الجيل القديم
مساكم ورد ياهل المحاورة ما عندنا القدرة على الاحتراف ولكن عندنا الرغبة بالمشاركة فقط
يامرحبا ترحيبة جتكم من الجيل القديم = ترحيبة ريح الندى لم العموم يسوقها يا صاحبي خربوش ُدوجْ من البدعية للنسيم = عطني سواليف الرجال ووش لقيت فروقها؟ |
رد : الجيل القديم
خذ الرد طال عمرك وعسى يعجبك
بقيت ياراعي الوفاء والطيب والقلب السليم ****اثرك تدوِِِّر للعلوم اللي لزوم انقولها انا افتهمها طايره وانت الذكي منت الغشيم ****خل البضاعه البايره ماخذتهامن سوقها |
رد : الجيل القديم
ارحب يا راعي غنم وياهلا ومسهلا وابرك الحزّات وابو زرفيل حقه فالبايت مهوب فالفايت استلم الله يعطيك العافية ماكان قصدي وارد الالفين والله العظيم ...................................ودي بها تحت العسل والا العسل من فوقها لاشفت براق الحيا شديت والمعطي كريم ....................................... مانيب ياراعي غنم مع كل درب احوقها |
رد : الجيل القديم
استلم لاهنت :
دقه قديمه والقديمه ماتناسب للفهيم****راعي الغنم هذي علومه واستمع منطوقها انا مضيت امسي من الحاره وقابلت اليتيم**** وعزمت اقرّب له تمورالمزرعه بعذوقها |
رد : الجيل القديم
استلم طال عمرك من الدقه القديمة بالله قلّي وش بلاك اتحط رجلك فالجحيم ؟ ............................... والسالفة مالوحت لك يالحبيب بروقها !!! ليت القصيمي ماشقى وارتاح في وسط القصيم .............................. اخير له من طرقةٍ ما أدّى جميع حقوقها |
رد : الجيل القديم
استلم وانا رفيقك من ذا يكمل الحقوق:
دامي صحيح ولاوهنّ يا صاحبي مني عظيم****ديره تناسبني عزمت اسلك جميع اطروقها ذا ما يغامر ما يجيب الفايده يبقى سقيم**** والشجره اللّي طيبه تقدر تظلّّّّّّّّّّ اعروقهـــا |
رد : الجيل القديم
زانت علومك يالغالي استلم لا هنت منتب عدوٍ مستشر ولا صديقٍ لي حميم ................................. والعين اشوف الكحل الاسود مايزيّن موقها غامر عسى مكسبك ماهيب المسنّة والهليم ................................. يالبندق اللي جوفها عبرود سبب عوقها |
رد : الجيل القديم
سلمت يالنشمي واستلم:
حناهل الجزلات والهزلات ماهي لي قسيم نهارتصبح بنت بقعا نافخه في بوقها ماينشب العبرودوالبارودتسمع له زكيم لكنّ كم شفنا رجال(ن) ناشبه بحلوقها (ن) هذي النون ترمز للتنوين |
رد : الجيل القديم
استلم يا طويل العمر
المدح هين دام ما نعرف جهينة من تميم = يالبدرة اللي ينضح الما من وساع شقوقها سرحت اعسس للربيع وشفت لي مرعى ٍ وخيم = وانا هوايه روضةٍ يشوقني زملوقها |
رد : الجيل القديم
استلم لا هنت:
في بنغلادش ما عرفنا وش نسبهم يالوسيم***حتى القبايل ما عرفنا شكل موسم نوقها لاتلتفت وتحيد وانت الدرب قبلك مستقيم*** تبقى المثايل لهلها ما هي معا مطفوقها |
رد : الجيل القديم
الله عليييكم .. محاوره جاااامده // جااامده .. متابع معاكم من البدايه .. تسلم ياابو نوت .. مبطين والله عنك هنا ;) راعي غنم .. ماشالله عليك .. ماقصرت والله واصلوا . |
رد : الجيل القديم
.
يا قلبي ويني عنكم أنا بس .. !! اللييييييييييييييل .. واصلوا يالربع وأنا متاعبع وماسك ٍ صف خالي بونوت ولا يهون راعي الغنم .. شعاااار كبااااار وربي .. . |
رد : الجيل القديم
ياهلا يانواف وياهلا ياعبد الله متابعتكم شرف الله يسلمكم عسانا نكسب رضاكم وحياكم تحياتي لكم |
رد : الجيل القديم
استلم طال عمرك يا غالي وانا سعيد بلعبي معك صحيح هرجك جعل من جابك لجنات النعيم ..................................... اخذ الهديّة يا وسيع العرف في صندوقها وان طعتني هوّد ولا يلعب بك ابليس الرجيم .................................... يالحيّة اللي مالها نيبان وسط شدوقـــها |
رد : الجيل القديم
شكرا اخي نواف وعبدالله على مروركم على المحاوره
وتعيش يا صاحبي واستلم لاهنت: ان كان ودّك بالسهاله فالسهاله للحكيم*** مانتبع الشيطان مير الحرب زايد شوقها لاتحسبون النمريتكاودمن العود اللّحيم*** حمر الدماءفي مخلبه والناب عاشق ذوقها |
رد : الجيل القديم
عاشوا الكبار :)
واصـــــــلوا وازهلوا الصفوف ابونوت عندك اياااااه لاتفكه لين يعطينا ذبيحتين للثــــــــلاجه ههههههههه الله لايهينكم يارب لايوقف :) |
رد : الجيل القديم
ياسلام الله عليكم
يـ ابونوت و راعي غنم :) وصلوا وازهلوااا الصفوف يالنشاما وانا بصفك ياراعي غنم ولاقصور بـ ابونوت وصلوااااا |
رد : الجيل القديم
إقتباس:
وابشر باللي تبي بس جهز الثلاجة :white: وانا ما مسكت راعي غنم وانا ابي افكه :55: |
رد : الجيل القديم
إقتباس:
هلا باخوي سعود وابركها من حزة اللي جابتك وامسك اللي يعجبك معي والا معه ما تفرق |
رد : الجيل القديم
ياسلاام على الجيل القديم ياسلام وفاتتني لكن عوضها عند شايبنا جعل يطول عمره محاوره قويه جدا وانا بانتظار اقوى منها يابونوت تحيااااتي لشعارنا اللي بغى يروح وديور خربوش ابوزرفيل :white: |
رد : الجيل القديم
إقتباس:
ارحب ياخربوش ارحب من طول الغيبات جاب الغنايم ياهلا وين طميران والا ماجد نايف يذبوحون الذبايح يا هلا ابشر بالفوالة والضيافة وراها خلك على ديورتك يوم ديورت :white: ارحب ارحب والله اني فرح فيك اللي تبيه ابشر به اروح اجر ماجد نايف باذنه ويلعب معك وانا العب معك اخوك صالح |
رد : الجيل القديم
استلم يا راعي غنم مدام تبغي حربنا حطيت لك فالنار سيم ............................... كوية غلى من صاحبك وارجي عساك تطوقها الارض عجت فالسباع ان طعت شوري لا تقيم ............................................ يجيك ذيبٍ لا لقى وقم الرباع يبوقها |
رد : الجيل القديم
من الأعماق اشكر من مر على محاورتنا . ومرورهم محفز كبير لنا.
استلم يابونوت عساك دايم على القوة: الطبل فارغ مير صوته لنّضرب يصبح فديم والشمس بالغربال ماواحد يعيق اشروقها ااانا احتزم بييييدي وغيري حزّموه اهل الحزيم واللّي لعب بالنّار مانامن عليه احرووووووقهـا |
رد : الجيل القديم
حيّه وحي ماجاب استلم طال عمرك انته معك كبدٍ مثل كبد البعير ........ المستهيم ............................ من ثقلها وشلون يصبر ما انقطع معلوقها ؟ ارق الجبل خلّك على روس الحصا... لا تستريم ............................... ما دام عينك وسعها كلّه سبايب ضوقها |
رد : الجيل القديم
طول الله بقاك واستلم لاهنت :
أبيارنا تنضح ولي فالمزرعه موز(ن) وليم يالرّقعه اللّي ماقدرت أحصي جميع اخروقها مادام ماحطّيت كفك في شحم مالي دسيم على ايش تمسحها وبطراف اللّسان اتلوقها |
رد : الجيل القديم
بيض الله وجهك يا راعي غنم والصراحة استفدت من محاورتي معك الكثير والكثير شكرا جزيلا ولا هنت يالطيّب والعذر والسموحة عن كل كلمة تجاوزت معك فيها تراها مزوح تجي وتروح واستر ما واجهت طال عمرك اخوك ابونوت |
رد : الجيل القديم
أشهد بالله انها محاوره اللي خلت خربوش يديور .. تسلم والله ياابو نوت وتسلم ياراعي غنم .. امتعتونا بمحاوره جاامده بكل معنى الكلمه .. خربوش .. تكفى خلك على ديورتك ياحيي .. والله لو بيدي هاللحين يوم انك ديورت لافصل الريوس :white: علشان خلاص ماعاد تروح . |
رد : الجيل القديم
يا مرحبا يا نواف والساعة المباركة
مرورك شرف وطلبك نحيله للسيد خربوش وان شاء الله يلبيه للجميع تحياتي وتقديري اخوك ابونوت |
رد : الجيل القديم
[QUOTE=ابونوت]
بيض الله وجهك يا راعي غنم والصراحة استفدت من محاورتي معك الكثير والكثير شكرا جزيلا ولا هنت يالطيّب والعذر والسموحة عن كل كلمة تجاوزت معك فيها تراها مزوح تجي وتروح واستر ما واجهت طال عمرك اخوك ابونوت انا كلي فخر واعتزاز بالمحاوره معك واشكرك من الاعماق يالغالي وسامحنا احب اشكر كل من مر على المحاوره الى اللقاء في محاوره اخرى |
رد : الجيل القديم
الشاعرين العزيزين :
أبـــونـــوت راعي الـغنم أسعدتمونا وأتحفتمونا بابداعكم الرائع والحقيقه ..ماقصرتوا ..تركتوا لنا هــنا بصمه شعريه جزله وقيمه أزدانت بها شعبيات المحاوره ... ونتمنى أن تكررونها مرةً أخرى .. فلكم مني كل الشكر والتقدير ووافر التحيه والاحترام .. ودمتم لنا في تألق وشعـر .. |
رد : الجيل القديم
هلا اخوي سعيد ولنا الشرف بمتابعتك تحياتي لك اخوك |
رد : الجيل القديم
تميزتوا
شكرا لكم |
الوقت المعتمد في المنتدى بتوقيت جرينتش +4.
الوقت الان » 07:48. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع