|
الموضوع محرج شوي
السلام عليكم ورحمة الله وبركاته
مساكم الله بالخير ...... او صبحكم الله بالخير(عاد اختاروا):D بصراحه ياخوان الموضوع محرج شوي لكن انا متاكد ان الكثير يبون يوافقوني على رايي ..... لكن مثل ماقلت الموضوع محرج :( بصراحه يالربع ترددت كثير قبل لااكتب الموضوع لكن اي شي فيه خدمة الموقع او الشعر النبطي عامة .... مستعد اخربها واقوله الموضوع باختصار هو فيه عندنا منتدى اسمه (ميزان القصيد) وهذا المنتدى طبعا الهدف منه بصراحه .... القصيد الي مهوب موزون او فيه اغلاط يتحول على المنتدى ذا(الي هو ميزان القصيد) اخواني بدون زعل :( احد منكم يقدر يقول وش تصير القصيده الي مهيب موزونه ؟ اكيد تصير مهيب قصيده وطبعا الاخوان في اغلب المنتديات والمواقع يعتبرون الفائده من المنتدى ذا هو انهم يعلمون الاعضاء الشعر ..... صح؟ اقول يالربع ...... صار رياضيات ماصار شعر والله يااخوان كذا مره انحرج بمواقف زي كذا في احدى المواقع كان فيه عضوا والعضوا ذا من يوم يشوف له قصيده قافيتها سهله .... يجي ويرد على القصيده طبعا ياليت يرد بقصيده لا والله يرد بسواليف وكانوا اغلب الاعضاء والشعار (معطينه طنش) يعني مايعتبرون ان فيه احد رد ومره من المرات نزل موضوع وطبعا كالعاده يحسبه قصيده وهو سواليف بالعكس السواليف تقول لك تراني سواليف لكن هذا الضعيف يحسب انه كتب معلقه . القصيده الي كان منزلها الاخ ..... كان يتشره فيها على الاعضاء بانهم مايردون عليه ولا يعبرونه طبعا محد رد عليه ورفع الموضوع ولاحد رد واخر مره كتب (ياناس سبوني لو تبون بس ردوا علي طمنوني) المهم انا بصراحه بالمواضيع ذي احب الصراحه جيت ورديت عليه وقلت له (اخوي اخاف انك تزعل اذا رديت عليك بصراحه) قال خذ راحتك .... قلت هذا الي ابيه قلت له وش تعرف عن الشعر قال قافيه :cool: قلت هذا الشي انت ماطبقته ..... ولاوزن ..... والمصيبه العظيمه هي المعنى مدري وش يبي:mad: ؟ وقلت للعضوا ياخوي ترى الشعر موهبه .. ولايجي بالقوه او بالحاله الي تمر بها مثل انه يتوفى لك قريب لاسمح الله ..... تقول خلاص انا اقدر اقول مرثيه وانت رجال ربي وربك الله ...... الكلام الي انت تقوله يضيق الصدر:p وانا اتكلم صادق ..... والله بعض القصيد (التالي) انه يضيق صدرك اذا قريته ابن الحلال سمع كلامي واقتنع .... المشكله يااخوان انه يكون العضوا(الي يعتبر نفسه شاعر) يرد على مواضيع وقصايد الشعار ...... فبعض الشعار يقول هذا رد علي وتكلف ماودي اكسر بخاطره ويرد عليه والضعيف مايصدق خبر ..... وبعدها لايمكن انه يصدق احد يقول له انت منتب شاعر وبعدين يااخوان امانه ... ابي جواب صريح فيه ازين من شعر الشاعر سعدون العواجي؟ او شالح ابن هدلان او دغيم الظلماوي هذولا مثل ماتعرفون يعتبرون من اكبر شعار النبط مع العلم انه ماكان عندهم منتدى اسمه (ميزان القصيد) فالشي الي انا اقوله منتدى ميزان القصيد انا اعتبره ظلم للمساكين ذولااااا (الي انحذفت قصايدهم) لان المشرف لازم يجامل ويقول (والله المعنى حلو وقوي وبصراحه الوزن يبي له تعديل) بالله اذا سمع المسكين هالكلام وش يبي يصير عليه؟ يبي ينهبل ويقول مابقى لي شي واصير شاعر :cool: وقد سمعت مقابله لمراقب عام لاحد اكبر المواقع الادبيه ويتكلم عن منتدى بالعربي لتعليم الشعر :confused: ويقول (ناس كثير تحسنوا ... ولو تقرى قصيده اول ماجانا وتقراه الحين تشوف الفرق ) الصراحه المراقب ذا شاعر كبير ..... وانسان على خلق :rolleyes: لكن استغربت منه الكلام ذا فااقول يااخوان ليتكم تراجعون زين فكرة منتدى(ميزان القصيد) وصدقوني اريح لكم واريح لبعض المستشعرين انكم تحذفونه لااااااااا وبعض الاخوان تشوف وزن قصيدته رايح وطي ويقول ماعلي منكم انا شاعر مااقول الا الله يعين اخوي عبدالهادي الخليوي عليهم وعلى مناحلهم والله انه يعاني منهم ومن حماقتهم على لعموم يااخوان انا ماطرحت الموضوع الا اني متاكد ان فيه حل يبي يكون عندكم ويجوز اني على صواب ...... ويجوز اني ادربي جمهاتي <==== الظاهر انها التاليه:D وارجوا انكم تنتبهون للنقطه ذي (مانبي مجامله ) شاعر واحد من شعارنا الكبار يكفينا . وبعدين من الصعب انك تحط موضوع (شاعر كبير) مع احد المستشعرين احس انه ظلم للشاعر الكبير والله يستر منكم <===== يحس انه يبي ينشات:eek: |
اخوي عزيز
يامرحبا ومسهلا وموضوع يستحق المناقشه ... بس قبل المناقشه عندي سؤال مهم جداً ودي انك تجاوبني عليه ؟؟ توقيعك اللي اسفل لمن ؟؟؟ !!! تحياتي |
عزيز
صباح الخير سؤال : القصيدة المكسورة وين نوديها يعني ؟؟؟؟؟؟؟؟؟ عطنا الحل ... وانا صراحة على كثر الكلام .. ما فهمت وين بيت القصيد !!!!!!!!!!1 دمت,,,,,,, أخوك / عبدالله مرّان |
[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=200% align=right use=ex length=0 char="" num="0,black" filter=" dropshadow(color=darkblue,offx=4,offy=4) shadow(color=darkblue,direction=135) glow(color=darkblue,strength=5)"]
الله المستعان الشعر دربه فسيح= ياسع الناس صاحيها ومجنونها الله المستعان الشعر دربه فسيح= ياسع الناس صاحيها ومجنونها الله المستعان الشعر دربه فسيح= ياسع الناس صاحيها ومجنونها الله المستعان الشعر دربه فسيح= ياسع الناس صاحيها ومجنونها الله المستعان الشعر دربه فسيح= ياسع الناس صاحيها ومجنونها الله المستعان الشعر دربه فسيح= ياسع الناس صاحيها ومجنونها الله المستعان الشعر دربه فسيح= ياسع الناس صاحيها ومجنونها الله المستعان الشعر دربه فسيح= ياسع الناس صاحيها ومجنونها الله المستعان الشعر دربه فسيح= ياسع الناس صاحيها ومجنونها الله المستعان الشعر دربه فسيح= ياسع الناس صاحيها ومجنونها الله المستعان الشعر دربه فسيح= ياسع الناس صاحيها ومجنونها الله المستعان الشعر دربه فسيح= ياسع الناس صاحيها ومجنونها الله المستعان الشعر دربه فسيح= ياسع الناس صاحيها ومجنونها ((الشاعر/ فيصل الطخيس)) عضو منتدى شعبيات [/poet] |
اخوي الشاعر محمد العمري
حياك الله اخوي .... ولي الشرف اني القا تعقيبك في موضوعي ولو انه بشروط;) لكن انت تامر ... اول شي ابيك تعرفه .... الشاعر قال القصيده ذي عقب ماسمع قصيده بالرادي لاحد الشعار المشهورين ولااقدر اذكر اسمه .. لكن يستاهل :mad: والشاعر هو سلطان ابن بجاد الكريزي وان كان ودك تتطلع على القصيده كامله .... انت بس اشر وانا رهن الاشاره:) |
هلا وغلا بالشاعر عبدالله مران
حياك الله اخوي انت تقول (القصيدة المكسورة وين نوديها يعني ) اخوي عبدالله الي مكسوره ماتسمى قصيده;) وانا قلت لك الموضوع محرج شوي وهذي حلها بسيط مثلا يكون فيه يوزر مثل(بوح القوافي) مهمته انه يشوف البربسه الي انت خابر ويحذفها ويرسل رساله على الخاص للعضو ويقول له (ياخوي الشعر ماهوب بالقوه):p هل فيها غلط؟ والله الشي ذا اول من ينتفع منه هو الشعار (الصدقيين) ;) امثالك انت واخوي محمد العمري والشايب ابونوت والغليم الارهابي <====== مايقصد عكوووشه:D لانه حرام تحط قصيدتك الي فيها من المعاني الشي الكثير جنب بربسه واحد قعد يوم طفشان وقال انا شاعر على قولة الشاعر كل من تحلم وغنا قال ياهما لالي ...........................................اثري الشاعر الي ماتسوى سواته:p وماقصرت اخوي على تعليقك ..... وادري ان الموضوع محرج لكن هذا حق ولابد منه:) |
عكوووووووووووشه
انت اكبر خطر على الشعر شوفوا ياهل شعبيات وياهل الشعر .... ترى المدعو عكاشه من الي يدعمون الارهاب الشعري . انشاء الله ياعكوشه يحطونك بقائمة الارهاب تخيل طالبان حماس القاعده عكاشه كخخخخخخخخخخخخخخخخ والله حركه ..... قل تم يبوعبيد ياحبي لك يابوعبيد تعال وتكلم بدون احراج .... والا انت اما حبا والا برك اما انك تجيب الطامه والا ماتهرج ابد بررررررررررررررررررب<======= يعني يحتريك تجي وتلزخه |
عزيزززز وش هالعلم :):)
السلام عليكم ورحمه الله وبركاته
يالله حي الربع والقماعه :) <-- ابو يمن :) اخوي عزيز .... ياكثر هرجك <-------- ماجاز له موضوعك ... اخوي عزيز ... انا وكلت نفسي عن هالضعوف اللي انت شاب عليهم ... اخوي عزيز انا لست اخالفك الرأي لكن انا لا اوافقك الرأي ... اخوي عزيز ... لا يولد الشخص عالما !! ولا فقهيا ولا شاعرا ... انما العلم بالتجربه والفقه بالتدارس والشعر بمخالطه الشعراء وسماعه ولا كل من درس طلع شاعر ولا كل من قعد عند شيخ طلع فقيه ولا كل من سمع شعر صار شاعر <-------- تسان انا شاعر منذ مبطي :) المراد ياخوك ... كل الشعراء قالوا شعر مهب موزون .. ومهب زين ... وماحد قال شعر على الكيف من اول قصيده ... توافقني الرأي ؟ ولا لا ؟؟ فلذلك ياخوك ... ترا الوقت الحالي لقائات الشعار قلت كثير عن اول والشعرا اقلو عن اول .. اقصد الشعراء الجيدين ... مهب حقين " مراااااااحب وطقته " .... واذا ماحطينا مكان للي عندهم استعداد ويحسون انهم موهوبين اجل وين يروحون في وقت العولمه والانترنت ؟؟؟؟ هااااااه وين يروحوووووون ؟؟ وانت تقول ظلم للشعار الكبار انها تنحط قصايدهم جمب المستشعرين اللي انت تقول .. انا بسألك سؤال ... ؟؟ انت تقول القصيده المكسوره ماتسمى قصيده ... يعني اذا الشاعر الللي يكتب قصيده مهيب موزونه مايسمى شاعر من اساسه .. ولا وش رأيك ؟؟ يعني بقلعته لو حطوا قصيدته عند اخوي عبدالهادي الله ياجره على كبار الشعرا اللي يترددون عليه ... المراد ... المستشعرين موضوع يطول النقاش فيه ... لكن الموهوبين ... شي ثاني ... ارجوا رعايتهم <---------- تراه موهوب مهضوم حقه اعلاميا :p عموما تحياتي على صراحتك المتناهيه في الصراحه المسك ياريحته :) الحبيب :) الغائب الحاضر :) ****************************** على فكره .. تذكر التكان حق الشعر اللي اقولك بعنيزه ... طلع على غايه الكيف كيف كيفك :) انتظر شوفك اعطيك علوم :) حمد المغيولي :) |
- الاخ الغالي / عزيز
- باقولك شي انا قبل ادخل الموضوع اقسم لك بلله اني حسيت من العنوان انك مكتسح الميزان <<<<< الرجال وش بلاه ;) ;) - انت كتبت موضوع مهم جدا وفعلا في حاجه الى وضع قواعد واسس تحكم على الاقل او تحد من بعض اللي يصير <<<<<<<ماصدق احد يناقشه - انا يمكن اشوف اشياء اغلبكم مايشوفها ليس قصور فيكم ابدا لكن لعدم علمكم باللي يحصل باذكر بعضها مثلا يجي شاعر متمكن واضح من بصماته على القصيدة وان حاول اخفاءها يجي ويكتب قصيدة من عدة ابيات وكل بيت على وزن مختلف ويكسر بعض الابيات للتمويه ويقول بلله وش رايك في القصيدة!!!!!! مثل اخر : - يجي واحد بقصيدة ماهي له ولا اظن انه يعرف صاحبها ويقول بكل غرور ويقول هااااااه وش رايك - وبصراحه هذي اشياء تجيب الضغط خاصه ان بعضهم يرد بردود خلوها على الله <<<<<ابونوت عنده الباقي - هذي عينات ولايعني هذا ان كل الاخوان والاخوات بهذه الصوره فيه الجاد وفيه المتكاسل وهناك نتائج جيدة لكن للاسف قليله <<<<<<< اذا غيروا مشرف الميزان يمكن يزين الحال - شكرا ياعزيز ولكل من ناقش هذا الموضوع - اخوكم / عبدالهادي |
عبدالهادي الخليوي ..
عبدالهادي يا عبدالهادي ... قلت لك وفي اكثر من مناسبه انك استاذ يسعدنا ان نعمل معه ونتعلم منه ... استاذ عبدالهادي .. ميزان القصيد ليس هو المشكله .. ولا عبدالهادي الخليوي هو المشكله ... المشكلة الحقيقه هي في ان لا احد يقبل النقد والشاعر اياً كان مستواه يبقى بغريزة الشاعر المغروره .. ولكني ومن خلال اطلاعي على قسم الميزان ارى انك تستطيع دائما وبخبرتك وباخلاقي العاليه تستطيع احتواء العضو وتبيان الخطأ في قصيدته ثم ان هناك الكثي من الأعضاء لا تسعه الفرحه عندما يجد خطأ او كما يعتقد انه خطأ ليشرع في ممارسة الاستاذيه على هذا العضو المسكين ويبدأ في اعطاءه النصائح والتوجيهات واعترف اني مارست هذا الدور عن حسن نيه ولأعتقادي بأنه يجب علي ذلك والآن اصارحك القول بأنه من المفترض ان تترك هذه المهمه لمشرفي بوح القوافي لكي يحيلونها اليك وانت بدورك تقوم بتوجيه العضو وتعديل اخطاءة وعدم السماح لأيٍ كان بممارسة هذا الدور إطلاقاً أما عن تغيير المشرف فسوف آخذ الموضوع من باب السخريه والمزاح وارجو ان ترحمني من عناء السفر ووعثاءه لأنني ان ايقنت بأنك صاق فيما تقول اتيتك في دار العز والشرف في نجران ورميت بشماغي وعقالي بين يديك واعلم انك ستقبل جاهي وتعود عبدالهادي تحياتي لأرضٍ انجبت امثالك تحياتي لك |
- اخوي الغالي الغالي الغالي/ محمد العمري
- شف يابو حميد انا والله يشرفني انك تجي لنجران وهذي رغبتي لكن انك تجي من شان موضوع الاشراف فلا والله مارضاها لك ابدا وجاهك طال عمرك طايل وطايل وطايل وانت في مكانك وتامر يالعمري انت ماتطلب ياخي مثلك وشرواك زمالتهم شرف وتركهم تلف اقولها وانا والله صادق ويشهد علي الله - واما من ناحية الاستاذيه فصراحه هذي يبي لها جلسه لا والله ماني باستاذ ولا حولي انما اجتهادات مره تصيب ومرات تخيب - وتطرقك لمن يرد من الاخوة سوى المشرفين او الاعضاء على مشاركات الاخوان اللي يوجد فيها خلل فابد انا مافي خاطري اي شي بل اشكر من يرد منهم بطريقة تدل على وعية واهتمامه فيمن طلب المشوره وعدم التهجم عليه مثل ماحصل من بعض الاخوان الله يسامحهم واحيانا يجي واحد من الاعضاء ويرد رد صراحه مسكت واستفيد انا منه مع الاخ صاحب المشاركه - محمد العمري لك الشكر وكل التقدير على حسن ظنك فيما اقدمه من جهد متواضع - اخوك / عبدالهادي |
هلا خالي
وش علومك ياالحبيب واشكرك على الرد .. وكلامك مايحتاج له شهادة واحد مثلي وانشاء الله بنتواجه لكن الله لايهيتك دز لي رقمك على الخاص انا ابمشي للقصيم |
اخوي الغالي الشاعر عبدالهادي الخليوي
اشكرك على الرد والمتابعه .... وصدقني انا شفت كثير من الردود والمواضيع الي انظلمت انت فيها ... واتذكر موضوع لايمكن يروح عن بالي ولكن ماودي افتح بابه من جديد لكن الله يجعله في ميزان حسناتك وماقصرت يابعدي وهذا من طيبك |
هلاااااااااااااااا عزيز كيف الحال عساك بخير وش اخبارك <<<-----طولها شوي :)
اما من ناحيه موضوعك سوف ادلو بدلوي بس تراي رابطه بخيط يعني يمكن ينقطع :) الصراحه مثل ماقلت قصيده بدون وزن مهيب قصيده وبعض القصايد تحس انها سالفه لكن الانسان مايولد شاعر لازم يتعلم شوي شوي وكلنا لنا قصايد سواليف وانت اولنا لو ترجع لأول قصيده قريتها تتفشل (ماتواجه) :) تلاحظ اني قاط معك بقصايد بس مشّي لاتدقق عاد اللي اقول لك بعض القصايد فيها كسر خفيف او عده كسور خفيفه لكن القصيده كمعاني تلقها حلوه ووزنها برضو مايتطلب جهد مضاعف وشكرا لأريحيتك مقدماً |
انا اقول خلو ميزان القصيد ولا تجاملون ..
اللي مكسوره شوتها على الميزان واللي يبي يزعل الظاهر الجدارن واجد :D مشكور عزيز :) |
| الوقت المعتمد في المنتدى بتوقيت جرينتش +4.
الوقت الان » 16:42. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع