|
يا يبــه (( رثـاء متأخـر ))
, .. اللهم اجمعنا بهم في جنات النعيم .. اللهم آمين .. بعد طول الغياب جئت بــ ((رثاء متأخــر)) .. يا يبه .. كل عام وانا اتفكر ف الغياب=من بزوغ / الوعي لين اظهر الوقت المشيب آتألم .. وانثر الدمع لو قالوا:عذاب=انثره .. حتى لو انه على العاده .. يعيب انجبرت ابكي .. وانا صبورن ما يهاب=غير فقدك (نكل) ابلا حسيب ولا رقيب! يايبه .. وادري لي ابخافقي مني عتاب!=لني اخرت الرثا وانت لك عمري .. نحيب يعلم الله ماهناني وجودي يوم غاب=زولك اللي في خيالي .. ولا لحظه يغيب انت لك ذكرك يخلد .. ويبقى لك شباب=كنه (اكسير الحياة) الذي ماله مشيب ذكرك .. أنا ادري بذكرك فتح مليون باب=للصفات الفاضله .. والحميده يالغريب يالغريب اللي كتب للوفاء اجمل كتاب=يالمبجل عند ربعك .. ويالفكر اللبيب يايبه .. تدري الى الحين .. يطروك الجناب=كل مجلس اجلسه لك من الدعوه نصيب إيه .. واعلم بإن موتك رسم اكبر مصاب=لوحتن بروازها يشبه الجرح .. العطيب طاب حالي .. بس حزنك .. فلا يمديه طاب=كن حاله بعد موتك .. نذر الا يطيب! وكن حال الفرح .. غادر .. ذهاب ابلا اياب=وكني انا .. صرت وجهتك يالحزن الكئيب كشر بوجهي / وشق الضلوع / وسل ناب=واعتبر لا مت .. مالي على ذنبك طليب اعتبر نفسك رفيقن ظلمني .. ثم تاب=لك علي اسج .. واسلى .. ولاظني يخيب كل همي .. كيف ابانول من ربي ثواب؟=احمدك يارب .. واستفغرك .. وإليك انيب عوض القلب المعنى على جرح الغياب=وارحم الغالي .. فلا غيرك ارجو .. يامجيب! .. شاعر النبلاء عبدالرحمن بن علي آل مغنـــي,, .. , |
رد : يا يبــه (( رثـاء متأخـر ))
رحمه الله واسكنه فسيح جناته
وصح راسك ياعبدالرحمن على هذا الشعر والشعور الغير مستغربين في بر الوالدين |
رد : يا يبــه (( رثـاء متأخـر ))
أسال الله له الفردوس الأعلا من الجنه
نص شامخ كشموخ صاحبه و شموخ من كتب له هذا النص المؤثر احترامي |
رد : يا يبــه (( رثـاء متأخـر ))
يالله كم تفتقت الجُروح .. في مرثية غصت احرُفها من لهيب حُزنك..!
رحم الله والدك ياعبد الرحمن ووهبك الصبر على فُقده..! |
رد : يا يبــه (( رثـاء متأخـر ))
بكائية موجعه تدمى لها القلوب وتدمع الأعين
والله انها افضل ماقرأت لك ياعبدالرحمن رغم المها رحمه الله رحمةً واسعه واسكنه فسيح جناته ورحم موتانا وموتى المسلمين اجمعين |
رد : يا يبــه (( رثـاء متأخـر ))
إقتباس:
صح كلك مرورك شرف |
رد : يا يبــه (( رثـاء متأخـر ))
إقتباس:
صح كلك مرورك شرف |
رد : يا يبــه (( رثـاء متأخـر ))
الله يرحمه ويرحم موتانا جميع
|
رد : يا يبــه (( رثـاء متأخـر ))
صح لسانك ياعبدالرحمن
والله يغفر له ويرحمه يارب وجميع موتانا وموتى المسلمين |
رد : يا يبــه (( رثـاء متأخـر ))
إقتباس:
اللهم امين مرورك عطر |
رد : يا يبــه (( رثـاء متأخـر ))
يايبه .. تدري الى الحين .. يطروك الجناب كل مجلس اجلسه لك من الدعوه نصيب إيه .. واعلم بإن موتك رسم اكبر مصاب لوحتن بروازها يشبه الجرح .. العطيب طاب حالي .. بس حزنك .. فلا يمديه طاب كن حاله بعد موتك .. نذر الا يطيب! جبتها عالجرح ......... ليت حرفي يطيع ..واكتب اللي محد كتبه .... رحمهم الله ..هم السابقون ونحن اللاحقون صح لسانك و...ورد لروحه الطاهره |
رد : يا يبــه (( رثـاء متأخـر ))
هلا وغلا يا عبدالرحمن
وتسلم على هذا الحضور ونص استثنائي مغلف بإحساس صادق قصيده تصل القلومباشره لإنها من القلب رحم الله فقيدكم واسكنه فسيح جناته تحياتي واعجابي اخيك سالم |
رد : يا يبــه (( رثـاء متأخـر ))
احزنتني جدا جدا وقد ذرفت عيناي
سحابة من الدمع لتأثيرالابيات ومدى عمق الحزن فيها رحم الله فقيدكم وأسكنه فسيح جنانه وواسع رحمته آمييييييييييين |
رد : يا يبــه (( رثـاء متأخـر ))
إقتباس:
ابوخالد صح كلك يالغالي مرورك عطر للمكان لاعدمتك |
رد : يا يبــه (( رثـاء متأخـر ))
أليمـــــــــــة + رائعه الله يرحم الوالد ويسكنه فسيح جناته ,, |
| الوقت المعتمد في المنتدى بتوقيت جرينتش +4.
الوقت الان » 20:32. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع