|
<----- هنا البقاله
اسعد الله اوقاتكم بالخير والمسرة
قصة واقعيه من نسج الخيال :white: بحكم إني اضارب كثيرا" في الاسهم ومن خلال موقع يهتم بهذا العلم تعرفت على اناس وجمعتني بهم شبكة النت وبعد اكثر من العام واكثر قررو الاجتماع في مكان غير ذي زرع ولا بنيان :white: ومن هنا بدات رحلت البيت مش بيتك :white: بدأت الرحله حوالي الرابعه عصرا" وبعد رحلت سفاري دخلنا مناطق لم يدخلها انس ولا جان ولا موبذان ولا طيلسان <-- كني اكتب قصيده من قصايد شاعري المفضل ناصر الفراعنه :white: مع احترامي الشديد له :rolleyes: بداية الرحله بخط سريع ثم خط سيدين وبعدها اصبح خط سيد واحد وبعدها كان الخط كخط شير طلوا اذا كتب خط كوفي :white: واستمرت الرحله وامامي الدليله <- امحق :white: كل شوي موقف ويقول وش عندك تكبس طبعا يالله لك الحمد الطريق تراب في وجهه العدو ويشوف الموتر طالع نازل ويحسبني اكبس :white: في وقتها كنت اقول لخويي الي معي ماودك نرجع اخاف تشوفنا الشرطه نلحق ابو الشباب وتحسبنا مدمنين يلحقون لهم بياع :white: وفي حوالي الساعه الحادي عشر لليلا" وصلنا الا الماريه(العلامة) لوحة سودا اللون ومرسوم فيها سهم ومكتوب هنا بقاله البقاله عباره عن غرفة سواق اصبحت بقدرة قادر بقاله :white: وصلنا إلى المكان المقصود واستقبلنا المعزب خير استقبال جمع المراجل وخفة الدم والطيب مايستغرب منه ذلك اثبت بطيبه إن الرجال مهوب باالشكل باالفعل :white: بقية ماجرى من نقاش يعتمد على تقبل الفكرة :white: وسيتبع ذلك حكاية الشايب الطيب الذي رفقنا في عودتنا وذكرنا باايام نمر بن عدون بمصطلحاته الله يطول عمره :white: وللبقية حديث :white: |
رد : <----- هنا البقاله
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههه
اجل ليه تكبس هاه الا جد ليه تكبس بالعالي تراك اشغلت مندوبي هاك اليوم .. <<<<<<<<<<<<<< فاطس ضحك عادي يابعدي كمل وخل الموضوع صريح قال ايش قال موقع اسهم قال اقول كمل السالفه مثل الاوادم لافك عليك كل سكني مر على ابو مران تشاووووووووووووووووووووو بطعم الطيلسان |
رد : <----- هنا البقاله
حسن تصدق :white:
تحسفت قمت اقول ياليتني مستخير قبل ما انزل الموضوع :white: بحكم إنك مستشاري في المواضيع الداجه وش رايك احذفه والا إخليه جعل يحذفك النشيط ؟ :white: وترى إذا فيه تكلمه بتكون على ضمانتك :rolleyes: هذا والله والي التوفيق :white: |
رد : <----- هنا البقاله
ههههههههههههههههههههههههههههههههههههههههه
ايه كمله وعلى ضمانتي جعل يحذفك الخبل والصاحي والردي والنشيط .. خخخخخخخخخخخخخخخخخخخخخخخخ وخذ راحتك وما جاك عندي واولهم ابو نوت شايبنا وخوي بن عدوان ... تشاووووووووووووووووووووووو |
رد : <----- هنا البقاله
<<<<<<ان هذا المستخدم داخل من شاف العنوان على عماه :white: متعب الخامسي واحد ببسي واحد بطاط ليز واحد جالسكي :white: بسرعه لو سمحت ترى انا اول من طلب :55: الاتعال منهو اللي اهم شي الأخلاق :white: لايكون القبله حسن :white: <<<ترفع معنوياته <<<<طسي بس |
رد : <----- هنا البقاله
ابشر ياحسن اليوم كانت الحلقه الأولى
وبكرة الحلقه الثانيه إن شاء الله :white: والحلقه الاخيرة الله يستر منها :white: إقتباس:
دام الدعوى على ضمانتك الله يكتب مافيه الخير :white: |
رد : <----- هنا البقاله
.
ههههههههههههههههههههههههههه الله يوسع صدرك يا متعب .. كمل فديتك .. ياو الله اللي متابع من الحين .. :) . |
رد : <----- هنا البقاله
إقتباس:
ياخي اشمعنى انا اذا ضاربت ودوني غرفه المدير ؟ :) ===== يبي يحس انه طالب متوسط الى الان اقول يا استاز مضاربشي ذكرتني بمحمد الشهري اشترى سهمين في بنك البلاك بقيمة خمس وعشرين ريال وتكى لهم عند الشاشه سبع شهور يشرب شاهي ببلاش يعني لو باع الاسهم ببلاش كسبان هو وهم خسرانيين 800 ريال شاهي :) وكل ما اتصل عليه يقول لي عند الشاشه خايف على هال 25 ريال الي استثمرها متعب كمل فديتك لان هذه البقاله عباره عن غرفة سواق اصبحت بقدرة قادر بقاله ذكرتني بما مضىىىىىىىى قبل بنده والسيفوي وحياتك هذه كانت بقالات الديره :) |
رد : <----- هنا البقاله
متعب الخامسي ..وأخيراً شرف .. :white: :white: :white: << أفلقها لو فهمت شي من خرابيطك |
رد : <----- هنا البقاله
هلا والله .. هلا والله
ما شاء الله الشلّه مجتمعه كلّه ..! متقمّعين عن النبي إنشالله .. انا بوجه ناصر تراي قلتها لك من الحين ..! يا بعد حيي هالوجيه إلا ما القى عندكم عسكريم باغات ..! |
رد : <----- هنا البقاله
متعب الخامسي
انا في جبهت ابو مران مهوب في وجهه انك ما تجيب سالفة الصوره tsh8 بس ما فيه مانع تجيب سالفة الثوب الاماراتي البحري tsh1 <<<<<< يحب الشر الا على فكره ترى ناصر ومتعب مهوب اخوان بس تشابه اسماء :55: برايفت حسن ومتعب : انا اللي احرقت ابو ثوب بحري بالنور العالي لين داخ :D واقول وش بلاه يولع لي الفليشر هههههههههههه شاو بطعم المحطه ام ليات خخخخخخخخخ |
رد : <----- هنا البقاله
مضاوي
معليش يالغالية البقالة حاليا" مغلقه للصيانه :white: وبعدين من قال اهم شي الاخلاق لا تبلايني :white: ترى الموضوع للشباب فقط نسيت اعلمك انتي ونجود :white: بس عادي انتم عن مية رجال <يرقع :white: .................................................. .. عبدالله البـكـر هلا بك ابشر بالي يكمل وانت خلك قريب :white: ياليتك مسجل معنا في منتدى الاسهم كان شفتني يوم اجي :white: بس وش نسوي فاتتك الفرصه :white: إن شاء الله تتعوض في الايام القادمه :white: .................................................. .. فيصل الخالد هلا بك بصراحه المضاربات شينه وتسبب مشاكل <-احلف :white: بس تدري وين المشكله إن الاسمنت غالي والحديد بعد اسبوع تتوعد به سابك وشلون بنتطور ونواكب الدول المتقدمه وحنا مازلنا نعايش عشوائية القرارات تصدق صرت اعذر راعي البقالة :white: فيصل الموضوع كبير كبير اوي الله يعين على الدنيا بخير إلا وش السالفه ؟ :white: .................................................. .. نجـود هلا بك ابشرك تراني شرفت افرحو يالله :white: نجود مثل ماقلت للمضاوي الموضوع خاص با الشباب بس إن شاء الله بحاول انزل موضوع للعوائل قريبا " بس الخطأ مني المفروض امنع دخول المغاتير وكميرة الجوال بس ماعليه حياكم :white: .................................................. .. صالح العبدالكريم اهلين اخوي وش داخل اخوي كل شوي جايبين اسمه ؟ الشرهه على اللي يجيب لكم اخوه :white: وبخصوص العسكريم باغات بتلقاه اكيد في ذيك البقاله :white: والدليل إني شايف على بابها باغه فيها مصاقيل :white: .................................................. .. عبدالرحمن الربيّع اهلين ابو رياض ياخي مالي نيه اجيب طاري الصورة حقت الرجال <- قالك يموه :white: اما الثوب خله لا تجيب طاريه كل واحد حر في تصرفاته <- يقولك اصبر شوي :white: وبعدين وش طرى المحطة ؟؟ :white: ياخي انت ماتخلي حركاتك شكلك تقصد إن لون ثوبه يشبهه لون ملابس عمال المحطة واللي يغيرون الزيت :white: .................................................. .. من غلاكم جمعتكم في قلب واحد قصدي رد واحد لأن كثرت الصفحات مامنها خير :white: بوصل البقالة وبرجع إن شاء الله اكمل الحلقه الثانيه :white: |
رد : <----- هنا البقاله
الله يرجك يا شيخ..
الحمدلله اللي وصلتوا بس.. انا اشهد ان شوفتك انت و اخوك ترد الروح.. <<<<<<<<< يتمصلح لا يطلعون عليه شي.. |
رد : <----- هنا البقاله
محمد العريني
هلا وغلا الله يسلمك من كل شر وش دراك إني مسافر < يسمع بالتمويه :white: افا يامحمد شوفتنا ترد الروح وبعدها تقول مصلحه افا بس هذا وانا اقول إنك احسن واحد <-قلبها سوالف بزران :white: الله يحييك يالغالي :white: وبعدين ترى الاستراحه فاقدتك اعقل وطل علينا :white: وخر خلني بكمل الحلقه الثانيه :white: |
رد : <----- هنا البقاله
هااااه كمل <<<<<<< مندمج مع الردود يحسبها من السالفه
كمل الله يعافيك وش صار عليكم مع الشايب اللي رجع معكم ؟ <<< ناسي .. تراها ناسي مهيب نانسي يا فيصل ادري ان الدب يبي يجي ويقراها ويحسبني كاتب نانسي شبرم مدري عجرم قرا رده خمسين مره وعساه يسلم من حسن والدب فاصل ! |
رد : <----- هنا البقاله
الحلقة الثانيه
بعد دراسه مسبقه عن الاثار الفسيولوجيه للحلقه الأولى وحصولي على ضمانات ودعم لوجستي نستكمل ماوصلنا له .. :white: وصلنا للمعزب طبعا" ماكان موجود لحضتها الظاهر إنه كان مضيع بيتهم :white: وكان إنسان قمة في الاخلاق والذوق وبعدين على فكرة ترى اهم شي في التعامل الاخلاق والروح المرحه وإلا كلنا بنروح من الدنيا ماخذنا منها إلا عملنا زبدة الكلام إن الرجال هذا من طيبه واخلاقه اثبت لي وش معنى اهم شي الاخلاق :white: دخلنا بيته وكعادت الحرار ماتسكن إلا كل عالي <-فاصل من المهايط :white: جلسنا وشربت فنجالين والثالث قلت اكرم <- احس إن ذا السطر ماله سنع بس لزوم التسلسل الفكري للقصه :white: بداء الحفل .. قصدي بدو الضيوف يجون بصراحه ماذكرهم بالترتيب <- من باب الامانه العلميه :white: بس اذكر اول واحد جاء كانت له سوالف كثيرة في المنتدى عن اسهم البلاد وغيرها من الاسهم ويوم جاء كان ساكت لدرجة إني حسيت إنه حاقد علي وانا في طبعي حساس :white: بغيت اقوله ياخي وش انا مسوي لك ؟ ياخي سولف معي ياخي :white: بس للأمانه الرجال هذا خلوق ومحترم ولايهونون باقي الاخوان <- لاهنت :white: والحمد الله سولف معي :white: وبعده بداء المجلس يكتمل با الاخوان كان على يساري رجل كبير في السن بانت عليه اثار الشيخوخه :white: وبصراحه كنت اتوقعه إنه اكبر من كذا ولكن مشاء الله عليه مابان عليه الكبر قبل اشوفه كنت احترمه ويوم شفته احترمته زيادة :white: وكان على يساره احد الاعضاءالعزيزين والغالين بصراحه هذا هو الانسان الوحيد اللي تشوفه في الصورة نفس الطبيعه مافيه فرق من يوم إنه صغير الين كبر وهو نفس الشكل مشاء الله عليه الظاهر حتى لو لبس تكميلة ماراح يتغير شكله .. الله يطول عمره :white: على فكرة كان ضمن الموجودين واحد مدري منهو كل شوي يقول: كان جالس هنا فلان الله يرحمه وكان جالس هناك بعد الله يرحمه بصراحه حقدت عليه وحسيت إنه ساقط في السوالف وخصوصا" عقب ما اشر على مكاني :white: كان الجو هادي في البداية وبعدها تكلم احد الاخوان لا يحضرني اسمه حاليا " :white: وهو يسولف يذكرني بمذيع روافد الي يجي في العربيه بس بصراحه اعطى جو للجلسه في وقتها تمنيت إني اشرب علشان انسى ترى قصدي اشرب قهوة لا يغويكم الشيطان :white: بس بصراحه تفهم من كلامه إنه انسان واعي ومثقف بس الوقت ماكان مناسب لأن السوالف قبل مايجي كانت داجه كلها عن لوحة هنا البقالة :white: وبعد القليل من الهدوء سمعنا صوت هواء قوي جاي مع الباب :confused: تفاجئنا بالي جاينا على (عصى مكنسه) لابس ثوب عماني :white: اول مادخل حسبته ساحر ولكن الي طمني إن الشباب كانو يعرفونه واستغربت يوم قالو لي إنه فلان الفلاني :white: وكان اللي شادني فيه بصراحه لون ثوبه كنت اتأمل اللون واقول لخوي تتوقع هذا لون ثوبه الطبيعي والا منكب عليه حبر ؟! :white: ردي علي اخوي الكبير وقال : لا يافلذة كبدي :white: هذا من وفد عمان المشارك في الجنادرية راحو ونسووه في النظيم :white: واسترسل اخوي الله يحفظه ويرعاه وقال: اتوقع ان اللي منكب على ثوبه ياحبر او انه مكثر نيله وهو يغسله :white: بس بصراحه هو إنسان ودك تقراء له ولا تشوفه :white: بس ترى مهيب عيب . طبيعة كل المبدعين كذا .. حتى انا كنت كذا <- يحاول يرقع :white: وبينما كنا جالسين وقعت في ايدي بالصدفه صورة احد الاعضاء وهو صغير كانت صورة كلها براءه شفتها وحسيت إن الساحر جايبها معه من الجنادرية :white: شفتها انا والشايب الي جنبي كان العضو في الصورة مطول شعره ولابس عقال يسئلني الشايب يقول ذا الي فوق راسه عقال قلت لا اتوقعه إنه رابط شماغه بجدايله :white: ولكني من هذا المنبر .. :white: اتمنى من العضو الكريم إنه يحللني ويبيحني انا والشايب :white: وبعدها اشتد النقاش بس نسيت وشو عليه لأن اغلب السوالف كانت داجه <- شكله بيتصفق بعد الموضوع :white: وبعد ما اشتد الحديث <- لاحظو غيرت النقاش علشان مايكون فيه سرد ممل في القصه :white: قررت انا واخوي والشايب إنا نمشي مهوب خوف بس علشانا مانحب المشاكل عاد سمعت بعد ماطلعنا إن اغلب الي كانو موجودين نامو في قسم النظيم :white: غير الي خذتهم الجوزات :white: <---يحس إنهم بيحجرونه عند بيتهم :white: المهم ماعلي خوف دام الشايب معي :white: ركب معنا الشايب وسرينا بصراحه سوالفه ذربه بس كانت اسئلته واجد :white: من كثر ماسئلني كنت انتظر إنه يسئلني عن اسم شغالتنا :white: احس إنه عقب ذا الموضوع بيقول الشرهه على الي يركب معكم :white: كان من ضمن السوالف قال كلمه يقول إنه قد قالها للشباب ومعرفوها سئلنا عنها وقال : تعرفون معناها قلنا :معقولة فيه احد مايعرف معناها بس تصدق صعبه وشلون شرحتها لهم وشرحها لنا وفهمناها بعد الشرح ومن هذا المنبر اعترف لشايبنا العزيز والله ماعرفناها إلا بعد ماشرحتها :white: وبعدها وصلناه مع إنا كنا نتمنى إن الطريق يطول لأن سوالفه ماتنمل جد . مقتطفات من الرحلة كان هناك احد الاعضاء بيجي بس يقولون إن الدوريات مسكته من كثر ماشافوه يفرفر وهو مضيع البيت وشكوا فيه يحسبونه بيسرق اللوحه اللي مكتوب عليها هنا البقاله :white: ........ وبس خلاص :white: إلى هنا انتهاء اللقاء .. و في الختام تأكدو أن لكم كل المحبة والاحترام واتمنى أن تتقبلو الموضوع بصدر رحب واللي بيزعل يبشر بالحق ومايلحق :white: |
رد : <----- هنا البقاله
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههه
حسبي الله على ابليسك والله العظيم فاطس من الضحك دامك ما ذكرت اسماء ابطال القصه انا ابجيبهم بس باضبطهم في رد ثاني ....... هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههه تشاوووووووووووووو بنكهة الصورة اللي تقول انهم طابعينها على بلاطه |
رد : <----- هنا البقاله
متعب الخامسي..لا ياشيخ فيها قصه ومحشات ..وتمنع دخولنا.. :white: بس ترا فهمت السالفه يعني عادي ...كلنا أخوان هنا .. :p << جازت لها الحلقه الثانيه موت هههههههههههههههههههههههههههههههه ههههههههههههه << تحتري الاسماء من حسن آل مسفر |
رد : <----- هنا البقاله
متعب الخامسي
صرااااحه قصة ...تهبل كنها نظام مسرحيه بس هاذا دليل الابداع :p ههههههههههههههههههههههههههههههههههه هههههههههههههههههه تصدق عاد اول مادخلت الموضوع كنت ماده يدي ومعي خمسه ريال<<<<على بالها مقصف المدرسه :rolleyes: انا لو منك اغير الموضوع الى ديوانية متعب<<<ماحد اخذ رايتس :white: يالله سي يووووووو |
رد : <----- هنا البقاله
حرام عليكم ما علمتوني
كان ودي اكون معكم :white: بس يالله معوضين tsh1 الله يلعن ابو الشغله يا ناصر لو انت ملعّب ابراهيم ماطر بدال فوزي محسون كان ظبطت اهم شي الحين الوسط نحاول السيطره عليه .. :cool: ابد درب الوسط على اغاني عدويّه :white: |
رد : <----- هنا البقاله
الغالي ابونوت
اررحب واهليين تراني كملت السالفه كانك ماشفتها بكرة الإعادة اهم شي لا تنقد علي مع إني كنت اتمنى إنك كنت موجود :white: بس بصراحه اعجبني وصف السيارة المظـلله إلا ماودك نسولف في ميدان المحاورة <- على طاري السيارات :white: وعلى فكرة ترى الموضوع غصب عني عشرين الف واحد قاالي اكتبه حتى تلقيت تهديدات من برى إذا ماكتبته عشرين الف واحد <- والي حضرو كلهم عشرة :white: الله يحييك والعذر والسموحه تراني اخبر الشياب مايحبون سوالف الشباب :white: <- تحس إنه خايف إن نظرتك فيه تتغير :white: تقديري واحترامي :) |
رد : <----- هنا البقاله
حسن
تعوذ من ابليس ماله داعي تجيب اسماء ناس مهوب معنا في المنتدى :white: تراني غير مسؤل عن تصرفات حسن :white: انا بصراحه كنت اكتب شخصيات وهميه غير موجودة على ارض الواقع <- يحس إن حسن بيجيب العيد قام يصرف من الحين :white: المهم عندكم حسن انا مالي شغل :white: |
رد : <----- هنا البقاله
نجـود
وش فهمك في سوالف الشباب ؟ :white: وبعدين انا ماحشيت احد لا تتبلايني لاتغرين حسن تراني اعرفه مايسويها :white: الله يحييك بس مدري وشلون فهمتي السالفه مع إني جالس اكتبها بخصية التخفي :white: هلا بك |
رد : <----- هنا البقاله
عنودالصيد
هلا بك مشكورة على إطرائك بصراحه انا ادري إن الموضوع ابداع :white: تدرين وش معنى الابداع هو وصف الواقع بكل شفافيه وتجرد <-قام يخنبق :white: وشوله كنتي ماده ايدك بخمسه ريال شكلك ناويه تشترين دخان :white: الله يحييك |
رد : <----- هنا البقاله
صالح
ياليتك جاي بس يالله تعوضنا في غيرها :white: بس على فكرة وش ابراهيم ماطر بدال فوزي محسون ياخي عليك بعض الاحيان سوالف مدري وش تبي ذكرتني با السبانخ :white: على طاري عدوية سمعت شريط عزازي الجديد ؟ :white: وبعدين وش دخل ناصر كل شوي جايبين طاريه :white: هذا جزائي علشاني جبته معي ؟ <---اشوى إنه هو الي جايبك :white: |
رد : <----- هنا البقاله
افا
انا ما تعزموني ههههههههههههه ياخي انا ورى ملعب الملك فهد وكل الكور تصطح على بيتنا ودايم كريري ومحسن الحارثي يجون يطقون باب بيتنا واعطيهم الكور .. وبصراحة انا شايف شخص على مكنسه كهربائية طاير فالسما وعليه ثوب بحري متجه للنظيم هههههههههههههههههههههههه تصدقون ان حسن المسفر احسن واحد فالدنيا <<<<<<<<<<<< خايف من الفضايح الله لا يبارك في الجوال ابو كمره خخخخخخ متعب اانا ما قلت لك انه مهوب شعر وانه ظلال الجبهه ههههههههههه تشاو بطعم الفضايح ... |
رد : <----- هنا البقاله
إقتباس:
^ ^ ^ المعزب طبعاً ابو مران ياحبي له والصراحه على قولة متعب اهم شي الاخلاق :white: إقتباس:
^ ^ ولا تهون يابعدي :white: محمد العريني (( الحراب سابقاً )) :white: إقتباس:
^ ^ ^ ابو نوت شايبنا الله يحفظه لنا ويجعله ذخر للأمة العربية والاسلامية :white: إقتباس:
^ ^ ^ محمد العمري :white: إقتباس:
^ ^ ^ وحتى انا ما ادري من هو هالشخص لاني الظاهر جيت بعد ما مشى :white: إقتباس:
^ ^ ^ عايض الشمراني (( نديم الوجد )) :white: إقتباس:
^ ^ ^ الساحر العماني صالح العبدالكريم :white: إقتباس:
^ ^ ^ عبدالرحمن الربيع ابو عيون :white: <<<<<<<< وده يحط الصورة بس يخاف على مشاعر الاخرين tsh9 إقتباس:
^ ^ ^ ابو نوت وناصر ومتعب :white: إقتباس:
^ ^ ابراهيم الرشود :white: هذولا كل الشخصيات اللي كانوا في الموضوع واللي تكلم عنهم متعب <<<<<<<< عنده مداخله :p طبعاً كان يساري ناصر وكل ما دخل واحد ابي اعرفه عليه فا اقول هذا فلان <<< قصدي اسمه المستعار في شعبيات لانهم مايعرفونه الا بالاسم ذا وجحدت اسمه الحقيقي وبعد ما رجعت بيتي حسيت كتفي اليسار يبي له تدليك وخاصة يومه ينشدني عن عايض الشمراني وهل هو معنا في شعبيات وانا كل شوي اقول له ايه ياخي حتى اني حسيت ان عايض يناظر فيني وانا اتساسر مع ناصر والظاهر يحسبنا نحش فيه :white: ويوم دخل ابو نوت نشدني ناصر ومتعب عنه وقلت لهم هذا ابو نوت قالوا يعني نحب على كتفه قلت ايه يمديكم بالراحه :white: المهم المره الجايه ابجلس واخلي ناصر على يميني عشان يصير فيه مساواه بين الكتفين الايسر والايمن :white: تشاوووووووووووووووووووووووووووووووووووووو بطعم الفضايح يالله لا تكشف لنا ستر tsh9 |
رد : <----- هنا البقاله
عبد الرحمن
ليه ماجيت ياخي كان ودي اشوفك وبعدين لا تشره علي الشرهه على المعزب الي ماعزمك <-- واحد على باله ماقراء رد حسن :white: حسن حسبي الله على الظالم بس اتوقع الاسامي الي حاطها وهميه :white: لايهمكم تراني اقصد اعضاء في منتدى تداول حق سامبا :white: على طاري سامبا ياليتنا من حجنا سالمين كان الذنوب الي علينا خفيفات :white: |
رد : <----- هنا البقاله
:white: :white: :55: :white: :white: :55: :white: :white: :white: :white: :white: :white: :white: :white: :white: :55: :55: :55: :white: :55: :white: :55: :white: :55: :white: <<<<<جايه حق الشماته :white: :white: سلامن عليكم :white: |
رد : <----- هنا البقاله
متعب الخامسي ..أقنووووووور للابد.<< ماجاز لها رده حسن آل مسفر... كفووووو يابعدي الحين انت موثقف بحئ وحئيئي :white: :white: :white: :white: |
رد : <----- هنا البقاله
مضاوي
بدال ماتتشمتين تحمدي لا يعاقبك ربي :white: نجود انا اقنور الله يسامحك الا وش معنى اقنور ؟ :white: الله يحييكم على قل الكلافه :white: |
هنا بقاله .. وشذا التطور في شعبيات
متعب لاهنت أبي بيره بالتفاح المقشر بس لاتكثر شطه .. :white: <<-- مضيعه البقاله من المطعم :white: أحس بحرقان بمعدتي :(.. هلم بها ألي لأرجمنّك بالايقونات :white: |
رد : <----- هنا البقاله
تميميــّـه
ويحك ماعندنا بيرة ولا نبيذ ولاغيرها من امور مشبوهه عندنا فنجال وعلوم رجال <-طراه صيف ابهاء :white: كان فيك حرقان عليك بعصير الليمون والحلتيته حياك :white: |
رد : <----- هنا البقاله
لا لا لا لا لا لا لا لا لا لا لا لا للتدخين نعم لعبدالله مران أنا أحتج واعتمر اقصد احتج واعترض هذه مؤامرة وأمر دبر بليل .................................................. اخوي متعب الحين حشيت في كل الخلق إلا حسن المسفر ليه ؟؟؟؟؟ من جد ليه ؟؟؟؟؟؟؟؟؟ عطني فهواك الصبر اقصد عطني سبب مقنع بكسر العين وليس بتشديدها مع الفتح اتفاقية مبرمة على ثلاجة الايسكريم ؟؟ أو سياسة " ما تسيب وأنا أسيب " ؟؟ حرام عليك يا متعب أنا مو قاهرني غير أنك عطيت حسن فرصة يتطنز علي أنت ما تدري انه يبي له الحين ستة اشهر عشان يبطل ضحك كل ما كلمته روح يا شيخ منك لله \ \ \ \ \ \ \ \ هذه دعوة لكل من يحمل في قلبه مثقال حبة ذرة من حب أن يحيّ كل هؤلاء الرائعين على روحهم المرحة وقلوبهم الصافية تحية بطعم اللقاء................" فيمـتـو " |
رد : <----- هنا البقاله
^
^ ^ ^ ^ من وين طلع ذا ياعالم :white: كح كح كح كح انواع الغبره tsh8 ياحبي لك يابو شادي tsh3 الا على طاري الفيمتو باقي عندكم شربيت من حق رمضان ؟؟ :white: <<<<<<<< ظريف الاخ على هالصبحيه :white: لا وهذا وحنا مختصرين الدعوووووة بقووووووه ... تحياتي لك بطعم اندومي ام ريحة مدري وش تبي :white: كني شايفن نجود تبي تحارررررررررررررررش :white: عادي ترا تقدرين تردين يالطربه :white: تشاووووووووووووو |
رد : <----- هنا البقاله
هههههههههههههههههههههههه هههههههههههههههه هههههههه حسونه ... :rolleyes: والله كنت برد بس قلت عيب الرجال اجنبي ..(عائض الشمراني ).. ولا انت والخامسي ماخذتن وجه بزياده عليكم .. :55: ههههههههههههههههه..<< تضحك على سالفة التصريف بالغبار .. tsh4 << مغسول وجهها بمرق ... :white: |
رد : <----- هنا البقاله
الغالي عائض الشمراني
أولا" أحب اقولك اسعدتني بوجودك في هذا المتصفح كما اسعدتني رؤيتك .. بصراحة أخي عائض لا أخفيك سرا" إني نادم على هذا الموضوع .. لخوفي الشديد من أن يفهم الموضوع بصورة خطأ.. ولكن الحمد الله على كل حال وحسبي الله ونعم الوكيل :white: أخي عائض بعيدا" عن نظرية المؤامرة والغزو الفكري وبعيدا" عن اللغة الفصحى لأانها بصراحه دبلت كبدي :white: حسن ماحشيته لأني داري إنهم بيسوون معه لقاء علشان كذا قلت اوفر كلامي :white: وبعدين ذيك الليلة كان جالس شاطر ماتحرك :white: هذا والله والي التوفيق .. تحية بطعم النقاء ............ ( شاي ليبتون) :white: |
رد : <----- هنا البقاله
حسن آل مسفر \ نجـود
لاعاد اشوفكم جايين هنا لا احش رجلينكم :white: كل ماجونا مسايير طمرتو في حلوقهم... جعل يطمر عليكم قطو وانتم غافلين :white: يالله منك لوه :white: |
رد : <----- هنا البقاله
مابي شي بس جايه العب كوره tsh1 واجرب الكوره خبرك عندي مباره على النهائي العصر وجالسه اسخن tsh1 واسلم على متعب بعد من زمان عنه وفاقدينه :white: ولاعاد تطول الغيبات ولو سمحت جيب كورتنا طاحت بحوشكم :white: |
| الوقت المعتمد في المنتدى بتوقيت جرينتش +4.
الوقت الان » 17:51. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع