الكره والفرقا
 

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
انا اشوف العواذل ياحبيبي يرفعون الصوت = بدو بيني وبينك يزرعون الكره والفرقا
ياليتك تنتبه منهم قبل ينقال:فات الفوت = وتبقى فالهوى دايم سمانا صافيه زرقا
انا متولعٍ فيك وغرامي لك عليه اثبوت = وتشهد عيني اللي دايمٍ بدموعها غرقا
والى من غبت عن عيني اتشوّتني هجوسي شوت = واقوم ارقا الرجم وانزل واعوّد ثانيه وارقا
وانا مهوب حبّي حب جاهل..لا..ولا سربوت = على وضح النقا حب الشرف غنّت به الورقا
بجيك ان كان تبغاني ولايمنعني الا الموت = بجي يمّك ولو دونك وقف لي(روق)مع(برقا)
ولو عنّي خذوك وسافرو بك من ورى بيروت = بجي لك لو مكانك غرب والا يالغضي شرقا
ولا ارجع غير انا ويّاك او انّي برجع بتابوت = حياتي دونك وموتي سوى مابينهن فرقا
[/poet]

اخوي ساري الليل صح لسانك وقصيده جميله تستحق الاعجاب

ولا هنت يا غالي :) ;)

صح بدنك يا اخوي هاوي القصيد وشهادتك للقصيدتي المتواضعه وسام افتخر فيه والله لايهينك ;)

اخوي الغالي / ساري الليل

بيض الله وجهك على هالقصيدة الرائعة وفعلا قصيدة تدل على تمكن صاحبها 00000

اخوي ان شاء الله ما تشوف للفرقىالم وان شاء الله مايحول بينكم العاذل لو هو حتى من برقا او روق(هههههههههه)

والله يالبناخي قصيدتك ابداع وفيها معنى كبير وثمين وصح لسانك مليوووووووووون وان شاء الله ما تحرمنا من ابداعاتك 000 ونحن بانتظار المزيد 00

انا اشوف العواذل ياحبيبي يرفعون الصوت**بدو بيني وبينك يزرعون الكره والفرقا

الاخ
ساري الليل
صح لسانك وكثر الله من امثالك
قصيدة اعجز عن وصف مفعولها القوي

<font color="green"> <font size="6"><font face="georgia">وانا مهوب حبّي حب جاهل..لا..ولا سربوت
........على وضح النقا حب الشرف غنّت به الورقا

بجيك ان كان تبغاني ولايمنعني الا الموت
........بجي يمّك ولو دونك وقف لي(روق)مع(برقا)

ولو عنّي خذوك وسافرو بك من ورى بيروت
........بجي لك لو مكانك غرب والا يالغضي شرقا</font></font></font>

:) :) :)
<font color="blue"> <font size="5"><font face="georgia">اخوي الغالي ساري الليل
..
حضور عذب يالغالي
وبداية متميزه لشاعر يبرهن الحضور
بقوه
صح لسانك وبيض الله وجهك
وواصل يالغالي
وهلابك</font></font></font>

اخوي ساري الليل صح لسانك

سلامتك والله من العناء

والى من غبت عن عيني اتشوّتني هجوسي شوت**واقوم ارقا الرجم وانزل واعوّد ثانيه وارقا
وانا مهوب حبّي حب جاهل..لا..ولا سربوت**على وضح النقا حب الشرف غنّت به الورقا


ياسلام والله اني اعجزت اترك الجهاز

من زين كثير من القصايد اللي فيه وهذي منهن

تقبل تحياتي وتقديري

[ أكتوبر 27, 2001: تم تعديل الموضوع بواسطة : ابونوت ]

الاخوان الاعزاء:مبدع القاف وهميل وولهان-1 وابو نوت....والله والله والله انكم احرجتوني بطيبكم وباخلاقكم العاليهوصدقوني انّي ما ادري وش ابرد على اشادتكم واعجاباتكم وكلامكم الحلو لاكن اقول مشكورين كل الشكر وبيض الله وجيهكم وكثر الله من امثالكم وشهادتكم لي وللقصيده والله انه اكبر فخر لي ويكفيني منكم هالاطراءات اللي اعتبرها اكبر من حجم شاعريتي المتواضعه ولاهنتو على كل حال وتقبلوا تحياتي وتقديري ;)