:white: :white:

هذي مجموعة صور لمدينة الرياض منذو مبطي

ترا الصور بتبطي شوي في التحميل بس عادي تحملوا

يقولون وعلى ذمة الراوي انها تعود للعام 1379هـ - 1960 م

يعني يوم الحصى خبز قبل الطفره tsh8

انا علقت على الصور من راسي واوجه هالصور لابو نوت نظراً لانه من هاك الوقت ويخبر اكثر مني tsh9


http://www.zqrt.com/addz11/p1.jpg

اتوقع ان هذا طريق المطار القديم (( طريق الملك عبدالعزيز ))

يقولون ان المصور اللي اخذ هالصوره راح في حادث دهس يستاهل مسوي لي فيها مصور محترف وراح وسط الشارع ومثل ما انتم شايفين الشارع زحمه :white:

http://www.zqrt.com/addz11/p2.jpg

هالثنتين كانوا ثلاث بس خويتهم ما تبي تتصور تخاف من الفضايح تقول مايكفي فضيحة برجس :white:

وهن الثلاث اللي فيهم الاغنيه اللي تقول (( في شارع عبدربوه قابلوني ثلاثن رايحين الصالحيه ))

بس الدبلكس اللي قدامهن غير طبيعيه هي وسيارة نادي الوحده اللي واقفه


http://www.zqrt.com/addz11/p3.jpg

شوفوا الاستغلال الجيد للمياة وعدم هدرها قالبين المستنقع مغسلة سيارات وسياكل

انا اللي قاهرني راعي السيكل ليش يغسله يقال له بيوضح الحين انه مغسول tsh7


http://www.zqrt.com/addz11/p4.jpg

هالمحطه على امتداد شارع الوزير اللي هو شارع الملك فيصل رحت دورتها هالحين مالقيتها الظاهر انها تطورت وصارت بنك :white:

http://www.zqrt.com/addz11/p5.jpg

هالسوق ما ادري وينه فيه بس هالشايب اللي لابسن بشت اصفر خطير والله مسوي يكلم جوال يبي يلفت انتباه العجوز اللي تمشي قدامه :white:

http://www.zqrt.com/addz11/p6.jpg

هذا الشارع الظاهر انه شارع السبله فيما يبدو لي

<<<<<< تكفى

http://www.zqrt.com/addz11/p7.jpg

هالصورة ما ادري وينها فيه بس اشوف مكتوب محطة اليمامه واتوقع انها في حي اليمامه

لكن هالناس المتجمعين ما ادري وش يبون الظاهر انهم في ملاهي كشف <<<<<< بدون حوش يعني :white:

http://www.zqrt.com/addz11/p8.jpg

نفس المحطه اللي قبل شوي بس هالحين وجه مو قفا واللي يخلي الواحد يهستر ان كل اللي في المحطه سياكل مافيه ولا موتر tsh7

http://www.zqrt.com/addz11/p9.jpg

اما كزينوا الرياض تحس انك في مصر وانواع التنقيط :white: كزينو الليل على غفله

http://www.zqrt.com/addz11/p10.jpg

هذا فندق قديم وتصدقون لا زال موجود حتى الان وبنفس شكله بس مهجور ومابه الا حمام

<< قصده الحمام اللي يطير :white:

http://www.zqrt.com/addz11/p11.jpg

هذي الحديقه صار فوقها مركز الملك عبدالعزيز التاريخي


http://www.zqrt.com/addz11/p12.jpg

هذا القصر كان قصر بس الحين صار المحكمه المستعجله في الرياض


http://www.zqrt.com/addz11/p13.jpg

هذا دوار العامود :white: و احسن شئ بالصورة عربية العفش واللوحه اللي تقول اتجه لليمين ذكرتني بلوحة البقاله من هنا :white:

http://www.zqrt.com/addz11/p14.jpg

هذي الصوره الظاهر انها من سوق الزل اللي شرق امارة الرياض بس ما تلاحظون معي ان ربعنا شخصيات من زمان كلهم لابسين بشوت واللي تحت البشت شئ يهول واتوقع ان لبس العقال كان تحصيل حاصل :white:



ومثل ماقلت لكم هالصور ترجع لعام الرماده يعني منذو مبطي واللي كان عنده كميرا مثل اللي عنده قصر هالحين

<<<<<<< ابوك يالتشبيه

عموما اتمنى يكون الموضوع اعجبكم

على فكره الصور ملطوشه

الصور ملطوشه بس التعليق من دمجتي :white:

تشاووووووووووووووووووووووووو

الرسالة الأصلية كتبت بواسطة ابونوت رجال واعرفهم شخصيا وقلت خل اقرا الردود واعلمهم بس

هلا بكم كل ابوكم

ابشروا ابرد عليكم بس ماهوب هالحين بعدين ان شاء الله

<<<<<<< اللي يشوفك يقول انهم متشفقين لردودك يالشين

عندي لكم بعد مجموعة ثانيه من الصور بس اقدم من اللي قبل

وترجع للفتره مابين الاعوام 1356هـ الى 1370 هـ

بس هالمره بدون تعليق انتم علقوا على الصور تعب مخي من كثر التفكير

<<<<<< تكفى يا انيشتاين زمانك :white:

انا ابمحط لكم باسماء الاماكن اللي خذو منها الصور وانتم عليكم الباقي :cool:

والحين نتوجه الى الصور واتمنى انها تعجبكم يامال العافيه


http://hsa4.jeeran.com/p31.jpg

هذي الصورة لبعض افراد جيش الملك عبدالعزيز خارج سور مدينة الرياض

http://hsa4.jeeran.com/p51.jpg

بوابة الثميري قبل توسعتها في عهد الملك عبدالعزيز 1358 هـ /1939م

http://hsa4.jeeran.com/p121.jpg

بوابة دخنة من داخل سور الرياض 1356 هـ /1937 م

http://hsa4.jeeran.com/p221.jpg

الواجهة الشمالية لقصر الحكم 1356 هـ /1937م

http://hsa4.jeeran.com/p341.jpg

سوق التمر بالرياض 1373هـ /1954م

http://hsa4.jeeran.com/Image.jpg

وهذي صورة واحدن ما ادري هل هو من جيش الملك عبدالعزيز او انه من شريطية سوق التمر بس الظاهر والله العالم انه من شعبيات الله يستر عليه :white:

http://hsa4.jeeran.com/p351.jpg

سوق الخرازين 1374هـ /1955م

http://hsa4.jeeran.com/p301.jpg

مسجد السدرة ( مسجد خالد بن سعود )1356 هـ

http://hsa4.jeeran.com/p51.jpg

بوابة الثميري قبل توسعتها في عهد الملك عبدالعزيز 1358 هـ /1939م


هذا حصادنا لهذا اليوم والى ان نراكم غداً باذن الله الى ذلك الحين دمتم سالمين ومن العايدين

تشاوووووووووووووووووووووووووووو