|
سرساح
بسم الله الرحمن الرحيم
السلام عليكم ورحمة الله وبركاته قائل هذه القصيده هو الشيخ تركي بن صنهات بن حمد بن حميد ال حميد فارس عتيبه وشاعرها وقائدها وال حميد اسرة مشيخه يرجعون الى الكرزان من المقطه من برقا ويتحدث فيها عن جمل خرافي تولد من لقاح نعامه وبعير واصفا اياه بكبر الحجم والطيران وسرعة الحركه يقول الشيخ تركي في قصيدته يا راكب اللي ما يداني الصفيري ---------------------هميلعن من نقوة الهجن سرساح امه نعامه واضربوها بعيري ----------------------جا مشبهاني على خف وجناح عليه خرجن من سلوك الحريري ---------------------وسفايفه مثل الغرابين طفاح يسرح من الطايف ويمسي البصيري -------------------والسوق والبصره دهجهن بمرواح مزهبك يا راعيه تمر ومضيري -----------------واحذر تشب النار يجفل من الضاح والى ورد يشرب ثمانين بيري -----------------------غرافهن تسعين ودليهن ماح رجليه بالحره وصدره يسيري -------------------ويشرب براسه من على جمة رماح يا ويش هو طويلن قصيري -------------------يسبق زعاجيل الهوا يوم تنداح واذا تبون رد الشيخ محمد بن هادي بن قرمله فهو موجود وسلامتكم يا غالين وسامحونا على القصور جميع الحقوق محفوظه للمؤلف اخوكم سلطان القحطاني |
صح لسانك يا سرساح
يا ليت تعطينا رد الشيخ محمد بن هادي |
أخوي هاوي قصيد .... لاعدمناك اي بالله نبي رد محمد بن هادي ومعروف عن الاثنين بمساجلاتهم مع بعض
وتسلم |
اخوي اسير الاحزان
صح لسان القايل وانا طال عمرك هاوي قصيد او سلطان القحطاني واختر منها اللي يعجبك والحين اطبع رد محمد بن هادي بعد الردود باذن الله وتقبل تحياتي |
اخوي العابر
تسلم يا غالي وابشر الحين اطبع رد الشيخ محمد بن هادي وتقبل تحياتي |
هذا رد الشيخ محمد بن هادي بن قرمله على الشيخ تركي
بن حميد: يا تركي بن حميد وش ذا البعيري? ------------------ما تجلبونه كان تبغون الارباح? لا عاد له خفن وجناحن يطيري ---------------انا اذكر الله راكبه كيف ما طاح? انا لقيت الكذب في كل اميري -----------------ويا حلو كذب مروية علط الارماح كيف النعامه نوخت للبعيري? ------------------اقول ذا كذبن على الناس فضاح وسلامتكم يا غالين |
اخوي سلطان نوماس الإقلاع كله من غير قصور
بالجميع الله يقلع شيطانك وين قلعتني معك حفيت وانا اركض على جرتك تصدق اني منول مااتعدى منتدى الشعر النبطي وهالحين ورمت اصابعي وراحت عيوني فيها اردهنا واردهنا ابا اصير مثلك ماشاء الله عليك عيني عليك باردة نشاط وتميز وقد المسؤلية صح لسانك على هالروايتين الجميلتي اللي يكشفن مدى رفعة نفوس الأولين وطيبتهم وخيالهم وامنياتهم بعد رحمهما الله رحمة واسعة واموات المسلمين تحياتي لك مقرونة بإعجابي بشخصك الكريم . |
اخوي / هاوي قصيد
سلمت يداك والله ياقاك وبيض الله وجهك على هالقصيدتين اللي كل واحده اطيب من الثانيه ولاهي غريبه على الرجال الطيبين ولاهي غريبه عليك هالنشاط والله يستر عليك ويلوموني فيك لك تحياتي :) :) :) |
ههههههههههههههه والله اني مت ضحك الله يغربل شيطانك
اخوي بو نوت ترى ان جاني شي قلت السبب منك وهذا عكاشه شاهد والله لاقاضيك بمحكمة القويعيه واحمد ربك ما قلت محمكة شروره تراني مقرب عليك المسافه شوي على العموم ما عليك زود يا غالي وعسى ان اكون اهلا لهذا الاعجاب وتقبل تحيات اخوك |
اخوي عكاشه
سلمت يا غالي واتعبناك معنا طال عمرك بالتواصل وتراك معذور لان عندك ما يشغلك وزياده وما عليك زود يا غالي وتقبل تحياتي |
<font size="4">وفي احد المعارك مع محمد بن هادي قال تركي بن حميد
:</font><font size="4">ساعة تواجهنا بهاك الزبارا *** واثر الحريب مظهر قد له ايام *** جونا كما الدبوس علينا مغارا *** جرد الايادي فوقهن كل همام *** دخانها منقاد والعج ثارا *** كن الطلوح البايدة حذف الأزم *** راحت بابن هادي تذب الخبارا *** أدمية تاخذ ورا العدي دوام</font> :cool: <IMG SRC="cwm11.gif" border="0"> <IMG SRC="cwm11.gif" border="0"> :cool: |
حياك الله اخوي ومشكور يا غالي على هذه الاضافه
وتقبل تحياتي |
<font color="blue"> <font size="4"><font face="georgia">اخوي الغالي هاوي قصيد
00 الله يعطيك العافيه وجهد مميز يالغالي الف شكر وتسلم يالطيب</font></font></font> |
اخوي ولهان ما عليك زود يا غالي
وشرفتنا ها الزياره الحلوه يا غالي وتقبل تحياتي |
| الوقت المعتمد في المنتدى بتوقيت جرينتش +4.
الوقت الان » 03:36. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع