|
همس الشوارع
السلام عليكم ورحمة الله وبركاته وقصيده من خارج الوعي ارجو قبولها كما هي آآه من همس الشوارع !ومن وصمت القصور طافايات النار,والصوت ما يطلع لاحد ما تدور الارض ,لكن , انا راسي يدور احسب اني في بلد , مار؟ ماهذي بلــد ضايق ٍ صدري , على عشقتي , بدر البدور قالت أقصد ؟ قلت قلبي ونبضه لك قصد ضاعت الاشعار , بين النواهد, والخصور كن مابالكون غير الخواصر , والنهـد والله اني غير أغمض , واحط عيون عور لجل اشوف الواحد اثنين , والحنظل شهد انشدك بالله ؟ يادم قلبي ؟ لا تفور تكبر وتنسى , وتهجد مثل منهو هجد والمره تحمل ولدها , على تسعة شهور مار ما تنزح ترى كل حامل عن ولد وين موسى ؟ يوم موسى على الباغي جسور مع بنات شعيب يومه على مدين ورد أشرت مريم على الطفل , في صمت الحضور بس ابن مريم سكت , ما تكلم بالمهد استوت ,ماعادآعرف القصور من القبور! واختفت ,ماعاد أميز وعيدمن الوعد والجبل من هول ما شاف , يحسد بالجحور يشتكي للي ترك قمته.واللي صعد للرجال صدور, وحتى الدجاج الها صدور ياعساه يموت , منهو على غيضه رقد الكرم ماهو كرم يوم , واسبوع وشهور والبخل ماهو زهد ,ولو لبس ثوب الزهد والعداله طعمها يوت تاتي عقب جور تقلب التاريخ وتنسى السبت ظلم الاحد اكتبيني , ياحياة التعاسه , في سطور خلديني فيك , لو كنت ميت للابـــد واصنعي لي عطر , مادام ماعندي عطور واحضري حفلة زفاف السحابه للرعــد كل شاعر يتبع الضي , ويحب الظهور ومن زرع يحصد زروعه , ومن جد وجـد ما ملكت البحر , لكن ؟ ملكت اجمل بحور وش بعد بحر الشعر والقوافي ! وش بعد ؟ سلامة قلوبكم ونواظركم 000000 |
رد : همس الشوارع
. . للرجال صدور, وحتى الدجاج الها صدور ياعساه يموت , منهو على غيضه رقد للرجال صدور, وحتى الدجاج الها صدور ياعساه يموت , منهو على غيضه رقد اي والله .. صح لسانك ياعبدالرحمن |
رد : همس الشوارع
الموقف والحدث ولحظة الإنفعال هي التي تخرج بالشاعر المتمكن من
ادواته لأجمل مرحله وهي مرحلة اللاوعي لنقرأه بكل وعي عبدالرحمن المرخان رائع رائع وفووووق ياشعررررررررر |
رد : همس الشوارع
صح لسانك والله ابداع من خلف قضبان الصدور المتأججه
راقت لي كثيرا ويسعدني فعلا ان اقرأ لك تقبل مروري |
رد : همس الشوارع
سلمت ودمت ياعبدالرحمن
وصح لسانك على هذا النص الجميل |
رد : همس الشوارع
عبدالرحمن
صح لسانك ياغالي دمت بألف خير |
رد : همس الشوارع
صح لسانك ياعبد الرحمن نص فاخر
مبدع كعادتك |
رد : همس الشوارع
بالفم المليان
خارج السرب صح لسانك على هذه الجزله |
رد : همس الشوارع
حياك ربي اخوي سعيد تشرفت بحضورك العطر صح بدنك ودام حضورك تحياتي 00 |
رد : همس الشوارع
تشرفت بحضورك العطر ااخوي الغالي محمد ولا عليك زود تحياتي وامتناني 00 |
رد : همس الشوارع
الشاعر القدير / عبدالرحمن المرخان
أبو عبدالمجيد والمره تحمل ولدها , على تسعة شهور مار ما تنزح ترى كل حامل عن ولد الله الله قصيدة تفضح صمت القصور القبور استمتعت كثيرا في هذا النص الثري أبو عبدالمجيد أشكرك من كل قلبي كذلك على امتاعنا في مهرجان الزيتون في أمسية جميلة ، أزعجني بها عدم حفظك لقصائدك يا حضرة العقيد |
رد : همس الشوارع
ياهلا وغلا اخوي خلف تشرفت والله فيك لاهنت وصح قلبك واسعد بتواجدك شاعرنا القدير وبالنسبه للامسيه لا اخفيك اني والله كنت متردد فيها لاخر ساعه قبل الامسيه واعتقد لاحظت نقدي للجنه المنظمه باهمالهم لشعار المنطقه وتخبر الكبر شين لابد من النسيان مع عدم وجود جو مناسب ومشجع للامسيه للاسباب التي ذكرت تحياتي وتقديري لك واتمنى تترك لي جوالك اخوي خلف بالخاص لاعدمتك تحياتي وتقديري 00 |
رد : همس الشوارع
للرفع
|
رد : همس الشوارع
هذا النص يُهدى إلى الذائقه بكل اشراقة ورونق..! عبد الرحمن آل مرخان مُتقن كثيراً هذا الحضور شكراً لك عليه همسة ..! تجاوزك لـِـ من هم قبلي هو اجحاف بحقهم .. ولأننا لا نرضى ذالك وجب التنبيه;) |
رد : همس الشوارع
تشرفت بحضورك اخوي خالد ربي يديم عليك السعاده وصح قلبك تحياتي وتقديري 00 |
| الوقت المعتمد في المنتدى بتوقيت جرينتش +4.
الوقت الان » 13:21. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع