![]() |
برفقة الحزن ..
أصبحت أنا في يم الأحزان بحّار ........................ من جرحك اللي زاد قلبي فتوقي لا تتركي للحزن في قلبي أوتار .......................... تهزها نبرات حب ٍ صدوقي |
رد : برفقة الحزن ..
وفجاه من حلمي صحيت
وما لقيت إلا أحزان ومدامع إلا آهات ومواجع ليتها كانت حقيقه وليت حلمي كان واقع |
رد : برفقة الحزن ..
تخيل وأنت فغيابك أحس الوقت ما يمشي وأروح أركض على بابك ودمعي حاير برمشي |
رد : برفقة الحزن ..
. . . آآآآه يا الناي الحزين اللي عزف لحن الجروح ......................... ما لقى له من يجيب ومالقى من يسمعه الصـدى يبعد ونبعد ويـن ما روّح نـروح ........................ نمشي والحزن المسافه والهموم الأمتعه . . . |
رد : برفقة الحزن ..
. . . حـل الظلام واطفن المصابيح ..................ولا بقى لي غير حزن اووساده لليل صدرٍ برتمي فيه وآصيح ....................أبيه ينصفني ولا بي زيـاده . . . |
رد : برفقة الحزن ..
فقدتك ياللي بعدك ليل ظلام وخوف فقدتك وما بقى بي حيل تعال وشوف وش سوى الهجر فيني وعذابي وقسوة سنيني صار الحزن لي شاطي على رمله رسمت قلوب كتبت حروف وموج الحزن غطاها وأنا الملهوووف |
رد : برفقة الحزن ..
. . . يا دموع الياس في ليلة وداعـه ....................ودعي ذكراه في حزن وعذاب ما بقى لي من غرامه غير ساعه .....................نصفها توديع والباقي عتاب . . . |
رد : برفقة الحزن ..
. . . وش لون أبقوى الهجر دون اقتناعي ........................وأعيش عمري في حزن دون مخراج وانثر دمـوع العين دون انقطـاعي ........................كني سجين ينتظـر وقـت الإفـراج . . . |
رد : برفقة الحزن ..
.
. . أفضـل إني اتـرك الحــب مـرّه .....................ولا يشوف الـذل في عيني إنسـان وش فـايـدة حـبٍ بـدا بالمضره .....................ورسم على جفني تواريخ الإحـزان . . |
رد : برفقة الحزن ..
. . . أنتي مثل الشمس في وقت المغيب .......................للحـزن في وجنتك منظـر يهول السراب أنتي أحسب انـه قـريب ........................وكل ما جيت أوصله فجأة يـزول . . . |
رد : برفقة الحزن ..
. . . ليلةٍ فيها الحزن أرخى شراعـه ............................أصبحت أحلامي الحلـوة سـراب ارتجي وصله وهو يبغى القطاعه ...........................كيف أبصبر والصبر فالقلـب ذاب . . . |
رد : برفقة الحزن ..
. . . قصيدي صار يخنقني إذا جيت أكتب سطوره .........................أحس أن القلب يبكي عذاب وترجف يديني ويأست وصارت أحزاني قصايد شعر منثوره ........................أبجمـع كـل آلامي وابدفـن حزنها فيني . . |
رد : برفقة الحزن ..
. . غيمة حزن جـت في سماكم وتبعد ..................تلقى السعاده والهنى والفروحي مـا كـل طـيرٍ كلما طار عـوّد ..................ليتك تحس وليتك اليوم توحي . . |
رد : برفقة الحزن ..
. . . حمّلتني حمل الجبـال الرواسـي ................همٍ وغربـالٍ وأنـا منـك محتـار ليتك تذوق الهم من مـر كاسـي ................حتى تحس إني على الذّل صبّـار . . |
رد : برفقة الحزن ..
. . . تعبت أسهر وأنا أدري عذابك ما وراه رقـاد .................واليا منّي تذكرتك حزونـي فاقـت حزونـك أحاول دوم أوضّح لك ولكنـك تزيـد عنـاد ..................باشيل همومي بقلبي وأنا بالحيـل ممنونـك . . . |
رد : برفقة الحزن ..
. . . مابقى للجرح قلب وما بقى للحزن جوف ................ ومابقى لي يالحبيبه درب أنا لك أسلكه با تجهّـز للرحيل وما على الذكرى حسوف ................... آه ياهمي وحزني والدروب المهلكه . . . |
رد : برفقة الحزن ..
. . . تـبعنا الحلم ماندري عن أحزانه وأفراحه لقينا للسعادة باب ولكن وين مفتاحه !! . . |
رد : برفقة الحزن ..
. . . لاتزعلين أو ترحلين عني ترى قلبي حزين من يوم زليت بكلام يجرح شعورك .. والغرام يقضى بلحظه وينتهي والله حرااااام !! . . |
رد : برفقة الحزن ..
. . . قلبي من كثر المآسـي أمتطـا .......مهرة الأحزان وأبعـد وأغتـرب ما يحس بالنـار إلا مـن وطـا .......في جمرها وصاح من كود اللهب . . |
رد : برفقة الحزن ..
. . . تقول انك مثل عيني اذا زاد الحزن فيهـا ....................تفجّر حزنها دمع ٍ يغـرّق كل وديانـي تجيني تشكي جراحك تبي منّـي أداويهـا ................... أنا مابي جروح اجداد أنا تكفيني أحزاني . . . |
رد : برفقة الحزن ..
. . . قديم الجرح في لحظه من الأعمـاق نادانـي ......... هواه اللي تمكن بي زرع فيني هموم كثـار تلمّست الحشا يمكن ألاقي لـه عـذر ثانـي ............ لقيت أن الجروح بداخلي أكبر من الأعذار . . . |
رد : برفقة الحزن ..
. . . يا فرحـة أشـواقي أناديك وينك ................. أنـا وقلبي نبحث بكل الأوطـان كـنّـا أمـل نحيا على شط عينك ................. وأمـواج دمعك غرقتنا بالأحـزان . . . |
رد : برفقة الحزن ..
. . . وصار الحزن لون أسود طغى في كل ألواني ..............على صهوة جواد الهم صرت الفارس المغوار تهادي يادموعٍ سالت بحرقه على أوجاني ..................تهادي واغسلي همي وطفي ما بقى من نار . . . |
رد : برفقة الحزن ..
. . . ياحبيبه كل أحــــلام ٍ بنينا ................... أصبحت دمعات شوفيها بعيني وأذكريها كل ما لاح بخيالك .................. قـصـة ٍ للحـب تاليها حزيـني . . . |
رد : برفقة الحزن ..
. . . شعور الحب مات بيـوم عيـده ..................على باب الأمل وافتـه الأقـدار خـذوه النـاس بثيـابٍ جديـده ....................ظلام القبر ماتت فيـه الأنـوار . . . |
رد : برفقة الحزن ..
. . . الله يادرب العنا في حيرتي ما أطولك أنا كنت أحاول من زمان أتخيلك .. وأتخيلك وأعرف تعيش بأي مكان وأعرف طريق لمنزلك لكن طريقي ينتهي ويعجز خيالي يوصلك وأنا ماأدري من أنت ! لا هنت .. قل لي من أنت ؟ . . . |
رد : برفقة الحزن ..
. . . أنا عانيت من قسوة زمانـي .....................وقلبي تاه بإحساسه وخوفـه أنا ظنيت حبـي مـا نسانـي .......................أحسب أنه ملك نفسٍ عطوفـه أنا دوّرت فـي كـل الموانـي ...................أبي أعرف وش أسباب النكوفه لقيت الحب في كـل المعانـي ......................كتابٍ صعب ما أفهم حروفـه . . . |
رد : برفقة الحزن ..
. . . ياليت لي قلب قوي ٍ على الصد ................ لصد عنها لو تزايد جروحي قلبي وأعرفه كلما قلت أببعـد ................ جاني يعاتبني على صدق بوحي . . . |
رد : برفقة الحزن ..
. . . مثل المطر أتبخر أحـلامي الشمس ................. مثل الخيال أطـرد سـراب الليالي مـابي أنام وآتوقـض من اللمـس ................. أخـاف أنـا لايبتعد بي خـيـالي . . . |
رد : برفقة الحزن ..
. . . خلني أرحل وقلبك فيه نار .......... تحرق الحسرة سواري أشرعك كل شيٍ راح والوقت استدار ................ ما ترجّعني بواقي مدمعـك . . . |
رد : برفقة الحزن ..
. . . كلما يديني لامـسـت في يدينك ................. أحـس في رعشة يدينك بهجـران تتحـرك شفاهك وأحـس بأنينك ................. ودّك تـقول اني مقـصـّر وغلطان . . . |
رد : برفقة الحزن ..
. . . يوم أقفى مركبه وسط البحـر ............. ألتقت ونّات قلبي بالهدير التغـرب ماأريـده والسـفـر ........ ماأبي أحيا وسط حزني أسير . . . |
رد : برفقة الحزن ..
. . . أنا في دنيتي ماشي .......أقاسي غربة الاوطان أقاسي حتى من نفسي .......وأعاني كثرة الاحزان . . . |
رد : برفقة الحزن ..
تصحيح
إقتباس:
|
رد : برفقة الحزن ..
. . . ياجارحي وش لون جالك نوم وش لون قلبك طاوعك ترجع تنام وتتركني وحدي للظلام . . . |
رد : برفقة الحزن ..
وش العلاقه بين صدك وصبري =غير ان صدك طال والصبر طوّل والصرخة اللي ساكنه وسط صدري = احسها والله قامت تجوّل انا جريح العام والناس تدري=واحس أنا ما عادني مثل أوّل ولا لقيت لحالتي حل جذري =حسبي على منهو علينا تقوّل |
رد : برفقة الحزن ..
جيت اودعها ولكني أخاف ............ تفضح عيوني غرامي لا بكن أن حييت او مت ما به اختلاف ............ بس أنا اللي بدفع جروحي ثمن |
الوقت المعتمد في المنتدى بتوقيت جرينتش +4.
الوقت الان » 21:44. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع