يادارهم ..يامرتعه..ياشفاته
اقدم هذه المتواضعة لأعضاء وزوار
هذا المنتدى الشامخ. **** مايذبح العاشق سوى ذكرياته* ياقف على بابن تسكر ويرجيه مشتاق.. للي شاف فيهم حياته* وقفوا.. وصارت ذكرياته تبكيه يادارهم.. يامرتعه.. ياشفاته* ياجرحه اللي صار صعبن يداويه مرك وحاول فيك يجمع شتاته* وثرك تزيد الحزن والحال تبريه جالك يسولف لك وطول سكاته* وسرع يترجم دمع عينه خوافيه يادارهم .. حبه بداية نواته* من عام غزوة دار جابر وراضيه يادارهم.. مازال يذكر صفاته* وجه القمر لو غاب ما هوب ناسيه هذا الزمن لو تجتمع به بناته* يبطن فلا بالزين وصلن حراويه يادارهم .. شدو .. وخلو مباته* على سنا نارن لظاها يصاليه لاناحت الورقا تدانى مماته* كن صوتها للهم والضيق يدعيه يادارهم.. وانته جمادن ثباته* يصعب على مخلوق هزت مبانيه شافك تصدع من سبايب سواته* يوم الفراق اللي غشتكم بلاويه يادارهم.. صرتم ضحية غلاته* يشكي عليك الحال والحال تشكيه يادارهم.. ترجون شين فواته* فوات وحشن طار من كف راعيه واللي على الفايت كثير التفاته* تكثر معاناته وخيبة هقاويه ماله دوى الا بعد عن ذكرياته* وفراق ذاك الدار يالو ربى فيه يختار مابين الغرق أو نجاته* والعاقل اللي تاركن ما يعنيه ***** والمعذرة على عدم التنسيق |
الوقت المعتمد في المنتدى بتوقيت جرينتش +4.
الوقت الان » 19:46. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع