
رد : سَعْد الشِعرٌ [ سَعد الحريّص ] !
اختر لنفسك .. انا اخترت الطريق الطويل
بعض الخيارات ماتتـرك لنـا الاختيـار اخترت احبك وشفتك قد مااقـدر جميـل على حدود النظـر والعجـز والاقتـدار كنت فعيوني على حد البهـا المستحيـل فعين بدر الدجى وفعين شمـس النهـار استكثر الحب فعيونك ولـو هـو قليـل واستصغره في فؤادي لو جروحي كبـار انحت من الصمت كلماتي وروحي تسيل على الورق واشعل لك الدنيا حروف نار مااقول كان لعيوني عن عيونـك بديـل لكن مثلي اذا ماحـب .. حـب بقـرار لو قلت للقلب لاهـب الهـوا لا تميـل ما مال يمك ولو آخـر جـداه انكسـار اختر لنفسك انا اخترت الطريق الطويـل بعض الخيارات ماتتـرك لنـا الاختيـار |
رد : سَعْد الشِعرٌ [ سَعد الحريّص ] !
( رميت الورد .. طفيت الشمع ) ! مضى عامين مامر بكلامي دمع ولا مريتي بعيوني يا انتي اي حزن اللي تركتي لي واي احساس ياكل الارض في قلبي .. وكل الناس وش اللي فيك ماينحب وش اللي ينكره واكره تغيب الشمس وتشرق شمس وبكره لو يجي بكره يصبح امس مثل ماكان في يوم من ايامنا بكره وترا اللي حب مايكره اقول اسمك وينبت للمعاني قلب وتحضرني اغاني حب وقول الدنيا لسى بخير اساميهم تجي وتروح واسمك مايفارقني يجي مثل البحر ويروح مثل الروح انا ماخترتك احاسيسي والا خترتي تحبيني يقلون المشاعر في سماها طيور وانا اقول القلوب اشجار ومن متي كان الشجر يختار رميت الورد طفيت الشمع مضي عامين مامر بكلامي دمع مضي عامين مامر بكلامي دمع مضي عامين مامر بكلامي دمع مضي عامين مامر بكلامي دمع tsh6 |
رد : سَعْد الشِعرٌ [ سَعد الحريّص ] !
لوحة قديمة .. حيل
معلقة بجدار فيها صور .. فيها صور وغبار : يدفن ملامحها وكتابة ممسوحة وخطوط مجروحة شدتني هاللوحة .. بألوانها الصفرا وقرّبت أنا باقرا مكتوب فيها فوق (( لاتنسوا الأسرى )) ويصرخ بقلبي صوت !! حزين .. حتى الموت !! مرت ثمان سنين من واحد وتسعين مرت ثمان سنين وكم مثلها في العمر !! وكم في الليالي صبر !! وما زالوا الأسرى وما زالت اللوحة تشبه قضيتهم معلقة بجدار فيها صور وغبار يدفن ملامحهم .. ... يارب ياجبار يارب رجعهم |
رد : سَعْد الشِعرٌ [ سَعد الحريّص ] !
في ليلة
... والمطر يسبل ..... مطر بلل بحر ليلة ليلة من بلل والريح مبتلة .... بها حتى الكلام ابتل احس ان الغيوم هموم مزن ..... طاح واحس ان الهموم غيوم حزن ...... لاح واحس ان المطر .... لو مايبلل قلوبنا يغسل شقاء الارواح واحس الوقت مايمهل ولا باقي كثر ماراح .... واذا كنتي تحبين وتخافين تعالي نهيم في دنيا المطر والغيم ولكنك ..... تخافيين ........وتخاافين .... وتخاافين وعندك شيء تخفينه ؟؟؟؟؟ وانا احب المطر وانت تخافينه !!!!!! ولا ادري وش سبب خوفك ولاظنك بعد تدرين . ... تخافين المطر .... لايبلل ثيابك تخافين الرعد ..... لايرعب احبابك تخافين ان لمع البرق في عيونك ..... بان ماتخفين ابركض في المطر وابتل واذا ارعبك المطر ليلة انا ارعبني الجفاف سنين انا ارعبني الجفاف سنين انا ارعبني الجفاف سنين انا ارعبني الجفاف سنين : ( |
رد : سَعْد الشِعرٌ [ سَعد الحريّص ] !
حبيبي لا تعاتبني كفى ليل الجروح عتاب
كفاني منك دمع لو بكيته طاحت عيوني أحبك صدق وان كذبتني يا مكذبي كذاب ولا يامصدقه كذب حملته وأثقل متوني حبيبي أنت عمري يا حبيبي والهوى غلاب أنا هبت هبايب لا وراي ولا بعد دوني حبيبي كانت الفرقا بحر قلت السنين اخشاب تجودت بطرفها قلت أبنسى العقل وجنوني حبيبي كنت رجم في حشاي وصرت لي مرقاب اغني بك حروفي وأنت وحروفي تغنوني حبيبي لو بكيته طاحت الدنيا سما وتراب حبيبي لو بكاني طاحت الدنيا من عيوني |
رد : سَعْد الشِعرٌ [ سَعد الحريّص ] !
والله برافو عليك يامحمد بحق انك اخترت اسماً ورمزاً حفر تجربته في ذاكرة الأدب الشعبي سعد الحريص وما ادراك ما سعد الحريص الكل يتشدق بانه ظلم اعلاميا ولم يحاول احد ان ينصفه كما يجب الا قلوب عشّاقه والمنتصرين للشعر الحقيقي كما فعلت انت بالتأكيد سأكون هنا باذن الله لمتابعة هذا العمل الذي اشعر انه سيكون مميزاً جداً ولشعبيات السبق فيه فشكرا لك على هذا الوفاء الغير مستغرب |
رد : سَعْد الشِعرٌ [ سَعد الحريّص ] !
ابو بدر فعلاً , وشكراً على تواجدك
|
| الوقت المعتمد في المنتدى بتوقيت جرينتش +4.
الوقت الان » 20:50. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع