|
ناصر المطيري مطلوب
صباح الخير
انا هنا للأستفادة من استاذي الكبير ناصر المطيري ومنكم . . . سلام الله على الساحر رفيقي ناصر المنصور .................... سلامٍ يرتكز بين الضلوع ويشتعل فيها لـو ان السحـر ماقره كتاب ولادخـل دسـتـور .................... لكن الله يخـلي للـديار الجدب اهاليها |
رد : ناصر المطيري مطلوب
مرحبا ياسعود وابرك الحزات هلايامرحبا ياصاحبي بالفعل انا مشكور .................. هلابالدعوه اللي تفتخر من طيب راعيـها انا مانيب ساحر بس اعرف اعالج المسحور ....................وانا ياسعود لو مااقدر بحاول كيف اهديها |
رد : ناصر المطيري مطلوب
يا سلام يا سلام
محاورة بين شاعرين كبيرين انا في صف ابن عمي (: متابع لكم كملوا فديتكم تحياتي \ مرزوق |
رد : ناصر المطيري مطلوب
الله الله
شوي شوي على تلميذك والله انك ساحر تقول والا ماتقول . . انا ياصاحبي لاجيت من باب الونس مسرور ..................... ذلولٍ جابتك شفت السعد ينقل مواطيها قنع من يشربه حلو الزمان ويشتكي ممرور ..................... وانا بعض السوالف لو سرت مانيب راضيها |
رد : ناصر المطيري مطلوب
انا ماني من اللي ينـتظـر حتى يجـيه الدور ................... ولاودي ابين لك امور عنك مخفيها يخالف سيري الطيب نفق مظلم وبعض جسور ....................ولا ودي اخربها ولا ودي اسويها |
رد : ناصر المطيري مطلوب
ياسلام ياسلام
. . تبي تبني من اشباه الحقيقة يارفيقي سور ..................... ومثلك عارف اللي يثبت الدعوى وينفيها لو ان البندق اللي علقوها في الشعيب تثور ..................... تبين لك من اللي شيدو واحـيوا مبانيها |
رد : ناصر المطيري مطلوب
مرزوق بن فيحان
ياهلا وغلا المعذرة يالذيب تراني توني شفت حضورك والله هلا بك والله |
رد : ناصر المطيري مطلوب
يقولون الحقيقه ماتبين في العيون العور .................... وانا اقول الدعاوي ثابته في قول داعيها وانا بانصحك قبل انك تمنى وصفةالدكتور ..................... تجنب شر من وسوس لنفسك في بلاويهـا |
رد : ناصر المطيري مطلوب
مرزوق بن فيحان ياهلا ومرحبا يشرفنا حضورك الليله لك الود |
رد : ناصر المطيري مطلوب
ماشاء الله
شعراء قمه امتعتونا الله يسعدكم سهران متابع لكم ولو تبون لبكره انا جالس لكم محاورة كبار واصلوا لاعدمتكم |
رد : ناصر المطيري مطلوب
.
. عسى هاك العيون اللي تطَرا ماتشوف النور ........................... الاعـوَد نـظـرها فالليـالي ما يقـديـها اشوف اليوم غير امس ورحاها يطحن ويدور ........................... وانا بانشدك عن ناسٍ موثق فعل اياديها |
رد : ناصر المطيري مطلوب
راكان العنزي
هلابك تشرفنا بحضورك الكريم |
رد : ناصر المطيري مطلوب
راكان العنزي
هلا وغلا والجمال لحضورك الراائع |
رد : ناصر المطيري مطلوب
قريـت وصفـحة التاريخ ماتبنابقــول وزور
..................... وانــا مانـيـب جاهـلها بحـاضرهـا وماضـيـها مابين القوس والرامي تركتك والفكر محصور ....................... عسى ياصاحبي رميت عدوي ماانت راميها |
رد : ناصر المطيري مطلوب
. الله الله الله محاورة كبار والله بس القهر ان توني انتبه لهااا وانا مرابط من الساعه 12.30 .. واصلوا الله لا يهينكم وحنا متابعين لكم ... الله يعطيكم العافيه ... وانا بصف سعود بادي ولا يهون ناصر ... تحياتي لكم ... . |
| الوقت المعتمد في المنتدى بتوقيت جرينتش +4.
الوقت الان » 00:14. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع