شعبيات - الطروووش اللي سروا........

شعبيات (http://www.sh3byat.com/vb//index.php)

- قوافي البوح (http://www.sh3byat.com/vb//forumdisplay.php?f=13)

- - الطروووش اللي سروا........ (http://www.sh3byat.com/vb//showthread.php?t=21339)

محمدالثبيتي

12-10-2014 13:54

الطروووش اللي سروا........

السلام عليكم ورحمة الله وبركاته

اليكم نبضي..

أن كان تنشدني وش العلم ياسعيد
يوم إن قلبي كل ربعــه نساهم

شفت الطروش اللي سروا ثالث العيد
قلـــبي شلع ياصاحبي وإقتفاهم

حاولت فيهم هـودوا ياالإجاويد
تكفـون أقيموا بس يوم إنتفاهم

راحوا ومعهم ياعرب باشة الغيد
ماحدٍ بلايمـني لو أعدي وراهم

ودي بهم مير إهجدوا يامقـاريد
وهم ودهم مير إن ابوهم عصاهم

من عقبهم جفن إعذاب المواريد
ولاعـاد ليه شف في غير ماهم

العام أقاموا عشرة أيام وتزيد
لكن ربي هالسنه ماهـداهم

وسلامتكم...

علي ال شيبان

15-10-2014 20:53

رد : الطروووش اللي سروا........

الله يهديهم ,
يعطيك العافيه ,

محمدالثبيتي

20-10-2014 11:24

رد : الطروووش اللي سروا........

معذرة لتأخري في إضافة مجاراة الشاعر المعروف /
عبدالرحمن الفاضل

كن السحاب اللي نشاء وامطر بعيد
اخيل براقه ولو ماسقاهم

الوقت برد واهدرن المقاييد
وضحٍ تموح اشناقها في عراهم

بين السنام وبين خشم الجلاميد
خلوك يامحمد تدور رضاهم

رامي سهم يمناك يمنى بواريد
اللي على الطولات ياصل رشاهم

ماعذربوا وجه الوطا بالاخاديد
يوم ان بعض الناس سم قصراهم

يامحمد الناصر تموت المواعيد
وسهيل قفا وابله مارواهم

قبل الوسم يدخل تموت المناقيد
والذيب وسط طويق جاوب عواهم

محمدالثبيتي

20-10-2014 11:24

رد : الطروووش اللي سروا........

الله يعافيك ياعلي وشكراً على الاضافه

الوقت المعتمد في المنتدى بتوقيت جرينتش +4.
الوقت الان » 18:27.