|
◊۩‗ شمـآليات‗۩◊
السلام عليكم ورحمة الله وبركاته
واسعد الله اوقاتكم جميعاً بالخيــر والسرور .. بعض النصوص .. اضعها بين ايديكم عسى ان تلامس اذواقكم الراقيه وتنال قبول استحسانكم .. مودتي واحترامي للجميــع tsh5 |
رد : ◊۩‗ شمـآليات‗۩◊
ماصرت اميـز بين صادق وكذاب ............ دنياي اصـلأ .. كلبـوها مقالب ..!! ** لكن ترى كل شي بقيـاس وحساب ............ وجهة نظر/ مالـي وراها مطالب ..!! ** عمر الحصاني مانجبت بطنها ذياب ............ الذيب ساطي .. والثعـالب ثعالب ..!! ** والحـر ماينطال من بيضة غراب ............ الحر جارح .. من ذوات المخالب ..!! ** أبسط مثـاله : تجربة درس طلاب ............ماتجتمع شحنـات ....( + و ـ ) ..!! |
رد : ◊۩‗ شمـآليات‗۩◊
ماقدر اخفّيْ حالتي عنّكْ ياصاح ............... الله يخارج : وقت صار ابتزازي ..!! ** البارحه ماطاب لجفوني أمراح ............... في قبضة الهوجاس تم احتجازي ..!! ** أحيان اضحك كاني بقاعة افرآح ............... واحيآن كاني وسط مجلس تعازي ..!! ** ماقول متكدر ..ولا اقول مرتاح ............... مابينهن مريت ... خاتم جوازي ..!! ** من دنيتي قانع ولا أدوّر اربآح ............... أسعى وادور عيشتي واعتيازي ..!! ** الحظ طايح لاكن البآس ماطاح ............... أناظل الدنيا .. وعليـه ارتكازي ..!! ** مادام ذاخر للعنا صبري سلاح ............... .. ماهمني لو للعنا جيش غازي ..!! ** بالمختصر هذا هو الوضع ياصاح ............... عآيش / ووّصل للجميع اعتزازي ..!! |
رد : ◊۩‗ شمـآليات‗۩◊
انذال لو قدرتهـم .... قدرهم بوت ................... بيفرز بريدك منهم الفين فارز ..!! الموت تدري عندهـم وشهو الموت ................... ان صار طيبك مع وفآك يتبارز ..!! شف المطارق ان صدر منّها صوت ................... ماتطرق الا راس مسمار بارز ..!! http://t1.gstatic.com/images?q=tbn:spcV2xYxrTkdRM: |
رد : ◊۩‗ شمـآليات‗۩◊
وش فيه ضايق خاطرك تشكي من الدنيا عليل .............................. عطها ظهركْ أن طعتني .. واستدير وخلها ** اعتبـر نفسـك بهـا مـرار أو عـابر سبيل .............................. لو دامت لغيرك .. ترا ما أوَصلت لك كلها ** أصل النهايه وسط حفـره .. هندستها مستطيل .............................. مافيه جسـم أنسان كائن ما يتـوسد ظلها ** تعال اشطـب احزانك / تعـال خـذ هذا مزيل .............................. عيـش يومك أنبسط وألعـن ابوها وفلها ** صدقني لو تبـي تطـاوعها غـدا ليلك طويل .............................. بس ابتسم ( واللي عقد روس الحبال يحلها) |
رد : ◊۩‗ شمـآليات‗۩◊
عندي قناعه بالمثـل : وأسبابها من تجربه
...................... والله صادق ( مايجيك البـرد الا من غطـاك ) |
رد : ◊۩‗ شمـآليات‗۩◊
بعض البشر لو مان ماقدّر أنسان .................. لابد ماتوذيك .... ريحة لسانه ..!! حـاول تجنب مونتـه قدر الامكان .................. وخل السلام اقصى حدود الميانه ..!! |
رد : ◊۩‗ شمـآليات‗۩◊
مادري انا صاحي أو الوقت مجنون ................... ولا أنا المجنون والوقت صاحي ..!! |
رد : ◊۩‗ شمـآليات‗۩◊
لاعاد تنشدني عن انذالها يوم غسلت من ريحة غثاهم هدومي ..!! ** يعني بصراحه مالها عندي لزوم أعرف لزوم الناس واعرف لزومي ..!! ** المصلحه في عرفهم صارت سلوم واهل المصالح ماتناسب سلومي ..!! ** ماقدر افيدك عن عفن حلم مشئوم حلم ونسيتـه وانتهى وقت نومي ..!! ** وان كنت تنشدني عن علومي اليوم من مسجدي للبيت ..هاذي علومي ..!! |
رد : ◊۩‗ شمـآليات‗۩◊
ياما انتظرته واقـول اليوم بيجيني اليوم / بكره..يجي واسمع ندا صوته ..!! ** وشهور راحت كذا.. واثريه ناسيني وكنـت احسـب أنه غياب أيام موقوته ..!! ** وتوي عرفت وفهمت !! الله يكفيني علقـت نفسي وهمّ .. والنفـس مكبوته ..!! ** وش لي بكثـر الولـه : ماعاد يعنيني تعبت افضفـض شعـوري وانظم بيوته ..!! ** على سبـيل المثـل : لو كان باغيني اللي في قلبـه صـلاة العصـر ماتفوته ..!! |
رد : ◊۩‗ شمـآليات‗۩◊
وجه المذمه قُبح لوكان محمود ..................... ماهنـدمت وجه القبيح أبتسامه ..!! ** الذل عاري لو لبس مشلح فهود ..................... من منطلق نسل النعـامه نعامه ..!! ** لو تدّعي أن العـدم شي موجود ..................... اصـلاً وجوده صار سرّ انعدامه ..!! ** نطاق فـكر الذنب ضيق ومحدود ..................... مايعرف ان اصل السراط استقامه ..!! ** الكبر مهـما يزود مايعتبـر زود ..................... صغيـر في عيـن التواضع مقامه ..!! ** وقليل من يزرع وفاء يجني ورود ..................... هذا الزمن اغلـب حصـاده ندامه ..!! ** اكذب ونافق أرتشي أنقض عهود ..................... عادي مادام السوق يفرض نظامه ..!! ** شفت المبـادئ تنشرا بحفنة نقود ..................... وقـدام عيني بيـع قـدر وكرامه ..!! ** شفت النـوايا بيض لكنـّها سود ..................... ومن المحال تزخرف القلب " شامه " ..!! ** وقفت في سوق الزمن أكتم لهود ..................... مذهول ( وأرسم للتعـجب عـلامه) ..!! |
رد : ◊۩‗ شمـآليات‗۩◊
إقتباس:
............... أناظل الدنيا .. وعليـه ارتكازي . جميل جميل نعم والله جميل بوركت شاعرا مبدعا تحيتي وإعجابي |
| الوقت المعتمد في المنتدى بتوقيت جرينتش +4.
الوقت الان » 07:47. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع