|
.. قصائد في الذائقه / الذاكره ..!!
. الجميل من الشعر يظل يُطرب ولا يُمَّل من تكرار قراءته وترديده .. فبعض القصائد تعجبنا جدا لكنها تأخذ وقتها ولاتأخذ وقت غيرها فننساها بعد حين .. وفي المقابل نجد بعض القصائد راسخه بالذاكره ولانستطيع نسيانها ولانمل من ترديدها .. هي التي تأخذ وقتها ووقت غيرها فحينما نقرأها نجد نفس الروح ونفس الدهشه عند أول قراءه .. هنا سأضع بعض من ما التصق بذاكرتي ... لننصف الشعر الجميل الذي التصق بذائقتنا / ذاكرتنا .. لكم هذا المكان.. رددوا ماأعجبكم .. فالجميل يظل يطرب ولايمل من تكرار ترديده وقراءته الكـــــــرز الكرز واحد وعشرين حبه ................ رفرف الغصن واورق عندليبه افتحوا للشبابيك المحبه ................ واصدحوا بالهلاهيل الرطيبه غافل الشمع في عيده تنبه ................. راح ياخذ من الظلما نصيبه طفل من عادته يكسر العبّه ................ وش عليه ان كسر خاطر حبيبه سنة ٍ من سننه المستحبه .................... يترك قلوب عشاقه عطيبه ضاع من قال انا ضايع بحبه .....................والله ان الدلاله ضيعتي به قبلة الله عليه شلون ربه .....................خالق مبيسمه يوم يحكي به لو مكنته تغافلته بحبه ......................بس هو شايف ٍ فالامر ريبه مااحسن الظن في ريح ٍ تهبه ................. يحسن الظن في مثلي .. مصيبه المسبه به الطرف المسبه ..................... ماسوى طرفه الساهي يعيبه عجزت امرايته فيه اتشبه ........................ حاولت فيه ماقدرت تجيبه بعد هذا وش اللي ينكتب به ........................قبل هذا وش اللي ينقري به منبع النهر والنهر ومصبه .........................مشرق النور والنور ومغيبه ان بغى يسلب الرمان لبه ...................... وان بغى صابت النعناع خيبه وان حلى اللعب والميدان طبه .........................تصطفق تقل ناهبها نهيبه ياهل العرف ماقبله يجبه .................... كيف اجل بالحشى مركي صليبه الكرز واحد ومليون حبه ........................ من هنا لين سكره وحليبه فهد عافت . . . كلك غـلا كلك تعالي غلا ... والاارجعي كلك ..................بـعض الـغلا منك مايستاهل الجيه طـالت وانا في رجا ليتك..وياعلك ..................أوراق بـالذاكره ..واوراق مـنسيه مـابل ثـوبك مـطر شوقي ولابلك ...................لـوعلتك من سحاب الروح وسميه لـيه امشي الدرب دامه مايوصل لك ..................تـخاف رمضا الضياع اقدام رجليه يـابنت تو الهوى ماصرت انا خلك ..................لـلحين .. مازالت الصوره رماديه ومازال بغض الغموض الشره يحتلك ..................وشلون انا اعشقك واحبك على النيه اشـوفك هـناك قـدامي .. ولاادلك ....................صـعب الكتابه ليا صار الورق ميه إن كان شمسك تساومني على ضلك .....................مـاعاد ابي منك لا شمس .. ولافيه امـا تـعالي لـقلبٍ .. فز لك كلك ....................والا اتركيني ما ابي لك بالهوى جيه مساعد الرشيدي لي عوده :) . |
رد : .. قصائد في الذائقه / الذاكره ..!!
طفل من عادته يكسر العبّه ................ وش عليه ان كسر خاطر حبيبه سنة ٍ من سننه المستحبه .................... يترك قلوب عشاقه عطيبه إن كان شمسك تساومني على ضلك .....................مـاعاد ابي منك لا شمس .. ولافيه امـا تـعالي لـقلبٍ .. فز لك كلك ....................والا اتركيني ما ابي لك بالهوى جيه الله عليك يانواف قصائد رائعه واختيارات أروع تسلم على سمو الذائقه لك كل موده واحترام |
رد : .. قصائد في الذائقه / الذاكره ..!!
حي الشمري وحي ماجااااب
مرحبا بك مليون يانواف ومبطين ماشفناك والله :( ذائقه رائعه وخصوصا اذا كانت قصيد لـ فهد عافت و مساعد الرشيدي صح الله لسانك ولسانهم وولاهنت مليون , وونتظرك دائما سلامي الخويطري |
رد : .. قصائد في الذائقه / الذاكره ..!!
نواف الشمري...
فكره رائعه جدا... نعم كثير من القصائد تبقى في الذاكره.. و جميل ان نحاول جمعها في متصفح واحد.. ............................................ لو مكنته تغافلته بحبه ......................بس هو شايف ٍ فالامر ريبه مااحسن الظن في ريح ٍ تهبه ................. يحسن الظن في مثلي .. مصيبه عجزت امرايته فيه اتشبه ........................ حاولت فيه ماقدرت تجيبه آن للجنون ان يتقاضى من فهد عافت...؟؟؟!! |
رد : .. قصائد في الذائقه / الذاكره ..!!
نوره العجمي .. شكرا لمرورك الجميل .. والمكان لايزال ملكا للذاكره / الذائقه الخويطري هلابك ياسعود .. شرفتني بتواجدك ياغالي .. لاعدمتك ولا عدمت طيبك .. محمد نورت المكان ياابوعبدالله .. شكرا لك ولتواجدك .. لايزال المكان لكم.. وبانتظاركم . |
رد : .. قصائد في الذائقه / الذاكره ..!!
.
طـّول حديـث الصمـت والخـوف طـّول .................والحـلم ضـايـق منـه عنـق الزجاجـه يـا هـاجـس بيـن النـواظـر تـجـّول ...................مـا كـل درب مـدخلـه هـو خـراجـه اللـي علـى لســانـه وفـكـره يقـول ..................ما هـوب مثـل اللـي حكيمـه مـزاجـه تعـبـت فـي بـاب القـصيـد أتـسـّول ...................فكـره وينهـض فـي تعالـي احجـاجـه لا قـادر ارقــى لـه ولا يـوم حـّـول ....................كنـه لبـس مليـون ريــح وعجـاجـه ذقـت الظــما يـا معـاتبـي لا تـهـّول ....................لـذة شفـاهـي يـوم عـانـد همـاجـه كنت أول أجمـل وانـت كنـت أجـمـل أول ...................أول والأول زيـن فــي كــل حـاجـه سليمان المانع |
رد : .. قصائد في الذائقه / الذاكره ..!!
حي الله نواف . موضوع جدا جميل وفكرة رائعة تشكر عليها يانواف لنجعل هذا المتصفح ديوان لذائقتنا ونضع فيه اجمل القصائد الملتصقة بالذاكرة / الذائقة وانا بدوري اضع هذه الفاتنة للشاعر سعود بن بندر رحمه الله . . لا يصيبك شك مني في غلاك ....... يامغلّي عيشـــة ايام العمــــر لا يهمك من حكى هذا وذاك ....... ولا يصيبك يابعد عمري كدر منوة العذال يسعون الهلاك ......... حبّنا اللي توّة بعمر الزهر لو يشوفك من عذلني في هواك ......... مثل ما اشوفك عذرني واعتذر واعترف انك على وصفي ملاك .......... وان عندي يوم حبيتك نظر واجد اهل الزين لكن في بهاك .......... الجمال بكل معنى مختصر خالقك سبحانه اختار وعطاك .......... كل كامل من تواصيف البشر وكان حور العين تشبهك بحلاك .......... هنّي لأهل الخير في يوم الحشر . . شكرا لك يانواف الشمري |
. كم أحبـــــك .. ! شاعر / ذائقــــــــــة .. ساكون متابع جدا ً .. لبقيــــة سرديات الذاكـــــرة .. ! . |
رد : .. قصائد في الذائقه / الذاكره ..!!
نواف شكرا لكرمك شكرا لذائقتك افكارك تحفز على الابداع لأنها مليئة به اتذكر ابيات قديمة اترنم بها كل ما عن لي الشعر لا اعرف من قائلها ولكنها قديمة جدا يقول
والله اني على الهزعة غليل الضماير = لو ذلولي من المطراش وانٍ جهدها ياوجودي على شوفة خفي السراير = مثل وجد العجوز اللي توفى ولدها كل ماحل به طاري تهل العباير = وكل ماقيل يامرحوم تصفق بيدها |
رد : .. قصائد في الذائقه / الذاكره ..!!
عبدالله الثقفي عبدالله .. والله حضورك هنا يشرفني ويسعدني .. اشكر لك اهتمامك ومتابعتك .. منوة العذال يسعون الهلاك ......... حبّنا اللي توّة بعمر الزهر لو يشوفك من عذلني في هواك ......... مثل ما اشوفك عذرني واعتذر واعترف انك على وصفي ملاك .......... وان عندي يوم حبيتك نظر عبدالله ..وذائقةٌ عالية جدا وكم نحن بحاجة لأن نعيد قراءة مثل هذه النصوص .. شكرا لك ياعبدالله .. |
رد : .. قصائد في الذائقه / الذاكره ..!!
عبدالله البـكـر حضورك .. حضور الشعر .. والذائقه .. والوعي .. اعرفك .. ياصعب الذائقه .. ذائقه لاينفذ من خلالها الا الشعر المتمرد عليها / المتفرد بها.. سعيد جدا بتواجدك .. وساكون اسعد لو عدت .. ارجو ان لاتحرمني عودتك ياصديقي . |
رد : .. قصائد في الذائقه / الذاكره ..!!
ياصوت لاتلتحف صمتي ولاتصبر .................. قل ماتبي واترك الهقوه على الهاقي والخطوه اللي عن اخر سكتي تقصر .................... ماهيب من طبع رجليني ولاساقي ماني بمن عاش لايربح ولايخسر .................. ولاهو ضروري تكون افعالي اخلاقي ثراي ماينشد الغيمه متى تمطر .......................مادامها في سماي تحن لاغراقي رح وين ماتستهي رح قد ماتقدر ..................... انا اول الناس في قلبك وانا الباقي نايف صقر |
نواف اسمحلي ببمواصلة ابداعتك
قصيده لااعرف صاحبها ومجهولة الهـويه ولكـن تبقى بالذاكره لروعتها وصدقها..!!
شفتها يا سعود صدفه بعد ما غابت سنين = عند قسم المختبـر وسط مشفى الجامعـه جيتها ثم قلت ممكن في سؤالي تسمحيـن = ناظـرت فينـي بدهشه نظره متواضعـه قالت انته تـحسبني من بنات صايعيـن = تـحسبني في زماني عن طريقي ضايعـه قلت انا ماراح اطـول كلبوها كلمتيـن = وابعـدت عني شويه ثم جتنـي راجعـه قالت اسال واضح انك من رجال طيبيـن = بس هرجك يالسنـافي كان وشهو دافعـه قلت انا حبيت وحده يـوم كنا صغيـرين = ومن ثمان اسنيـن راحت للمواصل قاطعـه عقبهـا ماذقـت نـوم يهتنيـه النايميـن = ساهر في طول ليلي لين شـمسي طالعـه اذكر انه فيه حبه فـوق ثغـره من يميـن = واذكر انه لاجـرينا كـن شعـره تابعـه واذكر انـه عاشـق فـالورد الياسميـن = صار قلبي بالـورود اللي عشقهـا زارعـه طابعا اسـمه بقلبي فيه سيـن وفيه عيـن = وفيه الف وفيه دال وسط قلبـي طابعـه قاطعتنـي بقولها سبحـان رب العالميـن = كـررتـها مـره و مرتـيــن ورابعـــه قلت وشفيك وشبـلاك يابنيه ترجفيـن = ليش عينك يابنيـه من كلامـي دامعـه قالت الموقف وقلبـي والمحبـه والحنيـن = كيف اشوفك بعد ماكنـت عنك قانعـه قلت انا بسألك انكانك انتـي تذكـرين = عن مواثيـق ثـمنها من حياتـي دافعـه قالت ظروف الزمان ماتطيـع العاشقيـن = بيعونـي غصب حبك لو هو ماني بايعـه انا في دنياي حالي كنهـا حال السجيـن = حتـى لو فكـوا سراحه فيه شي مانعـه زوجوني غصب واحد وحرموني حاجتيـن = السعاده فـي زمانـي والحيـاه الرائعـه والحين انا ام لثلاثه عندي ريـم وياسميـن = والولد ا سمه على اسمك والمشاعـر جايعه ويالت نرى تفاعل الجميع مع فكرة الاخ / نواف الشمري سلامي واشواقي |
رد : .. قصائد في الذائقه / الذاكره ..!!
.. العيد باكر .. العيــد باكـــر .. اسعــد اللـه ممســاك.. ...................... واللــه مـدري .. اي خــدٍ .. جلستــــــه.. وين انت..؟؟ ياللي عيدنا في محياك.. ...................... كف القدر .. من ضيقة الخلـق .. بستــه.. من يوم .. ما لوّحـت لي .. كـف يمنـاك.. ...................... لليــوم .. دمعـي بالخــفا .. ما حبستـــه.. و من يـوم .. ما ذوقتنــي حـر فرقـاك.. ...................... و الياس .. زرعه في حياتي .. غرستـه.. شريـــت لي ثــوبٍ .. علشــان لقيــاك.. ...................... و الثوب .. راحـت موضتـه .. ما لبستـه.. و شريـت عطــرٍ .. ما زهانـي بليـــاك.. ...................... اربـع سنيــن .. بعلبتــه .. مـا لمستــــه.. و دفتـر قصيــدٍ .. كل يـوم يترجـــاك.. ...................... ما فيــه يـومٍ .. ما سهــرت و درستـــه.. ... عابـــــرة سبيــــل ... |
رد : .. قصائد في الذائقه / الذاكره ..!!
موضوع رائع كعادة نواف الشمري وننتظر القصائد القديمة من الاخ نواف .
وهذه بعض القصائد القديمة التي أرى أنها باقية في ذاكرة الكثير : 1-قصيدة محمد الاحمد السديري ( يقول من عدى على راس عالي ) 2- قصيدة ( الشيخة ) لعبدالله بن رشيد والتي مطلعها : يا هيه يا اللي لي من الناس وداد0000 ما ترحمون الحال يا عزوتي ليه 3- قصيدة راكان بن حثلين بعد عودته من سجنه في تركيا والتي منها هذا البيت : سلام اخو نوره لزوم عليه 0000 قبل الرفيق وقبل قاصي وداني 4- قصيدة الامام تركي بن عبدالله ومطلعها : طار الكرى من موق عيني وفرا 0000 وفزيت من نومي طرى لي طواري 5- قصيدة شالح بن هدلان بعد موت ابنه ذيب ومطلعها : يا ربعنا يا اللي على الفطر الشيب0000 عز الله انه ضاع منكم وداعه 6-قصيدة علي الخياط من اهل عنيزة اثناء حصار ابن سعود وابن رشيد لعنيزه والتي ما زالت تغنى الى الآن في العرضة ومنها : هذي عنيزة ما نبيعه بالزهيد 000000 لا فرعن البيض نحمي جالها ربعي هل العادات والباس الشديد 0000 خطر(ن) عزايمها تهد جبالها اولاد علي(ن) هم عمى عين الضديد000 عقالها يوم الوغى جهالها |
رد : .. قصائد في الذائقه / الذاكره ..!!
رائع كنت هنا اتذوق :) وسأعود بين حين وحين فكرة رائعة اخي الكريم نواف ساحاول ان اعود وفي جعبتي شيء لاضيفه والا سأتابع :) اختك .. جروح :) |
رد : .. قصائد في الذائقه / الذاكره ..!!
|
رد : .. قصائد في الذائقه / الذاكره ..!!
تسلم والله يانواف
فكره ممتازه جمع قصائد مميزه لشعراء مميزين في متصفح واحد والأجمل ان المتصفح يمكن ان يضم قصائد لمختلف الاذواق / من قديم وحديث تسلم يانواف على الفكره والمجهود |
رد : .. قصائد في الذائقه / الذاكره ..!!
الغالي ابونوت كل الشكر لك ياغالي لمرورك المورق هنا .. تواجد ذائقه كذائقة ابونوت اضافه يحتاجها المتصفح .. شكرا ياابو نوت كل الشكر .. أتمنى الا ينقطع غيثك عن هذا المكان ياغالي .. دمت بكل الحب . |
رد : .. قصائد في الذائقه / الذاكره ..!!
أحبك طفل ٍ أعمى قاضب ٍ ثوبك يخاف يضيـع
......................وأحبك شايب ٍ قـرب يمـوت بغيبـة عيالـه وأحبك نظرة عيون ٍ غزتها حسّـرة التوديـع ....................وأحبك وردة ٍ ماتت ولا جـا اللـي بتهدالـه وأحبك منظر الثلج إن بدا فوق السفوح يميـع .......................كأنه دمعـة الحـر السنافـي بيـن عذّالـه وأحبك.. غيم عيّا لأمر نفخات الهبوب يطيـع ......................حلف مايعطي إلا نجد نـزف الحـب وظلالـه وأحبك ريح تنثرني قصايص مالهـا تجميـع ...................وأحبك شي في نفس العطـر ليديـك ماقالـه وأحبك صرخة ٍ فيها سوالف رحلـة التلويـع ......................وأحبك عاشق ٍ ماتت حبيبـة عمـره قبالـه وأحبك سر مايخفى ولايمكـن بيـوم يشيـع ......................وأحبك شمع كله ذاب مايدري مـن أضوالـه وأحبك مجلس أجواد ٍ مشرع بابهـم تشريـع .....................والى جامن هجدهم قبل يقعـد جـاه فنجالـه وأحبك غبنة ام ٍ عقدهـا ياللأسـف مابيـع .....................ولدها صابه اللي خذ قبل حول السنـه خالـه وأحبك طفلة ٍ تحبي على صدري وأخاف تضيع .....................وأحبك شايب ٍ ضمّ وكسر ضلع أصغر عيالـه آآه ..إلى رو ّحوا صوت الخطا صوت ديم ...........................ثم روحـت ياتركـي تسـوق القرايـب آآآآه .. ياوالله اللي صرت عقبـي يتيـم ...........................والله إن مايحبـك مثـل قلبـي حبايـب ياخلف عمري اللي راح مثـل الصريـم ...........................حلل اللي عليك عـروق قلبـه ذوايـب وأي وإياك تبكـي مثـل مبكـا الحريـم .........................أبلع الحزن وأطلب ربك ومأنـت خايـب ياولد من حشا مأشـرك وربـه عليـم .............................لا ولا ينشده ربـه قـد أغتـاب غايـب ماكره طول عمـره لا ولا لـه خصيـم ..............................ولا عرف حي ٍ إلا حبـه بـلا سبايـب آه واليوم من شوفتـك يمسـي فطيـم ..........................خامد ٍ مأحتر ك .. للدود جسمه نهايـب العـــــــ شق ـــــــــــــا عبدالمحسن بن سعيد |
رد : .. قصائد في الذائقه / الذاكره ..!!
يا زمان العجايب وش بعد ما ظهر
...................كل ما قلت هانت جد علم جديد إن حكينا ندمنا وان سكتنا قهر ..................بين قلب عطيب وبين راس عنيد لو تفيد المدامع كان اسيل نهر ....................مير كثر التوجد والدمع ما يفيد أصبر ايام واشهر واتصبر دهر ..............وان حصل لي مناتي جيت لوني بعيد أرجي الله واراقب كل طالع شهر ...................يجلي الهم عني أو عسى ما يزيد ياغزال فضوح الزين عنه اشتهر ................في عيوني ملاك ووسط قلبي وحيد مخطي اللي يشبه وجنتك بالزهر ........................الزهر ماله رماح تصيب وتصيد لو جحدت المحبه سقم حالي جهر ....................مير ماكل قلـب ياصل اللي يريد خالد الفيصل |
رد : .. قصائد في الذائقه / الذاكره ..!!
لاتبحث الوضع خل الوضع يا سامي ................. بعض المواضيع ما حبه ولا اطيقه ما جافالايام راحن فيه الايامي ............. ويبقى لي الهم والهوجاس والضيقه حطيت سري ومكنوني والاحلامي .................... في قلب طيرٍ تفلت من مسابيقه فز وتنكر وله عامين قدامي ................... عينه تطالع لسنجار وشواهيقه حوّم وقفى يرفرف عقب ما حامي .................والشمس غابت وصقاره على ريقه وعديت في مستقلٍ نازحٍ زامي ........................... ادلّه القلب لاتابس معاليقه من واحدٍ فالهوى له مخلبٍ دامي ................... يرمي ضحاياه تغريبه وتشريقه خذني وحنا بحكم وشرع الاسلامي ................... وشربت غيّه غلا وعجزت لافيقه وراعي الموده تلاعب فيه الاوهامي .................. يزرع بالحلام شيٍ صعب تحقيقه كم قلت له يا سحابٍ رايقٍ هامي ...................... عشبه تغاير نواويره زماليقه يا مصدر الهامي اللي صارت الامي .................الشعر عوجٍ بدون اسمك طواريقه لو عشت فالبال عامٍ من بعد عامي ....................الوقت يا عجل تجميعه وتفريقه يا خال ما بين عذالي ولوامي .............. واقفاية اللي يماري في عشا ريقه شف لي طريقه تراي عجزت لانامي ...................... اردّع الدمع لين اعجزت واريقه تكفى تسبب لعله يارد الضامي ..........................ويوفق الله تفتح له مغاليقه شاعر الحكمه ابونوت _ صالح السبيل |
رد : .. قصائد في الذائقه / الذاكره ..!!
بريــــال عارضتـه بريال عارضته على السوق بريال ............................من باعني برخيص والله لأبيعه من يشتري رجـال قصر بالأفعـــال ...........................بــــاع العهـود الماضيه للخديعه رجــال يسوى لـه ثمانين رجــــال ..........................كـل الصفـات اللي ملكها فضيعه له ضحكةٍ تشبه لضحكات الاطفال ,,,,,,,,,,,,,,,,,,,,,,,,,,,,ذيــب ونظراته حنونـه وديعــــه و له فزعةٍ منها المجانين عقـــال ..........................و فجوج لا ضاقت علي الوسيعه يا ما عدل عوجي ثقيلات وطـوال .........................وانــــا معاقبته غيــور صريعـــه واللـه يسوى لــه ثمانين رجــــال .........................والخبل مثلي لا زعـل يب يبيعــه عابرة سبيل |
رد : .. قصائد في الذائقه / الذاكره ..!!
جن جنونها.. وراحت.. تصيح بصوتها .. مدري..؟؟! ................................... وقفت بحيرتي تايه .. اعوّد .. و الا اتبعها..؟؟! عيون الناس من حولي .. و خلّي خطوته تجري.. ................................... اخاف آمد بالخطوه .. تقول الناس : طاوعها..!! و انا لي هيبةٍ فيهم .. و عند صغيرهم .. قدري.. ................................... كبير .. و دايم اخباري .. يحب الكل يسمعها.. عزيز .. و ذلّه قليبه .. و حاله بالنظر .. مقري.. ................................... نوى المسفار.. واحبابه.. زعلها.. ليه ودعها..؟! خذتني عزة فيني .. و قت انساه .. من بدري.. ................................... مدام الحـــب ذا حــاله .. يذل الناس .. بايــعها.. و بديت استرجع القوه .. و ارد الروح في صدري ................................... ومشيت بخطوةٍ .. يعني.. ثقيله.. مير اسرعها... و فجأه .. شافت عيوني .. غزالٍ .. شوفته تغري.. ................................... يقول:اللي يبي يسافر لديره .. كيف ضيّعها...؟؟! وقفت.. وجن.. مجنوني .. وش اللي ياعرب يجري..؟! ................................... حسب علمي وانا مسافر.. وش اللي جاب شارعها..؟؟! سمعتها بشريط و لا اعرف شاعرها... |
رد : .. قصائد في الذائقه / الذاكره ..!!
نواف موضوع جميل لاعدمتك تحياتي لك |
رد : .. قصائد في الذائقه / الذاكره ..!!
كانك على قولك كأنك على قولك تمنى لي الخير ساعدني أنسى حبك اللي خذاني خلي حياتي تنقلب كلها غير وانسى الحبايب والزمن والمكاني حبي لك أبلغ من كل الأساطير ما له بقاموس الهوى وصف ثاني لا شك أنا أشعر بالنهاية وش تصير واحسب حساب فراقنــا بالثواني بيني وبينك واقع الحال تحذير وعند الموادع مــا تفيد الأماني عند خبر مثلي بحكم المقادير على هوانــا صادر الحكم ثاني كرهني بنفسك ولو بذنب صغير القى به اعذاري واعود لزمـاني المشكل انه ما بدى منك تقصير وهذا يزود واقعك في كيـــاني سعود بن بندر |
رد : .. قصائد في الذائقه / الذاكره ..!!
//// // //// // عمر الفرح ما كان يعني ( إبتهاجه ) ،،،،،،،،،،،،،،،،، وعمر الحزن ما كان ( آهات وحسوف ) في يوم وليله تختلف كل حاجه ،،،،،،،،،،،،،،،،، يتغيّر الواقع .. وتتبدّل اظروف قبل أمس كنّا نبتهج بالمواجه ،،،،،،،،،،،،،،،،، واليوم كل ٍ يمسح الدمع بكفوف حسبي على ( حظ ٍ ) غدرني نتاجه ،،،،،،،،،،،،،،،،، مجرم ومعروف الغدر فيه معروف حظي واعرفه مستحيل ٍ علاجه ،،،،،،،،،،،،،،،،، من خوف ياخذني إلى ( قمة ) الخوف عطشان دايم وارتوي من هماجه ،،،،،،،،،،،،،،،،، وان غاب ظيمه عوّد الظيم ملهوف كذا كذا .. يعني .. عواجه عواجه ،،،،،،،،،،،،،،،،،إلين أعدمني وانا واقف أشوف يا وين أبلقا في ظلامي ( سراجه ) ،،،،،،،،،،،،،،،،، يا وين أبلقا من ينسيني الأوووف صعبه على العاشق يفارق مزاجه ،،،،،،،،،،،،،،،،، لا صار في خلّه مولّع ومشغوف لا صار يشتاقه وينطر خراجه ،،،،،،،،،،،،،،،،، ويحس به ما بين الأضلاع مخطوف وانا حبيبي راح ( واخلف ) عجاجه ،،،،،،،،،،،،،،،،، عجاجة افراق ٍ له اطعون وسيوف أقفى وانا ادور دقايق مواجه ،،،،،،،،،،،،،،،،، الله يعين اللي من الوقت مكلوف الله واكبر ( ما بقت أي حاجه ) ،،،،،،،،،،،،،،،،، لا واقع ٍ يسعد ولا اظروفي ظروف ///////////// ليل المفارق لــه بخـــدي مـــواري -_-_-_-_ وبصدري أضحت لـه تناهيد واوجاع . لو قلت أداري يـاخي شلــون أداري -_-_-_-_ دام الفـرح مــا بين الايام قــد ضــاع . عجزت أدوّر بين الأضــلاع داري -_-_-_-_ وعجزت أداري خافقٍ بين الأضلاع . يـاخي عــلامــك تستحث انهيــاري -_-_-_-_ وانته عليم ٍ بالســوالف والاوضــاع . لا تحسب إنــي دالـه ٍ يــوم أواري -_-_-_-_ دمع ٍ خذا لــه مــن على خــدّي إقطاع . وانته تسولف مع سكوتي ..أثاري -_-_-_-_ كل الحزن يلفي وانـا آجيه مطــواع . المشكلـه مـــا جيت بـايــع وشــاري -_-_-_-_ جيتــه مشاعــر تحتري فلّــة شراع . جيتـه ورجلـي تحتـرق فـي مسـاري -_-_-_-_ جيت وعـيــونــي للمقــابيــل جيّــاع . كنت أدري انه خارج ٍ عن مــداري -_-_-_-_ لكــن أحاسيسي تصــوّت بإجــمــاع . إنــه شعــور ٍ بالشــرايين جـــاري -_-_-_-_ وانه أسرنـي بالحــلايــا والاطبــاع . صرت أذكره مع كل طاري وطاري -_-_-_-_ واذا نظـرتــه صــرت بالحيل طمّاع . والله مــا كان الــوضع باختيــاري -_-_-_-_ إني أكــون بكــل الأحــوال منصـاع . والحين قفّــا وابعدتــه المــسـاري -_-_-_-_ قــفّــا ولا ودّعـنــي بــقــلـب وذراع . قفّا وطيفـه جايــر ٍ فـــي حصاري -_-_-_-_ أرتــاع لا شفتـه واذا غـاب ارتــاع . لحّـــول ياخــي لا تزيــد انكساري -_-_-_-_ لا تطري الذكرى تـرا حيـل ملـتـاع . لنّـــي ليا منـــي ذكـــرته أمـــاري -_-_-_-_ عرق ٍ بقلبي مــع طــواريــه جـزّاع . وآصير مـا بين المشاريــه عــاري -_-_-_-_ مـــن ظيقةٍ تجعلنـي آطفف الصـاع . وآسلّمــه للقلب واعلـــن قـــراري -_-_-_-_ انــــي جعلت القلب للقلب مـربــاع . . ////////////////// لن تخفى عليكم فهي للمبدع *** محمد بن حزام *** شكرآ يانواف وحـــــــش |
رد : .. قصائد في الذائقه / الذاكره ..!!
ود الامــــانـــه 00 ودهـــــــا يـــارســولــي .............................لاصـحـابـي الــلـي عــودو مـثـل الاغــراب تـكفى قـبل حـزني .. وصـمتي .. يـطولي .............................تـــرى الـرسـالـه خـمـسة حــروف بـكـتاب لاصـحـابـي الــلـي بـالـقـسى مـاصـفولي .............................مـدلـولـها شــرهـه .. ومـضـمـونها عــتـاب الــلــي الــيــا ضــاقــت بــهــم صــوتـولـي و.............................أسـكـنتهم قـلبي .. وعـيني .. والاهـداب وأن غبت ضاقوا 00 وأن حضرت أهتفولي .............................وكـــلٍ تـبـسـم لـــي مــن الـنـاب .. لـلـناب ويــامــا قــبــل لــحـظـة بـشـايـر وصــولـي .............................تـباشروا بـي ( زيـف ) فـي صـورة أعجاب ويــامــا 00 ويــامــا .. آه .. يــامــا حـكـولـي .............................وصـدقـتهم : وأصـدقـهم الـيـوم ( نـصاب ) شــف كـيـف يــوم أحـتجتهم 00 مـاوفولي .............................لا وحـسـافه كـيـف : ظـنـي بـهـم خــاب !! شــــده 00 تـــزول : أو جـعـلـها مـاتـزولـي .............................أن عــودت رجـلـي عـلـى شـجـرة الــداب مــن قـبـل فـرحـة حـاسـدي مــع عـذولي .............................ومــن قـبل حـزني لاقـرب الـناس يـنساب قـلـتـه : وشــاهـد حـجـة الـصـدق قـولـي .............................ومــاأقــول غــيـر لـشـاهـد الـــزور كـــذاب وقـــت الـسـعـه يـاكـثر الاصـحـاب حـولـي .............................ووقــت الـشدايد 00 لاحـبايب ولا أصـحاب وحــيـد أقــيـس الــهـم عــرضـي وطـولـي .............................مـــن سـفـح مـرقـابٍ عـلـى رأس مـرقـاب والــلـي فــطـع قـلـبـي وســبـب ذهـولـي .............................أنــي قـبـل لاأحـتاجهم 00 كـانوا أحـباب !! كــلـمـه صــريـحـه ودهــــا 00 يـارسـولـي .............................عــن رفـقـة أصـحاب الـرخا خـاطري طـاب عاقل الزيد .. رحمه الله الليل طرّف والسهر بين الاحداق ..................والصبح حلم البارحه ما ضوا به ليل السهر يا معذبي تو ما فاق ..................من سكرته من غفلته من عذابه مادام حتى احلامنا البيض تنعاق ..................عنا وش اللي عاد باقي نهابه لم الورق لاينكشف سر الاوراق ..................ما تشبع الأوراق جوع الكتابه ولا تبرد الونه لهب حر الاشواق ..................لا ون مجروح النوى زاد مابه ولاينفع الولهان ترديد مشتاق ..................إن ما شرب صافي زلال وروى به عاقل الزيد .. رحمه الله . |
رد : .. قصائد في الذائقه / الذاكره ..!!
شاعر الأندلس .. ناصر القحطاني ( سلـّم على حايل .. ) الشمـس غابـت وكـلٍ دوّر سراجـه ................... والشوق جمّر ما احر الشـوق لاجمّـر دام اتجاهك شمـال مودعـك حاجـة ................... سلم على حايـل وسلّـم علـى شمّـر قدامك الخافـق اللـي ينشـد علاجـه ................... كنّه معلّـق علـى بـرزان ومسمّـر وانت تعرف يابعد حيي مـن تواجـه ................... بيضان الافعال لا من الزمـن سمّـر ان ضاقوا اعنف من البحر ومن امواجه ................... وان راقوا اركد من الخرمـان لاعمّـر كم صيت بيتٍ عتق في الباب مزلاجـه ................... وكم شيخ امارة قبـل تعيينـه مومّـر وكـم حاتمـيٍ تكفـي فلـة حجاجـه ................... وشلون للضيف لو عن ساعـده شمّـر وان مـر تاريخهـم متلبّـسٍ تـاجـه ................... كم عاشقٍ كيّف وكـم عاشـقٍ زمّـر في جوٍ اغلى مـن الرجلـي الا داجـه ................... من ديرة السادس ومن ديـرة معمّـر كنّه الا اهـدى لـه البـرّاق ثجاجـه ................... طلة غريرٍ ضحك ومن الخجل حمّـر توارثـوا حرثـه وتمتيـر ديبـاجـه ................... ركّابه الجيـب مـن ركابـة الضمّـر الوّد لاغرس بدري صعـب مخراجـه ................... والله ولا الـذ واحلـى منـه لا ثمّـر ادخل على اللي تطوف البيت حجاجـه ................... من ناقصٍ عند مـدح الغيـر يتذمّـر والمدح لو كان في الرديـان للصاجـة ................... ويقال عمّر بلـد بالعـون مـا عمّـر والذم لـو زاد فـي الطيّـب تولاجـه ................... لا احرق ولا اغرق ولاعمّر ولا دمّـر مانيب متحسف بشعري علـى حاجـة ................... الا انـي اروح ماغنيـت فـي شمّـر . |
رد : .. قصائد في الذائقه / الذاكره ..!!
لو للغـلا البارحه نوماس ### ماكان ود(د)عت خفاقي ياصاحـبي ياشـديد الباس ### أشفق على روحي إشفاقي لا تجرح الخـافق المحتاس ### تحرق بساتـينـه إحراقي البارحـه والكـلام أنـفـــاس ### مريـت طيـفك مع اشواقي سلـمت لـلباب والحـراس ### وأغـفيت عيني على الباقي ذكراك لامن سرىالهوجاس ### تسري بـدمي وبـ أوراقـي وآسج من خاطر(ن)حساس ### وأكتب على الريح ميثاقي لابــاس ياخـاطـري لابـاس ### لا تـعـانـد الـمي والـساقـي والله مـا للـغـلا مقـيــاس ### أصـبـح مـع الـدم يـنـسـاقي في خاطري جمرتين وكاس### والـريـح مـا تـرحـم أعـماقي ياعــود ون هـددوك بـفاس ### لا تـقـول ما طـاحـت أوراقـي ذولا وذولا و واجـد نـاس ### كـثيـر مـن عـاهـد وبـاقــي البـن لا يـحرق الـمـحماس ### والـسيف كـاسـرته أعـناقي والـعزه اللـي عـلى القرطاس ### مـره ولا هـيب تـنـذاقي الله لامـن سـرى النسناس ### مـابـيـن روحـي وخـفـاقي اسـج مـن بـارد المـجلاس ### واطـير مـع دافـي أشواقي وأغـني لـعـودك الـمـياس ### مـرثـية الـورد للـسـاقـي وآجمعك وانثرك وسواس ### واعـتل والـقـاك تـريـاقـي أحيان أحسك جميع الناس ### واحيان ماظـن تـنـطـاقـي وأحيان أحسك تعب وعماس## و احيان اجيك اطلب أشفاقي لاغـبت عـني احس بيـاس ### و اسج مـن لـوعـتي سـاقي مخـمور مـانـيب شارب كاس### مـخمور حب(ن) معك باقي القلب لك والعمر نـومــاس ### احـرق تـفـاصـيله أحـراقي ياصـاحـبي ياشـديـد الـباس ### ود(د)ع بـلاماك خـفـاقي غـارو عـلى قـلبي البـ(ل)ـلاس### وانكفت من دونكم ساقي للشاعر سعود السحيمي .. |
...
|
رد : .. قصائد في الذائقه / الذاكره ..!!
00CC66
|
رد : .. قصائد في الذائقه / الذاكره ..!!
عندما يجتمع هؤلاء الكبار
ذائقة وشعرا ليس لي إلا الصمت وعندها فقط سأتأمل في تلك اللوحات الجميلة التي رسمها المبدعون وأحضرها نواف في معرضه الجميل نواف .... دمت مبدعا تحياتي ملؤها الإعجاب |
رد : .. قصائد في الذائقه / الذاكره ..!!
نواف الشمري موضوع غني جدا وجدير بالمتابعه شكرا لك هذه القصيده أبت أن تغادر الذاكره السحاب أحمر لـــــ الحميدي الثقفي ياكثر مايشتكى لو يشكي الدفتر .......................... من نزعة الحرف في عقلي وتجميعه أحيان مايحن ّ في جوفي نبات اخضر ............................... واحيان في ثانيه تورق مطاليعه يبرق ويرعد خفوقي والقلم يمطر ............................... وانا اتعمد ظما حرفي وتجويعه في داخلي صمت يحتاج انفعال اكثر ............................ من زخرف القول ياخالد وتصنيعه الشعر بعيون اخوك الحلم والمهجر ......................... خوف وبَعَض صدق تنزفني ينابيعه وشلون تمطر سمانا والسحاب احمر ............................. والبرق يدمي جوارحنا باصابيعه محدٍ خبر سيل لايمطر ولايحفر ......................... وان جف يحزن ثرى الوادي لتوديعه كف ٍ وَحَدها على التصفيق ماتقدر ........................... لاشفت ماهو مطاوعك الزمن طيعه ماهو ضروري يلامس جرحك الخنجر ................................ ولاانت مجبور حتى تعلن البيعه |
رد : .. قصائد في الذائقه / الذاكره ..!!
بس لحظة يامهملني وناوي في غيابك دامك اللي ناوي الفرقا بقول اللي بقوله بسألك: كم واحدٍ قبلي هقابك واشتقابك إنت ياللي تجرح قلوب البشر حاسبها بطوله باغي الفرقا...جعل ربي يعجل في ذهابك بايعٍ قلب....... لك الله كنت ماتحلم تطوله ماتعودت اتبع المقفي ...ولو حضرة جنابك رح عساها خيرةٍ والدرب لك عرضه وطوله . . . . . . . هذه الأبيات من قصيدة للشاعر /حمد السعيد قريباً سأعود لأنثر حروف هذه القصيدة كاملة.... |
رد : .. قصائد في الذائقه / الذاكره ..!!
كل دارٍ أرجعـت وانـا سنــــــــاوي = عزتــي للي ســواتـــي عزتـي لـه
زادت الحمـى فرحنـا للمـــــــــداوي = والمـداوي زود الحـــمـى مليلــــــه ياجميله قام يطوي الحال طـــــاوي = والله ان كبدي على شوفك غليلـه والله ان قلبي على اللاماء شفاوي = رغير مافي يدي ولا في يديك حيله سجليني في علم حبـك فــــــداوي = انا مجنونك عقب مجنـون ليلــــــــه يا رقبه الخشف ياعين النــــــداوي = ياسراجيف الذلـول المستحيلــــــــه يامناةٍ تنقصـر عنهـا المنـــــــاوي . = ياخيار الدهـم يالقبـا الاصيلــــــــه نعنبوك انتي مكاسر عود جــاوي = مبسك سندس شرابك سلسبيلــــه لو تمرين الشيوخ اهل الفتـــــاوي .=.عودوا مثلي يجـرون الطويلــــــــه من عشق شرواك ولا لايهــــــاوي .= التقيد من بعض الاشياء فضيلــــه قصيـــــدة جـــنونية لـــــ سعد بن جدلان ولاهنت مره ثانيه وثالثه ورابعة ياابوحمود تقبل سلامي واشواقي الخويطري |
رد : .. قصائد في الذائقه / الذاكره ..!!
من جنون وفنون فهد عافت .. أهـز جـذع المسافـة ويتساقـط مــدى ....................أهزجـذع القصيـدة ويتسـاقـط نخـيـل تزهـر يدينـي أحـس انـه طريقـي بـدا ...................واقول حيـا علـى هـذا الفـلاح الجميـل أبـدا بتجهيـز اوراقـي ، وقطـرة نـدى ....................أشوفهـا مـن علـى خـد النوافـذ تسيـل آخذ معي كل مايخطـر فـي بالـك . عـدا ..................ثوب ٍ تركتـه معلـق فـي جـدار ٍ هزيـل تبكـي الستايـر تنادينـي .. أرد الـنـدا: ................عمر الشقي ياستاير - لاتخافـي - طويـل أودع البيـت ، ياجـدران طيـن وصـدى ............من كان مثلي رحيله أرض وارضه رحيل !؟ أسير حافي قدم .. دربـي ضـلال وهـدى ...........وجهي سحاب وظما .. صوتي نواح وعويل أقطـع مشاويـر تقطعنـي بطـيـب وردى ................واصير انـا الهيـن الميسـور والمستحيـل وليا لقيـت الطريـق اللـي مشيتـه غـدى .................قصير مثل الفرح .. مثـل الليالـي بخيـل .. أهـز جـذع المسافـة ويتساقـط مـدى ....................أهـز جـذع القصيـدة ويتساقـط نخـيـل من اول يوم لفراقك الى هاليوم ووحدك تذبحين النوم ! هذاك اللي دماه تلطخ عيوني سهر ونجوم! من اول يوم لفراقك الى هاليوم وانا اركض واتبع آثارك وامد من العيون ذراع واقطف من سماك : هموم !! من اول يوم لفراقك الى هاليوم وانا فوق الورق تحت الورق بين الورق مهزوم !! كتبت وما بخلت بجرح ،،،، كتبت وما تنفس صبح !! عرق واشباح/ ارق واشباح ورق واشباح / كفى ياديرتي بــرتـاح من اول يوم لفراقك ولا خان الظلام ولا وفا مصباح!! من اول يوم لفراقك وانا اضمّد جراحك يا بلد بجراح!! من اول يوم لفراقك وحمل المفردات (( سفاح ))!! كفى برتاح كفى ياديرتي/ ياسيرتي/ ياحيرتي يا غيرتي برتاح! خلاص! ما عاد امدّ من العيون ذراع واقطف نجمة التفاح هي الفرقا : وما فينا الذي من فارقك ما يرفضه رفضه! وما فينا الذي ما يلفظه لا من حكى لفظه !! |
رد : .. قصائد في الذائقه / الذاكره ..!!
سلم سلام
تسلم يا ابو حمود على النقل الطيب احلى كلام سلم سلام |
رد : .. قصائد في الذائقه / الذاكره ..!!
كيف أطفي الريح بثيابك وكيف اشعلك ....................كيف اتنثــّر على جمرك وكيف احتويك نقّضت ليل الحرير وجيت ما انت لهَلَك .....................سميـت باللي فتني بك وقلت ابتديك هذا اول الدرب اوهذا الطريق اولك .....................جيت اتوقا عذابات المدى واهتديك شوقي مسافـة وهمساتك مدار وفلك ......................ان ماضميتك غلا ياعلّني ما ارتويك ايه اعرفك واعرف اني من غلاك اجهلك .....................مرات اضمك واخاف اني مشبه عليك مرات اشوفك بنفــس الوقت واتخيلك ......................وانشد كفوفي عن اخر سالفة من ايديك اعنّ لك لو تصب الموت واتهيلك .......................واجوع لك واتمنى خنجرك واشتـهيك ماقلتلك عمـر سيف العشق مايقتلـك ......................ماتشوفني حي قدامك وانا اموت فيك اشتقتلك قبـل اجيك وجيت واشتقتلك .......................البارحة طول ليلي بين هاذي وذيك مليت جمر انتظارك واستحيت اسالك ......................واحسب اني ما بعد جيت وفكرت اجيك اثرك بقلبي من البارج وانا استعجلك ......................واثري نسيتك من الفرحة وقمت احتريك مساعد الرشيدي < |
رد : .. قصائد في الذائقه / الذاكره ..!!
الوارف القاطف من جمال الابداع
نواف الشمري لك الحب كثر ماتحمله من ذائقه مميزة |
| الوقت المعتمد في المنتدى بتوقيت جرينتش +4.
الوقت الان » 03:46. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع