طبعا كلكم مستغربين من


العنوان..:confused:



و اذا صار ..؟؟!



استغربوا .. احد ماسكّم..؟؟:white: ؟؟



هذا يا جماعة الربع كنا متجمعين عند مشعاب يوم الاربعاء اللي راح..<<<<<<< وين راح له..؟؟:p



و جاك ( جاك والا روز؟؟) عبيص معه خروف حاطه على كتوفه..



و الظاهر انه ما علّفه..


و من الحضور : اثنين ما اعرفهم.. بعدين محمد الشهري بعدين دبان..بعدين انا ( بسم الله علي ) .. بعدين اثنين ما اعرفهم ( قليل الخاتمه تبرى من اخوياه..:cool: ) بعدين خروف عبيص.. بعدين عبيص.. بعدين اثنين ما اعرفهم<<<< تراك ازعجتنا.. بعدين مشعاب.. بعدين اخوه صنهات..


المهم مالكم بالطويله..


كان حولهم فرقه شعبيه و طق و وناسه.. انما ايييييييييه <<<<تراه قد راح لمصر..:":



و كل شوي احس فيه حركات مالها سنع من جانب عبيص.. كل شوي اشوفه يهز.. و اعطيته نظره..(تراه نذل اذا عطيته نظره ما يرجعها..) و مير عقل و صار رجال..


و شوي احس فيه حركات ما لها سنع من جانب عبيص.. و التفت ثانيه ابعطيه نظره.. الا المسكين ما له دخل مظلوم يا بييييييه <<<<< هماني قايلكم قد رحت لمصر..

اثر الواحد اللي جنبه و انا ما اعرفه قاعد يتمسح في الخروف.. بس مدري ليش..؟؟ عاد ما قدرت اعطيه نظره بلى عبيص ما بعد رجع لي نظرتي..:D


شوي الا اشوف بياله ماره من قدامي .. تطير و الحقيقه يساورني الشك <<<<< وش رايكم ؟؟ مثقف؟؟ صح؟..


المهم يساورني الشك مدري هي كسرت حاجز الصوت و الا لا..؟؟<<<<< لا احد يقولي وش معنى ذا الكلام.. انا سمعته كذا..:cool:


ايه صح نسيت اعلمكم وش فيها البياله..؟؟


هذا الله يسلمكم دبان نامت رجله و حركها يبي يصحيها.. و مير تصفق في البياله و صار اللي صار.. طبعا كل هذا و رجله نايمه.. يعني لو كانت صاحيه وقتها.. الله اعلم وش بيصير..:confused:


نفس الشي ما قدرت اعطيه نظره.. لسببين:

الاول انه بحركه بهلوانيه بسيطه من اصبع رجله الصغير يقدر ينقزني ورى جسر البحرين.. و الثاني ان نظرتي حتى وقت اعداد هذه النشره <<<<< وش عنده ماجد الشبل.؟؟:confused: ما زالت مع عبيص..


طبعا زي ما سبق و اخبرتكم ان دبان على يساري و انا على يمناه.. و كنا تقريبا في نصف المجلس.. (<<<< طبعا هي خيمه او بيت شعر.. بس مايبي يسوي دعايه للخيمه الشعبيه..) شوي الا مشعاب جايب عمال يوسعون الخيمه من الجهه اليمنى و السبب ان دبان مدري وش فيه صار يتمدد (انا اخبر الاشياء تتقلص في الشتاء الا دبان..:confused: ) و يدزني ( دزني و الا الحكير..؟؟ <<<<< احلللللللللى يعرف دزني..) المهم صار يتمدد و يدزني صوب الطرف لين انفغصت بين فخذه اليمين و بيت الصبات اللي حول القنصليه الامريكيه..( طبعا ما فيه شي قدر يتحمل تمدد دبان الا صباتهم ؟؟:confused: مدري كيف مثبتينها..



شوي الا شمينا ريح العشاء.. و انواع العصافير اللي في بطونا تزاعق..حتى عصافير بطن خروف عبيص تزاعق..(<<< اسد موب خروف)..


و مير اسمع صوت.. اذكر اني كنت اسمعه في سندباد و ياسمينه.. و احاول اتذكر وشهو صوته..:confused: ؟؟ ايه ذكرت:) صوت العنقاء ( هاذي من عصافير الاولين..:white: .. ومير استغرب وش جاب العنقاء ؟؟:confused: و اتوحى الا الصوت قريب.. حسيت اني ما اسمع زين و ادخل اصبع في اذني و القى قطنه .. كنت حاطها يوم شغل خويي في الخط شريط اليسا..<<<< يحب يناظرها بس ما يحب يسمع لها.. المهم و اطلع القطنه.. و الى الصوت قريب و التفت يسار الا الصوت طالع من بطن دبان.. من كثر ما يغذي عصافير بطنه كبرت و صارت عناقي<<<<< مدري والله كذا جمع عنقاء..؟؟:confused:



المهم كل واحد قام يمس شنبه يقالنا رجاجيل..:white: و ما دريت الا شنبي ممسوس من جهتين.. طيب انا جالس امسه من جهه .. الجهه الثانيه من اللي يمسها؟؟:confused: .. ( ما يذكركم بالكابتن ماجد اذا جاء يسوي دبل كيك و يجلس حلقتين في السماء كلها.. يا يفكر كيف يشوت.. و الا يتذكر..) المهم و اثر دبان هو اللي يمسها .. المسكين ما عنده شنب..


و انا اللي دريت اني بروح فيها.. عاد حاولت ابعد عنه عشان اسلم.. ماقدرت.. قمت اغني له:


قلت ما منك مناص .. ما عليك اليوم باس..


قلت ما مننننننك مناص .... ما عليييييك اليوم باس..



انت ما منك خلاص..؟؟



عاد رد هو علي و قال:



قال يكفيك المزاح.. ما ترى حولي ارتياح


قاااااااال يكفيك المزاح .... ما ترى حولي ارتيااااااااااااح..


اسكت و خلّ الصياح....



قلت في نفسي عز الله رحنا فيها..:( .. شوي الا يجيك مشعاب قال تفضلوا يا الربع دسموا شواربكم..<<<< فاهمها غلط..:white:


هنا ازفت الازفه.. حسيت الخيمه قامت تهز .. و اللنبات ( اللمبات ) قامت تحوس قلت في نفسي..(<<< يا صبر نفسك عليك..:": ) يا ولد تقول زلزال ؟؟؟:confused: الا انتبه لدبان اثره يحاول يقوم على حيله..<<<<<< اذا عرف السبب بطل العجب..( بطل؟؟:confused: لا.. لا.. لا احد يفهمها غلط..)


شوي الا قام يناقز و يسوي حركات مدري كيف اوصفها بس هي تدل انه زعلان.. و صار شي الله لا يوريكم كل شي قام يهتز .. حتى مقياس ريختر اللي في الجامعه يبطي ما قدر يسجل هالاهتزازه.. مير ينحاش خروف عبيص.. و يلحقه عبيص و يطلع منها .. و قام ذاك اللي ما اعرفه و لحق الخروف بعد.. شوي الا كل اللي ما اعرفهم لحقوا الخروف.. موب حبٍ فيه بس يبون السلامه.. و لا بقى في الجبهه الا انا و مشعاب و اخوه صنهات و محمد الشهري و دبان.. و اللنبات اللي في الخيمه..<< وش دخلهن..؟؟


شوي الا محمد الشهري قال انا بلحق الخروف و مير ينحاش<<<<<< مليعين موب ذا دوره في السيناريو بس ما ينلام من هول الموقف..


شوي الا مشاعب قال انا بودي الدلال و الاباريق <<< عاش مصرّف.. و صنهات يقول انا ابلحقه بالفناجيل..<<<<< مات مصرّف..:p :white: :":


و شوي الا ما في هالمشهد الا انا و دبان.. و ادور المخرج ابعطيه نظره .. يوم لقيته و اجي باعطيه نظره.. و اتذكر اني معطي عبيص نظرتي<<<<< يا دي النيييييييييييييله<<<< اوريكم ختم مصر في جوازي..؟؟



المهم انا دريت اني رايح فيها لا محاله..(<<< يا عمري يا الثقافه ).. و اجلس اناظر في المخرج زي المسكين ابغاه يرحمني.. مادريت الا انا مسدوح على الارض.. و شي كبر ابليس.. طايح علي..<<<<< لا احد يقول وين شفت ابليس.. مالكم دخل..


المهم و اناظر الا دبان هو اللي طايح علي .. و انا احسبه ابلييييييييس..<<< تكفى .. على بالي تفرق..؟؟.. شوي الا هو قاعد ينتف في شواربي .. و انا اصايح.. و هو ينتف و انا اصايح.. و هو ينتف و انا اصايح.. و هو ينتف.. و انا اصايح..




و بعدين..








و هو ينتف .. و انا اصايح..الا ذاك الملّاس اللي صافقن جبهتي.. و اثرها امي .. تقول: قم قامت عصبك و تحنت ركبك..





و اناظر الا كل البيت متجمعين عند سريري.. يشوفون الفلم..



و اشوف اخوي الكبير يسرق فشار من اخوي الصغير<<< خبركم لزوووم السينما..



و اجي ابعطيه نظره.. و اثر نظرتي معطيها عبيص..


:p :white: :":

يورالي ان الموضوع




قصه..



موب صورتي..





و الا انا واهم...



و بعدين من ناحية الصوره..



هاذي الله يسلمكم من كل شر..


في غرفتي... و عن طريق



جوال كمره الله يديم الرخص..



و لا تشيلون هم..



ما دام الصور تونسكم..



كل اسبوعين.. صوره جديده..