يا طير يا طير يا طير السعد ياللي ترف الجناح = لا واهنيك ليا ضاقت عليك الارض خليتها
وان رحت وان جيت ياطير السعد تسبق هبوب الرياح = واظن ما فيه ديره فوق وجه الارض ما جيتها
مانته بمثلي تجي وتروح ما يصعب عليك المراح = لكن ياليت جنحانك معي يا طير ياليتها
كله على شان ازور اللي رماني بالعنا واستراح = اللي على شانه الاقدام عنتني وعنيتها
في ماضي الايام اشوفه قدم عيني في المسا والصباح = واليوم حتى العلوم اللي تجيني عنه ما اوحيتها
وليا نشدت العرب ماحد يعلمني عنه وين راح = واتعبت نفسي وبالنشده كثير الناس بذيتها
لا ووجودي على شوفتك مره ياظبي البراح = ياللي على شانك العبره على الخدين هليتها
يابو عيون هدبها يزرق العشاق زرق الرماح = ذبحت روحي على كفك برمش العين واحييتها

سعود الخويطري

يعطيك العافيه على
هالاختيار الرائع والكلمات الجزله
وصح لسان الشاعر


ودمت بخير

.







الأخ العزيز / سعود الخويطري ..



اختيار رائع لشاعر رائع / مبدع



سواء بالنظم او بالمحاوره ..



وكان اختيارك لهذهِ القصيده قمة الذوق ..



يا كم تغنى عليها هواة ذلك الطاروق لجمالها ولـِ لحنها الجميل ..



صح لسان الشاعر حبيّب العازمي و سلمت يداك على النقل يا سعود ..



شكراً لك وتقبل تحياتي ...






اخوك احمد بن ديهان .








.