يا جفون البكا حان القطاف=مادنى غير وجنات مخطوف
ان علق في رموشك اعتراف=داخل الصدر عبراتٍ تطوف
بين همي وهمك انتصاف=لاتهيّب طريق ولاحتوف
التفاته ونظره وانعطاف=وانت والله شفاف ٍ عطوف
يوم صرنا على حد الكفاف=مانشدنا عن وجيه وضيوف
من كلامي سكوتٍ مايضاف=وانت هرجك على حسب الظروف
وفي جمالك ملامح اختلاف=كيف اجل تتفق فيك الوصوف
اعظم الوجد شيٍ مايشاف=واجمل الحزن ماعينك تشوف
جيت في وقت ماكنا نخاف=ورحت مدري عن اقدار وحتوف
يافهد لي حبيبٍ مايخاف=عل بعض العنى عنه مخلوف
يافهد وانت جزاعٍ تعاف=نادر اللي له احساس و يشوف
هجعةٍ في زمان الاعتكاف=مادرت عن اهازيج ودفوف
دوّن القلب حزنه باعتراف=يوم لّوح بنبضات الكفوف

صح لساااانك


رائع ياناصر


قصيدة معبرة جدا


لاهنت على كل حرف وتقبل أطيب التحيات

الحمد لله على سلامتك
ظاهر من الشر يا ناصر ::heart::

لي عودة بإذن الله

شاعرنا المبدع والمتألق
ناصر المطيري

نفرح بهذا الحضور وننتظره دائماً
وقافية " اوف " في العجز تناسب الحال
أبعد الله عنك الحزن


اعظـم الوجـد شـيٍ مايشـاف
.................... واجمل الحزن ماعينـك تشـوف
جيت في وقـت ماكنـا نخـاف
.................... ورحت مدري عن اقدار وحتوف

الله الله


يافهـد وانـت جـزاعٍ تـعـاف
.................... نادر اللي له احسـاس و يشـوف

أشهد بالله ::heart::

نادر الي له احساس ويشوف


عوداً حميداً يا شعر tsh6

.
.

صح نبضك ياناصر .. !


نص مختلف وشعور مختلف أيضاً ..


أستمتعت حقيقة بقراءته ..


تقبل تحياتي

الرسالة الأصلية كتبت بواسطة ناصر المطيري (مشاركة 226669) طيب الله اوقاتكم بالخير لهذه القضيده لحظاتها ودواعيها عسى ان تروق لكم مع التقدير يا جفون البكا حان القطاف=مادنى غير وجنات مخطوف ان علق في رموشك اعتراف=داخل الصدر عبراتٍ تطوف بين همي وهمك انتصاف=لاتهيّب طريق ولاحتوف التفاته ونظره وانعطاف=وانت والله شفاف ٍ عطوف يوم صرنا على حد الكفاف=مانشدنا عن وجيه وضيوف من كلامي سكوتٍ مايضاف=وانت هرجك على حسب الظروف وفي جمالك ملامح اختلاف=كيف اجل تتفق فيك الوصوف اعظم الوجد شيٍ مايشاف=واجمل الحزن ماعينك تشوف جيت في وقت ماكنا نخاف=ورحت مدري عن اقدار وحتوف يافهد لي حبيبٍ مايخاف=عل بعض العنى عنه مخلوف يافهد وانت جزاعٍ تعاف=نادر اللي له احساس و يشوف هجعةٍ في زمان الاعتكاف=مادرت عن اهازيج ودفوف دوّن القلب حزنه باعتراف=يوم لّوح بنبضات الكفوف . .