السقـــوط المــر لــ....
 

بسم الله الرحمن الرحيم

السلام عليكم
مساكم الله بلخيررر جميعاً من اصغركم الى اكبركم
وشلونكم يالربع فديت اعماركم
وشلونك خالي ابو نوت
وخلف جدي ابو تركي
وعبد الله
وتأبط شعراً ( خوي الشغلة :D )
وكل الربع اللي بشعبيات ويعذروني ما ذكرتهم لان الذاكرة ماش بدت تفوت ( الكبر يا جدي )
والله اني يا جماعة مقصر فيكم وقاطع بكم وادري ان قطوع
لكن هالدنيا الله يكفينا شرها ملهيتني والمشاغل الين شعر الجبهة :D
وان شاءالله ما تتكرر هالقطاعة
والسموووووحة ( امطح على نوزاتكم )
اليوم يا جماعة ابسدح عليكم هالموضوع المدمر ( ايه كثر منها )
واللي اتمنى ان يعجبكم
وهالموضووع بشخص والله اني ودي اقول اسمه بس خالي ابو نوت مهوب سامح لي احش بالاسامي ( تخصصك يالاشهب )
لكن ابحوس حول اسمه يمكنكم تعرفونه
سموا بالله وشمروا عن ذرعانكم واقلطوا حياكم الله ( صار مفطح )

البــداية
*****
هالشاعر طول الله اعماركم كثر الهرج والحتسي عليه
مرتن يقولون شاعر
ومرتن يقولون صحفي
ومرتن يقولون راعي ( خواطر )
وانا في الحقيقة اللي اشوفه انه كل اللي يكتبه اقرب مالها خواطر
المهم ما علينا من النقطة هذي رغم اني لي تحفظات عليها لكن نتطرق لها بموضوع آخر
زبدة هالموضوع انه صاحبنا كتب ( قصيدة ) ووليتها ما كتبها
القصيدة جت على اللهجة ( اللبنانية ) من ربع ( هوني يا طوني :D )
واللي يقول فيها
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
بيني وبينك جرح صغير"="لو هملته يصير كبير
ويظله ينزف تـ يجف"="ساعتها ما اقبل التبرير
بيني وبينك ذاب السكر"="ونهر الحلم الصافي تعكر
وباب القلب فـ وجه غرورك"="يالحب المجنون اتسكر
بيني وبينك ذبل الورد"="وقصر الشوق العالي انهد
وسكن الحزن فـ جوى عيوني"="وحبل الياس المر انشد
جرب تشرق مثل الشمس"="وسط عروقي نبض وهمس
واتجرد من كل افكارك"="يولد لك بكره من امس
اذغط عـ الجرح باصرارك"="حبك وحنينك واشعارك
واحلام الماضي واشواقه"="ترجع وتتفتح ازهارك
[/poet]

هذي القصيدة ولكن الطامة الكبرى هو ان صاحبنا تنازل عنها للغناء لصالح الفنانة ( تجاوزاً ) ....
( وحدتن الله يكرمكم ويكرم القراء اسمها ( حليسا قصدي أليسا ) ..)
يعني ما اكتفى بهالقصيدة المتناقضة وعطاها للي ما يسر ذكرها
على قولة المثل ( من جرف لدحديرة )

للاسف الشديد صاحبنا سقط سقطة مريرة
رغم انه صحفي متميز وله اشرافاات عديدة على صفحات وملفات ادبية الا انه بهذه القصيدة والتنازل وضع نقطة سوداء في صفحة حياته الأدبية
وللاسف هذا واقع بعض من كتابنا وشعارنا من الذين يضنون انهم بفعلتهم هذه سوف يصلون الى مسامع الناس ويتجاوزون الحدود
والامثلة كثيرة وليست حصرية

يمكن بعضكم عرف من اقصد وهم اللي اطلاعهم جيد وبعضكم ماعرف منهو واحسن شي يسويه ( يقلب راسه :D )

الموضوع قابل للحش والشرشحة والله الله لاتذخرون جهد
ومن خلص شرشحة يحمد ربه ( ويدردب وراه قوطي ببسي على حسابي :D )

تحياتي للجميع
===============

برايفت لابو نوت :-
( وجهات نظر نقدية ) تطلبك الحل

عبد المحسن بن سعيد :-
حوشتني قصدي وحشتني ( بالمصري) وين الغيبات يا خالي

برايفت للجميع :-
احلى سلام وارق تحية لكم يا خلف جداني

فمان الله

عزيز نفس

هلا ابو نوت
فديت عمرك وعمر المشرفين
والله اني توني اعلم ان هذا نظامهم ولا كان ما كتبت هذا الموضوع الا بعد ما اعدله للفصحى
لكن انا خلطت بين الاثنين كاسلوب تهكم نقدي يعني جامع الاثنين
وانا أرى انه مافيه اي اشكالية
لكن للمشرفين نظرة اخرى
وانا كان ودي يبقى بمواسم ولا يضيع بين مواضيع العامة
لكن الله يكتب اللي فيه الخير
والله يقويكم يالمشرفين
تحايتي لك خالي ابو نوت
وطلبك ابشر به بس شوية وقت والطبخة تكون جاهزه

لك مني وافر التقدير والاحترام
اخوك / عزيز نفس