" عديم "
انسكب شعري وسكبه من الحسّ الرزيــــم = واردفه صبّة شعوري على صوتٍ دعاه همسته تدفي كُفوفي وانـا قبلـه (عديـم=الدفا ) يـوم الشتـا مـدّة غيابـه قفـاه ويضفي الصوت المسيّر علي حسن يديم=شعري المسقي جماله على جنّـة حـلاه من شقار الصقْر والبنّ في شَعـره قسيـم=مَنزله من مفرقـه سيـل متفـرّع بمـاه فارش ٍ ظهره والى خصره يعلّ و لزيـم=وميل قدّه فى الرياحين.. فى الجـوري شـذاه وبرقة عيونه علـى در ٍ و ليـل ٍ بهيـم=أسري لعينه وقصدي نجوم ٍ فـي دجـاه الجدي وسهيل كنْها .. رعاها برق غيـم=والهدب محنى الحدب مِشهره جفن ٍ دنـاه نوبٍ يردّ الردى و نوبٍ ظـلال و نسيـم=وانعم الريش فحواجب علاها مـا بهـاه الجبين اللـي نقاتـه نقـا سحب وديـم=والعسل في ما اللما والنحل يرقب شفـاه تستلذ ّ وسادتـه خـدّه و تلقـى النعيـم=مستوي حدّه كما سيف فرقه ما عـلاه أتلع ٍ عنقه يزمّـه ونحـره نحْـر ريـم=والحنا حزم مثنّى على عرض الفـلاه وتكسي الساقين ستره من الفصّ الكريـم=والقدم رُهفه على القاع ما بيّن خُطــــاه ان صحى فشمس اشرقت بعْد دلهام العتيم=وان غفى فظلّ الشجر غفوته غفوة مهـاه وصفك اسراره معَ خالقك ربّـى العليـم=فاسمح اللي ما وفى وصفك و شوفك كفاه |
رد : " عديم "
الله محييك ويسعد مسااك محسن
ولله درك على هالراااااااااااااااااائعه شااعر جمييل صح قلبك مليارااااااااااات |
رد : " عديم "
صح لسانك يامحسن وافي بحضورك وشعرك لا عدمنا هالتواصل tsh6 |
الله يبقيك يا نمر ويجمّل أيامك..
صحّ الله بدنك وأدامك بخير.. أخوك. |
رد : " عديم "
صح لسانك يا محسن ابيات جميله و حضور اجمل دام نبضك وتقبل مودتي واحترامي اخوك نوفلtsh6 |
رد : " عديم "
أتلع ٍ عنقه يزمّـه ونحـره نحْـر ريـم
والحنا حزم مثنّى علـى عـرض الفـلاه وصف دقيق وراااائع وجميل وعذب ,,, اخي محسن ,,, اشبعت ذائقتي الشعرية ,,, شعرا / شكرا لك ,,, اخووك ,., محمد سعيد الزهراني |
مرحبا أختنا الكريمة نورة .. وافية. إخيش. |
مرحباً طوال يا نوفــل . وافي. محسن سبعان الحارث. |
لاخلا ولا عدم يا أبو سعيـــد .. محسن سبعان الحارث. |
الوقت المعتمد في المنتدى بتوقيت جرينتش +4.
الوقت الان » 13:35. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع