شعبيات - شهد العسل .. مصافحه أولى ..

بسم الله الرحمن الرحيم
مساءكم شعر
للصدفه مواقف كثيره ومن اهمها وجودي معكم وهي أجمل صدفه ..
قد يكون حيلنا الجديد اي جيل فوق الالفين محسود بسبب وجود ادوات شعريه تساعدنا بالارتقاء الى القمه ..
ومن ضمن هذه الأدوات هو نقدكم اللذي يعتبر هدف لكل شاعر ولكل كاتب ..
سأضع بين يديكم أول مشاركاتي وأتمنى أن اجد النقد والملاحظات المفيده ..
والله الله بالردود لاتبخلون علينا ..

يالوجنتيـن الحمـر ياريـم الـفـلا =يانور غطت من سناها كـل مزيـون
أبو خشم كنه سيف يتحـدى المـلا =يلفت بحسنه نون من وسط العيـون
أبو جديل أشقر على الراس اعتـلا =لاهزته .. يحظـن جدايلهـا متـون
والحاجب المرسـوم تصويـر العُـلا =يرضي غروره بالكبر فوق الجفـون
سبحان من سوّى وصوفه .. كمـلا =وزاد فوق اسمه رسم نقطـه ونـون
لونه ذهـب صافـي ولاقـط انجـلا =طبع الذهب براق ولاله غيـر لـون
ممزوج من شهد العسـل كلـه حـلا =والشهد من ريقه على النحله يمـون
ياطيب شوفـه فـاق ذبحـات البـلا =ولاذبحني غير نور الزيـن بالكـون
أهيـم فـي شوفـه وقلبـي منـزلا =واصبحت ملكه والعرب ماظن يدرون
أنا المريض أنـا الطريـح المبتـلا =ودواي عنده همسة القلـب الحنـون
ياحالـي المبسـم لـك مـنـي ولا =وابشر وأمـر ماتبـا منـي يكـون
لو مطلبك مدفون في وسـط الخـلا =جبته وخليته علـى النـاس قانـون
انت المنى والـروح يـاروح السـلا =كل التعب لجلك ومن أجلـك يهـون
تدري أحبك .. بس ترفـق بـي دلا =حبك ترى مغروس .. كون بي طعون

أخوكم يحيى بن محمد الشريف