|
يوم طال الليل فى مسراي شديت الركايب ،،،،،،، والف الف مبروووك على المنتدى جديد
السلام عليكم ,,, ويعطيكم الف عافيه ياشباب ,, والله ماقصرتو وبيض الله وجيهكم انا اشهد انه عمل يستاهل الاشاده والشكر ,,, والله يعطيكم الف الف عافيه
وبغيت اشاركم معاكم بالقصيده هذي وانشالله تعجبكم :) يوم طال الليل فى مسراي شديت الركايب // وماحسبت حساب للهفوات وظروفِِ لعينه؟ يا مجاهيم الليالي ماذخرتي لى زهايب // غير جرحِِ فى حشاي وحفنة طعون وضغينه؟ ساق عمري لك شبابه صاملِِ ماهو بهايب // وياكثر ماشال من صبره وسط ذيك الخزينه؟ سايقه مع سرمدي البيد والخفاق ذايب // وخايف من قولة انه راجع بخفي حنينه؟ والزمان اللى غدي بين المجابه والطلايب // هو يقدر وقفة الرجال والدمعه بعينه؟ والزمن لاصار خصمي؟,؟ وأبجدياته مصايب // من يدينه لاغرس همه بصدري من يدينه؟ ماعلى وجه الزمن شرهه ولا له من عقايب // والسمان عجاف فيه وصارت العجفا سمينه؟ والعيون اللى ترف رموشها دمعِِ سكايب // من يقديها ونور الليل ذابن شمعتينه؟ مالها ألا الصبر واللى فات ماجا بـ النحايب // والعمر من لوعته ماينعرف زينه وشينه؟ من عرفت العلم متعبني طموح وحظ عـايب // رغـم هـذا ماتركته يوم فى عسره وليـنه؟ آه يا حلمِِ رجيته لين صار الحلم شايب // ماوصلت لرغبتـي والليل عدابي حنينه؟ عاشقِِ عدي على المرقاب وجروحـه عطايب // وفارسِِ يسمع صدي النخوه؟ وكفينه رهينه؟ من سمع بحكاية المذبوح من ظلم القرايب // ومن سمع بحكاية العطشان والسيل ودنينه؟ ماذخرت الا طموحِِ ما تثنيه الصـعايب // ولا ذكرت الا فتي ؟؟للعز مرخي راحتينه؟ ولا خبرت الا كريم مرخص مهورِِ نجايب // والرجل لو هو يشح الوقت ماشحت يمينه؟ ولو تنحي كل رجالِِ ليا واجه نوايب // مابدي(عبدالعزيز) يسوق حلمه بأربعينه؟ والبنادم نطفةِِ با الصلب وأحضان الترايب // ولو تعدي للنجوم نهايته لبنه وطينه؟ والطريق اللى حداني للهموم وللحرايب // ماثنيت الرجل فى دربه وانا ديني ودينه؟ والعلوم اللى تجر النفس لهروج وشوايب // عنها فى اذني هذى طينه وفى هذي عجينه؟ والغرام اللى رجع مع هقوة الايام خايب // وجيت ادول له عذر من لهفتي والعذر وينه؟ لاحشا ماقلتها تبرير والدنيا وهايب // والعذر فى الحب.؟ مايجدي مع نفوسِِ حزينه؟ وانت ياللي تستثير الحب وتجر الذوايب // وصرت مثل اللى غدي بين العرب مغريه زينه؟ لا تمادي فى غرورك بـ الهوي ويش انت جايب // لا تمادي لا يغرك لا جميل؟.؟ ولا بثينه؟ تستهين الحب فى بالك على ان الراي صايب // (لعنبوا حبِِ جمعني فيك دامك تستهينه).؟ ماوري حدب الضلوع من الغرام الا خرايب // من بعد ما كانت احلام ومواويل وسكينه؟ وشـ بقي وشـ راح دام العمر تاليته نهايب // قل على الدنيا السلام وصاحبك ربه يعينه؟ راح عمري كل عمري من ذهايب ؟.؟ فى ذهايب // والرحا نسمع (لجعجعته) ولا شفناطحينه؟ فى عيون الناس شفت لك العجب وام العجايب // شفتها لو قالوا انا عاذرينه...عاذرينه؟ والله انك لو بلغت بزينك عيون السحايب // جرحك اللى فى خفوقي مانسيته مع ونينه؟ ما على حسنك حسوف?>? ولو سلب كل اللبايب // والله انه ما شحنى فيك عنابه.. وتينه؟ رح على كيفك وعمر الحب ماهو بـ الغصايب // واليقين من الخبر يجيك علمه من جهينه؟ رح على فالك ولو فرقاك تاليها نصايب ؟؟// الهوي والذل ما يمشي على روسِِ ذهينه؟ اتحاشي عن خطاك ودامها جت بـ النشايب // الرجل مادون حلقه لا بتلوه الا يدينه؟ ادري ان الحب جمره؟؟ وادري بشوقه لهايب؟ // بس لامن صار ذل؟.؟ علها تقفي سنينه؟ صار ثاري من ورا ذا الحب مدحور الصلايب // ثار ابو ليلي المهلهل عند جساس وعوينه؟ والله انى من بعد صارلي قانع ؟.؟ وتايب // ولا رحم ذاك الغرام وماحصل بيني وبينه؟ والله انى ما ندمت الا على قولة حبايب // دام حبك مبتليني من غبينه ؟ فى ؟ غبينه؟ وخبر اللى يرتجي ذلي على كثر الغلايب // يا عوينه كان ذا حـده؟وجيده؟ يا عوينه؟ طال نزف الجرح والايام حاليها عصايب // وطال ليل السالفه بين الشوارع والمدينه؟ ولو غدي كلِِ على المعروف لو شحت هبايب // ما حشد (هـدام) جيشه للكويت ومات دينه؟ ولو غدي الغالي مع الايام لامن فقد غايب؟ // مابكت(ام الأسير)وشاقها طلة جبينه؟ ولو غدي كل لأدني ظلم مخروسِِ ؟.؟ وهايب // كان ذاك(المسجدالأقصي)خـلا من ساكنينه؟ والزمان اللى غدي بين المجابه والطلايب // لا يحسب انه يذل الرجل والدمعه بعينه؟ ويوم طال الليل ..طال الليل.. طال الليل..شديت الركايب // فارسِِ عاثر زمانه والليالي ماتهينه؟ وسلااااااااااااااااامتكم :) |
مرحبا الف اخوي الحر
اهنيكم واهني نفسي وجميع من في هذا المنتدى على كسب شاعر لا يستهان به ابدا شاعر يعسف عنان المفرده ويتلاعب بها كيفما شاء شاعر يبدع الحرف في قصيدته ما شاء الله عليك اخوي وصح لسانك اخوك سلطان القحطاني او هاوي قصيد وتقبل تحياتي واعجابي الشديد واضفني بقائمتك من اشد متابعيك من الان ولاحقا تقبل تحيات اخوك مره اخرى |
هاوي القصيد ,,, صح بدنك ولساان قايلها
وانشالله اكوون عند حس ظن الجميع :) |
اخوي الحر:
هلابك وحياك الله واسعد وابرك لحظه ان نشوف مشاكرتك بشعبيات وبهده الصفحه.. اخي مبدع الشعر لقد قلت ما يعجز عنه غيرك وشرفت المنتدى بهذه المعلقه التي سجة بحروف من نور..قصيده لا نستطبع ان نوفيها حقها بالاطراء بل هي اجمل من كل كلمه تقال فيها..تحمل كل المعاني النبيله والجميله وتتصف بالسلاسه وتناغم الكلمات وحسن اختيار المفردات فهي تحفه لا يكفيها ان قراءها مره بل تريد من يرددها كل لحظه... صح لسانك وبيض الله وجهك ولك جزيل الشكر على اتحافنا وتشريفنا بهذه المشاركه... تقبل تحيات اخوك البدوي |
هلابك اخوي بدوي وصح بدنك ........الله يسلمك من
ذوقك ,,, واتشرف بالانظمام اليكم ,, والله يعطيكم العافيه على هالعمل النير وعساكم للقوه وكثر الله خيركم [ أكتوبر 27, 2001: تم تعديل الموضوع بواسطة : الحّر ] [ أكتوبر 27, 2001: تم تعديل الموضوع بواسطة : الحّر ] |
الاخ
الحر صح لسانك وكثر الله من امثالك |
اخوي الحر صح لسانك على هالقصيدة العصماء
تقول من ضمن جواهرها والبنادم نطفةِِ با الصلب وأحضان الترايب // ولو تعدي للنجوم نهايته لبنه وطينه؟ صدقت والله وصح لسانك مرة اخرى تحياتي وتقديري لك اخي |
<font color="green"> <font size="6"><font face="georgia">آه يا حلمِِ رجيته لين صار الحلم شايب
..... ماوصلت لرغبتـي والليل عدابي حنينه؟ عاشقِِ عدي على المرقاب وجروحـه عطايب ..... وفارسِِ يسمع صدي النخوه؟ وكفينه رهينه؟ من سمع بحكاية المذبوح من ظلم القرايب ..... ومن سمع بحكاية العطشان والسيل ودنينه؟</font></font></font> :) :) :) <font color="blue"> <font size="5"><font face="georgia">اخوي الغالي الحّر .. ياهلا فيك يالطيب ونتشرف بحضورك وتواصلك وقصيدة مميزه لشاعر عذب ومتمكن جدا صح لسانك وبيض الله وجهك وهلابك يالغالي</font></font></font> |
الاخ هميل صح بدنك والله يسلمك
والاخ ابو نوت ,, تسلم يالغالي من ذوقك وصح الله بدنك الاخ ولهان 1 شاعرناا الكبير ,, صح بدنك ولاهنت يالغالي على الاطراء الجميل والله يسلمكم جميع |
اخوي الحر
اقول لك بكل صدق قصيده تجبرك على الانحناء امام روعتها اتمنى ان لا تبخل علينا بالمزيد وتقبل تحياتي |
صح بدنك طال عمرك ,,,, من ذوقك يالغالي ولاهنت
|
والزمن لاصار خصمي؟,؟ وأبجدياته مصايب // من يدينه لاغرس همه بصدري من يدينه؟
ماعلى وجه الزمن شرهه ولا له من عقايب // والسمان عجاف فيه وصارت العجفا سمينه؟ الشاعر / الحر صح لسانك وانا اشهد ان القصيده جزله بكل ماتحمله الكلمه من معنى تقبل تحياتي |
صح بدنك يالغالي ,,,, بعض ماعندك من جزاله وروعه :)
|
صح بدنك يالغالي ,,,, بعض ماعندك من جزاله وروعه :)
|
اخوي(الحـــــر).. المحترم
هلا و رحب والله فيك.. صح لسانك ويسلم بنانك.. وش اقول غير اني أقف امام شاعر كبير..لا..!! بل امام الشعر بعينه.. صدّقني مع ان القصيده طويله تمنيت تطول اكثر واكثر..لروعتها وماتحمله من الصدق والكبرياء المبرّر.. تقبل تحياتي واعجابي بكلماتك الفريده اخوك..همس الليل(عبدالسلام) |
| الوقت المعتمد في المنتدى بتوقيت جرينتش +4.
الوقت الان » 07:09. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع