إنتـ .. ـماء ..!
. .
الأرض فيها ناس ما تشبه لـ .. ناسي=ودّي أطير اليوم عنها قبل بكره ..!
. . |
رد : إنتـ .. ـماء ..!
لو الحجر مثل البشر يملك إحساس=أمدى درج بابك يملّ إنتظاري! كل يوم أجي واراقب الدرب .. والياس=يطعن فـ ( خاصرتي ) وييبس خضاري! وأقاومه بالحب .. وبـ / قوة الباس=وأطيّر أسراب الأمل في مداري وإن هبّني من يمّ غيبتك نسناس=غنّيت من غبني .. وزايد مراري! لا عاد لي قلبٍ .. ولا عاد لي ناس=ما دامك إحساسي .. وناسي .. وداري ! |
رد : إنتـ .. ـماء ..!
عطني نفس! .. ودّي أحبك .. ومخنوووق
............. من طاري الفرقى .. وذكر المواجع ..! |
رد : إنتـ .. ـماء ..!
يا نوارس .. ليت لي قلبٍ من الأيام دارس .. وليت لي عمر ٍ قصيييييير .. وليييت ما بيني وبين الموت حارس ..! |
رد : إنتـ .. ـماء ..!
يا صاحبي .. والبرد واقف على الباب=أنا هنا بارد .. وخايف .. ومنهك! أبي الدفا .. وأتذكر وجيه الأصحاب=ما ألقاه حتى أذكر تفاصيل وجهك!! |
رد : إنتـ .. ـماء ..!
يا عمّي لا تقول إنّك حزين=يا شين الحزن لا خان الوقار! اشوفك من بعد طول السنين=تعيش اليوم لحظة إنكسار! واحس بداخلك جرحٍ مكين=عسى ما أنت بـ ( ضحيّة ) إنتظار؟!! |
رد : إنتـ .. ـماء ..!
يجوز اسوّي كل شي فـ ( غيابك )=لكن أرد الدمع .. لا يمكن يجوز! واللي غسل ضيق الخفوق بـ ( رحابك ) = ما شي غير الدمع في بعدك يفوز!! |
رد : إنتـ .. ـماء ..!
يطيب لي التصفح هنا .. فـ هنا بوح متميز وبطعم آخر !! فـا لتعذر مقاطعتي .. همس |
رد : إنتـ .. ـماء ..!
إقتباس:
ويطيب لي هذا الحضور الجميل .. ويسعدني .. شكراً لأنك هنا يا همس .. تحيّة لـ قلبك .. :) |
رد : إنتـ .. ـماء ..!
لو البحر يدري عن الحب وشلون ..=تسدّ عن كثره .. حلاوة قليله! ما اوعز إلى موجه من أمواجه تمون ..=على نصف هذا الخفوق .. وتزيله!! |
رد : إنتـ .. ـماء ..!
هنا لـ ( الصمت ) صوت وحضن وانفاس وعيون وروح=هنا لـ ( الحكي ) نبضٍ وجل ، هنا لـ ( الصدر ) تنهيدة! هنا يا حضرة الكرسي تموت قلـوب ، تحيـا جـروح=ولا تبرح مكانـك لـو يعيـد الحـزن بـك عيـده! هنا وان قلت يا حظـك ليـا مـرّك فـرح ومـزوح=اقـول: الله فـي عونـك علـى الحـزن ومواعيـده! |
رد : إنتـ .. ـماء ..!
شفني وأنا فـ ( عيوني ) الحزن ساكن=وإن لمتني .. مانيب حمل الملامة! تبيني افرح؟ .. ودّي أفرح .. ولكن=ما به فرح يكفي لـ ( نصف ) إبتسامة!! |
رد : إنتـ .. ـماء ..!
في غيبة إحساس المحبة وش يصير؟=لو نطفي الشمعة ، ونجلس فـ ( ديجور ) ؟! اللي تحمّل موتة الحس من غير..=داعي ,، بيقدر يحتمل غيبة النور !! |
رد : إنتـ .. ـماء ..!
يا صاحبي لو طال درب المعاناه=لا ينكسر قلبك .. وتفنى عزومك! كلٍ وله همٍ كبيرٍ قد أضناه=شف همّ غيرك .. تصغر أكبر همومك!! |
رد : إنتـ .. ـماء ..!
لو إن ما لي حسّ .. ما عشت في ضيق=ولا قلت لإحساس الحزن داخلي .. بسّ! لا تصبّ لي لو شفتني يابس الريق=صب الفرح .. مابي الحزن .. طاااالبك حسّ!! |
رد : إنتـ .. ـماء ..!
يا دافية صمت .. وحديث .. ومشاعر=ما للشتا لا من حضرتي مداهيل .. فـ ( ضلوع ) من حبّك! .. ولا صار شاعر=الا بعد ما أغرقه قلبك .. مواصيل ! |
رد : إنتـ .. ـماء ..!
بين فرحٍ فقيد .. وبين حزنٍ وليد=آتشتّت بعادٍ .. وآتجمّع بعاد! أجمع الناس في قلبي .. وقلبي وحيد=وأشعل النار في روحي .. وروحي رماد!! |
رد : إنتـ .. ـماء ..!
أنفاس حروفك انتشرت كالشذى لك:55: |
رد : إنتـ .. ـماء ..!
مها بنت محمّد
حضورك دافيء .. ومحببّ .. شكراً لك ِ عليه .. تحيّتي |
رد : إنتـ .. ـماء ..!
وانا طفل .. قبل السهر والتناهيد=وقبل الحزن يصبح لـ / قلبي .. طبيعه! قبل احبس الدمعه ليا طرّوا العيد=وقبل اسكب الدمعه .. بليّا ذريعه! كنت استطيع افرح .. بليّا مواعيد=واليوم في موعد فرح .. ما أستطيعه!! |
رد : إنتـ .. ـماء ..!
في عيد ميلادك .. أهنّي بك العمر؟=ولاّ أهني خافقك .. طال عمرك ؟! كل عام وإنتي شيخة البيض والسمر=وقلبي على كيفك .. وشفّك .. وأمرك ! tsh6 ::heart:: |
رد : إنتـ .. ـماء ..!
ما يترك الحبّ في عين المحبّ الحشيم=غير السهر ، والحزن في صوته وخافقه ! يااااا ليت لي قلبٍ مصدٍ عيوفٍ لئيم= لا مرّه الحب لوّح له .. ولا رافقه !! |
رد : إنتـ .. ـماء ..!
ودّي أكتب ما يضايقني .. لقيت=ما يضايقني كتبني .. وإنتهى ! لين جفّت دمعتي في صدر بيت=وإنجبر قلبي في عجزه .. وإلتهى ! وإقتنعت إني لو أرضى .. ما أكتفيت=كل يومٍ لي طموح .. ومُشْتهى !! |
رد : إنتـ .. ـماء ..!
ما عاش مـن حُبـك ، يمـوت=مـن بعـد مـا مـات الوفـا ! يـا ليتهـا زلّـة ، وتـفـوت=لكنّـهـا طعـنـة خـفـى ! مـا أمكنتهـا عشـان أمـوت؟=مـا عـاد ابـي منهـا شفـا ! لا تعتـذر ، مـا عـاد صـوت..=عـذرك .. بيمنعـنـي الجـفـا! بعد الحكـي ، قبـل السكـوت=صنتك .. وخنت أنت .. وكفى ! |
رد : إنتـ .. ـماء ..!
لا شفتني زعلان .. لا تبتسم لـي=إعقد حجاجك وإنتظر لين افضفض! عن الزعل يا صاحبي شوف كم لي=ودّي أعبّر .. وإبتسامتك ترفـض!! |
رد : إنتـ .. ـماء ..!
نزلت مقطع يوتيوب وما رضى يطلع :(
اللي يقدر يساعدني لا يقصر :) |
رد : إنتـ .. ـماء ..!
نامي على قلبي .. وقومي في عيني ،، ما أحلى من القومة .. سوى لذة النوم! ولا أتعس من الدنيا .. قبل تعشقيني ،، ولا أحلى من الدنيا .. بعد عشقك اليوم ! تطمني .. وإنتي يدينك فـ ايديني ،، مانيب متضايق .. ولانيب محروم ! |
رد : إنتـ .. ـماء ..!
محتاج أفضفض كثر ما كنت ساكت ..
عن الحزن وجروح الأحباب والوقت !! |
رد : إنتـ .. ـماء ..!
لو تبتسم فـ وجيه الأغراب .. عادي
بالعكس تكسب غير الأجر .. المحبّة ! اللي ماهو عادي .. وضدّ المبادي تكشيرك فـ وجه الأهل والأحبّة !! |
رد : إنتـ .. ـماء ..!
البارح اسولف معك عنـك ، وتقـول:
لو ما أعجبك طبعي .. عشاني تحمّـل ! وأقول كل اللي يجـي منـك مقبـول كلامـك مجمّـل .. وطبعـك مجمّـل! وإن شفتني زعلان ، منتب بـ/ مسؤول الحظ مايـل ، والزمـن مـا تجمّـل ! مشكلتي ان كل المشاكل بـلا حلـول ولو بآتحمّـل .. لـي متـى بآتحمّـل؟! اتركّك مني ، الحكـي عنّـي يطـول سولف لي عنّك .. عنّي ما أقدر أكمّل !! |
رد : إنتـ .. ـماء ..!
وحــدي وخايف علي آمـوت
فـ/ الليل .. قبل الصباح يحين! لله .. يـا سامعيـن الصـوت صبحٍ وضحكة وقلب وعيـن! |
رد : إنتـ .. ـماء ..!
حزين يا محمّد ومكسـور خاطـر=من الزمن والناس والحظ والحـب! واقف على درب السعادة .. وناطر=يمرّني قلبٍ .. ولا مرّنـي قلـب !! يمطر على قلبي من الفقـد ماطـر=واعوّد ادراجي .. وحيدٍ ومتعب !! |
رد : إنتـ .. ـماء ..!
ماهو غريب تنام وانـت متضايـق=غيرك عجز لا ينام من شدة الضيق! وغيرك يجيه الليل هـادي ورايـق=وينام لو هو ظالـمٍ لـ / المخاليـق ! صدّق .. تراها كلبوهـا حقايـق=في هالزمن ما عاد به صعب تصديق!! |
رد : إنتـ .. ـماء ..!
ثلاث صفحاتٍ تمنيتها مـــور
بيكوز أنا اقرا شعر ماهوب عادي يا محمد أكتب لانني هير مجبور آقف واصفق لك واصفر وانادي محمد السبيعي كُن كما أنت مبدع وسنكون كما نحن لك متابعين فلا تحرمناك شعرك |
رد : إنتـ .. ـماء ..!
يا مرحبا يا عبدالعزيز ..
والله اسعدتني بالمرور واسعدتني بالإشادة .. اتمنى اكون عند حسن ظنّك دائماً .. اشكر لك متابعتك .. وتشريفك .. تحيّتي |
رد : إنتـ .. ـماء ..!
دايم وأنا أحـاول أخبـي طعونـي ما ودّي أحبابي يحسـون فيهـا ! ما كنت أحسب ان البلا في عيوني لا من طرى لي جرح .. بيّن عليها ! |
رد : إنتـ .. ـماء ..!
يااااا نايمـه وانتـي علـى بعـد متريـن من دعوة أمّك لا دعت لك فـ/ الأسحار! ثمانميـة وخمسيـن كيلـو .. وجرحيـن بيني وبين أمـي .. وتسبيحهـا الحـار! بالله شوفي الفـرق .. كانـك تشوفيـن انتي مع أهلك .. بس انـا فاقـد الـدار! |
رد : إنتـ .. ـماء ..!
إثر الإسر .. إفراج في بعض الأحيـان
ما كنت أصدق .. لين حبّك أسرني ! وخذني من سجون الكآبه والأحـزان وفـ/ سجن قلبك .. بالسعادة غمرني! |
رد : إنتـ .. ـماء ..!
الراقي محمد السبيعي
لازلت هنا أرقب جديدك :) |
رد : إنتـ .. ـماء ..!
ابشر باللي يرضيك يابو العز .. :)
|
الوقت المعتمد في المنتدى بتوقيت جرينتش +4.
الوقت الان » 15:09. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع