رحلة البساط
هلا بكم في الميدان tsh6 tsh6 tsh6
ياهل الشعر والمعنا وبدع الجزيل = اسمحوا لي بساط الشعر جيت امتطيه من قليلٍ كثير ومن كثيرٍ قليل = ينتشيني مثل رش المطر وانتشيه :drake: |
رد : رحلة البساط
يامحمد عسى مدك وعمرك طويل = مد يمناك يمي وطرق اللي تبيه أنت من روس قومٍ ماتحب البخيل = بهر الدله اللي ريحها نشتهيه |
رد : رحلة البساط
محربأ بك يانايف عد خوص النخيل = وبشر بدلة فنجالها تحتسيه ماعليكم مزاود ياحماة الدخيل = فعلكم ما يغبى يابياض الوجيه |
رد : رحلة البساط
محمد السالم مرحبا بك بين ربعك و خوانك و الله يحييك انا متابعكم و في صف محمد ولا يهون نايف بس تعبت و انا امسك في صفوفه ربعه واجد :d تموا قواكم الله من قليلٍ كثيـر ومـن كثيـرٍ قليـل ينتشيني مثل رش المطر وانتشيـه من قليلٍ كثيـر ومـن كثيـرٍ قليـل ينتشيني مثل رش المطر وانتشيـه الله الله صح لسانك . |
رد : رحلة البساط
مرحبا يا يزيد
الله لا يهثم صفك يا يزيد اشدراك اني احتاج من يقف في صفي امام هذا العملاق اسرنا تواجدك ومساندتك |
رد : رحلة البساط
صيفت ياخوي نايف عسى المانع خير ؟
|
رد : رحلة البساط
البقى بك تقدم لاتحط وتشيل = والله أني قنعت من الخطا والسفيه يابيض الوجه لاغثك وليد الذليل = وش تسوي ولك معروف فامه وبيه |
رد : رحلة البساط
يزيد بن غشيان الله لايحرمنا وجودك
من الناس اللي يحرص عليهم حقيقه وترى صفي وصف محمد واحد لاهنت |
رد : رحلة البساط
مبروك عليكم الحيا والله يمتعك بالــــ The weekend وتفضل طال عمرك
ياصبح الوجه قصة ناكرين الجميل = مرمس عهدها من قبل حملة بريه لكن اللي يناسب له نسيب هبيل = ويش يسوي بصهره لا تطاول عليه ؟ |
رد : رحلة البساط
للصور والفضايح وأبتداع المديل = ون توقد سناها ماتسرّه يديه لو أبمرح طوى ماكلت تمرالحويل = يامحمد تراها من نبيه لنبيه |
رد : رحلة البساط
محمد الله يستر منك مدري ويش انت ناوي عليه ,,,,,,,,,,,,,,, بما اني اشوف اني من هل المكان ارحب في الميدان يا حميدان ابو سعود لا عدمتك يا الاغالي ما عندك قصور بارز ودلالك جاهزه ومقنده ولكن اسمح لي انا في صف محمد قدني خابر من اللي معك واصلووووووووووووووووووووووا ومتابعين معكم |
رد : رحلة البساط
مرحبا الف يا عبد الله وبيض الله وجهك على هالتشجيع الذي نحتاجه
شوفتك في الصف تكفي من الف صف طال عمرك |
رد : رحلة البساط
هونها ياعميلي نقضنا للفتيل = بس حنا صقرنا ودنا نشتويه فيه ناس هدفها بس خض الصميل = لا تضوي ريال ولا تضوي جنيه |
رد : رحلة البساط
الله الله
متابع لكم جميع ومن ناحية الصف معك يا محمد ولا يهون نايف واصلوا لا عدمتكم |
رد : رحلة البساط
مرحبا يابو فهد والله تشرفنا متابعتك وتشجيعك لنا وتقبل هذه الثلاث مع هالصبح الجميل tsh6 tsh6 tsh6 |
رد : رحلة البساط
خلووووووووووها
جعل بقعاء تلطك ما سريت بدليل = ما شوى الصقر رجلٍ يبى يقتنيه لاسريت أنتبه والجدي عكسه سهيل = بين ذيه وذيه ماهقيتك تتيه |
رد : رحلة البساط
|
رد : رحلة البساط
تفضل طال عمرك
ماجهل الدرب صبح ولا جلته بليل = لو يجيني دليلك شفتني اهديه اعتبرني فحلها دون قالٍ وقيل = المساري ذلولي خطمها ملتويه |
رد : رحلة البساط
|
رد : رحلة البساط
ماعليك زود يابو سعود
وبصراحة انا الذي كان له الشرف بالعب مع مثلك صاحب باع طويل في فن المحاورة واستفدت منك الكثير بارك الله فيك وتقبل تحيات اخوك محمد السالم |
رد : رحلة البساط
صح لسانكم ثنيناتكم وماقصروا والله , ويليت تعاودونها ونشاركم باللي نقدر عليه ....
موضوع جميل انك بديته يامحمد السالم , وانت يابن سالم من حقين الدرعيه؟؟ |
رد : رحلة البساط
صح الله لسان الشعار
|
الوقت المعتمد في المنتدى بتوقيت جرينتش +4.
الوقت الان » 15:38. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع