ممكن نقد حقيقي لهالكلام ؟؟
 

<center><font color="Teal"><font size="4">يا صاحبي من زمان

ذكراك في نفس المكان

نفس المكان اللي ما احترمته

نفس المكان اللي احرقته

وبدون شعور

يا مدعي الشعور

رحت واقفيت

وعني تخليت

ولكل شي نسيت

****

ابي انساك

لكني ما اقدر

وكل مالها ذكراك

تزيد اكثر واكثر

وانت تعرف وش كثر انا طيّب

وطيبة القلب عمرها ما كانت تعيّب

ولكن الدنيا هذي فيها الكثير

ومانت الاول ولا الاخير

اللي يخون

وجرح الاحباب عليه يهون

وبكل تبلد احساس

ولا اهتزت فيك شعره بالراس

رحت واقفيت

وعني تخليت

ولكل شي نسيت !</font></font></center>


مسّاكم الله بالخير جميعا..أو صبحكم الله بالخير ;)

بالحقيقه أنا محتاج لنقد حقيقي للكلمات اللي فوق :)

لأني أبي ازيد من خبرتي حول شعر التفعيله أو المنثور..


تحياتي لكم <IMG SRC="cwm37.gif" border="0">

اخوي / ازرق وابيض


لاهنت وصح لسانك على هذه الكلمات الجميلة
ولي فيما تكتب او مايسمى بالشعر الغنائي
او شعر التفعيله او النثر(الى اخر تسمياته)
لي وجهة نظر شخصية سوف اوردها لك وهي ان هذا الشعر يعتبر من افرازات الشعر الحداثي او الشعر المقلد اي تقليد شعر الغرب ونحن نعلم ان اي شعر كان عندما يتم ترجمته من لغته الاصلية الى لغة اخرى يفقد نكهته وقوته ويصبح باهت ولاطعم له 0
ففي الستينات الميلادية كنا على موعد على ولادة هذا الشعر الباهت والذي ارفض انتسابه للشعر لكونه يفقد مكونات القصيدة رغم انه موزون لكن يتكون من عدة اوزان في المقطوعة الواحده !!!
*
انا ادري ان له معجبية ومتابعية وقد يعترض على كلامي مما يعشق هذا اللون وهذا طبيعي لولا اختلاف الاذواق لبارت السلع 0

*
اخي ازرق وابيض

هذا الشعر لايلتزم بقافية معينه ولذلك سمي النثر

ولا يلتزم بوزن معين ويتكون من كوبليهات او مقاطع لاتلزم بحد معين

صحيح ان بعضها يحكي فكره معينه ويجد الكاتب حرية التعبير لكونه غير مقيد بوزن او قافية لكن مهما كان فلن تكون بليغة بلاغة الشعر الاصلي او الشعر الملتزم للقافية والوزن الواحد في القصيدة كامله

ولدي مايبرر وجهة نظري وهي ان الشعر الحديث او مايطلق علية النثر لايحفظونه المتلقين في اكثر الحالات مما يعني ضياعه والعكس في الشعر الحقيقي فاغلبه محفوظ ويتناقله الناس ويستشهد به في اغلب امور الحياة 0

**

اخوي ازرق وابيض


امل ان تجد فيما كتبت مايفيدك حول هذا الموضوع


وتقبل تحياتي

اخوك / عبدالهادي

[ فبراير 09, 2002: تم تعديل الموضوع بواسطة : عبدالهادي الخليوي ]

هلا فيك اخوي عبدالهادي :)


والا اشكرك على تجاوبك يالغالي..

وانا من اول الناس اللي يعارضونك بما يخص شعر التفعيله ;)

واعتقد ان له متابعيه واشتهر من خلاله الكثير والكثير من الشعراء مثل بدر بن عبدالمحسن وصالح الشادي مثلا..

واللي خلاني اطرح هالقصيده هنا هو ما قرأته لصالح الشادي وهو من افضل شعراء التفعيله عندما قال"لايوجد الا 12 شخص يجيدون شعر التفعيله بالخليج"!!!! اما غيرهم فان قصائدهم غير صحيحه اطلاقا!!

وبما اني اكتب مثل هالنوع من الشعر خلاني كلامه اعيد حساباتي حولها..

عشان كذا طرحتها لكم ابي وجهة نظر نقديه حول القصيده نفسها من ناحية وزن وغيره :)

الف الف شكر اخوي عبدالهادي على ردك الجميل..

الغالي / ازرق وابيض


ودي اوضح لك طال عمرك نقطة يمكن فهمتها انت على غير معناها الحقيقي وربما التقصير مني في كيفية ايصالها اليك واضحة وهي اني ماهمشت مايسمى بالنثر ابدا فانا اعلم ان له مبدعية وله عشاقة ومتابعية في شتى انحاء العالم العربي 00000000 اللي كنت ابي اوصله لك هو انه ومن وجهة نظر شخصية لايرقى الى منافسة الشعر المقفى والموزون (اي الملتزم ببحر واحد وقافيةفي القصيدة من اول بيت الى نهاية القصيدة وهي مانكتبها الان هنا)

والناس اذواق واتجاهات واللي مايعجبني قد يكون له عشاقة والعكس صحيح

*******

ولمناقشة هذا الموضوع المهم مناقشة وافية وحتى نعم الفائدة الجميع سوف يتم نقل الموضوع الى منتدى (( وجهات نظر نقدية))

وامل منك متابعته وتقبل تحياتي


اخوك / عبدالهادي