شعبيات - 1+1= ص

كتبتها في وقت متقارب ونشرتها هنا في شعبيات في موضوع واحد فاحببت ان تكون كذلك

قصيدتين متواضعه لـــ اذواق فارعه:

مايفرق الكتف في التعبير والكاهل "=" سوى سوى كلها للحمــــل شياله

اللي ورى الناس ماياتي على الساهل"=" واللي يدة في الجمر مايشبه الداله

الى متى يارفــيق النـــــور متجاهل"="الدم وقف وزاد اللـــيــــــــل مـــواله

لاتحسب اني على ضيم الزمن داهل"=" لا والله اني اعيفة واكره احمـــاله

ياعد مبعد مواري شجنة الناهل "=" وان غاب لاتنــشد اللي غاب عن حاله

خله يواجه مصير الوقت يستـــاهل "=" مالك وماله صـــــــراحه مالك وماله

يابرق يابرق وان كان المطر ماهل "=" سلم على المزن منــــــي عد هماله

--

-

-

اللي بصدري من الونات مكبوتة "="زفرات الانسام من جور الخفا باحت

جمر الهوى جمر و الكيات منحوته""=" بين المعاليق وابروق الهوى لاحت

حر القوايل تفرعن وانفجر توته "="من فوق خده وقطرات العرق ساحت

وحروف بحت تعب داعب بها صوته"=" فيها غنج جابها النسناس ماراحت

وش فيه خلا سباع الرمش مفلوته "="لين نهشت ثومة الخفاق واجتاحت

غرياف قده على ضحكات ياقوته "=" تذبح لما مالت الرمشين ثم طاحت

التمر لامن تحاكا ذقت نبوته"=" كن العطر نسمة ٍ من نبرته فاحت

والشعر لامن حضر فالبال طاغوته"="وقف له القلب وعلوم الشقا صاحت

-

-

-