ســـمائـــي
 

بدعوه من اخوي / سعيد المري

يطيب لي المشاركه في هذا المنتدى الراقي

واتمنى ان تكون اضافتي ممتعه للقراء


مساكم اجمل شعر واحساسه احساس
.. .. .. .. .. .. ومساي في هالمنتدى ..صدق روعه
تعالوا ..نبحر في فضاءات ..قرناس
.. .. .. .. .. .. واستمتعوا في ..جو..شعره ..ونوعه

<<<<<< شعنده الواثق :)

رد : ســـمائـــي
 

قرنااس هوى

مرحبابك انت وسماااك .. واشكرك على تلبية الدعوة :)

رد : ســـمائـــي
 

المرحب باقي

العفو ياغالي

وشرف لي ان اكون مع هؤلاء النخبه

رد : ســـمائـــي
 

دايم على البال ياخلي تفاصيلك
.. .. .. .. .. .. وايامك البيض لازالت على بالي

تعال غنّ الوصال العذب واجي لك
.. .. .. .. .. .. أجرّ صوت اشتياق الوصل ياغالي

اشتقت اضم المحبه في مواصيلك
.. .. .. .. .. .. .. .. واقبّل الصبح في ثغرٍ تراوالي

واطوي مسافات ليلي في دجى ليلك
.. .. .. .. .. .. .. اروي ظما الحب لوّل فيك والتالي

يا آصدق الحب ياكثر احتياجي لك
.. .. .. .. .. .. .. وياكثر الاحلام فيك وكثر الآمالي

دايم على البال ياحبي تفاصيلك
.. .. .. .. .. .. .. وايامك البيض لازالت على بالي

رد : ســـمائـــي
 

ياصاحب الدرب لاتشره على طيرك
.. .. .. .. .. .. اذا اختلى بالسحاب وغاب باجواءه

صدقّ.. ولو غاب عنك مايبي غيرك
.. .. .. .. .. .. انت الوحيد الذي يقدر على اغواءه

رد : ســـمائـــي
 

ياكثر ماتطري على بال مغليك
.. .. .. .. .. .. وياكثر ماتاخذ من انفاسي انفاس

وياكثر مايبحر خيالي.. باراضيك
.. .. .. .. .. ..وياكثر ماترقى سما فكر ..قرناس

رد : ســـمائـــي
 

رد : ســـمائـــي
 

نوره العجمي

مساك سفرجل

مرورك العذب سيضيف للمتصفح الكثير من العذوبه

دمتي بخير

ذاب العتب
 

ياللي غلاتك حبيسه في قفص صدري
.. .. .. .. .. .. مسيك باشواق قلبٍ فيك .. متباهي


ان كنت تدري او أنّك كنت ما .. تدري
.. .. .. .. .. .. في عين مغليك وصفك كامل وراهي


ياناعس الطرف .. او ياطرفك الخدري
.. .. .... ... .. .. .. قبلت حجة غيابك والعذر .. واهي


كنت اتحراك .. تاتي للوصل بدري
.. .. .. .. ..... .. .. تأخرت جيّتك والشوق .. متناهي


دام الغلا في الصدور وعارفٍ قدري
.. ... .. .. ذاب العتب مثل ذوب الغند في الشاهي


ياكثر مالك مساحة حُب في صدري
.. .. .. .. .... .. يعني من اللي غلاهم آمر ..وناهي

يسعد مساك ويسعدك في صباحك
.. .. .. .. .. لي في جديلك ليل .. وبوجهك اشراق


ياللي خفوقي من زمان استراحك
.. .. .. .. .. امسيت تسوى عين.. واصبحت خفاق !

نام

في عيون اللي يحبك

نام

طيفك اللي في عيوني

يحضنه جفني..

سلام

رد : ســـمائـــي