شعبيات - الرجاء من الجميع الدخول .. هاااام جداً

شعبيات (http://www.sh3byat.com/vb//index.php)

- الديوانية (http://www.sh3byat.com/vb//forumdisplay.php?f=21)

- - الرجاء من الجميع الدخول .. هاااام جداً (http://www.sh3byat.com/vb//showthread.php?t=19190)

الرجاء من الجميع الدخول .. هاااام جداً

السلام عليكم ورحمة الله وبركاته

من هذا المنبر العالي والشامخ أحب أن أقدم أحر التبريكات والتهاني للجميع بمناسبة عيد الأضحى المبارك وأقول لكم ( كل عام وأنتم بخير ) وهاكم tsh6

,

والله ياحبايب مدري من وين ابدأ أو كيف ببدأ لأني بصراحه ما أعرف أسوي مقدمات وهالحركات اللي يسونها الصحفيين وفوق هذا ما أعرف أكتب بالفصحى لأني لا كتبت لي كم جمله بالفصيح أحس يجيني شد عضلي بأصابعي والسبب حرف الذال لأني أحس إن اغلب الكلمات اللي بالعربي الفصيح لازم يدخل فيها هذا الحرف النشبه عندكم مثلا ( ماذا , لماذا , هذا , هكذا , إذاً , لذلك , رويداً رويدا :D )
حسبي الله عليه من حرف مدري ليه ناطلينه بآقصى الكيبورد يعني لا جيت أبغى أضغطه لازم أوقف لي ليموزين وأقوله ( بالله يالحبيب ودني لحرف الذال ) والله ياهوه مشوااااااااار ,, المهم ماعلينا وركزوا معاي باللي بقوله وأتمنى محد يتضايق أو يزعل وياخذ بخاطره ,,

بصراحه ياجماعة الربع لي فتره وهالشي اللي أبي أقوله يقرقع بداخلي ومسبب زحمه فمخي كل يوم أقول أبكتبه وأتردد لكن هالمره خلاص علي وعلى أعدائي

صدقوني ياحبايب إن هالمنتدى من كثر ما أغليه وأحبه صرت أحس إنه واحد من أخواني << خانه التعبير :D

وأتمنى وكلنا نتمنى نشوفه فوووووووق فوووووووق عالي السحب ::heart::

عشان كذا قلت لازم أجي وأقولكم اللي بخاطري ,,

شعبيات ياحبايب تحتاج منّا الكثير إيه صدقوني تحتاج منّا الكثير ,, وأولها تفاعلنا وتواصلنا مع بعض بشكل أكثر ,, وأنا أعترف إني أولكم اللي مقصر بحق هالمنتدى :frown:

نبي ياجماعه شي يكسر الروتين نبي تجديد نبي شاشة بلازما تتعلق بكل قسم :D
وحركه بكل الأقسام ,, أحيان اشوف بعض المواضيع عدد المشاهدات توصل الـ 50 والردود صفر ,, والله هالشي يكسر مجاديف العضو اللي تعب وكتب ونزل موضوع وما لقى تفاعل ,,

وعندي بعض الإقتراحات اللي أعدها هي السبب الرئيسي لكتابة هذا الموضوع

1- هالمنتدى يضم نخبه من أجمل وأروع الشعراء وكل شاعر وله نهجه وإسلوبه وطريقته ودائماً القصيده الرائعه والجزله هي اللي تفرض نفسها ,, إقتراحي ألا وهو ,, أحيان يجي عضو جديد أو شاعر معروف فالمنتدى وينزل قصيده جديده وتكون هالقصيده من العيار الثقيل وتمتلك كل مقومات الجمال ,, ليه ما ( نثبت ) القصيده لمدة يوم أو يومين أو ثلاث ونحتفي فيها ونعطيها حقها ,, منها تاخذ حقها من الردود والمتابعه وهالشي يعطي الشاعر حافز إنه يتفاعل ويقدم الأجمل في المرات القادمه .

2- النقد والنقد والنقد البناء ,, كلنا نحتاج للنقد من شعرائنا الكبار ومحتاجين توجيهاتهم لنا ,, يعني أتمنى من أساتذتنا إذا شافوا أي قصيده تفتقد للكثير من مقومات الشعر إنهم يوجهون الشاعر عن أخطائه عشان يتفاداها فالمرات القادمه وحبه حبه لين نوصل القبه .

3 - وضع مكتبه صوتيه أو بالأصح ديوان صوتي لشعرائنا المبدعين .

4 - إصدار مجله شهريه للمنتدى تهتم بجميع وأهم الأحداث اللي تصير خلال الشهر وعندنا مبدعين وكتّاب ومصممين متأكد راح يبدعون بهالشي ,, وليه ما نجرب نفسنا وحنا صحفيين ونسوي لقائات مع شخصيات معروفه وشعراء كبار في الساحه وتكون مجلة شعبيات لها السبق في إجراء اللقاء .

5 - أتمنى محد يزعل وصدقوني لولا محبتي لكم ولـ هالمنتدى الراقي والشامخ ما كان قلت هالكلام ::heart::

6- أي أحد عنده أي إقتراح أو أي شي يجي ويسدحه هنيا وخلونا نفكر بصوت عالي سوى وعلى قولة المثل ( قومٍ تعاونوا ما ذلوا ) .

7 - يداً بيد لنرتقي معاً ::heart::

8 - ليه صار الطماط بـ 16 ريآل ليييييه :D

,

,

كونوا بخير جميعاً وتحياتي وتقديري لكم

هاكم هالورده وكل واحد يشمّها ويعطيها اللي بعده :D

::mov::