والله اني من فراقك ما نسيت =كل لحظه من تفاصيل الغرام !
المحبه والتغلي لا قسيت=واعذب الكلمات في وقت الوئام !
والزعل ومعاتبك لا من رضيت=لا تخالط دمع عينك بالملام !
والقوافي والقصايد بيت .. بيت=وانت فيهن معتلي بارفع مقام !
ويا برودك يوم للفرقا نويت=جيتني بكلمة موادع .. والسلام !
والله اني من قساها ما قويت =كانت بعيني تساوي ألف عام !
كل هذا مرّني لين ارتويت=من عذابك .. وانت في صدري تنام !
لك ثلاث اعوام غايب ما اكتفيت =يعني اللي كان يجمعنا كلام ؟!
ياخي ارحم من تولع ما دريت=ان هجر المسلم ال مسلم حرام !!
لعنبوا ذكراك لا منك طريت=يشتعل في داخلي شوق وهيام
شوق ابو مبارك على شوف الكويت=يوم باس ترابها قدم الانام !
ويا كثر ما تلــّني شوقي وجيت=طامع ٍ لقياك يا بدر التمام
والمصيبه ما جنيت اللي بغيت=حظي المقفي معك ما يوم قام !
من غيابك يا هوى بالي ضريت=أرسل اشواقي مع سرب الحمام !
ومن نهاني عن غرامك ما انتهيت =دامك اول ذكرياتي .. والختام
والله اني من فراقك ما نسيت =كل لحظه من تفاصيل الغرام !!

العذب / جمعان وقيان


أبياتٌ لامست الإحساس ... ولمست الجروح برفق


لك ثلاث اعوام غايـب مـا اكتفيـت
.................................. يعني اللـي كـان يجمعنـا كـلام ؟!

؟!!


ثلاث أعوام غايب ما إكتفيت ؟ ثلاث أعوام حتى أثخنت في القلب

من قال أن حد السيف أشد من حد الغياب !



لعنبـوا ذكـراك لا منـك طـريـت
............................... يشتعل فـي داخلـي شـوق وهيـام

حب نافذٌ وحزن لا مفر منه



لحظات حبٍ وغياب عشتها معك يا جمعان وقرأتها


شكراً على كل هذا

.


كل الوجيه اللي اصادفها تشابه ..
نفس الملامح بالوجيه .. !

تنظر لي بعين الوله .. مثل الحبيبه الأولــّــه .. !
اقرى بها عذب الغرام .. وذيك المشاعر والكلام ..
اللي تقوله في لقــــــاي .. !

يا غايبه تدرين وش معنى الفراق ؟


وش معنى الفراق يا جمعان !
سؤال كبير كبير جدا ً ..
لا يحتمله أي عاشق .. ولا حتى متلذذ بحكايات العشق الجميله ..


لك ثلاث اعوام غايـب مـا اكتفيـت
.................... يعني اللـي كـان يجمعنـا كـلام ؟!


يعني !!
اللي كان
" يجمعنا "
( كلام ) ؟!


الله يا جمعان ..
مهما إبتعدت تبقى البصمة الروحانيه لك في قلب القصيده ..


لله ماأجملك ..
وما أجمل إحساسك يا جمعان !


محبتي


.