(((خــــوّانة ))))
طاريك ذا الليل في ذمتك وش جابه وانا سليت (القزح والقوس ) والوانه يامستبيح الدحيمي ويش تبغى به شاعر / منتّف / بسيط .. ويعشق احزانه وش تستفيد بشقاه وحرقة اعصابة الحزن ربّع بتنهاته وصمّانه من صغر سنه وقبل تكمّل انيابه لاضاق صدره يشلّ الصوت ( يادانه ) يوم اجمل الحب طفلٍ ضحكوا اصحابه - -عليه.. يومن سرى يشري لك ( لبانه) ياعشقي الصادق اللي ضعت باسبابه يوم اعذب الشعر مات الصدق بلسانه مهبول من يحسب الايام تتشابه والوقت يومٍ سعد ..وسنين ديّانه احلام كذّابة و60 كذابة مليت من العشق من زوره وبهتانه هيّه كذا .. عادة الأقدار غلاّبه هيّه كذا ياسمو الشعر والحانه احدٍ يحس بخيانة .. لاوفا احبابه واحدٍ ذبحه الوفاء .. في حب خوّانه |
رد : (((خــــوّانة ))))
الله عليك استاذ وكبير دائما في حضورك
حقيقة اسلوب اخاذ لايجيده الا محمد الدحيمي وختام القصيدة جمال لوحده شكرا على الكم الهائل من الجمال .. مودتي |
رد : (((خــــوّانة ))))
وعلى المقيمين خارج مدينة الإبداع مراعاة كل الفوارق ..
لافُض فوك .. |
رد : (((خــــوّانة ))))
شاعرنا المبدع
محمد الدحيمي صح السانك على هذا النص الأكثر من رائع |
رد : (((خــــوّانة ))))
الله اكبر
وللشعر هنا عالم آخر صح لساااانك يابوخالد |
رد : (((خــــوّانة ))))
صح لسانك وعلا شانك
دمت بالف خير |
رد : (((خــــوّانة ))))
مجرم
وحق من فلق هذا الصباح ونور على نور |
رد : (((خــــوّانة ))))
على راسي كلكم يا أحبّة لي عودة بإذن الله تليق بكم فرداً فردا |
رد : (((خــــوّانة ))))
هذا شعر..
هذا سحر.. من يقول هذا .... غير الدحيمي... |
رد : (((خــــوّانة ))))
احلام كذّابة و60 كذابة مليت من العشق من زوره وبهتانه هيّه كذا .. عادة الأقدار غلاّبه هيّه كذا ياسمو الشعر والحانه احدٍ يحس بخيانة .. لاوفا احبابه واحدٍ ذبحه الوفاء .. في حب خوّانه لله درك أبو خالد أستاذ أتعلم من كل نص أقرأه لك تقبل خالص الود |
رد : (((خــــوّانة ))))
صح لسانك يالدحيمي
للابداع مصادر وانت احد مصادره قصيده اجدت في صياغتها كعادتك في جميع قصائدك فبصمتك واضحه جميل بكل حالاتك تقديري |
رد : (((خــــوّانة ))))
متفرد
في كل يوما ومميز عن ما سبقه لله درك ايه البحر المغرق ب اريحيته |
رد : (((خــــوّانة ))))
احدٍ يحس بخيانة .. لاوفا احبابه
واحدٍ ذبحه الوفاء .. في حب خوّانه صح الله لسانك جميل ما ابدعت و سطرت شجن عذب |
الوقت المعتمد في المنتدى بتوقيت جرينتش +4.
الوقت الان » 07:47. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع