|
مساءات ..!
, وتغيب .. يستوطنك حزنٍ غريب , وتنسى كلّ شي حتّى الأماني وتنساني ! |
رد : مساءات ..!
, تصدقين ان الفرح مايوم بعدك زارني ! وان الدّموع .. اللي فـ ملامح خاطري ذابت شموع ! وان الأماني بعد " شوفك " غادرتني .. لِـ : الخريف ! وتصدّقين ان السّوالف قاطعتني للغروب وان الدّروب .. ماهي دروب ! وتصدّقين انّي نسيت .. " انّي نسيت " !!! وانّي بكيت , لامن تذكّرتك .. غفيت ! وتصدّقين ان المسافة بيننا .. باب وغدير واسرار في السكّة تسير ! وان الحنان اللي يغرّد فوق روحك .. هو حناني .. والأماني .. هي ثواني " والثّواني شوفتك , تصدّقين !! |
مساءات ..!
, أغنية الأماكن .. سمعتها الين ملّيت .. وقالت لي ملّيت .. ودّي بأحد غيرك ! بس اوقات .. " ياخذنا الحكي .. " اوقات .. لمن اكون واقف بالإشارة , او أمشي على رصيف بآخر الليل وتمر سيارة , أو توقف .. دايماً اسمع هذا المقطع : .... جيت قبل العطر يبرد قبل حتى يذوب في صمتي .. الكلام ... واحتريتك ! جيت قبل العطر يبرد !! واحتريتك ! واسأل نفسي , قبل العطر يبرد ! انا إذا جيت اشتري عطر , ألاحظ انّ البائع يرشّ شوي ع المنديل .. وبسرعه يحركه , عشان يبرد العطر , يعني معقول أسرع من كذا .. جيت !! أتذكّر .. واعدتني في ليلة .. وقالت إذا الضّيوف جلسوا للعشا .. بطلع اشوفك وجلسوا الضيوف , وقاموا .. وسروا .. ولا طلعت عشان تشوفني يمكن نست ! بس للأمانه .. أنا جيت .. قبل العطر يبرد .. واحتريتك !! يسعد مسائكم , ومسائها .. وين ما كانت |
مساءات ..!
, سفر ليل .. ما ينتهي فـ عيونك الليل ولا ينتهي دربٍ يدلّك . لو خنتني .. حيل ! بتبع خُطاك .. وبستظلّك برفض لقا غيرك .. ولو غبت كلّك ! الرحيل .. الشيء الوحيد الّذي أشعر بأنّهُ ضدّ الإنسانيّة ! ضدّ الحب .. ضدّ الحياة .. ضدّ الأمل .. الشيء الوحيد الّذي يزرع في قلبي الرعب , والموت , والبكاء . الشيء الوحيد الّذي لا حلّ له ! الشيء الوحيد الّذي يجعل الإنسان للحظةٍ ما .. لا قيمة له ! |
مساءات ..!
, / \ هل كُنتُ أناديكِ .. تعالي ؟ كَيْ أَقْرَأُنِيْ فِيِكَ دَوَاويِنَاً .. أوْ قَدَرَاً يتَشَبّثُ بِالْفَجْرِ الْقَادِمْ .. مِنْ شَفَتَيْكِ ؟ |
مساءات ..!
, كانو هناك .. اثنينهم .. ذايبين غابو عن عيوني .. سنين ولمّا سألت الأرصفه .. وينهم ..؟! قالت بكوا ! شفت الغرق فـ عيونهم وما عاد بعده شفتهم !! |
رد : مساءات ..!
سرحان
دعني بين حنايا القلم / والحبر لأتوسد الحرف ذراعاً كنت هنا ارتشف من زلال حرفك العذب سأعود حتماً كن بخير |
رد : مساءات ..!
[ لا أحَد يُغَنّيْ ! ] إنّني أبحثُ عنْ حَقلٍ يسعُنيْ , يسَعُكُمْ , يسَعُ الأرْضْ , هَلْ تَعوُنَ ذلِكْ ؟! مُنذُ غابَتِ الشّمْسْ , لَمْ يَأتِ هَذَا الفَجْرْ , إنّ الظّلامَ لا يَسْمَحُ لِلفَجْرْ بِالْقُدوُمْ . ولا يَسمَحُ لِلحَقلْ أنْ يَتَنفّسْ . * هَلْ هُنَاكَ مُتّسعٌ لِلْفَراشَاتْ .. ؟! إنّ الهَوَاءْ لَيْسَ ليْ , لَيسَ للأرْضْ , كَيْفَ أتنَفّسْ .. وَأَنَا أتَنَفّسْ ؟؟!! .......... أظُنّ أنّنيْ قادِمْ ! إنّهُ أَنَا , ولَكِنْ أَيْنَ مَلامِحيْ ؟ أيْنَ الْحُقوُلِ الّتِيْ كَانَتْ خَلْفِيْ ؟ سأَحبوُا .. لأقْتَرِبَ أكْثَر مِنَ الأرْضْ ! إنّنيْ أقْتَرِبْ , إنّ الأرْضَ لا تُريِدنيْ أنْ أبتَعِدْ ! أَيْنَ صَوتِيْ ؟! لَقَدِ امْتَدّ فِيْ وَطَنِ الْضّوْءْ . لَقَدْ سَافَرَ وتَرَكَ لِيْ كُلّ المَسَاءَاتْ الْخَاليَةْ ! أيْنَ وَجْهُ أبِيْ ؟! هُنَاكْ .. يوًبّخُنيْ دَومَاً . لِمَاذَا ؟! |
رد : مساءات ..!
, تماماً .. كما لو أنّ أحَدهم قال لي ( دعنا نذهب بعيداً ) ! ولم يتبادر بذهني أن أسأل .. هل هُناك فعلاً مكان يُدعى ( بعيداً ) ؟! كما لو أنّ أحدهم رمقني بنظرة .. وفيها ألف سؤالٍ مُكرّر : أينها ؟! ولَمْ أكُن أملكُ إجابةً واضحةْ .. أضعُ يدَيّ في جيبي .. وأركُلُ ذاتي أمامي .. على هذا الطريقِ الطّويلْ ! تماماً .. كما أرى ! لستُ أرى !!!!! كيفَ أعبرُني إلَيْها ؟ وأنا الّذي أقف بيني وبينها ..! |
مساءات ..!
, سافرت ,, ردّت سلام , للشّوارع والمباني , وانا واقف ..بحيرتي ..ما ناظرت ! ما ودّعتني ,, للغياب ما كلّمتني .. لعيونها الليل الحزين .. ابواب لمّا سَرَتْ .. ولقلبها .. همسة عتاب لو ما دَرَتْ .. احترقت البارحه .. قبل الوداع واقفيت .. حبيبتي .. ياللي من اشواقي خذيت ياللي عشان آودّعك .. كلّي بكيت وحدي , يتيم اصحاب بوقف على شفاه البحر .. بحمّله , ضيقة دَهَر .. حبيبتي , لو كلّ شي فيني يموت ما ماتت اللحظه معاك ولا نسيت ,, |
رد : مساءات ..!
|
رد : مساءات ..!
لا أريد المقاطعه ولكني كنت هنا كثيرا ً يا سرحان :) وسأكون tsh6 |
رد : مساءات ..!
, انتي ياللي ترسميني .. " قلب " في أوّل يناير .. مادريتي عن غيابي .. ولا دريتي عن حضوري .. ولا دريتي عن دموعي اللي تسافر .. كلّ ليلة خلف شبّاك السهر .. خلف الستاير ! هو أنا أوّل يناير ؟! أوّل احزان السّنه ..؟! يا حلوتي : رغم الشّهور اللي تمرّ .. ورغم العمر باقي العنا ..! وباقي ملامح صورتي .. ما تنمحي ! ولو تسمحي .. يا حلوتي : يا أحلى أشيائي الجميله اكتشفت انّ الغياب ألوان من : عصفور سافر في سبيله ! يا " طفلتي " يـ : اللي تغنّيني " تعب " وأشياء مرسومه بعتب .. لا ترسميني طيف عابر.. ولا ترسميني ظِلّ .. لا غابت الشّمس " انتهى " !! وان زادت اشواقي بقى .. ارسميني مثل غيمه .. تمطر بأوّل يناير ! ارسميني مثل زهرة ياسمين : تعلّقت وسط الضّفاير .. ارسميني |
مساءات ..!
, رجعت اشتاق .. وطعم الفرقا يحرقني .. وآه منّي .. ومِـ : الأشواق ! ودّي .. أبات الليله في عينك رغم بعدك .. عسى الدنيا تقرّبنا .. أنا أشتاق .. أنا أشتاق .. غفى طرفي .. تكدّر ليلي اليائس .. من اصحابي .. ونور الليل يالبائس ! وحزني .. أغلبه عانس !!! تغرّد فوقي احزاني .. وأتلعثم ,, حناني .. بحر يهرب .. بعيد .. وشطّك الحرمان .. لا تقسى .. وانا بنسى .. وبتمنّى .. عسى الذكرى تلمّ اثنين .. تاهو في الحنين .. سنين ! |
مساءات ..!
, قالت ابعد ! لا تأخّر .. " دربك اخضر " يالله روووح ! خذ معك باقي رسايلك لعيوني .. وكلّ أشواقك .. وعطفك .. وانتمائك لي .. وروح !! روح .. للطّريق اللي يودّي .. للنّحيب ! للدّموع اللي بكت ليله .. عليك لكلّ من فارق حبيب ! روح .. لا تأخّر .. " دربك اخضر " يالله روووح ! تحرّر منْ بقائي في حياتك .. من مطر خوفي عليك , من شبابيك السّهر .. وانا احتريك !! بس .. حاول .. ما تذكّر .. لهفتي / خوفي / انتظاري .. ولا تذكّرت انّي بشتاق لعيونك لا تكدّر !! انسى .. وارسم أحلامك طريق .. والمحطّات انتظاري !! ( وانتبه لا تلتفت .. لانّ لوانت التفتّ .. بتشوفني أمشي وراك !! ) أو أظلّل لك دروبك باشتياقي .. وامسح ارهاقك .. واجيك ! روح .. لا تأخّر .. " دربك اخضر " يالله روووح ! وقّت السّاعه على نبضي .. وغادر .. انسى عندي , حلم باكر ,, واوعدك .. لامن وصلت اوّل محطّه .. وشفتني انا وقلبي وارتباكي وحلم باكر نحتريك !! لا تأثّر !! سوّ نفسك .. ما نتبهت ولا تفكّر .. لا تأخّر .. " دربك اخضر " يالله روووح ! |
| الوقت المعتمد في المنتدى بتوقيت جرينتش +4.
الوقت الان » 21:27. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع