يوجد نــــاقه للبيع بسعر مغري
اصلاً انا وجهي وجه نياق :rolleyes: انا وجهي وجه صحاري ومراعي ورد الحاشي وهات البكره tsh1 انا وجهي وجه وحده تعرف للبل سواء كانت مجاهيم او مغاتير او شعل او صفر او حمر او شقح؟؟ بيخطر في بال احدكم اني اعرف احلب ناقه؟؟ اقيد بعير؟؟<<< يمه خففففففت :eek: انا دوروني في ستار اكاديمي اقوووول ياحبي لك يا ابو الهش tsh3 دوروني اتابع الوادي واقوووووول تركي في وادي والطخامه في وادي هو شعره الجاف :D اللي مايعرف المشط الا من عيد ضحيه الى عيد ضحيه tsh2 دوروني في سهول البلقان ولا في ماليزيا على الشواطيء اغري خلق الله بما عندي من مقومات الجمال الفطري<<< ايه هين يالضب :D الموضوع وما فيه اني ابلفت انتباه متعب الخامسي ويجي يفحص الاعلان ويحصلني قدامه ويبتسي من هول الصدمه والمفاجاه ويكون اللقاء بعد الغياب. اللي حطت عنوان بيع ناقه وهي تسذب رفعة اللي ماعندها ولابعروره :cool: |
رد : يوجد نــــاقه للبيع بسعر مغري
ارحبي يارفعه عز الله جريتيني على وجهي وانا مشكلتي خفيف ادنى ماجابني :white:
والله إن توني داخل المنتدى ناوي ارد على بعض المواضيع الجميلة وقريت عنوان الموضوع وجيت مطفي النور :white: بديت اشك إن معك ربع والا وش دراك إن توني داخل النت بكبرة :white: (ربع) ترى معناها جمع جني ترى المقصود مهوب المسدس الربع وليس الجيب الربع ويالله حي الربع :white: لي عودة بعد قراءة الموضوع <<--- كن فيه موضوع :white: |
رد : يوجد نــــاقه للبيع بسعر مغري
تسلم يامتعب تسلم :white: وبانتظار عودتك عسى العود يعترض في حلق حسن ال مسفر<<<< ماله ذنب الضعيف :white: الناقه اللي تجيب الربع مبروكه .........................................يا الله عسى بعير ابن فصام يضربها لي ناقةٍ فوقها شلحه وباروكه ..........................................ناقة مراقص عريباتٍ مناسبها :white: |
رد : يوجد نــــاقه للبيع بسعر مغري
الله يسلمك يابنت هويدي ولاهنتي :white:
وإن شاء الله لاشتريت لي ناقه بسميها رفعه تقديرا لك ولمجهوداتك الجبارة في إحياء التراث الشعبي ولم الشمل ونبذ الفرقه والحرص على الوحدة الوطنيه :white: ولاتدعين على حسن جعل طرادك مايعثر <<-- مدري ليه ذكرت جدتي الله يرحمها :white: سمعتك وانتي تجرين الصوت على نغمات الربابه وجادتي قريحتي بما هو آت :white: ياطيب الابيات لامن جات محبوكه ......................................... في ناقة ٍ طيبها من طيب صاحبها والناقة اللي وبرها تمسكه توكه ......................................... كثر التمدن اشوفه حيل خربها : :white: |
رد : يوجد نــــاقه للبيع بسعر مغري
يالله انك تصبحهم بالخير .........
وش لونك يارفعه ........؟ جعل الله يرفع عدوك فوق هام السحب ويخبط به في القاع tsh4 (( القاع = الارض )) tsh4 يازين موضوعك زيناه tsh4 رفعه عز الله انتس حريصتن دايم على الامور الشعبيه وعلى القصائد الشعبيه والمنتديات الشعبيه والقريه الشعبيه tsh4 طراه الابل ........ مدام متعب سبقني وبيسمي الناقه عليك اجل انا بروح اشتري للناقه هذي جميع ادوات الزينه والمكياج من شربات وفنايل وغطوه و شيله ........الخ تقديراً مني للناقه الي سميناها عليتس tsh4 الناقه الي تجيب الربع مبروكه ,,,,,,,,,,, يالله عسى بعير ابن فصام يضربها خخخخخخخخخخخخخخخخخخخخخخخخخخخخخخ لي عوده tsh4 |
رد : يوجد نــــاقه للبيع بسعر مغري
إقتباس:
ياحبي لك وانت ماتدري ياخي حس فيني tsh3 لي ناقةٍ تبلع الفشفاش وتلوكه .........................................وان كان درّت توّسع صدر حالبها وادنى بعيرٍ تشوفه تدمر سلوكه ........................................يالعنبا ناقتي ياشيخ ما اطيبها |
رد : يوجد نــــاقه للبيع بسعر مغري
قريت يمكن خمسة طعشر مره بعد المائتين
مافهمت شي :confused: بس جنها هوشه كايده وغبره وشماغ طاير هنيه وعقال طايح |
رد : يوجد نــــاقه للبيع بسعر مغري
<<----- داخل وهو يومي بسبحته يمينا وشمالا :white:
رفعه لا تقولين ياحبي لك حبتك العافيه مابي اخسر هديان :white: فكوهااااااااا خلوهااااااااا لحد يمسكهاا :white: نيتك ناقه ورى الاضلاع مشبوكه ......................................... والناقه الطيبه مكسب لـ جالبها بيض الدجاجة يارفعه صار شكشوكه :white: ......................................... والناس في هالزمن كثرة مصايبها لمى السالفه وانا اخوج مافيها هواش الله يهديج ويخليج لعينن ترجيج السالفه إني ناوي ادخل المزاين السنه هذي ولقيت ناقه طيبه وجيت اشتريها :white: المهم حاولين ماتقرين مثل ذا المواضيع الداجه واستفيدي من وقتك :white: |
رد : يوجد نــــاقه للبيع بسعر مغري
إقتباس:
انا شكلي بصادقتس tsh4 تابعينا الى الحلقه الاخيره ترى فيها اطلاق نار :D |
رد : يوجد نــــاقه للبيع بسعر مغري
سلطااااااااان ارحب ثم ارحب انته اخو متعب ؟ ياليت قلبي طابقين انزل متعب في الارضي وانت في العلوي :white: بس المشكله ان قلبي واحد واستحوذ عليه متعب tsh3 <<< والله من الصبابه اللي لعبت فيه :white: سلطان احبك بس ترى حبي ماراح يتطور معك الى امور ثانيه لان متعب سبقك على الرقم الشاغر :white: اللي تحب الخماسا اخوان رفعة اللي كل شوي عاشقة واحد :white: |
رد : يوجد نــــاقه للبيع بسعر مغري
تم تعديل الرد
والسبب لنزوله دون علمي علمي والا ادبي <<--- ياشين البثارة :white: كله من صورة لمى :white: |
رد : يوجد نــــاقه للبيع بسعر مغري
متعب افتح عيونك زين ياقلبي tsh3 <<< دام ان الحب عذري ماعليش نحط ها الايقونه والكلام السابق لها :D رحبت بسلطان وخفت استرسل معه في الكلام تذبح اخوك بسببي بدافع الغيره :D سلطاااااااااان انا احبك بس مووووووب قووووووووووه زي متعب :rolleyes: |
رد : يوجد نــــاقه للبيع بسعر مغري
رفعه اخجلتي كلماتي حتى جعلتي حروف الهجاء في حالة بكاء لعجزها عن التعبير ومدى التقدير الذي تحضين به
مني ومن اخي ومن الربع والجماعه القريبين والبعيدين :white: تحيات متعب اللي يحاول كبح جماح مشاعره الجياشه :white: |
رد : يوجد نــــاقه للبيع بسعر مغري
متعب سلم لي على الجماعه صغيرهم وكبيرهم ولازم يسيرون علانا بس لا تلزم :white: ومن ناحية مشاعرك اكبتها لين الله يفرجها لان الوضع ما يطمن tsh9 كان معك جمس 79 عبارتين وودك تمرني وتوعدني انك ما تهج فيني وصفت لك بيتنا :rolleyes: |
رد : يوجد نــــاقه للبيع بسعر مغري
إقتباس:
عسى ناقتنا الربيع :white: لو امدح الملعقه هازتني الشوكه .......................................عاين بني عبس وش سوت مضاربها الببسي اللي يخلطونه على الكوكه .....................................لو اعجب القوم ما دسم شواربها |
الوقت المعتمد في المنتدى بتوقيت جرينتش +4.
الوقت الان » 07:35. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع